Urostim

Tarkib

Bir tabletka quyidagilarni o‘z ichiga oladi:

Faol moddalar: 50 mg liofillangan quyidagi turdagi mikroblarning o‘lik bakterial hujayralari:

Escherichia coli 29 (3x109 bakteriya hujayralari), Escherichia coli J5 (3x109 bakteriya hujayralari), Proteus mirabilis, Klebsiella pneumoniae, Enterococcus faecalis har bir mikroorganizmdan 0,4x109 hujayra miqdorida va dekstran 40 stabilizator sifatida.

Yordamchi moddalar: mikrokristall sellyuloza (101-tip), bug‘doy kraxmali, kremniy dioksidi, povidon K25, magniy stearati.

Dori shakli

Tabletkalar.

Farmakoterapevtik guruh

Immunostimulyator. ATX kodi: L03AX.

Farmakologik xususiyatlari

Immunostimullovchi preparat.

Urostim polibakterial immunostimullovchi vosita bo‘lib, u organizmning tabiiy chidamliligini va urogenital traktning turli infeksiyalariga qarshi maxsus immunitetni oshiradi. Urostim hujayra va gumoral darajalarda ta’sir qilib, immunitet tizimini rag‘batlantiradi, tizimli va mahalliy immunitetni faollashtirishga yordam beradi.

Qo‘llanilishi

Urostim ichish uchun mo‘ljallangan.

Kattalarda immunoterapiya va urogenital traktning o‘tkir, qaytalanuvchi va surunkali nospetsifik infeksiyalarining oldini olish uchun, uni keltirib chiqaradigan mikroorganizmlar turidan qat’i nazar qo‘llaniladi.

Preparatni qo‘llash ayniqsa sistitlar, piyelonefritlar, uretritlar, prostatitlar, simptomsiz bakteriuriya va boshqalarda tavsiya etiladi.

Zarurat bo‘lganda Urostim antibiotiklar bilan birgalikda buyuriladi. Uzoq davom etgan antibiotikoterapiya fonida immun faolligi pasaygan bemorlarga Urostimni buyurish ayniqsa muhim va foydalidir.

Qo‘llash usuli va dozalari

Odatda, preparat 1 tabletkadan sutkada bir marta, ertalab och qoringa buyuriladi.

Kattalarga o‘tkir urogenital infeksiyalar vaqtida antibiotiklar bilan birga ertalab och qoringa 1 tabletka Urostim buyuriladi. Davolash simptomlar yo‘qolguncha, lekin kamida 10 kun davom ettiriladi.

Surunkali va qaytalanuvchi urogenital infeksiyalar vaqtida - 1 tabletkadan ertalab, nahorda, 2-3 oy davomida. Zarurat tug‘ilganda Urostim bilan davolashni 3 oydan keyin davom ettirish mumkin.

Urostimni operatsiyadan keyingi asoratlarning oldini olish uchun qo‘llash mumkin. Bunday holda, preparatni qabul qilish operatsiyadan bir oy oldin boshlanadi va operatsiyadan keyin yana bir oy davom etadi - kuniga bir marta 1 tabletkadan.

O‘tkazib yuborilgan dozani qoplash uchun preparatni ikki marta qabul qilish shart emas. Bunday holda o‘tkazib yuborilgan dozaga e’tibor berilmaydi va davolash odatdagi tartibda davom ettiriladi.

Nojo‘ya ta’sirlari

Klinik tadqiqotlarda Urostimning nojo‘ya ta’sirlari aniqlanmagan.

Qarshi ko‘rsatmalar

antitanalar sintezining oshishi bilan kechadigan autoimmun buzilishlar;

preparat komponentlariga yuqori sezuvchanlik.

Dorilarning o‘zaro ta’siri

Urostimning boshqa dori vositalari bilan o‘zaro ta’siri aniqlanmagan. Uni boshqa dori vositalari, shu jumladan antibiotiklar bilan birgalikda buyurish mumkin.

Maxsus ko‘rsatmalar

Urostimil tarkibida yordamchi modda sifatida bug‘doy kraxmali bor, buni seliakiya bilan og‘rigan bemorlar albatta hisobga olishlari kerak.

Homiladorlik va laktatsiya

Homiladorlikning I trimestrida Urostimni qo‘llash tavsiya etilmaydi.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Avtotransport va mexanizmlarni boshqarish qobiliyatiga ta’siri

Preparatni qo‘llash avtotransport yoki potensial xavfli mexanizmlarni boshqarish qobiliyatiga ta’sir ko‘rsatmaydi.

Dozani oshirib yuborish

Dozani oshirib yuborish holatlari qayd etilmagan.

Chiqarish shakli

50 mg li tabletkalar; o‘ramda 10 yoki 30 ta tabletka.

Saqlash shartlari

25 °C dan yuqori bo‘lmagan haroratda, quruq, yorug‘likdan himoyalangan joyda saqlang.

Yaroqlilik muddati

3 yil.

Dorixonalardan berish shartlari

Retseptsiz!

Ishlab chiqaruvchi

GM Pharmaceuticals Ltd.

Gruziya, Tbilisi shahri, Ponichala 65

Tel.: +995-32-2404801/02; Faks: +995-32-2404803

Tovar litsenziyasi egasi:

REFARMED Chemicals Ltd. (Shveysariya).