Normomed tabletkalari 500 mg №50 (5 blister х 10 tabletka)

Tarkib

1 ta tabletka tarkibida quyidagilar mavjud:

Ta’sir etuvchi modda:

Inozin Pranobeks 500,0 mg

Yordamchi moddalar:

Mikrokristall sellyuloza 33,5 mg

Perlitol flesh

(mannitol - 80% va makkajo‘xori kraxmali - 20%)

33,5 mg

Natriy karboksimetilkraxmal 67,0 mg

Povidon K-17 10,0 mg

Magniy stearat 6,0 mg

Tavsif

Uzunchoq, ikki tomoni qavariq, oq yoki deyarli oq rangli, o‘ziga xos kuchsiz hidli, bir tomonida chizig‘i bo‘lgan tabletkalar.

Chiqarish shakli

Tabletkalar, 500 mg.

Farmakoterapevtik guruh

Immunitetni kuchaytiruvchi vosita. Inozin pranobeks. ATX kodi: J05AX05.

Farmakologik xususiyatlari

Farmakodinamika

Inozin Pranobeks - purinning sintetik hosilasi bo‘lib, 1:3 molyar nisbatda inozin va N,N-dimetilamino-2-propanolni o‘z ichiga olgan kompleksdir. Immunostimullovchi faollikka va virusga qarshi nospetsifik ta’sirga ega. Kompleksning samaradorligi inozinning mavjudligi bilan belgilanadi, ikkinchi komponent uning limfotsitlar uchun mavjudligini oshiradi.

Immunodepressiya sharoitida limfotsitlar funksiyasini tiklaydi, monotsitlar populyatsiyasida blastogenezni oshiradi, T-xelperlar yuzasida membrana retseptorlari ekspressiyasini rag‘batlantiradi, glyukokortikosteroidlar ta’sirida limfotsitlar faolligi pasayishining oldini oladi, ularga timidinning kiritilishini me’yorlashtiradi.

Inozin Pranobeks T-limfotsitlar va tabiiy killerlar faolligini, T-supressorlar va T-xelperlar funksiyasini rag‘batlantiradi, immunoglobulin G (Ig G), interferon-gamma, IL-1 va IL-2 interleykinlari ishlab chiqarilishini oshiradi, yallig‘lanishga qarshi sitokinlar - IL-4 va IL-10 hosil bo‘lishini kamaytiradi, neytrofillar, monotsitlar va makrofaglar xemotaksisini kuchaytiradi.

Preparat oddiy gerpes virusi, sitomegalovirus, qizamiq virusi, odamning T-hujayrali limfoma virusi (III tip), polioviruslar, A va B gripp viruslari, ESNO-virus (odamning enterotsitopatogen virusi), ensefalomiokardit va ot ensefaliti viruslariga nisbatan in vivo rejimida virusga qarshi faollik ko‘rsatadi.

Inozin pranobeksning virusga qarshi ta’sir mexanizmi virusli RNK va ba’zi viruslar replikatsiyasida ishtirok etuvchi digidropteroatsintetazani ingibirlashi bilan bog‘liq, viruslar tomonidan bostirilgan limfotsitlar mRNK sintezini kuchaytiradi, bu virusli RNK sintezi va virusli oqsillar translyatsiyasining kamayishi bilan kechadi, limfotsitlar tomonidan virusga qarshi xususiyatlarga ega alfa va gamma interferonlar ishlab chiqarilishini oshiradi.

Aralash buyurilganda interferon-alfa, atsiklovir va zidovudinning ta’sirini kuchaytiradi.

Farmakokinetika

Ichga qabul qilingandan keyin me’da-ichak yo‘llaridan (MIT) yaxshi so‘riladi. Ingrediyentlarning qon plazmasidagi maksimal konsentratsiyasi 1-2 soatdan keyin aniqlanadi. Tez metabolizmga uchraydi va buyraklar orqali chiqariladi.

Endogen purin nukleotidlariga o‘xshash metabolizmga uchrab, siydik kislotasini hosil qiladi. N,N-dimetilamino-2-propanol N-oksidgacha, 4-atsetamidobenzoat esa o-atsilglyukuronidgacha metabolizmga uchraydi.

Preparatning organizmda to‘planishi aniqlanmadi. Yarim chiqarilish davri (T1/2) N,N-dimetilamino-2-propanol uchun 3,5 soat va 4-atsetamidobenzoat uchun 50 daqiqani tashkil etadi.

Preparat va uning metabolitlari organizmdan buyraklar orqali 24-48 soat davomida chiqariladi.

Ko‘rsatmalar

Gripp va boshqa O‘RVI ni davolash;

I va II turdagi gerpes virusi keltirib chiqaradigan infeksiyalar: genital va lab gerpesi, gerpetik keratit, suvchechak, belbog‘simon temiratki;

Epshteyn-Barr virusi keltirib chiqargan yuqumli mononukleoz;

sitomegalovirusli infeksiya;

og‘ir kechadigan qizamiq;

papillomavirus infeksiyasi: hiqildoq/ovoz boylamlari papillomalari (fibroz turi), erkaklar va ayollarda jinsiy a’zolarning papillomavirus infeksiyasi, so‘gallar;

o‘tkir osti sklerozlovchi panensefalit;

yuqumli mollyuska

Qarshi ko‘rsatmalar

Inozin propobeks va preparatning boshqa tarkibiy qismlariga yuqori sezuvchanlik;

podagra;

siydik-tosh kasalligi;

surunkali buyrak yetishmovchiligi;

aritmiyalar;

homiladorlik va emizish davri;

3 yoshgacha bo‘lgan bolalar (tana vazni 15-20 kg gacha).

Ehtiyotkorlik bilan

Ksantinoksidaza ingibitorlari, diuretiklar, zidovudin bilan bir vaqtda buyurilganda, o‘tkir jigar yetishmovchiligida ehtiyot bo‘lish kerak.

Qo‘llash usuli va dozalari

Tabletkalar ovqatdan keyin ozgina suv bilan ichiladi.

Kattalar va 3 yosh va undan katta bolalar (tana vazni 15-20 kg dan ortiq) uchun tavsiya etilgan sutkalik doza tana vazniga nisbatan 50 mg/kg ni 3-4 marta qabul qilishni tashkil etadi, bu kattalar uchun kuniga o‘rtacha 6-8 tabletkani, bolalar uchun kuniga 5 kg tana vazniga 1/2 tabletkadan tashkil etadi.

Infeksion kasalliklarning og‘ir shakllarida doza individual ravishda sutkasiga tana vazniga 100 mg/kg gacha ko‘paytirilishi mumkin, bu 4-6 qabulga bo‘linadi.

Kattalar uchun maksimal sutkalik doza kuniga 3-4 g, 3 yosh va undan katta bolalar uchun - kuniga 50 mg/kg.

Davolash davomiyligi:

O‘tkir kasalliklarda davolashning davomiyligi kattalar va bolalarda odatda 5 kundan 14 kungacha davom etadi. Davolashni klinik belgilar yo‘qolganidan keyin 2 kun davomida davom ettirish kerak. Zarurat tug‘ilganda, davolash davomiyligi shifokor nazorati ostida individual ravishda uzaytirilishi mumkin.

Surunkali qaytalanuvchi kasalliklarda davolash kattalar va bolalarda davomiyligi 5-10 kun, oralig‘i 8 kun bo‘lgan bir necha kurslarda olib boriladi. Qo‘llab-quvvatlovchi terapiya davomida doza 30 kun davomida kuniga 500-1000 mg (1-2 tabletka) gacha kamaytirilishi mumkin.

Gerpetik infeksiyada kattalar va bolalarga kasallik belgilari yo‘qolguncha 5-10 kun davomida, simptomsiz davrda - qaytalanishlar sonini kamaytirish uchun 1 tabletkadan kuniga 2 marta 30 kun davomida buyuriladi.

Papillomavirus infeksiyasida preparat kattalarga 2 tabletkadan kuniga 3 marta, bolalarga - kuniga 5 kg/tana vazniga 1/2 tabletkadan 3-4 qabulda 14-28 kun davomida monoterapiya ko‘rinishida buyuriladi.

Odam papillomasi virusi bilan assotsiatsiyalangan bachadon bo‘yni displaziyasida 2 tabletkadan kuniga 3 mahal 10 kun davomida buyuriladi, so‘ngra 10-14 kunlik interval bilan 2-3 ta xuddi shunday kurs o‘tkaziladi.

Qaytalanuvchi o‘tkir uchli kondilomalarda kattalarga preparat 2 tabletkadan kuniga 3 marta, bolalarga - kuniga 5 kg/tana vazniga 1/2 tabletkadan kuniga 3-4 marta yoki monoterapiya sifatida yoki 14-28 kun davomida jarrohlik davolash bilan birgalikda buyuriladi, so‘ngra ko‘rsatilgan kurs 1 oylik interval bilan uch marta takrorlanadi.

Keksa bemorlarda qo‘llash

Dozani o‘zgartirishga ehtiyoj yo‘q, preparat o‘rta yoshdagi bemorlar kabi qo‘llaniladi. Shuni hisobga olish kerakki, keksa bemorlarda qon zardobi va siydikda siydik kislotasi konsentratsiyasining oshishi o‘rta yoshli bemorlarga qaraganda ko‘proq sodir bo‘ladi.

Buyrak va jigar yetishmovchiligi bo‘lgan bemorlarda qo‘llash

Normomed® preparati bilan davolash fonida har 2 haftada qon zardobi va siydikdagi siydik kislotasi miqdorini nazorat qilish lozim.

Jigar fermentlari faolligini nazorat qilish preparat bilan uzoq muddatli davolash kurslarida har 4 haftada o‘tkazilishi tavsiya etiladi.

Nojo‘ya ta’sirlari

Preparatni qo‘llashdan keyin nojo‘ya ta’sirlarning rivojlanish chastotasi JSST tavsiyalariga muvofiq tasniflangan: tez-tez - >1% va < 10%; tez-tez bo‘lmagan - > 0,1% va < 1%.

Asab tizimi tomonidan tez-tez - bosh og‘rig‘i, bosh aylanishi, charchoq, o‘zini yomon his qilish, holsizlik; tez-tez emas - asabiylashish, uyquchanlik, uyqusizlik.

Oshqozon-ichak trakti tomonidan: tez-tez - ishtahaning pasayishi, ko‘ngil aynishi, qusish, epigastral sohada og‘riq; tez-tez bo‘lmagan - diareya, qabziyat.

Jigar va o‘t yo‘llari tomonidan: tez-tez - qon plazmasida transaminazalar va ishqoriy fosfataza faolligining vaqtinchalik oshishi, qon plazmasida mochevina konsentratsiyasining oshishi.

Kolya va teri osti to‘qimalari tomonidan: tez-tez - qichishish, toshma; kam - makulopapulyoz toshma, eshakemi, angionevrotik shish.

Buyrak va siydik yo‘llari tomonidan: kam hollarda - poliuriya.

Umumiy buzilishlar: tez-tez - bo‘g‘imlarda og‘riq, podagraning kuchayishi.

Laborator va instrumental ma’lumotlar: ko‘pincha - qondagi mochevina azot konsentratsiyasining oshishi.

Dozani oshirib yuborish

Doza oshirib yuborilganda oshqozonni yuvish va simptomatik davolash ko‘rsatilgan.

O‘zaro aloqa

Immunodepressantlar preparatning immunostimullovchi ta’sirini susaytiradi.

Preparatni ksantinoksidaza ingibitorlari (allopurinol) yoki siydik kislotasining kanalchalar sekretsiyasini bloklay oladigan preparatlar, masalan, "halqali" diuretiklar (furosemid, torasemid, etakrin kislotasi) bilan bir vaqtda qabul qilayotgan bemorlarda ehtiyotkorlik bilan qo‘llash lozim, chunki bu qon zardobida siydik kislotasi konsentratsiyasining oshishiga olib kelishi mumkin.

Preparatni zidovudin bilan birgalikda qo‘llash uning qon plazmasidagi konsentratsiyasining oshishiga olib keladi va T1/2 ni uzaytiradi (birgalikda qo‘llanganda zidovudin dozasini tuzatish talab etilishi mumkin).

Maxsus ko‘rsatmalar

Davolashni boshlashdan oldin shifokor bilan maslahatlashish kerak.

Normomed®, boshqa virusga qarshi vositalar kabi, o‘tkir virusli infeksiyalarda, agar davolash kasallikning erta bosqichida (yaxshisi birinchi kundan) boshlangan bo‘lsa, eng samarali hisoblanadi.

Preparatni qo‘llashdan 2 hafta o‘tgach, qon zardobi va siydikdagi siydik kislotasi konsentratsiyasini nazorat qilish kerak.

Uzoq muddat qabul qilinganda, 4 haftadan keyin har oyda jigar va buyraklar faoliyatini (qon plazmasidagi "jigar" transaminazalari faolligi, kreatinin, siydik kislotasi) nazorat qilish maqsadga muvofiqdir.

Organizmida siydik kislotasi konsentratsiyasi sezilarli darajada oshgan bemorlar bir vaqtning o‘zida uning konsentratsiyasini pasaytiruvchi preparatlarni qabul qilishlari mumkin. Davolash fonida preparat siydik kislotasi konsentratsiyasini oshiruvchi yoki buyrak faoliyatini buzuvchi preparatlar bilan bir vaqtda buyurilganda, qon zardobidagi siydik kislotasi konsentratsiyasini nazorat qilish zarur.

Normomed®ni o‘tkir jigar yetishmovchiligi bo‘lgan bemorlarda ehtiyotkorlik bilan qo‘llash lozim, chunki preparat jigarda metabolizmga uchraydi.

Homiladorlik va laktatsiya

Homilador va emizikli ayollarda qo‘llash mumkin emas, chunki preparatning xavfsizligi o‘rganilmagan.

Transport vositalari va mexanizmlarini boshqarish qobiliyatiga ta’siri

Preparatning psixomotor reaksiyalar tezligiga ta’siri o‘rganilmagan. Preparatni qo‘llashda bosh aylanishi va uyquchanlik yuzaga kelishi mumkinligini hisobga olish lozim.

Qadoq

"Obninskiy kimyo-farmatsevtika kompaniyasi" YoAJda ishlab chiqarishda

Polivinilxlorid/poli-vinilidenxlorid plyonkasi va laklangan alyuminiy bosma zar qog‘ozidan tayyorlangan konturli yacheykali o‘ramga 10 tadan tabletka solinadi.

Karton qutiga qo‘llash bo‘yicha yo‘riqnoma bilan birga 10 ta tabletkadan 2, 3 yoki 5 ta kontur katakli o‘ramlar.

"Valenta Farm" AJda ishlab chiqarishda

Polivinilxlorid/polivinilidenxlorid plyonkasi va laklangan alyuminiy bosma folgasidan tayyorlangan konturli yacheykali o‘ramga 5 yoki 10 tadan tabletka solinadi.

10 ta tabletkadan 2, 3 yoki 5 ta konturli yacheykali o‘ramlar yoki 5 ta tabletkadan 4, 6 yoki 10 ta konturli yacheykali o‘ramlar qo‘llash bo‘yicha yo‘riqnoma bilan birga karton qutiga solinadi.

Saqlash shartlari

Yorug‘likdan himoyalangan joyda, 30 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan muddat tugagandan keyin ishlatilmasin.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

VALENTA FARM AJ Rossiya.

Ishlab chiqaruvchi

OBNINSK XIMIK-FARMATSEVTIK KOMPANIYASI Yopiq aksiyadorlik jamiyati Rossiya

VALENTA FARM AJ Rossiya.