Pektolvan Plyush siropi 100 ml (shisha)

Tarkib

Faol moddasi: 5 ml sirop tarkibida oddiy pechakgul barglari quruq ekstrakti 35 mg saqlaydi.

Yordamchi moddalar: natriy sitrat; limon kislotasi, monogidrat; sorbit (Ye 420) - 1925 mg; kaliy sorbat - 6,7 mg; ksantan yelimi; "Olcha 667" oziq-ovqat xushbo‘ylantirgichi (erituvchi propilenglikol - 0,625 mg); tozalangan suv.

2,5 ml qiyom tarkibida 963 mg qand o‘rnini bosuvchi sorbit = 0,080 non birligi mavjud.

Tavsif

Ochiq jigarrang, shaffof suyuqlik, olcha hidi, shirin meva ta’mi, yengil opalessensiya paydo bo‘lishi mumkin.

Farmakoterapevtik guruh

Balg‘am ko‘chiruvchi vositalar. ATX kodi: R05CA16.

Chiqarish shakli

100 ml dan, jigarrang shishadan yasalgan vintli bo‘g‘izli, ochilishini nazorat qilish halqasi bo‘lgan vintli qopqoqlar bilan buralgan flakonlarda.

Har bir flakon dozalovchi qoshiq bilan birga karton qutiga solinadi.

Farmakologik xususiyatlari

O‘simliklardan olingan preparat. Uning tarkibiga pechakgul bargining quruq ekstrakti kiradi, u tarkibidagi glikozidlar (saponinlar) tufayli mukolitik, mukokinetik, o‘rtacha spazmolitik ta’sir ko‘rsatadi. Ekstraktning sekretolitik ta’siri chirmovuq bargi tarkibidagi saponin glikozidlarining ta’siri bilan tushuntiriladi. Uning spazmolitik xususiyatlari preparat tarkibiga kiruvchi ayrim glikozidlarning parasimpatolitik ta’siri tufayli namoyon bo‘ladi.

Bronxlar mushak hujayralari va o‘pka epiteliysidagi ß2-retseptorlarning faollashishi adrenergik ta’sirlarni rag‘batlantiradi. Bu esa bronx mushaklarida hujayra ichidagi Ca2+ tarkibining kamayishiga va bronxlarning bo‘shashishiga olib keladi. Shu jarayon bilan bir vaqtda o‘pkaning II tipdagi epitelial alveolyar hujayralari ß2-faolligining stimulyatsiyasi natijasida ko‘proq miqdorda surfaktant ishlab chiqaradi. Preparat markaziy nafas regulyatsiyasining yomonlashishiga olib kelmaydi.

Qo‘llanilishi

Nafas yo‘llarining yo‘tal bilan kechuvchi o‘tkir yallig‘lanish kasalliklari; bronxlarning surunkali yallig‘lanish kasalliklarini simptomatik davolash.

Qo‘llash usuli va dozalari

Preparat o‘lchov qoshig‘i yordamida ichiladi.

Har safar siropni qo‘llashdan oldin flakonni yaxshilab chayqatish kerak.

1 yoshdan 6 yoshgacha bo‘lgan bolalarga - kuniga 3 mahal 2,5 ml dan;

6 yoshdan katta bolalarga - kuniga 3 mahal 5 ml dan;

kattalarga - kuniga 3-marta 5-7,5 ml dan.

Preparat bilan davolash davomiyligi kasallikning xarakteri va og‘irligiga qarab belgilanadi, lekin davolash davomiyligi 1 haftadan kam bo‘lmasligi kerak.

Doimiy terapevtik samara olish uchun kasallik belgilari bartaraf etilgandan so‘ng preparat bilan davolashni yana 2-3 kun davom ettirish tavsiya etiladi. Agar ahvol yaxshilanmasa, shifokor maslahati zarur. Davolash kursining umumiy davomiyligini shifokor belgilaydi.

Nojo‘ya ta’sirlari

Preparat odatda yaxshi o‘zlashtiriladi, lekin ba’zida diareya, ko‘ngil aynishi, qusish rivojlanishi mumkin.

Har qanday nojo‘ya ta’sirlar paydo bo‘lganda, davolanishni bekor qilish va shifokorga murojaat qilish zarur.

Qarshi ko‘rsatmalar

Preparat komponentlariga yuqori sezuvchanlik.

Dorilarning o‘zaro ta’siri

Noma’lum.

Maxsus ko‘rsatmalar

Preparat tarkibida sorbit mavjud, shuning uchun fruktozani ko‘tara olmaydigan bemorlarga qo‘llash tavsiya etilmaydi.

Homiladorlik yoki emizish davrida qo‘llash

Homiladorlik va emizish davrida qo‘llash tavsiya etilmaydi (klinik ma’lumotlar yetarli emasligi sababli).

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati

Ta’sir qilmaydi.

Bolalar

Preparat 1 yoshdan boshlab bolalarga qo‘llanadi.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Preparatning dozasini oshirib yuborish holatlari haqida xabar berilmagan.

Preparat kunlik dozadan 3 marta ortiq qo‘llanganda ko‘ngil aynishi, qusish va ich ketishi paydo bo‘lishi mumkin, bu esa zudlik bilan shifokorga murojaat qilishni talab etadi. Davolash simptomatik.

Yaroqlilik muddati

2 yil.

Flakonni birinchi marta ochgandan so‘ng preparatni 90 kun davomida qo‘llash mumkin.

Saqlash shartlari

25 °C dan yuqori bo‘lmagan haroratda saqlanadi.

Dorixonalardan berish shartlari

Retseptsiz.

Ishlab chiqaruvchining nomi va manzili

"Farmak" OAJ.

Ukraina, 04080, Kiyev sh., Frunze ko‘chasi, 63.