Natolan eritmasi D / in. 4 mg/ml 3 ml № 10 (2 blister х 5 ampula)

Tarkib

1 ml preparat tarkibida quyidagilar mavjud:

Faol modda: quyi molekulyar qandlar (N-Pentoksenial) 4 mg.

Yordamchi moddalar: natriy xlorid, inyeksiya uchun suv.

Tavsif

Tiniq, rangsiz yoki kuchsiz sarg‘ish tusli suyuqlik.

Dori shakli

Inyeksiya uchun eritma.

Farmakoterapevtik guruh

Ovqat hazm qilish trakti va moddalar almashinuvi. Jigar va o‘t yo‘llari kasalliklarini davolash uchun preparatlar. Jigar kasalliklarini davolash uchun preparatlar. Lipotrop preparatlar. ATX kodi: A05VA.

Farmakologik xususiyatlari

Farmakodinamika

Natolan yangi toifadagi dori vositasi bo‘lib, u gepatotsitlar, pankreotsitlar retseptorlariga affin bo‘lgan qandlar guruhini o‘z ichiga olgan molekulaga ega. Preparat o‘ziga xos, faqat o‘ziga xos, uning boshqa kimyoviy ingrediyentlariga xos bo‘lmagan farmakologik ta’sir ko‘rsatadi. Energiya almashinuviga rag‘batlantiruvchi ta’sir ko‘rsatadi, oksilipoksigenaza bilan o‘zaro ta’sirlashishi, yallig‘lanishga qarshi sitokinlarni bloklashi hisobiga yallig‘lanish jarayonini pasaytiradi, hujayra membranalarining ion-transport tizimlarini faollashtiradi, himoya antioksidant funksiyasini rivojlantiradi, gepatotsitlar membranalarining o‘tkazuvchanligini barqarorlashtirishga va kamaytirishga yordam beradi. Preparat jigarning antitoksik funksiyasini kuchaytiradi, oqsil sintezi va lipid hosil qilish funksiyasini yaxshilaydi, surunkali virusli gepatit V va S da serokonversiyaga erishishga yordam beradi, jigarning funksional holatini yaxshilab, gepatitning klinik ko‘rinishlarini kamaytiradi, jigar funksiyasining biokimyoviy ko‘rsatkichlarini yaxshilaydi, gepatotsitlar shikastlanishi markerlari - ALT, AST, IF, GGTP miqdorini kamaytiradi. Gemopoezga ijobiy ta’sir ko‘rsatib, gemoglobin, leykotsitlar generatsiyasini, periferik va markaziy gemodinamikani me’yorlashtiradi. Jigar fibrozining avj olishiga to‘sqinlik qiladi. Jigar funksiyalarini, shu jumladan gepatit, sirroz va boshqalarda yo‘qotilgan funksiyalarni tiklashga yordam beradi. Ushbu ta’sir doirasi jismoniy ish qobiliyatiga va hayot sifatining yaxshilanishiga ijobiy ta’sir ko‘rsatadi.

Farmakokinetika

Preparat m/o yuborilgandan so‘ng darhol qonga so‘riladi va uning taqsimlanishini aniqlash mumkin emas, chunki uning tarkibida bemorning o‘rtacha 10 kg vazniga atigi 0,012 mg qand mavjud. Preparatning mavjudligi va ta’siri haqida faqat bilvosita belgilarga qarab xulosa chiqarish mumkin.

Qo‘llanilishi

turli etiologiya va patogenezga ega gepatitlar;

jigar sirrozi (terminal bosqichlardan tashqari);

jigarning yog‘ degeneratsiyasi;

homiladorlar toksikozlarini kompleks davolash tarkibida;

3 yoshdan boshlab bolalarda turli etiologiya va patogenezdagi gepatitlarni qo‘shimcha davolash tarkibida qo‘llaniladi.

Qo‘llash usuli va dozalari

Kattalar va 12 yoshdan oshgan bolalarga preparat kuniga ikki marta 3,0 ml dan mushak orasiga yuboriladi. 3 yoshdan boshlab bolalarga preparat mushak orasiga sutkasiga bir marta 1,0 ml dan yuboriladi. Davolash kursining davomiyligi 10 kun (60,0 ml), 3 yoshdan boshlab bolalarga (10,0 ml). Maksimal bir martalik doza - 3,0 ml, sutkalik - 6,0 ml. 3 yoshdan katta bolalar uchun maksimal bir martalik doza 1,0 ml, kunlik 1,0 ml. Jigarning surunkali diffuz kasalliklarida kasallikning faolligi va fazasiga qarab davolash kursini takrorlash mumkin (davolovchi shifokor ko‘rsatmasi bo‘yicha).

Nojo‘ya ta’sirlari

Tez-tez:

ishtahaning oshishi

Noma’lum:

uyqusizlik;

allergik reaksiyalar (toshmalar, teri qichishishi, eshakemi).

Qarshi ko‘rsatmalar

preparatga yuqori sezuvchanlik;

asal va tarkibida asal bo‘lgan mahsulotlarga allergik reaksiyalar.

Dozani oshirib yuborish

Belgilari: nojo‘ya ta’sirlarning kuchayishi.

Davolash: simptomatik terapiya.

Ehtiyot choralari va qo‘llash xususiyatlari

Glikemiya ko‘rsatkichlari dinamikasida salbiy o‘zgarishlar yo‘qligini tasdiqlovchi klinik ma’lumotlar mavjud bo‘lib, bu uglevodlarga tolerantlik buzilishi mavjud bo‘lganda preparatni qo‘llash imkonini beradi.

Jigarning surunkali kasalliklarida ishtahaning oshishini jigar faoliyatining me’yorlashuvi jarayonlaridan dalolat beruvchi hodisa sifatida qarash mumkin. Natolan bilan davolanish vaqtida spirtli ichimliklar ichish va chekishdan voz kechish kerak.

Preparatni qo‘llash vaqtida iste’mol qilinadigan ovqat miqdorini qat’iy nazorat qilish tavsiya etiladi. Bir martalik dozada natriy xlorid miqdori (1 ampulada preparat bilan) - 27 mg (460 mmol) ni tashkil etadi, tuzsiz parhezga rioya qiladigan shaxslarga ehtiyotkorlik bilan buyuriladi.

Homiladorlik va laktatsiya davri

Hayvonlarda o‘tkazilgan tadqiqotlarda Natolan preparatining teratogen xususiyatlari aniqlanmadi. Natolan preparatini tavsiya etilgan dozada qo‘llashda preparatning homiladorlik kechishiga yoki bolaning sog‘lig‘iga salbiy ta’siri to‘g‘risida hozirgacha ma’lumotlar berilmagan. Natolan preparatini homilador ayollarni davolash uchun davolovchi shifokor ko‘rsatmasiga binoan qo‘llash mumkin, agar kutilayotgan davolash samarasi yuzaga kelishi mumkin bo‘lgan nojo‘ya ta’sirlar rivojlanish xavfidan yuqori bo‘lsa.

Bolalar

Pediatriyada qo‘llanilishi Natolan 3 yoshdan oshgan bemorlarda turli etiologiya va patogenezdagi gepatitlarni davolashda qo‘shimcha terapiya tarkibida ko‘rsatilgan. Natolan preparatini 3 yoshdan boshlab davolovchi shifokor ko‘rsatmasiga ko‘ra, agar kutilayotgan davolash samarasi mumkin bo‘lgan nojo‘ya ta’sirlar rivojlanish xavfidan yuqori bo‘lsa, qo‘llash mumkin. Preparat dozasini ehtiyotkorlik bilan tanlash, Natolan preparatini dozalar diapazonining quyi chegarasidan boshlab qo‘llash lozim. Natolanani yangi tug‘ilgan chaqaloqlar, chaqaloqlar va 3 yoshgacha bo‘lgan bolalarda o‘rganish o‘tkazilmagan.

Avtotransportni boshqarish va potensial xavfli mexanizmlarni boshqarish qobiliyatiga ta’siri

Preparat avtotransport yoki potensial xavfli mexanizmlarni boshqarish qobiliyatiga ta’sir ko‘rsatmaydi.

Boshqa dorilar bilan o‘zaro ta’siri, boshqa o‘zaro ta’sirlar

Boshqa dori vositalari bilan ma’lum o‘zaro ta’sirlar kuzatilmagan. Natolanni serotoninni qayta qamrab olishning selektiv ingibitorlari, tritsiklik antidepressantlar (masalan, klomipramin), shuningdek, tarkibida triptofan bo‘lgan o‘tlar va preparatlar bilan birgalikda ehtiyotkorlik bilan buyurish lozim. Barcha suvda eriydigan preparatlar bilan mos keladi. Immunomodulyatorlar, virusga qarshi preparatlar va antibiotiklar ta’sirini kuchaytiradi. Gormonlar inaktivatsiyaga uchraganligi sababli ular bilan birga qo‘llanilmaydi.

Chiqarilish shakli va qadoqlash

3 ml dan nuqtali yoki singan halqali shprisli ampulalarga. Har bir ampulaga qog‘oz yorliq yopishtiriladi. 5 ta ampula polivinilxlorid plyonkasi va alyuminiy folgasidan yasalgan konturli yacheykali o‘ramga joylanadi. 2 tadan konturli yacheykali o‘ramlar davlat va rus tillarida tibbiy qo‘llash bo‘yicha tasdiqlangan yo‘riqnoma bilan birga karton qutiga joylashtiriladi. Karton pachkalar karton qutilarga joylanadi. Konturli yacheykali upakovkalarni (karton qutiga solmasdan) davlat va rus tillarida tibbiy qo‘llash bo‘yicha teng miqdordagi yo‘riqnomalar bilan birga karton qutilarga joylashtirishga ruxsat etiladi.

Saqlash shartlari

Yorug‘likdan himoyalangan joyda, 25 °S dan yuqori bo‘lmagan haroratda saqlang.

Bolalar qo‘li yetmaydigan joyda saqlang!

Yaroqlilik muddati

3 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha.

Ishlab chiqaruvchi

"FERMENT" firmasi MCHJ, Rossiya Federatsiyasi, Moskva viloyati, Krasnogorsk shahri, Mechnikov posyolkasi, 11-mulk, 1-bino.

Ro‘yxatdan o‘tkazish guvohnomasining egasi "KsealMed" MCHJ 191028, Rossiya Federatsiyasi, Sankt-Peterburg shahri, Moxovaya ko‘chasi, 27-29-uy, A harfi, 37-ofis.

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"ALPHA TRADE COMPANY" MCHJ O‘zbekiston Respublikasi, Toshkent shahri, Shayxontohur tumani, Navoiy ko‘chasi 9. Tel.: +99897 7467546