Neladeks

Tarkib

1 ml preparat tarkibida quyidagilar mavjud:

Faol moddalar: deksametazon - 1,0 mg; neomitsin (sulfat shaklida) - 3,5 mg; polimiksin B sulfat - 6000 XB.

Yordamchi moddalar: gidroksipropilmetilsellyuloza, benzalkoniy xlorid, dinatriy edetat, natriy xlorid, polisorbat 80, natriy gidroksid yoki xlorid kislota, inyeksiya uchun suv.

Tavsif

Oq mikrodispers, hidsiz suspenziya.

Dori shakli

Ko‘z/quloq tomchilari 5 ml (tomizgich flakonlari).

Farmakoterapevtik guruh

Asosan oftalmologiyada qo‘llaniladigan vosita. ATX kodi: S03CA01.

Ko‘rsatmalar

Ko‘zning bakterial o‘tkir va surunkali kasalliklari:

blefaritlar;

konyunktivitlar;

keratitlar;

iridotsiklit.

Ko‘z oldingi qismining operatsiyadan keyingi yallig‘lanishining oldini olish. O‘tkir va surunkali tashqi va o‘rta otitlar, eshitish a’zosidagi jarrohlik operatsiyalari bilan bog‘liq infeksion asoratlar.

Qo‘llash usuli va dozalari

Ko‘z/quloq tomchilari infeksiyalarning yengil shakllarida konyunktiva xaltasiga 1-2 tomchidan sutkada 4-6 marta tomiziladi. Infeksiyalarning og‘ir shakllarida ko‘z tomchilari har soatda qo‘llanilishi mumkin; kasallik belgilari susayishi bilan tomchilar soni kamaytirilishi mumkin. Quloq tashqi kanali infeksiyalarida sutkada 3-4 mahal 4 tomchidan. Eshitish a’zosidagi jarrohlik operatsiyalari bilan bog‘liq infeksion asoratlarda va o‘rta otitlarda sutkada 3-4 marta 4-10 tomchidan.

Nojo‘ya ta’sirlari

Preparat qo‘llanganda nojo‘ya ta’sirlar kuzatilishi mumkin, ular ham deksametazon, ham antibakterial komponentlar, shuningdek, ularning kombinatsiyasi natijasida yuzaga keladi. Allergik reaksiyalar: qichishish, qovoqlarning shishishi, konyunktivaning qizarishi (odatda antibiotiklar ta’sirida).

Qarshi ko‘rsatmalar

Neladeks preparati quyidagi hollarda qo‘llanilishi mumkin emas:

Herpes simplex (daraxtsimon keratit) keltirib chiqargan keratit;

shox parda va konyunktivaning virusli kasalliklari (shu jumladan suvchechak);

ko‘zning mikobakterial infeksiyalarida;

ko‘zning zamburug‘li kasalliklarida;

preparatning har qanday komponentiga yuqori sezuvchanlik.

Preparat shox pardadan yot jism asoratsiz olib tashlangandan keyin tayinlanmaydi.

Dozani oshirib yuborish

Hozirgi vaqtda Neladex dori vositasining dozasini oshirib yuborish holatlari haqida xabar berilmagan.

Boshqa dorilar bilan o‘zaro ta’siri, boshqa o‘zaro ta’sirlar

Neladeks preparatining boshqa dori vositalari bilan o‘zaro ta’siri aniqlanmagan.

Chiqarilish shakli va qadoqlash

Neladeks ko‘z/quloq tomchilari 5 ml dan tiqin-tomizgichli va himoya halqasi bilan ta’minlangan, burab yopiladigan himoya qalpoqchasi bo‘lgan plastik flakonda chiqariladi. 1 flakon karton qutida varaq-qo‘shimcha bilan birga.

Saqlash shartlari

Neladeks ko‘z/quloq tomchilari bolalar qo‘li yetmaydigan joyda 15-25 °C haroratda saqlanadi. Flakon ochilgandan so‘ng, preparat bir oy davomida ishlatiladi.

Yaroqlilik muddati

Ishlab chiqarilgan sanadan boshlab 2 yil. Yaroqlilik muddati o‘tgandan keyin qo‘llanilmaydi.

Ishlab chiqaruvchi

World Medicine Ophthalmics Ilaclari Ltd. Sti., Turkiya.

Ishlab chiqarilgan: World Medicine Ilac San. ve Tic. A.S.