Komplivit Aktiv

Tarkib

1 ta Komplivit-Aktiv tabletkasi quyidagilarni o‘z ichiga oladi:

faol moddalar: retinol atsetat (vit. A) 791,2 mkg (2300 XB), alfa-tokoferol atsetat (vit. E) 10 mg, ergokalsiferol 2,5 mkg (100 XB), askorbin kislotasi (vitamin C) 50 mg, tiamin gidroxlorid (vitamin B1) 1 mg, riboflavin 1 mg, kalsiy pantotenat (vitamin B5) 5 mg, piridoksin gidroxlorid (vit. V6) 1,5 mg, nikotinamid 7,5 mg, folat kislota 0,2 mg, sianokobalamin (vitamin V12) 3 mkgrutozid (rutin) 10 mg, kalsiy (fosfat digidrat shaklida) 35 mg, temir (temir (II) sulfat shaklida) 10 mg, fosfor (kalsiy fosfat digidrat shaklida) 27 mg, mis (mis (II) sulfat shaklida) 1 mg, marganes (marganes (II) sulfat shaklida) 1 mg, rux (yetti suvli sulfat shaklida) 5 mg, magniy (asosli karbonat shaklida) 22 mg, ftor (natriy ftorid shaklida) 0,5 mg, yod (natriy yodid shaklida) 0,1 mg, selen (natriy selenid shaklida) 10 mkg.

yordamchi moddalar: talk 2,20 mg, kartoshka kraxmali - 133,0 mg, limon kislotasi monogidrati - 16,63 mg, povidon (past molekulyar polivinilpirrolidon, povidon K-17) - 8,75 mg, kalsiy stearati - 6,78 mg, stearin kislotasi - 4,54 mg, kollikoat® Protekt (makrogol va polivinil spirt sopolimeri 55-65%, polivinil spirti 35-45%, kremniy dioksidi 0,1-0,3%) - 0,22 mg, saxaroza (oq shakar) - 119,1995 mg.

Qobiq tarkibi: giproloza (gidroksipropilsellyuloza) 8,395 mg, makrogol (makrogol-4000, polietilenoksid-4000) - 3,197 mg, povidon (polivinilpirrolidon quyi molekulyar, povidon K-17) - 8,71 mg, titan dioksidi - 5,703 mg, talk - 5,776 mg, indigokarmin - 0,044 mg, xinolin sariq bo‘yog‘i (Ye 104) - 0,175 mg.

Dori shakli

Tabletkalar.

Farmakologik ta’siri

Polivitamin vositasi + minerallar. ATX kodi: A11AA04.

Farmakologik xususiyatlari

Metabolik jarayonlarning muhim omillari bo‘lgan vitaminlar va minerallar majmuasini o‘z ichiga olgan kombinatsiyalangan preparat. 1 ta tabletkadagi komponentlarning mosligi vitamin-mineral komplekslarni ishlab chiqarishning maxsus texnologiyasi bilan ta’minlangan.

Retinol (A vitamini) - teri, shilliq qavatlar, shuningdek, ko‘rish a’zosining normal faoliyatini ta’minlaydi.

α-Tokoferol atsetat (E vitamini) - antioksidant xususiyatga ega, eritrotsitlar barqarorligini saqlaydi, gemolizning oldini oladi; jinsiy bezlar, asab va mushak to‘qimalari faoliyatiga ijobiy ta’sir ko‘rsatadi.

Ergokalsiferol (D2 vitamini) - kalsiy va fosfor gomeostazini saqlashda ishtirok etadi, ularning ingichka ichakda so‘rilishini yaxshilaydi, raxit rivojlanishining oldini oladi.

Tiamin (vitamin B1) - uglevodlar almashinuvida, asab tizimi faoliyatida ishtirok etadi.

Riboflavin (B2 vitamini) hujayraviy nafas olish va ko‘rish idrokining eng muhim katalizatoridir.

Piridoksin (vitamin B6) - oqsil almashinuvi va neyromediatorlar sintezida ishtirok etadi.

Sianokobalamin (vitamin B12) - nukleotidlar sintezida ishtirok etadi, epitelial hujayralarning normal o‘sishi, qon hosil bo‘lishi va rivojlanishida muhim omil hisoblanadi; folat kislotasi metabolizmi va miyelin sintezi uchun zarur.

Nikotinamid (vitamin PP) - to‘qimalarning nafas olishi, yog‘ va uglevod almashinuvi jarayonlarida ishtirok etadi.

Askorbin kislota (vitamin C) - kollagen sintezini ta’minlaydi; tog‘aylar, suyaklar, tishlarning tuzilishi va funksiyasini shakllantirish va qo‘llab-quvvatlashda ishtirok etadi; gemoglobin hosil bo‘lishiga, eritrotsitlarning yetilishiga ta’sir qiladi.

Rutin (rutozid) - oksidlanish-qaytarilish jarayonlarida ishtirok etadi, antioksidant xususiyatlarga ega, oksidlanishning oldini oladi va to‘qimalarda askorbin kislotasining to‘planishiga yordam beradi.

Kalsiy pantotenat - atsetillash va oksidlanish jarayonlarida muhim rol o‘ynaydi; epiteliy va endoteliyni qurish, qayta tiklashga yordam beradi.

Folat kislota - aminokislotalar, nukleotidlar, nuklein kislotalar sintezida ishtirok etadi; normal eritropoez uchun zarur.

Temir - eritropoezda ishtirok etadi, gemoglobin tarkibida to‘qimalarga kislorod tashilishini ta’minlaydi.

Kalsiy - suyak moddasining shakllanishi, qonning ivishi, nerv impulslarini uzatish jarayonini amalga oshirish, skelet va silliq mushaklarning qisqarishi, miokardning normal faoliyati uchun zarur.

Mis - a’zo va to‘qimalarning kamqonligi va kislorod tanqisligining oldini oladi, osteoporozning oldini olishga yordam beradi. Tomirlar devorini mustahkamlaydi.

Rux - immunostimulyator, A vitaminini o‘zlashtirishga yordam beradi, sochlarning tiklanishi va o‘sishiga yordam beradi.

Magniy - oqsil biosintezi va energiya almashinuvida muhim rol o‘ynaydi, asab tizimining qo‘zg‘aluvchanligini pasaytiradi, buyraklarda tosh hosil bo‘lishining oldini oladi.

Fosfor - suyak to‘qimasi va tishlarni mustahkamlaydi, mineralizatsiyani kuchaytiradi, hujayra energiya manbai - ATF tarkibiga kiradi.

Marganes - normal o‘sish, moddalar almashinuvi, osteogenez jarayonlari, uglevod va lipid almashinuvi uchun zarur.

Selen - to‘qimalarning elastikligini boshqarishda ishtirok etadi, antioksidant ta’sir ko‘rsatadi, organizm hujayralari va to‘qimalarini tashqi muhitning noqulay omillari ta’siridan himoya qiladi.

Yod - qalqonsimon bez gormonlari - tiroksin va triyodtironin tarkibiga kiradi, ular energiya almashinuvi jadalligini nazorat qiladi, insonning ruhiy va jismoniy rivojlanishiga, markaziy asab tizimining holatiga faol ta’sir ko‘rsatadi.

Ftor - organizmning normal o‘sishi va rivojlanishi uchun almashtirib bo‘lmaydigan element bo‘lib, tish kariyesining chastotasi va og‘irligini kamaytiradi.

Ko‘rsatmalar

7 yoshdan 12 yoshgacha bo‘lgan bolalarga vitaminlar va mineral moddalar tanqisligining oldini olish va o‘rnini to‘ldirish uchun:

muvozanatlanmagan va sifatsiz ovqatlanishda;

jismoniy va aqliy yuklamalar yuqori bo‘lganda, sport bilan muntazam shug‘ullanganda;

ekologik vaziyat noqulay bo‘lgan mintaqalarda.

Qo‘llash usuli va dozalari

Qo‘llashda shifokor bilan maslahatlashish zarur. Ichga, 1 tabletkadan

Kuniga 1 marta ovqatdan keyin, yetarli miqdorda suyuqlik bilan ichiladi. Kurs davomiyligi 1 oy.

Nojo‘ya ta’sirlari

Allergik reaksiyalar.

Dozani oshirib yuborish

Bemorga dozasi tasodifan oshirib yuborilganda shifokorga murojaat qilish kerakligi haqida ma’lumot berilishi kerak.

Davolash: preparatni qabul qilishni vaqtincha to‘xtatish, oshqozonni yuvish, faollashtirilgan ko‘mir qabul qilish, simptomatik terapiya o‘tkazish.

Qarshi ko‘rsatmalar

preparat komponentlariga yuqori sezuvchanlik;

7 yoshgacha bo‘lgan bolalar;

A gipervitaminozi, D gipervitaminozi;

organizmda kalsiy miqdorining oshishi (giperkalsiyemiya, giperparatireoz, tireotoksikoz, sarkoidoz);

organizmda temir miqdorining ko‘payishi (gemosideroz, gemoxromatoz, sideroaxrestik anemiya).

V12 tanqisligi kamqonligida qo‘llash tavsiya etilmaydi.

Maxsus ko‘rsatmalar

Allergik reaksiyalar paydo bo‘lganda preparatni bekor qilish kerak. Dozani oshirib yubormaslik uchun boshqa polivitamin komplekslarini bir vaqtning o‘zida qo‘llash tavsiya etilmaydi. Siydikning yorqin sariq rangga bo‘yalishi mumkin, bu mutlaqo zararsiz va tarkibida riboflavin preparati borligi bilan tushuntiriladi.

Homiladorlik va emizish davrida qo‘llash

Preparatni homiladorlik va emizish davrida qo‘llash mumkin emas.

Transport vositalarini, mexanizmlarni boshqarish qobiliyatiga ta’siri

Preparat avtotransportni boshqarish va diqqatning yuqori konsentratsiyasini va psixomotor reaksiyalarning tezligini talab qiladigan boshqa potensial xavfli faoliyat turlarini bajarish qobiliyatiga salbiy ta’sir ko‘rsatmaydi.

Dorilarning o‘zaro ta’siri

Preparat tarkibida temir va kalsiy mavjud, shuning uchun u tetratsiklin guruhi antibiotiklari va ftorxinolon hosilalarining oshqozon-ichak traktidan so‘rilishini sekinlashtiradi.

C vitamini va qisqa ta’sir etuvchi sulfanilamid preparatlari bir vaqtda qo‘llanganda kristalluriya rivojlanish xavfi ortadi.

Tarkibida alyuminiy, magniy, kalsiy bo‘lgan antatsid preparatlar hamda kolistiramin temirning so‘rilishini kamaytiradi.

Tiazidli diuretiklar bir vaqtda buyurilganda giperkalsiyemiya rivojlanish xavfi ortadi.

Chiqarish shakli

Plyonkali qobiq bilan qoplangan tabletkalar.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda.

Yaroqlilik muddati

2 yil.

Ishlab chiqaruvchi

Farmstandart, Rossiya.