Espumizan

Tarkib

Bitta kapsulada quyidagilar mavjud:

Ta’sir etuvchi moddasi: simetikon - 40,0 mg.

Yordamchi moddalar: jelatin - 22,47 mg, glitserol 85% - 9,67 mg, metilparagidroksibenzoat - 0,28 mg, xinolin sariq bo‘yog‘i, Ye 104 - 0,10 mg, quyosh botishi sariq bo‘yog‘i, Ye 110 - 0,0024 mg.

Tavsif

Yumaloq yoki deyarli yumaloq, yumshoq, sariq rangli, jelatindan tikilgan, yuzasi silliq kapsulalar.

Kapsula tarkibi: rangsiz, yopishqoq, yarim shaffof suyuqlik.

Dori shakli

Kapsulalar.

Farmakoterapevtik guruh

Yel haydovchi vosita. ATX kodi: A02DA.

Farmakologik ta’siri

Yel haydovchi vosita. Fazalar chegarasidagi sirt tarangligini kamaytirib, oshqozon-ichak trakti (OIT) oziq suspenziyasi va shilliq qavatida gaz pufakchalari hosil bo‘lishini qiyinlashtiradi va ularning parchalanishiga yordam beradi. Bunda ajralib chiqadigan gazlar ichak devorlariga yutilishi yoki peristaltika tufayli tashqariga chiqarilishi mumkin. Sono- va rentgenografiyada tasvirlarning xalaqit berishi va ustma-ust tushishining oldini oladi; yo‘g‘on ichak shilliq qavatining kontrast dori vositasi bilan yaxshiroq namlanishiga yordam beradi, kontrast pardaning yorilishiga to‘sqinlik qiladi.

Farmakokinetika

Fiziologik va kimyoviy inertligi tufayli organizmda so‘rilmaydi, MIY orqali o‘tgandan so‘ng o‘zgarmagan holda chiqariladi.

Qo‘llanilishi

oshqozon-ichak traktida ortiqcha gaz hosil bo‘lishi va to‘planishi (meteorizm, Remxeld sindromi, aerofagiya, operatsiyadan keyingi davrda gaz hosil bo‘lishining ko‘payishi);

qorin bo‘shlig‘i va kichik chanoq a’zolarini diagnostik tekshirishlarga (ultratovush, rentgenologik tekshirishlar va boshqalar) tayyorlash;

funksional dispepsiya tufayli yuzaga kelgan ortiqcha gaz hosil bo‘lish belgilari;

tarkibida ko‘pik hosil qiluvchi moddalar (ko‘pik so‘ndirgich sifatida) bo‘lgan yuvish vositalari bilan o‘tkir zaharlanish.

Qarshi ko‘rsatmalar:

preparatning tarkibiy qismlariga yuqori sezuvchanlik;

ichak tutilishi;

18 yoshgacha bo‘lgan bolalar yoshi.

Qo‘llash usuli va dozalari

Ortiqcha gaz hosil bo‘lishi bilan bog‘liq shikoyatlarda:

Kattalarga 2 kapsuladan kuniga 3-5 marta, oz miqdordagi suyuqlik bilan, har bir ovqatdan keyin va zarur bo‘lganda uyqudan oldin qabul qilish mumkin. Davolash kursining davomiyligi yuqori gaz hosil bo‘lishi belgilarining mavjudligiga bog‘liq. Zarurat tug‘ilganda, Espumizan® preparatini uzoq vaqt davomida qo‘llash mumkin. Diagnostik tekshiruvlarga tayyorgarlik: 2 kapsuladan sutkada 3 marta tekshiruvdan bir kun oldin va tekshiruv kuni ertalab 2 kapsuladan suvsiz ichish.

Tarkibida ko‘pik hosil qiluvchi moddalar bo‘lgan yuvish vositalari bilan zaharlanishda ko‘pik so‘ndirgich sifatida: kattalar uchun bir martalik doza 10-20 kapsulani tashkil etadi, dozalash intoksikatsiyaning og‘irligiga bog‘liq.

Bolalar populyatsiyasi

Empumizan® preparati 18 yoshgacha bo‘lgan bolalarda qo‘llash mumkin emas. Boshqa dori shakllari va dozalari ushbu guruh ehtiyojlarini qondirishi mumkin.

Nojo‘ya ta’sirlari

Espumizan® preparatini qabul qilishda nojo‘ya ta’sirlar kuzatilmadi.

Preparatning tarkibiy qismlariga allergik reaksiyalar rivojlanishi mumkin.

Dozani oshirib yuborish:

Espumizan® dori vositasining kimyoviy va fiziologik inertligi tufayli uning dozasini oshirib yuborish ehtimoli kam.

O‘zaro aloqa

Espumizan® preparatining boshqa dori vositalari bilan klinik jihatdan ahamiyatli o‘zaro ta’siri aniqlanmagan.

Maxsus ko‘rsatmalar

Preparatning tarkibiy qismlariga (metilparagidroksibenzoat va sariq quyosh botishi bo‘yog‘i (E 110)) yuqori sezuvchanlikka ega bo‘lgan odamlarda darhol yuqori sezuvchanlik reaksiyalari, shuningdek, sekinlashgan turdagi yuqori sezuvchanlik reaksiyalari paydo bo‘lishi mumkin. Har qanday allergik reaksiyalar yuzaga kelganda, preparatni qabul qilishni darhol to‘xtatish va shifokorga murojaat qilish lozim.

Homiladorlik va laktatsiya

Espumizan® preparatini homiladorlik va emizish davrida qo‘llash mumkin.

Transport vositalari va mexanizmlarini boshqarish qobiliyatiga ta’siri

Espumizan® preparati psixomotor reaksiyalarning tezligiga va vaziyatni idrok etish yoki baholash qobiliyatiga ta’sir ko‘rsatmaydi.

Chiqarilish shakli/dozasi

Kapsulalar 40 mg.

Qadoq

PVX/alyuminiy folga blisteriga 25 tadan kapsula solinadi.

Tibbiy qo‘llash bo‘yicha yo‘riqnoma bilan birga karton qutiga 1, 2 yoki 4 tadan blister soling.

Saqlash shartlari

30 °C dan yuqori bo‘lmagan haroratda saqlanadi.

Dori vositasini bolalar qo‘li yetmaydigan joyda saqlang!

Dorixonalardan berish shartlari

Retseptsiz.

Ishlab chiqaruvchi

Catalent Germany Eberbach GMBH. Germaniya.