Platifillin (Platyphyllinum) Vifitech teri ostiga yuborish uchun eritma 2 mg/ml, 1 ml №10 (ampulalar)

Tarkib

Faol modda:

Platifillin gidrotartrat - quruq moddaga nisbatan 2,0 g.

Yordamchi modda:

Inyeksiya uchun suv - 1000 ml gacha.

Tavsif

Rangsiz tiniq suyuqlik.

Chiqarish shakli

Teri ostiga yuborish uchun eritma 2 mg/ml.

Farmakoterapevtik guruh

M-xolinoblokator. Ichak faoliyati buzilganda qo‘llaniladigan preparatlar. ATX kodi: A03A.

Farmakologik xususiyatlari

Farmakodinamika

M-xolinoblokator atropinga nisbatan periferik m-xolinoretseptorlarga kamroq ta’sir ko‘rsatadi (oshqozon-ichak trakti a’zolarining silliq mushak hujayralariga va rangdor pardaning sirkulyar mushagiga ta’siri bo‘yicha atropinga qaraganda 5-10 marta kuchsizroq). M-xolinoretseptorlarni bloklab, postganglionar xolinergik nervlardan ular innervatsiya qiladigan effektor a’zolar va to‘qimalarga (yurak, silliq mushak a’zolari, tashqi sekretsiya bezlari) nerv impulslarining o‘tishini buzadi; n-xolinoretseptorlarni ham susaytiradi (ancha kuchsizroq). Xolinobloklovchi ta’sir ko‘proq vegetativ nerv tizimining parasimpatik qismi tonusining oshishi yoki m-xolinstimulyatorlar ta’siri fonida namoyon bo‘ladi. Atropinga qaraganda kamroq darajada, ayniqsa katta dozalarda qo‘llanganda, taxikardiya chaqiradi. N.vagus ta’sirini kamaytirib, yurak o‘tkazuvchanligini yaxshilaydi, miokard qo‘zg‘aluvchanligini oshiradi, qonning daqiqalik hajmini oshiradi.

To‘g‘ridan-to‘g‘ri miotrop spazmolitik ta’sir ko‘rsatadi, terining mayda tomirlarini kengaytiradi. Yuqori dozalarda tomirlarni harakatlantiruvchi markazni susaytiradi va simpatik gangliyalarni bloklaydi, natijada tomirlar kengayadi va arterial bosim pasayadi (asosan vena ichiga yuborilganda).

Atropindan kuchsizroq ichki sekretsiya bezlari sekretsiyasini susaytiradi; silliq mushaklar tonusining, oshqozon, o‘n ikki barmoqli ichak, ingichka va yo‘g‘on ichak peristaltik qisqarishlari amplitudasi va chastotasining yaqqol pasayishini, o‘t pufagi tonusining o‘rtacha pasayishini (o‘t yo‘llari giperkineziyasi bo‘lgan shaxslarda) keltirib chiqaradi. Bachadon, qovuq va siydik yo‘llari silliq mushaklarini bo‘shashtiradi; spazmolitik ta’sir ko‘rsatib, og‘riq sindromini bartaraf etadi. N.vagus tonusining oshishi yoki xolinstimulyatorlar ta’sirida yuzaga kelgan bronxlarning silliq mushaklarini bo‘shashtiradi, nafas olishning daqiqalik hajmini oshiradi, bronxial bezlar sekretsiyasini susaytiradi; sfinkterlar tonusini pasaytiradi.

Ko‘zning konyunktiva xaltasiga tomizilganda va parenteral yuborilganda, qorachiq sfinkterining bo‘shashishi natijasida qorachiq kengayishiga olib keladi. Bir vaqtning o‘zida ko‘z ichi bosimi ko‘tariladi va akkomodatsiya falaji (kipriksimon tana kipriksimon mushagining bo‘shashishi) boshlanadi. Atropinga nisbatan akkomodatsiyaga ta’siri kamroq va qisqaroq bo‘ladi. Bosh miyani va nafas olish markazini, ko‘proq orqa miyani qo‘zg‘atadi (yuqori dozalarda tutqanoqlar, markaziy asab tizimi, qon tomir va nafas olish markazlarining susayishi mumkin). Gematoensefalik to‘siq orqali o‘tadi.

Ko‘rsatmalar

Me’da va o‘n ikki barmoqli ichak yara kasalligi, pilorospazm, xoletsistit, xolelitiaz, ichak sanchig‘i, buyrak sanchig‘i, o‘t sanchig‘i; bronxial astma (bronxo- va laringospazmning oldini olish uchun), bronxoreya; algodismenoreya; serebral arteriyalar spazmi; Reyno kasalligi/sindromi; arterial gipertenziya, stenokardiya (kombinatsiyalangan terapiya tarkibida); tashxis qo‘yish maqsadida qorachiq kengayishi (shu jumladan ko‘z tubini tekshirish, ko‘zning haqiqiy refraksiyasini aniqlash); ko‘zning o‘tkir yallig‘lanish kasalliklari (shu jumladan irit, iridotsiklit, keratit), ko‘z jarohatlari.

Qarshi ko‘rsatmalar

Yuqori sezuvchanlik.

Ehtiyotkorlik bilan

Homiladorlik; emizish davri;

yurak qisqarishlari sonining ko‘payishi nomaqbul bo‘lishi mumkin bo‘lgan yurak-qon tomir tizimi kasalliklari: hilpillovchi aritmiya, taxikardiya, surunkali yurak yetishmovchiligi, yurak ishemik kasalligi, mitral stenoz, arterial gipertenziya, o‘tkir qon ketish; tireotoksikoz (taxikardiyaning kuchayishi mumkin); tana haroratining ko‘tarilishi (ter bezlari faolligining pasayishi natijasida yana ko‘tarilishi mumkin); reflyuks-ezofagit, reflyuks-ezofagit bilan birga kechuvchi diafragma qizilo‘ngach teshigi churrasi (qizilo‘ngach va oshqozon motorikasining pasayishi va pastki qizilo‘ngach sfinkterining bo‘shashishi oshqozon bo‘shashining sekinlashishiga va funksiyasi buzilgan sfinkter orqali gastroezofageal reflyuksning kuchayishiga olib kelishi mumkin); ichak tutilishi bilan kechuvchi oshqozon-ichak trakti kasalliklari: axalaziya va darvoza stenozi (harakat va tonusning pasayishi mumkin, bu esa ichak tutilishi va oshqozon tarkibining kechikishiga olib keladi); keksa yoshdagi yoki zaiflashgan bemorlarda ichak atoniyasi (ichak tutilishi

nospetsifik yarali kolit (yuqori dozalar ichak peristaltikasini susaytirib, paralitik ichak tutilishi ehtimolini oshirishi mumkin; bundan tashqari, toksik megakolon kabi og‘ir asoratning namoyon bo‘lishi yoki kuchayishi mumkin); og‘iz qurishi (kserostomiya ifodalanishining uzoq muddatli yanada kuchayishi); jigar yetishmovchiligi (metabolizmning pasayishi) va buyrak yetishmovchiligi (chiqarilishning pasayishi tufayli nojo‘ya ta’sirlarning rivojlanish xavfi); o‘pkaning surunkali kasalliklari, ayniqsa yosh bolalarda va zaiflashgan bemorlarda (bronxial sekretsiyaning kamayishi sekretning quyuqlashishi va bronxlarda tiqilmalar hosil bo‘lishiga olib kelishi mumkin); miasteniya (atsetilxolin ta’sirini ingibirlashi tufayli holat yomonlashishi mumkin); vegetativ (avtonom) nevropatiya (siydik tutilishi va akkomodatsiya falaji kuchayishi mumkin), siydik yo‘llari obstruksiyasiz prostata bezining gipertrofiyasi, siydik tutilishi yoki unga moyillik yoki siydik yo‘llari obstruksiyasi bilan kechadigan kasalliklar (shu jumladan, prostata bezining gipertrofiyasi tufayli qovuq bo‘

Agar sizda sanab o‘tilgan kasalliklardan biri bo‘lsa, preparatni qabul qilishdan oldin albatta shifokor bilan maslahatlashing.

Qo‘llash usuli va dozalari

Me’da va o‘n ikki barmoqli ichak yarasi, shuningdek, ichak, jigar va buyrak sanchig‘i, bronxial astmaning uzoq davom etgan xuruji, serebral va periferik angiospazmlarda o‘tkir og‘riqlarni qoldirish uchun kattalarga preparat sutkasiga 1-2 marta 1-2 ml dan teri ostiga yuboriladi (tomirlarni kengaytirish va arterial bosimni pasaytirish uchun vena ichiga yuborish ko‘rsatilgan); bolalarga; yangi tug‘ilgan chaqaloqlar va emizikli bolalarga - 0,0175 ml/kg; 1-5 yosh - 0,015 ml/kg, 6-10 yosh - 0,0125 ml/kg; 11-14 yosh - 0,01 ml/kg.

Nojo‘ya ta’sirlari

Og‘iz qurishi, chanqash, qon bosimining pasayishi, taxikardiya, midriaz, akkomodatsiya falaji, ichak atoniyasi, bosh aylanishi, bosh og‘rig‘i, fotofobiya, talvasalar, siydik tutilishi, o‘tkir psixoz (yuqori dozalarda), o‘pka atelektazi.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Belgilari: paralitik ichak tutilishi; o‘tkir siydik tutilishi (prostata bezi giperplaziyasi bo‘lgan bemorlarda); akkomodatsiya falaji; ko‘z ichi bosimining oshishi; og‘iz bo‘shlig‘i, burun, tomoq shilliq qavatining quruqligi; yutish, nutqning qiyinlashuvi; midriaz (rangdor parda butunlay yo‘qolguncha); tremor, tutqanoq, gipertermiya, qo‘zg‘alish, markaziy asab tizimining susayishi, nafas va qon tomirlarini harakatlantiruvchi markazlar faolligining susayishi.

Davolash: oshqozonni yuvish, kuchaytirilgan diurez, xolinstimulyatorlar va antixolinesteraza vositalarini parenteral yuborish. Gipertermiyada - nam artinish, isitma tushiruvchi vositalar; qo‘zg‘alishda - vena ichiga tiopental natriy yoki rektal - xloralgidrat yuborish; midriazda - mahalliy, ko‘z tomchilari ko‘rinishida; fosfakol, fizostigmin, pilokarpin. Glaukoma xuruji rivojlanganda darhol konyunktiva xaltasiga har soatda 2 tomchidan 1% li pilokarpin eritmasi va teri ostiga sutkasiga 3-4 marta 0,05% li 1 ml prozerin (neomitsin metilsulfonat) eritmasi tomiziladi.

O‘zaro aloqa

Fenobarbital, pentobarbital, magniy sulfatning sedativ va uxlatuvchi ta’sirini kuchaytiradi. Boshqa m-xolinoblokatorlar, amantadin, galoperidol, fenotiazin, monoaminooksidaza ingibitorlari (MAO), tritsiklik antidepressantlar, ba’zi antigistamin preparatlar nojo‘ya ta’sirlar rivojlanish xavfini oshiradi. Antixolinesteraz preparatlar bilan antagonizm. Morfin yurak-qon tomir tizimiga susaytiruvchi ta’sirni kuchaytiradi; MAO ingibitorlari - ijobiy xrono- va batmotrop ta’sir; yurak glikozidlari - ijobiy batmotrop ta’sir; xinidin, prokainamid - m-xolinobloklovchi ta’sir, silliq mushaklar spazmlari bilan bog‘liq og‘riqlarda ta’sirni analgetiklar, sedativ vositalar, trankvilizatorlar kuchaytiradi; tomir spazmlarida - gipotenziv va sedativ dori vositalari.

Transport vositalari va mexanizmlarini boshqarish qobiliyatiga ta’siri

Davolanish davrida yuqori e’tiborni talab qiladigan potensial xavfli faoliyat turlaridan tiyilish kerak.

Qadoq

1 ml dan neytral shisha ampulada yoki ISO bo‘yicha ampulada. Koshurkali yacheykali o‘ramda 5 ampuladan (folga yoki qog‘oz bilan, yoki folga va qog‘ozsiz). Karton qutida 2 ta konturli yacheykali qadoq. 10 ta ampula pachkali qog‘oz vkladishli yoki maxsus uyali karton qutida. Har bir pachkaga qo‘llash bo‘yicha yo‘riqnoma va skarifikator solinadi. Kesiklari, halqalari va sinish nuqtalari bo‘lgan ampulalardan foydalanilganda skarifikatorlar pachkaga solinmaydi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Yaroqlilik muddati

5 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

VIFITEX YoAJ Rossiya.

Ishlab chiqaruvchi

VIFITEX YoAJ Rossiya.