Anuzol

Tarkib

Bitta shamchada quyidagilar mavjud:

faol moddalar: vismut tribromfenolyati va vismut oksidi kompleksi (kseroform) - 0,10 g, belladonna barglari ekstrakti (qoraqiz quyuq ekstrakti) - 0,02 g, rux sulfat geptagidrat - 0,05 g;

yordamchi moddalar: glitserol (distillangan glitserin), suv (tozalangan suv), shamchalar uchun asos (distillangan monoglitseridlar, qattiq yog‘ (vitepsol, shamcha)) - og‘irligi 2,25 g bo‘lgan shamcha hosil bo‘lguncha yetarli miqdorda.

Tavsif

Shamchalar torpedasimon shaklda yashil-sariq yoki jigarrang tusli yashil-sariq yoki kseroform hidli och jigarrangda bo‘ladi. Shamcha yuzasida bilinar-bilinmas oq karash paydo bo‘lishiga yo‘l qo‘yiladi.

Farmakoterapevtik guruh

Bavosirni davolash vositasi. ATX kodi: C05AX04.

Farmakologik ta’siri

Gemorroidga qarshi kombinatsiyalangan vosita. Anuzol preparati spazmolitik, yallig‘lanishga qarshi, antiseptik, og‘riq qoldiruvchi, mahalliy yallig‘lanishga qarshi, burishtiruvchi va qurituvchi ta’sirga ega.

Qo‘llanilishi

Bavosil, orqa teshik yoriqlari.

Qo‘llash usuli va dozalari

Rektal. Tozalovchi huqna yoki ichakning o‘z-o‘zidan bo‘shatilishidan keyin sutkada 1-3 marta 1 shamchadan. Preparatning maksimal sutkalik dozasi - 7 shamcha. Davolash kursining davomiyligi 10-14 kunni tashkil etadi.

Nojo‘ya ta’siri

Og‘iz bo‘shlig‘i shilliq qavatining quruqligi, chanqash, qabziyat, ich ketishi, taxikardiya, yurak urishi, midriaz, akkomodatsiya parezi, bosh og‘rig‘i, bosh aylanishi, uyqu buzilishi, uyquchanlik, allergik reaksiyalar, orqa chiqaruv teshigi sohasida achishish. Bunday hollarda preparatni qo‘llashni to‘xtatish va shifokorga murojaat qilish lozim.

Qarshi ko‘rsatmalar

Yuqori sezuvchanlik, dekompensatsiya bosqichidagi yurak yetishmovchiligi, taxiaritmiya, miasteniya, ichak atoniyasi, yopiq burchakli glaukoma, prostata bezining gipertrofiyasi va siydik chiqishining buzilishi, homiladorlik, laktatsiya davri, bolalik davri (12 yoshgacha).

Dozani oshirib yuborish

Belgilari: ko‘ngil aynishi, qusish, psixomotor qo‘zg‘alish, talvasalar, siydik tutilishi, ter ajralishi kamayishi, gipertermiya.

Doza oshirib yuborilgan taqdirda, preparatni qo‘llashni darhol to‘xtatish va shifokorga murojaat qilish lozim.

Davolash: simptomatik.

Boshqa dori vositalari bilan o‘zaro ta’siri

Anuzol rektal shamchalarining boshqa dori vositalari bilan o‘zaro ta’siri yoki mos kelmasligi holatlari qayd etilmagan.

Transport vositalarini boshqarish va mexanizmlar bilan ishlash qobiliyatiga ta’siri

Davolash davrida avtotransportni boshqarishda va diqqatning yuqori konsentratsiyasini, psixomotor reaksiyalarning tezligini va yaxshi ko‘rishni talab qiladigan boshqa potensial xavfli faoliyat turlari bilan shug‘ullanishda ehtiyot bo‘lish kerak.

Chiqarish shakli

Rektal shamchalar. 5 ta shamcha polietilen bilan laminatsiyalangan polivinilxlorid plyonkasidan yasalgan konturli katakli qadoqqa joylashtiriladi.

Ikkita konturli yacheykali o‘ram preparatning tibbiy qo‘llanilishi bo‘yicha yo‘riqnoma bilan birga karton qutiga joylashtiriladi.

Saqlash shartlari

Yorug‘lik tushmaydigan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil. Qadoqda ko‘rsatilgan yaroqlilik muddati tugagandan keyin preparatni ishlatmang.

Dorixonalardan berish shartlari

Retseptsiz.

Ishlab chiqaruvchi

"NIJFARM" OAJ, Rossiya

603950, Nijniy Novgorod sh.,

GSP-459, Salgan ko‘chasi, 7

Tel.: (831) 278-80-88

Faks: (831) 430-72-28

Internet: http://www.nizhpharm.ru