Metrogil

1 мл эритма қуйидагиларни сақлайди:

фаол модда: метронидазол - 5,0 мг;

ёрдамчи моддалар: натрий хлориди, лимон кислотаси моногидрати, натрий гидрофосфати, инъекция учун сув.

Тиниқ, рангсиздан оч-сариқ ранглигача бўлган эритма.

Вена ичига юбориш учун эритма.

Микробларга қарши ва протозойларга қарши восита.

Фармакодинамикаси

Протозойларга қарши ва микробларга қарши препарат, 5-нитроимидазол ҳосиласидир. Таъсир механизми анаэроб микроорганизмлар ва содда ҳайвонларнинг хужайра ичидаги транспорт протеинлари томонидан метронидазолнинг 5-нитрогуруҳини биокимёвий қайтарилишидан иборат. Метронидазол нинг қайтарилган 5-нитрогуруҳи микроорганизмларнинг нуклеин кислоталарининг синтезини ингибиция қилиб, микроорганизм хужайраларидаги ДНК билан ўзаро таъсирлашади, бу бактерияни нобуд бўлишига олиб келади.

Trichomonas vaginalis, Entamoeba histolytica, шунингдек грамманфий анаэроблар Bacteroides spp. (шу жумладан Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp. ва айрим граммусбат микроорганизмлар (Eubacterium spp., Clostridium spp., Peptococcus spp., Peptostreptococcus spp. сезгир штаммлари) га нисбатан фаол. Бу штаммлар учун МБК 0,125-6,25 мкг/мл ни ташкил қилади.

Амоксициллин билан бирга Helicobacter pylori га нисбатан фаоллик намоён қилади (амоксициллин метронидазолга резистентлик ривожланишини бостиради).

Аэроб микроорганизмлар ва факультатив анаэроблар метронидазолга сезгир эмас, лекин аралаш флора (аэроблар ва анаэроблар) бўлганида метронидазол оддий аэробларга қарши самарали антибиотиклар билан синергик таъсир кўрсатади.

Ўсмаларни нурланишга сезгирлигини оширади, дисульфирамсимон реакциялар чақиради, репаратив жараёнларни рағбатлантиради.

Фармакокинетикаси

Организмнинг кўпгина тўқималари ва суюқликларида, шу жумладан ўпкалар, буйраклар, жигар, тери, орқа мия суюқлиги, бош мия, сафро, сўлак, амниотик суюқлик, абсцесс бўшлиқлари, вагинал секрет, уруғ суюқлиги, она сутида бактерицид концентрацияларга эришиб, юқори кириш қобилиятига эга; гематоэнцефалик ва йўлдош тўсиғи орқали киради. Тақсимланиш хажми: катталарда тахминан 0,55 л/кг, янги туғилган чақалоқларда 0,54-0,81 л/кг.

Плазма оқсиллари билан боғланиши 10-20%.

500 мг препарат 20 минут давомида вена ичига юборилганда қон зардобидаги максимал концентрацияси (Сmax): 1 соатдан кейин 35,2 мкг/мл, 4 соатдан кейин 33,9 мкг/мл, 8 соатдан кейин 25,7 мкг/мл ни ташкил этади; кейинчалик юборилганда препаратнинг минимал концентрацияси (Сmin) 18 мкг/мл ни ташкил этади. Максимал концентрациясига эришиш вақти 30-60 минут, терапевтик концентрацияси 6-8 соат давомида сақланади. Нормал сафро ҳосил бўлишида метронидазолнинг сафродаги концентрацияси вена ичига юборилгандан кейин плазмадаги концентрациясидан аҳамиятли даражада юқори бўлиши мумкин.

Организмда метронидазолнинг тахминан 30-60% гидроксилизация, оксидланиш ва глюкуронизация йўли билан метаболизмга учрайди. Асосий метаболити (2-оксиметронидазол) ҳам протозойларга қарши ва микробларга қарши таъсир кўрсатади.

Ярим чиқарилиш даври жигар фаолияти нормал бўлганда 8 соат (6 соатдан 12 соатгача), жигарни алкоголли шикастланишида 18 соат (10 соатдан 29 соатгача), янги туғилган чақалоқларда: ҳомиладорликнинг 28-30 хафта муддатида туғилган тахминан 75 соат, 32-35 хафтада 35 соат, 36-40 хафтада 25 соат. Буйраклар орқали 60-80% (20% ўзгармаган кўринишда), ичак орқали 6-15% чиқарилади.

Буйрак клиренси минутига 10,2 мл. Буйрак фаолиятини бузилиши бўлган беморларда препаратни такроран юборгандан кейин қон плазмасида метронидазол тўпланиши мумкин (шунинг учун оғир буйрак етишмовчилиги бўлган беморларда метронидазолнинг суткалик дозасини камайтириш керак). Метронидазол ва асосий метаболитлари гемодиализда плазмадан тез чиқарилади (ярим чиқарилиш даври 2,6 соатгача қисқаради). Перитонеал диализда оз миқдорда чиқарилади.

Протозой инфекциялар: ичакдан ташқари амёбиаз, шу жумладан жигарнинг амёбали абсцесси, ичак амёбиази (амёбали дизентерия), трихомониаз (шу жумладан трихомонад вагинит, трихомонад уретрит),

Bacteroides spp. (шу жумладан Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus) чақирган инфекциялар: суяк ва бўғим инфекциялари, марказий нерв тизими инфекциялари, шу жумладан менингит, бош мия абсцесси, бактериал эндокардит, пневмония, плевра эмпиемаси ва ўпка абсцесси, сепсис.

Clostridium spp., Peptococcus ва Peptostreptococcus чақирган инфекциялар: қорин бўшлиғи инфекциялари (перитонит, жигар абсцесси) кичик чаноқ аъзолари инфекциялари (эндометрит, эндомиометрит, фаллопий найлари ва тухумдон абсцесси, қин туби инфекциялари).

Операциядан кейинги асоратларни олдини олиш (айниқса чамбар ичак, колоректал соҳа атрофидаги аралашувлар, аппендэктомия, гинекологик операциялар).

Ўсмаси бўлган беморларда нур билан даволаш ўсманинг резистентлиги ўсма хужайраларида гипоксия билан боғлиқ ҳолларда радиосенсибилизация қилувчи дори воситаси сифатида қўлланади.

Инфекцияни оғир кечишида, шунингдек препаратни ичга қабул қилиш имконияти бўлмаганда препаратни вена ичига юбориш кўрсатилган.

Катталарга ва 12 ёшдан ошган болаларга бошланғич дозаси 0,5-1,0 г вена ичига томчилаб (инфузия давомийлиги 30-40 минут), сўнгра ҳар 8 соатда 500 мг дан минутига 5 мл тезликда юборилади. Яхши ўзлаштирилганда биринчи 2-3 инфузиядан кейин оқим билан юборишга ўтилади. Даволаш курси 7 кун. Зарурати бўлганида вена ичига юборишн узоқроқ вақт давомида давом эттирилади. Беморнинг ҳолати яхшиланганда кўрсатмалар бўйича препаратни суткада 3-5 марта 400 мг дозада ичга қабул қилишга ўтилади.

12 ёшгача бўлган болаларга худди шу схемада 7,5 мг/кг бир марталик дозада буюрилади.

Йирингли-септик касалликларда одатда 1 даволаш курси ўтказилади.

Профилактик мақсадларда катталар ва 12 ёшдан ошган болаларга операциядан олдин 0,5-1 г дан вена ичига томчилаб буюрилади, операция куни ва кейинги куни суткада 1,5 г (500 мг дан ҳар 8 соатда) буюрилади. 1-2 кундан кейин самарани бир маромда ушлаб турувчи ичга қабул қилишга ўтилади. Сурункали буйрак етишмовчилиги ва креатинин клиренси минутига 30 мл дан кам бўлган ва/ёки жигар етишмовчилиги бўлган беморларга максимал суткалик доза 1 г дан, қабул қилишлар сони суткада 2 мартадан ошмаслиги керак.

Радиосенсибилизация қилувчи дори воситаси сифатида препарат 160 мг/кг ёки тана юзасига 4-6 г/м2 ҳисобидан нурлантиришдан 0,5-1,0 соат олдин вена ичига томчилаб юборилади. Ҳар бир нурлантириш сеанси олдидан 1-2 хафта давомида қўлланади. Нур билан даволашнинг қолган даврида метронидазол қўлланилмайди. Максимал бир марталик доза 10 г дан, курс дозаси 60 г дан ошмаслиги керак. Нурлантириш чақирган интоксикацияни бартараф этиш учун 5% ли декстроза эритмаси, гемодиз ёки 0,9% ли натрий хлориди эритмаси томчилаб юборилади.

Меъда-ичак йўллари томонидан бузилишлар: эпигастрийда оғриқ, кўнгил айниши, қусиш, диарея, стоматит, оғизда “металл” таъми, иштаҳани пасайиши, анорексия, сохтамембраноз колит, ичак санчиғи, оғиз бўшлиғи шиллиқ қаватини қуриши, қабзият, панкреатит (қайтувчан ҳолатлар), тил рангини ўзгариши/”караш билан қопланган тил” (замбуруғли микрофлораси ўсиши туфайли).

Иммун тизими томонидан бузилишлар:

Ангионевротик шиш, анафилактик шок.

Нерв тизими томонидан бузилишлар:

периферик сенсор нейропатия, бош оғриғи, тиришишлар, бош айланиши, энцефалопатия ва ним ўткир мияча синдроми (координация ва ҳаракатлар синергизмини бузилиши, дизартрия, юришни бузилиши, нистагм, тремор) ривожланиши ҳақида хабар берилган, улар метронидазол бекор қилгандан кейин қайтувчан ҳисобланади, асептик менингит.

Руҳий бузилишлар: психотик бузилишлар, шу жумладан онгни бузилиши ва чалкашиши, галлюцинациялар; депрессия, уйқуни бузилиши, уйқусизлик, таъсирчанлик, юқори қўзғалувчанлик.

Кўриш аъзоси томонидан бузилишлар:

диплопия, миопия, предметларнинг четларини ноаниқлиги, кўриш ўткирлигини пасайиши, ранг ажратишни бузилиши каби кўришни ўтувчан бузилишлари; кўрув нерви нейропатияси/неврити.

Қон ва лимфатик тизим томонидан бузилишлар: агранулоцитоз, лейкопения, нейтропения, тромбоцитопения.

Жигар ва ўт чиқариш йўллари томонидан бузилишлар: “жигар” ферментлари (аспартатаминотрансфераза, аланинамино-трансфераза, ишқорий фосфатаза) фаоллигини ошиши, холестатик ва аралаш сариқликни ва айрим ҳолларда сариқлик билан кечувчи жигарнинг гапатоцеллюляр шикастланишини ривожланиши; бошқа антибактериал воситалар билан мажмуада метронидазол билан даволанган пациентларда жигар трансплантациясини ўтказишни талаб этган жигар етишмовчилиги ривожланиши холатлари кузатилган.

Тери ва тери ости тўқималари томонидан бузилишлар: тошма, қичишиш, тери гиперемияси, эшакеми, тери пустулёз тошмаси, Стивенс-Джонсон синдроми, токсик эпидермал некролиз.

Буйрак ва сийдик чиқариш йўллари томонидан бузилишлар:

сийдикда метронидазолнинг сувда эрувчан метаболитини бўлиши туфайли сийдикни жигарранг-қизил рангга бўялиши, дизурия, полиурия, цистит, сийдикни тутиб туролмаслик, кандидоз.

Умумий бузилишлар: иситма, бурунни битиши, артралгия, ҳолсизлик, тромбофлебит (юбориш жойида оғриқ, гиперемия ёки шиш).

Лаборатор ва инструментал маълумотлар: электрокардиограммада Т тишчасини силлиқлашиши.

Метронидазол ёки препаратнинг таркибига кирувчи компонентлар, шунингдек нитроимидазолнинг бошқа ҳосилаларига юқори сезувчанлик; ҳомиладорликнинг I уч ойлиги, лактация даври, марказий нерв тизимининг органик шикастланишлари (шу жумладан тутқаноқ), қон касалликлари (шу жумладан анамнезида), жигар етишмовчилигида (юқори дозалар буюрилган ҳолатларда) қўллаш мумкин эмас.

Эҳтиёткорлик билан

Ҳомиладорлик (II ва III уч ойлиги), буйрак/жигар етишмовчилигида эҳтиёткорлик билан қўлланади.

Вена ичига юбориш учун мўлжалланган метронидазолни бошқа дори препаратлари билан аралаштириш мумкин эмас.

Билвосита антикоагулянтларнинг таъсирини кучайтиради, бу протромбин вақтини узайишига олиб келади.

Дисульфирамга ўхшаб этанолни ўзлаштираолмасликни чақириши мумкин.

Дисульфирам билан бир вақтда қўллаш турли неврологик симптомлар ривожланишига олиб келиши мумкин (буюриш орасидаги интервал камида 2 хафта бўлиши керак).

Циметидин метронидазолнинг метаболизмини ингибиция қилади, бу қон зардобида унинг концентрациясини ошишини ва ножўя кўринишлар ривожланиши хавфини ошишига олиб келиши мумкин.

Жигарда микросомал оксидланиш ферментларининг фаоллигини раҳбатлантирувчи препаратларни (фенобарбитал, фенитоин) бир вақтда буюриш метронидазолнинг чиқарилишини тезлаштириши мумкин, бунинг натижасида қон плазмасида унинг концентрацияси пасаяди.

Литий препаратлари билан бир вақтда қўлланилганда қон плазмасида литийнинг концентрацияси ошиши ва интоксикация симптомлари ривожланиши мумкин.

Деполяризацияламайдиган миорелаксантлар (векуроний бромиди) билан бирга қўллаш тавсия этилмайди.

Сульфаниламидлар метронидазолнинг микробларга қарши таъсирини кучайтиради.

Даволаш даврида алкоголни истеъмол қилиш мумкин эмас (дисульфирамсимон реакциялар: спастик характердаги абдоминал оғриқ, кўнгил айниши, қусиш, бош оғриғи, юзга тўсатдан қон қуйилиши ривожланиши мумкин).

18 ёшгача бўлган пациентларда амоксициллин билан мажмуада қўллаш тавсия этилмайди.

Аёлларда трихомонад вагинитни ва эркакларда трихомонад уретритни даволаганда жинсий ҳаётдан сақланиш керак. Жинсий шерикларни албатта бир вақтда даволаш керак. Трихомониазни даволагандан кейин ҳаёздан олдин ва кейин кетма-кет 3 цикл давомида назорат синамаларини ўтказиш керак.

Узоқ вақт даволаганда периферик қон манзарасини назорат қилиш керак.

Атаксия, бош айланиши ва беморнинг неврологик статусини ҳар қандай ёмонлашиши пайдо бўлиши даволашни тўхтатишни талаб этади.

Трепонемаларни иммобилизация қилиши ва Нельсон синамасини сохтамусбат натижасига олиб келиши мумкин.

Сийдикни тўқ рангга бўяйди.

Ҳомиладорлик ва лактация даври

Ҳомиладорликнинг I уч ойлигида қўллаш мумкин эмас.

Эмизикли оналар эмизишни тўхтатиш билан бир вақтда кўрсатмалар бўйича қўлланади.

Автомобил ва ҳаракатланувчи механизмларни бошқариш қобилиятига таъсири

Даволаш даврида автотранспортни бошқарганда ва диққатни юқори жамлаш ва психомотор реакцияларнинг тезлигини талаб этувчи бошқа потециал хавфли фаолият турлари билан шуғулланганда эҳтиёткорликка риоя қилиш керак (бош айланиши, онгни бузилиши, галлюцинациялар, тиришишлар, ҳаракат координацияси бузилишлари, атаксия кузатилиши мумкин).

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Симптомлари: кўнгил айниши, қусиш, атаксия; радиосенсибилизация қилувчи восита сифатида қўлланилганда тиришишлар, периферик нейропатия.

Даволаш: специфик антидоти йўқ, симптоматик ва тутиб турувчи даволаш ўтказилади.

Вена ичига юбориш учун эритма 5 мг/мл.

20 мл дан шиша ампулада (1 тип, АҚШ Ф.). 5 ампуладан ампула пичоғи ва қўллаш бўйича йўриқномаси билан термоконтейнерга (“термокол”) жойланади.

1 термоконтейнер картон қутига жойланади.

100 мл дан паст зичликдаги полиэтилен флаконда. 1 флакон целлофан ўрамда қўллаш бўйича йўриқномаси билан картон қутида.

30 °С дан юқори бўлмаган ҳароратда, ёруғликдан ҳимояланган жойда. Музлатилмасин.

3 йил.

Рецепт бўйича.

«Юник Фармасьютикал Лабораториз», Ҳиндистон.