Nayzilat plyonka bilan qoplangan tabletkalar 600 mg №10 (1 blister)

Tarkib

Bir tabletka quyidagilarni o‘z ichiga oladi:

faol modda: amtolmetin guatsil 600 mg;

yordamchi moddalar: laktoza monogidrati, gipromelloza 15 srs, suvsiz kolloid kremniy dioksidi, natriy kraxmali glikolatlari (A turi), magniy stearati;

qobiq tarkibi: gipromelloza 5 srs, titan dioksidi E 171, makrogol (PEG 400).

Tavsif

Tabletkalar tomchi shaklida, oqdan deyarli oq ranggacha bo‘lgan parda bilan qoplangan, har ikki tomoni silliq.

Dori shakli

Plyonkali qobiq bilan qoplangan tabletkalar, 600 mg.

Farmakoterapevtik guruh

Nosteroid yallig‘lanishga qarshi preparatlar. Sirka kislota hosilalari. ATX kodi: M01AV.

Farmakologik xususiyatlari

Farmakokinetika

Amtolmetin guatsilning so‘rilishi ichga qabul qilingandan so‘ng tez va to‘liq sodir bo‘ladi. Amtolmetin guatsil asosan oshqozon-ichak devorida to‘planadi, bu yerda uning maksimal darajasi preparatni qabul qilgandan keyin 2 soat ichida to‘planadi. Uning faol metabolitlarga aylanishi plazma tarkibiga kirishi bilanoq sodir bo‘ladi, shuning uchun amtolmetin guatsil qon plazmasi va to‘qimalarda deyarli aniqlanmaydi.

Amtolmetin guatsil plazma esterazalari tomonidan quyidagi metabolitlarga gidrolizlanadi: MED5, tolmetin va gvayakol. MED5 (tolmetin-glitsinamid) qon plazmasidagi asosiy metabolit hisoblanadi. Tolmetin-glitsinamid tolmetin va faol metabolitgacha metabolizmga uchraydi va to‘qimalarda yuqori konsentratsiyaga erishadi. Preparatning chiqarilishi 24 soat ichida deyarli to‘liq bo‘ladi va asosan siydik bilan (kiritilgan dozaning 77%) glyukuronidlar ko‘rinishida sodir bo‘ladi. Ozroq miqdori o‘t va najas bilan chiqariladi (7,5%).

Farmakodinamika

Amtolmetin guatsil nosteroid yallig‘lanishga qarshi vosita (NYAQV), og‘riqni qoldiruvchi va yallig‘lanishga qarshi ta’sirga ega bo‘lgan tolmetin preparatidir. Amtolmetin guatsilning asosiy ta’sir mexanizmi, boshqa NYAQV kabi, SOG va prostaglandinlar sintezini ingibirlashda namoyon bo‘ladi. Amtolmetin oshqozon shilliq qavatida super-oksid dismutaza (SOD), katalaza, glutation kabi antioksidant fermentlar darajasini oshiradi, shu bilan birga super-oksid anioni, peroksid nitritlar yoki peroksid xlorid hamda malon dialdegid darajasini pasaytiradi. Bundan tashqari, amtolmetin qo‘llanilganda me’dada azot oksidi (NO) miqdori ko‘payadi, bu esa preparatning gastroprotektor ta’siri bilan namoyon bo‘ladi.

Amtolmetinning antioksidant ta’siri yallig‘lanish va og‘riq bilan kechuvchi osteoartrit bilan og‘rigan bemorlarni davolashda qo‘shimcha ahamiyatga ega bo‘lishi mumkin, bunda oksidlanish stressi, tog‘aylarning erkin radikallar bilan shikastlanishi ortadi. Amtolmetin qo‘llanilganda og‘riqning kamayishi oksidlanish stressini yengishga yordam beradigan azot oksidi darajasining kamayishi bilan ham bog‘liq.

Bu ikki ta’sir amtolmetin qo‘llanilganda tanlab va o‘ziga xos bo‘ladi.

Qo‘llanilishi

Osteoartrit, revmatoid artrit, artralgiya, mialgiya, jarohatlardan keyingi og‘riqlar.

Qo‘llash usuli va dozalari

Preparat yetarli miqdorda suyuqlik bilan ichiladi. Nayzilatni och qoringa buyurish kerak, shunda uning gastroprotektor ta’siri saqlanib qoladi.

Kattalar

Kuniga ikki mahal 600 mg dan.

Osteoartritda tavsiya etilgan doza dastlabki 3 kun davomida kuniga ikki marta 600 mg, so‘ngra kuniga bir marta. Revmatoid artritda tavsiya etilgan doza 600 mg tabletkadan kuniga ikki mahal.

Bolalarda qo‘llanilishi

12 yoshdan oshgan bolalarga kuniga bir tabletkadan (600 mg) beriladi. Nayzilatni 12 yoshgacha bo‘lgan bolalar qabul qilishi taqiqlanadi.

Keksa bemorlarda qo‘llanilishi.

Keksa yoshdagi (65 yoshdan katta) bemorlarda buyrak faoliyati, odatda, pasayib, YAQNDVni oshqozon-ichak orqali qabul qilish pasaygan bo‘lsa, amtolmetin guatsilning past dozasi (600 mg) buyuriladi.

Davolash davomiyligini shifokor kasallikning kechish xususiyatlari va holatning og‘irligiga qarab belgilaydi. Uzoq muddat davolash uchun tavsiya etilmaydi.

Nojo‘ya ta’sirlari

ishtahaning yo‘qolishi, ishtahaning kuchayishi, og‘iz qurishi, glossit, stomatit, og‘iz bo‘shlig‘ining yaralanishi, yarali stomatit, milklarning qonashi, disfagiya, kekirish, ko‘ngil aynishi, qusish, ezofagit, gastrit, gastroenterit, enterit, qorin dam bo‘lishi, dispepsiya, qorin og‘rig‘i, kolit, to‘g‘ri ichakdan qon ketishi, o‘t pufagi sohasidagi og‘riqlar, oshqozon va o‘n ikki barmoqli ichak yara kasalligi, diareya, qoramoysimon ich kelishi, qabziyat, tenezmlar, gepatit, jigar faoliyatining buzilishi, pankreatit, xolestatik sariqlik;

nazofaringit, rinit, burundan qon ketishi, bronxit, pnevmoniya, nafas qisilishi, astma;

uyqusizlik, uyquchanlik, xavotirli tushlar, bosh og‘rig‘i, bosh aylanishi, paresteziya, gipesteziya, amneziya, hissiy beqarorlik, muvofiqlashtirishning buzilishi, periferik neyropatiya, bo‘yin qiyshiqligi, yuz nervi falaji, giperkineziya, depressiya, gipotoniya;

artralgiya, artrit, oyoq-qo‘llardagi tirishishlar, bursit, tendovaginit, pay yirtilishi, miasteniya, mialgiya, mushaklar kontrakturasi, mushaklar tirishishi, miozit, miopatiya, rabdomioliz;

qichishish, kontakt dermatit, soch to‘kilishi, terining quruqligi, ko‘p terlash, eshakem, ekzema, seboreya, teri yaralari;

siydik yo‘llari infeksiyalari, tez-tez siydik ajratish, sistit, gematuriya, dizuriya, buyrak toshlari,

yurak urishi, vazodilatatsiya, hushdan ketish, migren, ortostatik gipotenziya, flebit, aritmiya, stenokardiya, arterial gipertenziya;

periferik shish, giperglikemiya, gipoglikemiya, kreatininfosfokinaza darajasining oshishi, podagra, tana vaznining ortishi;

qontalashlar, kamqonlik, limfa tugunlarining kattalashishi, trombotsitopeniya, petexial qon quyilishi;

ko‘krak og‘rig‘i, bel og‘rig‘i, yuz shishi, isitma, bo‘yin mushaklarining qattiqligi, mo‘ljal olishning buzilishi, yuqori fotosezuvchanlik reaksiyasi, tarqalgan shish, anafilaksiya, angionevrotik shish, pufakchali toshma (shu jumladan ko‘p shaklli eritema, Stivens-Jonson sindromi va toksik epidermal nekroliz, Layell sindromi), skelet mushaklarining o‘tkir nekrozi.

Qarshi ko‘rsatmalar

preparatning har qanday tarkibiy qismiga yuqori sezuvchanlik;

boshqa nosteroid yallig‘lanishga qarshi dorilarni ko‘tara olmaslik va bronxial astma, rinit, eshakemning to‘liq yoki to‘liq bo‘lmagan kombinatsiyasi bilan og‘rigan bemorlar;

oshqozon-ichak traktining eroziv-yarali shikastlanishlari (oshqozon va o‘n ikki barmoqli ichak yara kasalligi, yarali kolit);

surunkali yurak yetishmovchiligi, shishlar, arterial gipertenziya, gemofiliya, gipokoagulyatsiya;

jigar faoliyatining yetishmovchiligi;

surunkali buyrak yetishmovchiligi;

eshitish qobiliyatining pasayishi, vestibulyar apparat patologiyasi;

homiladorlik va laktatsiya davri;

12 yoshgacha bo‘lgan bolalar yoshi.

Ehtiyotkorlik bilan: giperbilirubinemiya.

Dorilarning o‘zaro ta’siri

Ma’lumki, N1-gistaminoblokatorlar kapsaitsin retseptorlariga to‘sqinlik qiladi. Amtolmetin guatsilni N1-gistaminoblokatorlar bilan bir vaqtda qo‘llashdan saqlanish kerak.

YAQNDVlar varfarin kabi antikoagulyantlarning ta’sirini kuchaytirishi mumkin, kortikosteroidlar va antiagregantlar bilan birgalikda qo‘llanganda oshqozon-ichakdan qon ketishi yoki yara paydo bo‘lish xavfi mavjud. YAQNDV diuretiklar, AAF ingibitorlari va boshqa gipotenziv vositalarning antigipertenziv ta’sirini kamaytirishi mumkin. Buyrak faoliyati buzilgan ayrim bemorlarda YAQNDV va AAF ingibitorlarini birgalikda qo‘llash buyrak faoliyatining yanada yomonlashishiga olib kelishi mumkin. Bu o‘zaro ta’sirlar amtolmetin guatsilni AAF ingibitorlari bilan birgalikda qo‘llashda e’tiborga olinishi kerak.

Jigarda mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) gidroksillangan faol metabolitlar ishlab chiqarilishini oshiradi. Urikozurik dori vositalarining samaradorligini pasaytiradi, sulfonilmochevina hosilalarining gipoglikemik ta’sirini kuchaytiradi. Antatsidlar va kolistiramin amtolmetinning so‘rilishini kamaytiradi. Qonda litiy, metotreksat konsentratsiyasini oshiradi. Miyelotoksik dori vositalari preparatning gematotoksikligini kuchaytiradi.

Maxsus ko‘rsatmalar

Jigar yoki buyrak yetishmovchiligi bo‘lgan bemorlarda amtolmetinni guatsil bilan davolash klinik kuzatuv ostida, buyrak va jigar faoliyatini vaqti-vaqti bilan nazorat qilish orqali amalga oshirilishi kerak. Buyrak va jigar faoliyati yomonlashgan taqdirda, davolashni to‘xtatish kerak. Anamnezida koagulopatiya terapiyasi, antikoagulyantlar bilan davolangan bemorlar sinchkovlik bilan tibbiy nazorat ostida bo‘lishlari kerak. Davolash vaqtida periferik qon manzarasini nazorat qilish zarur. Boshqa YAQNDV qabul qilgan bemorlarda ko‘z tomonidan o‘zgarishlar qayd etilganligi sababli, amtolmetinni guatsil bilan davolash paytida ko‘rish buzilishlari rivojlangan taqdirda, davolash to‘xtatilishi va oftalmologik tekshiruv o‘tkazilishi lozim. Har qanday allergik reaksiya paydo bo‘lganda, davolanish darhol to‘xtatilishi kerak. Davolashni 17-ketosteroidlar aniqlanishidan 48 soat oldin to‘xtatish kerak.

Preparat tarkibiga laktoza monogidrati kiradi, shu sababli galaktozani irsiy ko‘tara olmaslik, Lappa laktaza tanqisligi, glyukoza/galaktoza malabsorbsiyasi bo‘lgan bemorlarga Nayzilat tavsiya etilmaydi.

Homilador yoki emizikli ayollarga qo‘llash

Homiladorlik va laktatsiya davrida xavfsizligi va samaradorligi aniqlanmagan.

Dori vositasining transport vositasi yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Preparat bosh aylanishi va uyquchanlikni keltirib chiqarishi mumkin, shuning uchun davolanish davrida bemorlar transport vositasini yoki potentsial xavfli mexanizmlarni boshqarmasliklari kerak.

Dozani oshirib yuborish

Belgilari: ko‘rish qobiliyatining buzilishi, yurak urishining tezlashishi, og‘iz qurishi, ko‘ngil aynishi, qusish, ko‘p terlash.

Davolash: oshqozonni yuvish, faollashtirilgan ko‘mir qabul qilish, simptomatik terapiya.

Chiqarilish shakli va qadoqlash

10 tadan tabletka polivinilxlorid plyonkasi va alyuminiy folgasidan yasalgan konturli yacheykali o‘ramga joylashtiriladi.

1 ta konturli o‘ram davlat va rus tillarida tibbiy qo‘llash bo‘yicha yo‘riqnoma bilan birga quti shaklidagi karton qutiga joylashtiriladi.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang!

Saqlash muddati

2 yil.

Yaroqlilik muddati o‘tgandan keyin qo‘llanilmasin.

Dorixonalardan berish shartlari

Retsept bo‘yicha.

Ishlab chiqaruvchi

"Dr. Reddy’s Laboratories Limited"

Uchastka No: 42,45 va 46, S.V.C.I.E.

Bachupali qishlog‘i, Kutubullapur Mandal, Ranga Redi tumani, Hindiston.