Дролоцит

Tarkib

100 ml eritma tarkibiga quyidagilar kiradi:

faol modda: sitikolin natriy - 10,45 g;

yordamchi moddalar: sorbitol 70%, glitserin, metilparagidroksibenzoat, propilparagidroksibenzoat, natriy sitrat, natriy saxarin, qulupnay aromatizatori, kaliy sorbati, limon kislotasi, 100 ml gacha tozalangan suv.

Dori shakli

Ichish uchun eritma.

Farmakoterapevtik guruh

Psixostimulyatorlar, giperaktivlik bilan kechadigan diqqat yetishmasligi sindromida qo‘llaniladigan vositalar va nootrop preparatlar.

Farmakologik ta’siri

Sitikolin hujayra membranasining asosiy ultrastrukturali tarkibiy qismlarining (asosan fosfolipidlarning) o‘tmishdoshi bo‘lib, keng ta’sir doirasiga ega - shikastlangan hujayra membranalarini tiklashga yordam beradi, fosfolipazalar ta’sirini ingibirlaydi, ortiqcha erkin radikallar hosil bo‘lishiga to‘sqinlik qiladi, shuningdek, apoptoz mexanizmlariga ta’sir qilib, hujayralar o‘limining oldini oladi. Insultning o‘tkir davrida sitikolin miya to‘qimasining zararlanish hajmini kamaytiradi, xolinergik o‘tkazuvchanlikni yaxshilaydi. Kalla-miya jarohatlarida posttravmatik koma davomiyligini va nevrologik simptomlarning yaqqolligini kamaytiradi, bundan tashqari, tiklanish davri davomiyligini qisqartirishga yordam beradi. Bosh miyaning surunkali gipoksiyasida sitikolin xotiraning pasayishi, tashabbussizlik, kundalik harakatlarni bajarishda va o‘z-o‘ziga xizmat ko‘rsatishda yuzaga keladigan qiyinchiliklar kabi kognitiv buzilishlarni davolashda samarali hisoblanadi. Diqqat va ong darajasini oshiradi hamda amneziya namoyon bo‘lishini kamaytiradi. Sitikolin degenerativ va qon tomir etiologiyali sezgi va harakat nevrologik buzilishlarini davolashda samarali hisoblanadi.

Farmakokinetika

So‘rish

Sitikolin ichga qabul qilinganda yaxshi so‘riladi. Peroral qo‘llanilgandan so‘ng so‘rilishi deyarli to‘liq, biomavjudligi esa vena ichiga yuborilgandan keyin taxminan bir xil.

Metabolizm

Preparat ichak va jigarda xolin va sitidin hosil qilib metabolizmga uchraydi. Preparat qabul qilingandan so‘ng, qon plazmasidagi xolin konsentratsiyasi sezilarli darajada oshadi.

Taqsimlash

Sitikolin bosh miya tuzilmalarida sezilarli darajada taqsimlanadi, xolin fraksiyalari strukturaviy fosfolipidlarga va sitidin fraksiyalari sitidin nukleotidlari va nuklein kislotalariga tez kirishadi. Sitikolin bosh miyaga kirib, fruktozani ko‘tara olmaslik.

Dozani oshirib yuborish

Preparatning past toksikligini hisobga olgan holda, dozani oshirib yuborish holatlari tavsiflanmagan.

Dorilarning o‘zaro ta’siri

Sitikolin levodopaning ta’sirini kuchaytiradi. Tarkibida meklofenoksat bo‘lgan dori vositalari bilan bir vaqtda buyurish mumkin emas.

Maxsus shartlar

Sovuqda konservantning vaqtincha qisman kristallanishi natijasida kam miqdorda kristallar hosil bo‘lishi mumkin. Tavsiya etilgan sharoitlarda keyinchalik saqlanganda kristallar bir necha oy davomida erib ketadi. Kristallarning mavjudligi preparatning sifatiga ta’sir qilmaydi. Davolanish davrida alohida e’tibor va tezkor reaksiyalarni talab qiladigan potensial xavfli faoliyat turlarini bajarishda (avtomobil va boshqa transport vositalarini boshqarish, harakatlanuvchi mexanizmlar bilan ishlash, dispetcher va operator ishi va h.k.) ehtiyot bo‘lish kerak.

Saqlash shartlari

Saqlash shartlari: Yorug‘lik tushmaydigan quruq joyda, 25 °C dan yuqori bo‘lmagan haroratda. Bolalardan saqlang!

Yaroqlilik muddati

3 yil. Preparatni yaroqlilik muddati tugagandan keyin qo‘llash mumkin emas.

Chiqarish shakli

Flakonlarda 30 yoki 50 ml dan o‘lchov qoshig‘i yoki stakancha bilan to‘plamda.

Ishlab chiqaruvchi

Remedy Group, O‘zbekiston.