Addisept Plus

Tarkib

Har bir pastilkada quyidagilar mavjud:

faol moddalar: amilmetakrezol 0,6 mg; 2,4-dixlorbenziletanol 1,2 mg; lidokain gidroxlorid 10 mg;

yordamchi modda: shakar asosi.

Bo‘yoq: karamel.

Tavsif

Pastitsalar jigarrang-sariq rangda, dumaloq shaklda, ikki tomonlama qabariq, limon hidi va o‘ziga xos nordon ta’mga ega.

Dori shakli

Asal va limon ta’mli shimdirish uchun pastilkalar.

Farmakologik guruh

LOR a’zolari kasalliklarini davolash uchun vosita. ATX kodi: R02AA20.

Farmakologik xususiyatlari

Farmakodinamika

Ushbu tibbiy preparat o‘zining faol moddalari tufayli mahalliy antiseptik, bakteritsid, fungitsid va mahalliy analgetik xususiyatlarini o‘zida mujassam etgan.

Ushbu tibbiy preparat tarkibida: 2,4-dixlorbenziletanol va amilmetakrezol, og‘iz-halqum bo‘shlig‘idagi patogen bakterial floraga qarshi ta’sir ko‘rsatadigan ikkita antiseptik mavjud. Ular mos ravishda spirtlar va fenollar kimyoviy guruhiga kiradi.

Lidokain mahalliy amid anesteziya vositalari guruhiga kiradi va og‘riqni tezda yengillashtiradi.

Farmakokinetika

So‘rish va taqsimlash

Lidokain shilliq qavatlarga mahalliy qo‘llanilgandan so‘ng nisbatan tez so‘riladi. Tarkibida 8 mg lidokain bo‘lgan va chiziqli PKni nazarda tutuvchi pastilkalar tadqiqotiga asoslanib, 2 mg lidokain yuborilgandan so‘ng olingan plazmadagi cho‘qqi darajalari taxminan 11 ng/ml ni tashkil etadi, bu tizimli nojo‘ya ta’sirlarning yuqori chastotasi bilan bog‘liq darajadan sezilarli darajada pastdir. Lidokain oshqozon-ichak traktida so‘rilsa-da, og‘iz orqali qabul qilinadigan dozaning atigi 35 foizi tizim oldi metabolizmi (jigar portal qon aylanishi) orqali o‘zgarmagan holda tizimli qon aylanishiga yetib boradi.

Biotransformatsiya va ajratish

Lidokain jigarda sezilarli darajada metabolizmga uchraydi, natijada jigar funksiyasi yoki jigar qon oqimining har qanday o‘zgarishi farmakokinetika va dozalash talablariga sezilarli ta’sir ko‘rsatishi mumkin. Jigar metabolizmi tez, qo‘llaniladigan dozaning 90% ga yaqin, u monoztilglitsineksilidid (MESX) va glitsin ekzilidid (SX) hosil qilish uchun dezalkillanadi. Lidokainning 10% dan kamrog‘i buyraklar orqali o‘zgarmagan holda chiqariladi. Metabolitlar siydik bilan ham chiqariladi.

2,4-dixlorbenziletanolning ham, amilmetakrezolning ham farmakokinetikasi haqida tegishli ma’lumotlar yo‘q.

Qo‘llanilishi

Kattalar va 12 yoshdan oshgan o‘smirlarda faringit, angina kabi og‘iz bo‘shlig‘i va tomoqning og‘riqli holatlarini hamda tonzillektomiyadan keyingi simptomatik davolash.

Qo‘llash usuli va dozalari

Pastilkani og‘izda so‘ring, pastilkani lunj orqasida so‘rmang. Ushbu preparatni ovqatdan yoki ichimlikdan oldin qabul qilmang.

Agar 3-4 kundan keyin yaxshilanish kuzatilmasa, bemorga shifokorga murojaat qilish tavsiya etiladi.

Ushbu preparatni uzoq vaqt, 5 kundan ortiq qo‘llash tavsiya etilmaydi.

Kattalar va 2 yoshdan oshgan o‘smirlar:

Har 2-3 soatda 1 ta pastilka va zaruratga qarab 24 soat davomida ko‘pi bilan 8 ta pastilka.

Bolalar yoshidagi bemorlar

Preparatni 12 yoshgacha bo‘lgan bolalarga qo‘llash mumkin emas.

Keksa yoshdagi bemorlar

Dozani tuzatish talab etilmaydi.

Buyrak va/yoki jigar yetishmovchiligi

Jigar yoki buyrak yetishmovchiligi bo‘lgan bemorlarda Ajisept Plyus antiseptik pastilkalarini qo‘llash bo‘yicha ma’lumotlar mavjud emas.

Nojo‘ya ta’sirlari

Hozirgacha odatda faqat uzoq muddatli davolanishdan keyin yuzaga keladigan hech qanday tizimli reaksiyalar haqida xabar berilmagan.

Foydalanish davrida ushbu dori vositasining faol moddalari kombinatsiyasiga quyidagi nojo‘ya ta’sirlar qayd etilgan:

Immun tizimi tomonidan buzilishlar

Kamdan-kam (>1/10,000 dan 1/1,000 gacha): Yuqori sezuvchanlik reaksiyalari (achishish, qichishish), angionevrotik shish, tomoqda achishish va yoqimsiz ta’m.

Shubhali nojo‘ya ta’sirlar haqida xabarlar

Dori vositasiga nisbatan ruxsatnoma olingandan so‘ng, nojo‘ya ta’sirlarning yuzaga kelishiga shubha qilingan xabarlar katta ahamiyatga ega. Ular dori vositasi uchun afzallik/xavf ko‘rsatkichlarini kuzatishni davom ettirish imkonini beradi.

Qarshi ko‘rsatmalar

Ta’sir etuvchi moddaga yoki sanab o‘tilgan komponentlarning istalganiga yuqori sezuvchanlik.

Mahsulot anesteziyalovchi vositaning tez so‘rilishi va laringospazm xavfini hisobga olgan holda 12 yoshgacha bo‘lgan bolalarga tavsiya etilmaydi.

Dozani oshirib yuborish

Simptomlar

Ta’sir etuvchi moddalarning past konsentratsiyasini hisobga olgan holda, dozani oshirib yuborish deyarli mumkin emas. Dozaning oshirib yuborilishi noto‘g‘ri qo‘llanilganda (juda yuqori dozalar, shilliq qavatlarning shikastlanishi) yuzaga kelishi mumkin. Dastlab yuqori nafas va ovqat hazm qilish yo‘llarining g‘ayritabiiy uvishishi ko‘rinishida namoyon bo‘ladi. Tizimli reaksiyalar lidokainning so‘rilishi tufayli yuzaga kelishi mumkin. Lidokain bilan zaharlanishning eng jiddiy oqibatlari markaziy asab tizimida (uyqusizlik, bezovtalik, qo‘zg‘alish va nafas olishning susayishi) hamda yurak-qon tomir tizimida (gipotenziya, yurak disritmiyasi, yurak to‘xtashi) ifodalangan bo‘lib, metgemoglobinemiya ham yuzaga kelishi mumkin.

Davolash

Davolash simptomatik va qo‘llab-quvvatlovchi; tibbiy kuzatuv maqsadga muvofiq. Metgemoglobinemiyani metilen ko‘ki (1-4 mg/kg) zudlik bilan vena ichiga yuborish orqali davolash mumkin.

Dorilarning o‘zaro ta’siri

Boshqa dori vositalari bilan klinik ahamiyatga ega o‘zaro ta’sirlar aniqlanmagan. Preparatni boshqa mahalliy mikroblarga qarshi vositalar bilan bir vaqtda qo‘llash mumkin.

Maxsus ko‘rsatmalar

Ko‘rsatilgan dozaga amal qiling. Ko‘p miqdorda yoki ko‘p marta qabul qilinganda, ushbu dori vositasi asab tizimiga ta’sir ko‘rsatishi mumkin, chunki u qon oqimi orqali o‘tib, ehtimol tutqanoq yoki yurakka ta’sir ko‘rsatishi mumkin.

Ushbu preparatni uzoq vaqt, 5 kundan ortiq qo‘llash tavsiya etilmaydi, chunki og‘iz bo‘shlig‘i mikroflorasining tabiiy muvozanati o‘zgarishi ehtimoli mavjud. Agar alomatlar 3-4 kundan ortiq davom etsa, yomonlashsa yoki yuqori harorat, bosh og‘rig‘i, ko‘ngil aynishi yoki qusish, shuningdek, teri toshmasi kabi boshqa alomatlar paydo bo‘lsa, klinik holat bakterial infeksiyalar (angina, tonzillit) uchun baholanishi kerak.

Preparatni o‘tkir kasalligi bo‘lgan keksa yoshdagi bemorlarga yoki zaiflashgan keksa yoshdagi bemorlarga ehtiyotkorlik bilan qo‘llash kerak, chunki ular ushbu dori vositasining nojo‘ya ta’sirlariga sezgirroqdir.

Agar og‘iz bo‘shlig‘i shilliq qavatining butunligi buzilgan bo‘lsa, ushbu preparatni og‘iz va tomoq sohasida qo‘llash tavsiya etilmaydi, chunki Adjisept Plyus antiseptik pastilkalari tilni uvushtirishi va shilinish, kesilish xavfini oshirishi mumkin. Demak, issiq ovqat yeyish va ichish vaqtida ehtiyot bo‘lish kerak. Bemor shuni bilishi kerakki, mahalliy anesteziyani ishlab chiqarish yutishni yomonlashtirishi va shu bilan aspiratsiya xavfini oshirishi mumkin. Shu sababli, og‘iz yoki tomoq sohasiga mahalliy anestetiklar qo‘llanilgandan so‘ng bevosita ovqatlanishga yo‘l qo‘yilmaydi.

Astma bilan og‘rigan bemorlar ushbu tibbiy preparatni shifokor nazorati ostida qo‘llashlari shart.

Amid tipidagi mahalliy anestetiklarga allergiyasi bo‘lgan bemorlar lidokain kabi boshqa amid tipidagi moddalarga nisbatan kesishgan sezuvchanlikni bilishlari kerak. Ajisept®Plyus antiseptik pastilkalari tarkibida levomentolda mavjud bo‘lgan terpenlar mavjud. Terpenlarning haddan tashqari dozasi bolalarda tutqanoq kabi nevrologik asoratlar bilan bog‘liq bo‘lgan.

Ajisept®Plyus antiseptik pastilkalari saxarozani o‘z ichiga olganligi sababli, uni kamdan-kam uchraydigan irsiy fruktozani ko‘tara olmaslik, glyukoza va galaktoza malabsorbsiyasi sindromi yoki saxaraza-izomaltaza yetishmovchiligi bo‘lgan bemorlarga buyurish tavsiya etilmaydi.

Ajisept®Plyus antiseptik pastilkalari tarkibida glyukoza bo‘lganligi sababli, glyukoza-galaktoza so‘rilishi buzilgan bemorlarga ushbu preparatni qo‘llash tavsiya etilmaydi.

Homiladorlik va laktatsiya davrida qo‘llash

Ajisept®Plyus antiseptik pastilkalarining homiladorlik davridagi xavfsizligi aniqlanmagan.

Homiladorlik davrida lidokainni mahalliy qo‘llash bo‘yicha ko‘p sonli ma’lumotlar tug‘ma rivojlanish nuqsonlarining yuqori xavfi yo‘qligidan dalolat beradi. Lidokain yo‘ldosh orqali o‘tadi; biroq, past doza natijasida so‘rilishi juda past bo‘ladi. Hayvonlar ustida o‘tkazilgan tadqiqotlar reproduktiv toksiklikni ko‘rsatmaydi.

Homiladorlik davrida amilmetakrezol va 2,4-dixlorbenziletanol faol moddalaridan foydalanish haqida ma’lumotlar yo‘q. Hujjatlashtirilgan tajriba mavjud bo‘lmaganda, homiladorlik davrida Adjisept®Plyus antiseptik pastilkalarini qo‘llash tavsiya etilmaydi.

Laktatsiya

Ajisept®Plyus antiseptik pastilkalarining emizish paytidagi xavfsizligi aniqlanmagan. Lidokain ko‘krak suti bilan oz miqdorda ajraladi. Past dozasi tufayli lidokainning chaqaloqqa hech qanday ta’siri taxmin qilinmaydi. Ko‘krak suti bilan emizish vaqtida amilmetakrezol va 2,4-dixlorbenziletanol faol moddalarining ajralishi to‘g‘risida ma’lumotlar yo‘q. Ona uchun dekslansoprazol bilan davolashning foydasi va bola uchun ko‘krak suti bilan oziqlantirishning foydasini hisobga olgan holda, ko‘krak suti bilan emizishni to‘xtatish yoki Adjissept®Plyus antiseptik pastilkalari bilan davolashni to‘xtatish to‘g‘risida qaror qabul qilish lozim.

Reproduktiv funksiya

Lidokain, amilmetakrezol va 2,4-dixlorbenziletanolning reproduktiv funksiyaga, ko‘krak suti bilan emizishga ta’siri haqida ma’lumotlar yo‘q.

Chiqarish shakli

Tibbiy qo‘llash bo‘yicha yo‘riqnoma bilan birga karton qutida 6 ta pastilkali to‘rtta stripa.

Saqlash shartlari

Quruq, yorug‘likdan himoyalangan joyda, +25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati tugaganidan keyin ishlatilmasin.

Dorixonalardan berish shartlari

Retseptsiz.

Ishlab chiqaruvchi

Agio Pharmaceuticals Ltd, Hindiston.