lidokain bilan katejel

Tarkib

100 g uchun tarkib

Ta’sir etuvchi moddalar

Lidokain gidroxlorid monogidrat

lidokain gidroxlorid 2,0000 g hisobida

Xlorgeksidin digidroxlorid 0,0500 g

Yordamchi moddalar

gidroksietilsellyuloza, glitserin (glitserol), natriy laktat eritmasi (50%), inyeksiya uchun suv

Tavsif

Tiniq, rangsiz yoki deyarli rangsiz gel.

Chiqarish shakli

Mahalliy qo‘llash uchun gel.

Farmakoterapevtik guruh

Antiseptik vosita + mahalliy og‘riqsizlantiruvchi vosita. Lidokain boshqa preparatlar bilan kombinatsiyada.

Farmakologik xususiyatlari

Farmakodinamika

Antiseptik va mahalliy og‘riqsizlantiruvchi ta’sir ko‘rsatadigan kombinatsiyalangan preparat. Xlorgeksidin - grammusbat va grammanfiy mikroorganizmlar, achitqilar, dermatofitlarga ta’sir qiluvchi mikroblarga qarshi preparat. Gram-musbat va grammanfiy bakteriyalar - Treponema spp., Neisseria gonorrhoeae, Trichomonas spp., Chlamydia spp., Ureaplasma spp. Qon, yiring, turli xil sekretlar va organik moddalar ishtirokida faolligini (birmuncha pasaygan bo‘lsa-da) saqlaydi.

Lidokain - mahalliy anestetik.

Mikroblarga qarshi ta’sir va adekvat anesteziya preparat qo‘llangandan keyin 5-10 daqiqa o‘tgach rivojlanadi.

Suvda eriydigan shaffof gel aniq optik ko‘rinishni ta’minlaydi va turli endoskopik muolajalarda moylovchi ta’sirga ega.

Ko‘rsatmalar

Infeksiyaning oldini olish, urologiya, ginekologiya, proktologiyada bolalar va kattalarda jarrohlik va diagnostik endoskopik aralashuvlarda anesteziya, endoskopiyaning barcha shakllari, oqma kateterlarni almashtirish, intubatsiya.

Siydik chiqarish kanali, qin, servikal kanal va to‘g‘ri ichak shilliq qavatining yallig‘lanish (og‘riq sindromi bilan kechadigan) belgilarini bartaraf etishda kompleks terapiyada qo‘llaniladi.

Qarshi ko‘rsatmalar

Yuqori sezuvchanlik.

Ehtiyotkorlik bilan

Homiladorlik (I trimestr).

Laktatsiya davrida qo‘llanilganda, preparatni ishlatgandan so‘ng 12 soat davomida bolani emizishdan tiyilish kerak.

Qo‘llash usuli va dozalari

Asboblarni kiritishdan oldin sekin o‘rnatish uchun (shifokor yoki maxsus o‘qitilgan xodim tomonidan) quyidagilar zarur:

- blisterni ochib, shaffof korpusdan qog‘ozni olib tashlash (iloji bo‘lsa, faqat qayta tortishdan oldin);

- uchini sezilarli kuch sarflamasdan sindirib olish (iloji bo‘lsa, qadoq ichida). Bunda shilliq qavat shikastlanmasligi uchun uchining to‘liq olib tashlanishiga e’tibor qaratish lozim. Yuborishni osonlashtirish uchun gel tomchisini oldindan siqib chiqarish tavsiya etiladi;

- gofrirlangan shprisga yengil bosim orqali o‘rnatish. Shpris bo‘shatilgandan so‘ng, uni chiqarib olguncha siqilgan holda ushlab turish kerak.

- gel quyilgandan keyin 5-10 daqiqa o‘tgach, asboblarni kiritish tavsiya etiladi.

Nojo‘ya ta’sirlari

Yuqori sezuvchanlikda allergik reaksiyalar (allergik dermatit, teri toshmasi, angionevrotik shish), applikatsiya joyida achishish paydo bo‘lishi mumkin.

Dozani oshirib yuborish

Simptomlari (sidik chiqarish kanali og‘ir shikastlangan hollarda lidokainning tizimli ta’sirida): bradikardiya, talvasalar, kollaps.

Davolash: bradikardiyada - beta-adrenostimulyatorlar, talvasalarda - barbituratlar yoki qisqa ta’sir qiluvchi miorelaksantlar, kollapsda - vena ichiga epinefrin yoki dopamin yuboriladi.

O‘zaro aloqa

Yod preparatlari bilan birga qo‘llashdan saqlanish kerak. MAO ingibitorlari lidokainning mahalliy og‘riqsizlantiruvchi ta’sirini kuchaytiradi. Sovun, shuningdek, tarkibida anion guruhi bo‘lgan detergentlar (saponinlar, natriy laurilsulfat, natriy karboksimetilsellyuloza) bilan mos kelmaydi. Tarkibida kation guruhi bo‘lgan dori vositalari (benzalkoniy xlorid) bilan mos keladi.

Maxsus ko‘rsatmalar

Preparat steril bo‘lib, bir marta yuborishga mo‘ljallangan.

Laktatsiya davrida qo‘llanilganda, preparatni ishlatgandan so‘ng 12 soat davomida bolani emizishdan tiyilish kerak.

Mintaqaviy va mahalliy anesteziya tajribali mutaxassislar tomonidan tegishli tarzda jihozlangan xonada, yurak faoliyati monitoringi va reanimatsiya tadbirlarini o‘tkazish uchun zarur bo‘lgan, darhol foydalanishga tayyor bo‘lgan asbob-uskunalar va dori-darmonlar mavjud bo‘lganda o‘tkazilishi kerak. Anesteziyani bajaruvchi xodimlar malakali bo‘lishi va anesteziyani bajarish texnikasiga o‘rgatilgan bo‘lishi, tizimli toksik reaksiyalar, noxush hodisalar va reaksiyalar hamda boshqa asoratlarni tashxislash va davolash bilan tanish bo‘lishi kerak.

Qadoq

Bir marta ishlatiladigan polipropilen gofrirlangan shprisga 12,5 g dan cho‘zilgan va uziladigan uchi bilan solinadi. Shpris ikki qismdan iborat blisterga joylashtiriladi: yuqori qismi - bug‘ bilan sterilizatsiyaga bardosh beradigan polipropilen plyonka, pastki qismi - qog‘oz.

1. Blister qo‘llash bo‘yicha yo‘riqnoma bilan birga karton o‘ramga joylashtiriladi.

2. Statsionarlar uchun qadoqlash:

- 5 tadan blister qo‘llanmasi bilan birga karton qadoqqa joylashtiriladi.

- 25 ta blister yon tomoniga qo‘llash bo‘yicha yo‘riqnoma matni yozilgan karton qutiga joylashtiriladi.

Saqlash shartlari

Yorug‘likdan himoyalangan joyda, + 15 dan + 25 °C gacha bo‘lgan haroratda saqlanadi.

Yaroqlilik muddati

5 yil. Qadoqda ko‘rsatilgan yaroqlilik muddati tugagandan keyin ishlatilmasin.

5 yil. Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

FARMASOYTISHE FABRIK MONTAVIT GEZELSHAFT M B X Avstriya

Ishlab chiqaruvchi

PHARMAZEUTISCHE FABRIK MONTAVIT GES M B H Avstriya