Ornilateks (Ornilatex) infuzion eritma uchun konsentrat 500 mg/ml, 10 ml №10 (ampulalar)

Tarkib

1 ampula uchun:

Ta’sir etuvchi modda: ornitin aspartat (quruq moddaga nisbatan hisoblaganda) - 5,0 g.

Yordamchi modda: inyeksiya uchun suv 10 ml gacha.

Tavsif

Rangsiz yoki och sariq rangli tiniq suyuqlik.

Chiqarish shakli

Infuziya uchun eritma tayyorlash uchun konsentrat, 500 mg/ml.

Farmakoterapevtik guruh

Gipoazotemik vosita. Jigar kasalliklarini davolash uchun preparatlar. ATX kodi: A05BA.

Farmakologik xususiyatlari

Farmakodinamika

Organizmda, xususan, jigar kasalliklarida ammiakning yuqori konsentratsiyasini kamaytiradi. Preparatning ta’siri uning Krebs mochevina hosil bo‘lishining ornitin siklida (ammiakdan mochevina hosil bo‘lishi) ishtirok etishi bilan bog‘liq. Ornitin karbamoilfosfatsintetaza va ornitin karbamoiltransferaza fermentlari uchun katalizator vazifasini bajaradi hamda mochevina sintezi uchun asos hisoblanadi. Bundan tashqari, preparat mochevina hosil bo‘lishining ornitin siklini faollashtiradi, bu ham ammiak darajasini pasaytirishga yordam beradi. Insulin va somatotrop gormon ishlab chiqarishga yordam beradi.

Parenteral oziqlantirishni talab qiladigan kasalliklarda oqsil almashinuvini yaxshilaydi.

Farmakokinetika

In vivo ikkita faol metabolitni hosil qiladi: qisqa yarim chiqarilish davri 0,3-0,4 soat bo‘lgan aspartat va ornitin buyraklar orqali mochevina hosil bo‘lish sikli orqali chiqariladi.

Aspartatning oz qismi buyraklar orqali o‘zgarmagan holda chiqariladi.

Ko‘rsatmalar

giperammoniemiya bilan kechadigan o‘tkir va surunkali jigar kasalliklari;

jigar ensefalopatiyasi, shu jumladan ong buzilishi (prekom va koma) kompleks terapiyasi tarkibida;

oqsil yetishmovchiligi bo‘lgan bemorlarda parenteral oziqlantirish preparatlariga korreksiyalovchi qo‘shimcha sifatida.

Qarshi ko‘rsatmalar

og‘ir buyrak yetishmovchiligi (zardob kreatinin > 3 mg/1 dl);

preparat komponentlariga yuqori sezuvchanlik;

emizish davri;

18 yoshgacha bo‘lgan bolalar yoshi.

Qo‘llash usuli va dozalari

Vena ichiga (v/i) tomchilab. Ampula ichidagilar 500 ml infuzion eritma (0,9% li natriy xlorid eritmasi, 5% li dekstroza (glyukoza) eritmasi yoki Ringer eritmasi) bilan aralashtiriladi.

Kattalar

Ornitinning o‘rtacha terapevtik dozasi sutkasiga 20 g.

Jigar ensefalopatiyasida (ahvolining og‘irlik darajasiga qarab) v/i sutkasiga 40 g gacha ornitin yuboriladi.

Ornitinning 30 g dan ko‘p bo‘lmagan miqdorini 500 ml infuzion eritmada eritish tavsiya etiladi.

Infuziyaning maksimal tezligi soatiga 5 g ornitin.

Preparat bilan davolashning davomiyligi har bir holatda patologiyaga va bemor holatining og‘irligiga qarab individual ravishda belgilanadi. Jigar faoliyatining og‘ir buzilishlarida bemorning holatini qat’iy nazorat qilish va ko‘ngil aynishi hamda qusishning oldini olish uchun preparatni yuborish tezligini to‘g‘rilash zarur.

Bolalar

Preparatning pediatriya amaliyotida qo‘llanilishi haqida ma’lumotlar yo‘q.

Nojo‘ya ta’sirlari

Juda kam hollarda (0,01% dan kam):

ko‘ngil aynishi, qusish;

allergik reaksiyalar.

Dozani oshirib yuborish

Belgilari: dozaga bog‘liq nojo‘ya ta’sirlarning kuchayishi.

Davolash: preparatni qabul qilishni to‘xtatish va simptomatik davo o‘tkazish lozim.

O‘zaro aloqa

Aniqlanmagan.

ORNILATEKSni boshqa dori vositalari bilan aralashtirmaslik kerak. Suyultirish uchun faqat yo‘riqnomada ko‘rsatilgan eritmalardan foydalaning.

Maxsus ko‘rsatmalar

Preparat yuqori dozalarda yuborilganda, qon plazmasi va siydikdagi mochevina konsentratsiyasini nazorat qilish lozim. Jigar faoliyatining og‘ir buzilishida bemorning ahvoliga ko‘ra, ko‘ngil aynishi yoki qusishning oldini olish maqsadida infuzion eritmani yuborish tezligini kamaytirish lozim.

Homiladorlik va laktatsiya

Homiladorlik davrida ORNILATEKS preparatini faqat shifokorning qat’iy nazorati ostida, ona va homila uchun foyda/xavf nisbatini hisobga olgan holda qo‘llash mumkin.

Preparat bilan davolash vaqtida emizishni to‘xtatish kerak.

Transport vositalari va mexanizmlarini boshqarish qobiliyatiga ta’siri

ORNILATEKS transport vositasi va potensial xavfli mexanizmlarni boshqarish qobiliyatiga ta’sir ko‘rsatmaydi.

Qadoq

Rangli siniq halqasi yoki rangli nuqtasi va kertiklari bo‘lgan yorug‘likdan himoyalovchi shisha ampulalarga 10 ml dan. Ampulalarga qo‘shimcha ravishda bitta, ikkita yoki uchta rangli halqa va/yoki ikki o‘lchamli shtrix-kod va/yoki harf-raqamli kodlash yoki qo‘shimcha rangli halqalarsiz, ikki o‘lchamli shtrix-kod, harf-raqamli kodlash qo‘yiladi.Polivinilxlorid plyonkasi va alyuminiy folga yoki polimer plyonkasi yoki folgasiz va plyonkasiz konturli yacheykali o‘ramda 5 tadan ampula.

Karton qutida qo‘llash bo‘yicha yo‘riqnoma bilan birga 1 yoki 2 ta konturli yacheykali qadoq.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil. Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

FARMFIRMA SOTEKS YoAJ Rossiya.

Ishlab chiqaruvchi

FARMFIRMA SOTEKS YoAJ Rossiya.