Valtreks

Tarkib

Valtreks preparatining ta’sir etuvchi moddasi valasiklovir hisoblanadi.

Har bir tabletka 500 mg valatsiklovir (gidroxlorid ko‘rinishida) saqlaydi.

Boshqa ingrediyentlar (yordamchi moddalar) quyidagilar: mikrokristall sellyuloza Avitsel PH-101, krossovidon, povidon-K90, magniy stearat, kolloid kremniy dioksidi, plyonkali qobiq (oq rangli konsentrat (YS-1-18043)): gipromelloza, titan dioksidi, makrogol-400, polisorbat-80; sayqallash (Karnaub mumi).

Tavsif

Valtreks preparati oq rangli, cho‘zinchoq, ikki tomoni qavariq, plyonka qobig‘i bilan qoplangan, bir tomoniga "GX CF1" deb o‘yib yozilgan, xavf-xatarsiz tabletkalardir. Yadrosi oqdan deyarli oq ranggacha.

Chiqarish shakli

Plyonkali qobiq bilan qoplangan tabletkalar, 500 mg.

Preparatning tavsifi

Valtreks preparati virusga qarshi dorilar deb ataladigan dorilar guruhiga kiradi. U quyidagi viruslarning ko‘payishini to‘xtatish orqali ta’sir ko‘rsatadi: 1- va 2-tipdagi oddiy gerpes virusi (OGV), varitsella-zoster virusi (VZV) va sitomegalovirus (SMV).

Farmakoterapevtik guruh

Tizimli ta’sir etuvchi virusga qarshi vositalar; to‘g‘ridan to‘g‘ri ta’sir etuvchi virusga qarshi vositalar; nukleozidlar va nukleotidlar, teskari transkriptaza ingibitorlaridan tashqari. Valatsiklovir. ATX kodi: J05AB11.

Ko‘rsatmalar

Valtreks preparati kattalar va 12 yoshdan oshgan o‘smirlarda qo‘llanilishi ko‘rsatilgan.

12-18 yoshdagi kattalar va o‘smirlar

OGV tufayli kelib chiqqan teri va shilliq qavat infeksiyalarini, shu jumladan birinchi marta aniqlangan va qaytalanuvchi genital gerpes (Herpes genitalis) hamda lab gerpesini (Herpes labialis) davolash.

OGV, shu jumladan genital gerpes, shu jumladan immunitet tanqisligi bo‘lgan kattalarda chaqirilgan teri va shilliq qavat infeksiyalari qaytalanishining oldini olish (supressiya).

Sitomegalovirus (SMV) keltirib chiqaradigan infeksiyalar va parenximatoz a’zolar transplantatsiyasidan keyingi kasalliklarning oldini olish.

Kattalar

Belbog‘simon uchuq (Herpes zoster) va oftalmik belbog‘simon uchuqni davolash.

Agar ahvolingiz yaxshilanmasa yoki ahvolingiz yomonlashsa, shifokorga murojaat qilishingiz kerak.

Qarshi ko‘rsatmalar

Valtreks preparatini qabul qilmang:

agar sizda Valasiklovir, Atsiklovir yoki preparatning istalgan tarkibiy qismiga allergiya (o‘ta yuqori sezuvchanlik) bo‘lsa (ilova varaqasining 6-bo‘limida sanab o‘tilgan);

agar Valasiklovir qabul qilganingizdan keyin sizda isitma, limfa tugunlarining kattalashishi, jigar fermentlari darajasining oshishi va/yoki eozinofiliya (eozinofiliya va tizimli alomatlar bilan kechuvchi dori reaksiyasi) bilan kechuvchi keng tarqalgan toshma rivojlangan bo‘lsa.

Agar siz sanab o‘tilgan holatlardan birortasi sizga tegishli deb hisoblasangiz, davolovchi shifokoringiz bilan maslahatlashmasdan turib Valtreks preparatini qabul qilmang.

Ehtiyotkorlik bilan

Valtreks preparatini qabul qilishdan oldin davolovchi shifokoringiz bilan maslahatlashing.

Davolovchi shifokorga xabar bering:

agar sizda buyrak kasalligi bo‘lsa;

agar sizda jigar kasalligi bo‘lsa;

agar siz 65 yoshdan oshgan bo‘lsangiz;

agar sizda immunitet tizimi buzilishlari bo‘lsa.

Agar yuqoridagilardan birortasi sizga tegishli deb hisoblasangiz, davolovchi shifokoringiz bilan maslahatlashing.

Qo‘llash usuli va dozalari

Har doim Valtreks preparatini davolovchi shifokor tavsiyalariga to‘liq muvofiq ravishda qabul qiling. Agar shubha paydo bo‘lsa, davolovchi shifokor bilan maslahatlashing.

Tavsiya etilgan doza

Siz oladigan doza shifokor sizga Valtreks preparatini buyurgan sababga bog‘liq bo‘ladi. Shifokoringiz buni siz bilan muhokama qiladi.

VPG tufayli kelib chiqqan teri va shilliq qavat infeksiyalarini davolash, shu jumladan birinchi marta aniqlangan va qaytalanuvchi genital gerpes, shuningdek, kattalarda lab gerpesi

Tavsiya etilgan doza kuniga 2 mahal 500 mg ni tashkil etadi.

Gerpes qaytalansa, davolash muddati 3 kundan 5 kungacha davom etadi.

Birlamchi gerpes holatida davolash muddati 10 kungacha uzaytirilishi mumkin.

Lab gerpesi holatida shifokor sizga Valtrek preparatini 2000 mg dozada kuniga 2 marta 1 kun davomida qabul qilishni tavsiya qilishi mumkin. Ikkinchi doza birinchi doza qabul qilingandan taxminan 12 soat o‘tgach (lekin 6 soatdan oldin emas) qabul qilinishi kerak.

Kattalarda, shu jumladan immunitet tanqisligi bo‘lgan kattalarda JTPG, shu jumladan genital gerpes tufayli yuzaga keladigan teri va shilliq qavat infeksiyalarining qaytalanishini oldini olish ( bostirish)

Tavsiya etilgan doza kuniga 1 marta 500 mg ni tashkil etadi. Davolash davomiyligi 6-12 oyni tashkil etadi.

Immunitet tanqisligi bo‘lgan katta yoshli bemorlarda tavsiya etilgan doza kuniga 2 marta 500 mg ni tashkil etadi. Davolash davomiyligi 6-12 oyni tashkil etadi.

Kattalarda SMV keltirib chiqaradigan infeksiyalar va parenximatoz a’zolar (buyrak, jigar, oshqozon osti bezi, taloq va boshqalar) transplantatsiyasidan keyingi kasalliklarning oldini olish

Tavsiya etilgan doza kuniga 4 mahal 2000 mg ni tashkil etadi. Davolash davomiyligi odatda 90 kunni tashkil etadi.

Kattalardagi belbog‘simon gerpes va oftalmik belbog‘simon gerpesni davolash

Tavsiya etilgan doza kuniga 3 mahal 1000 mg ni tashkil etadi. Davolash davomiyligi 7 kunni tashkil etadi.

Shifokoringiz quyidagilarni inobatga olgan holda Valtreks dori vositasining to‘g‘ri dozasini tanlaydi:

sizda buyrak kasalligi bormi;

sizda jigar kasalligi bormi;

Yoshingiz (agar 65 yoshdan oshgan bo‘lsangiz);

immun tizimingizda buzilishlar bormi.

Agar yuqoridagilardan birortasi sizga tegishli bo‘lsa, Valtreks preparatini qo‘llashdan oldin davolovchi shifokoringiz bilan maslahatlashing.

Bolalar va o‘smirlar

12 yoshdan 18 yoshgacha bo‘lgan bolalar (o‘smirlar) uchun dozalash tartibi ko‘rsatilgan ko‘rsatmalar bo‘yicha (1-bo‘limga qarang) kattalar uchun dozalash tartibidan farq qilmaydi.

Valtreks preparatini qanday qabul qilish kerak

Valtreks preparati ovqatlanishdan qat’i nazar qabul qilinadi, tabletkalarni suv bilan birga butunligicha yutish kerak.

65 yoshdan oshgan yoki buyrak kasalliklari bo‘lgan shaxslar

Valtreks preparatini qo‘llash paytida kun davomida muntazam ravishda suv ichish juda muhimdir. Bu buyraklar yoki asab tizimiga ta’sir qilishi mumkin bo‘lgan nojo‘ya reaksiyalarning rivojlanish xavfini kamaytirishga yordam beradi. Shifokor Sizda bunday holatlar belgilari paydo bo‘lishini diqqat bilan kuzatib boradi. Asab tizimining noxush reaksiyalari ongning chalkashishi yoki qo‘zg‘alish hissi, noodatiy uyquchanlik yoki lanjlikni o‘z ichiga olishi mumkin.

Agar siz Valtreks preparatini qabul qilishni unutgan bo‘lsangiz

Agar siz Valtreks preparatini qabul qilishni unutib qo‘ygan bo‘lsangiz, uni eslashingiz bilan darhol qabul qiling. Biroq, agar keyingi dozani qabul qilish vaqti yaqinlashsa, o‘tkazib yuborilgan dozani qabul qilmang.

O‘tkazib yuborilgan dozani qoplash maqsadida ikki marta doza qabul qilmang.

Agar nima qilish kerakligini bilmasangiz, shifokoringizga murojaat qiling.

Valtreks preparatini shifokor tavsiyasisiz qabul qilishni to‘xtatmang

Valtreks preparatini shifokoringiz tavsiya etgan muddat davomida qabul qiling. Shifokor sizga tavsiya qilmaguncha preparatni qabul qilishni to‘xtatmang.

Preparatni qo‘llash bo‘yicha savollar bo‘lsa, davolovchi shifokorga murojaat qiling.

Nojo‘ya ta’sirlari

Barcha dori-darmonlar singari, Valtreks preparati ham nojo‘ya ta’sirlarni keltirib chiqarishi mumkin, garchi ular hammada ham uchramasa-da.

Quyidagi alomatlar paydo bo‘lganda Valtreks preparatini qabul qilishni to‘xtating va darhol tibbiy yordamga murojaat qiling:

Juda kam kuzatilgan og‘ir allergik reaksiyalar (10 000 kishidan 1 tasida uchrashi mumkin):

terining kuchli qichishi, burun, ko‘zning qichishi bilan kechadigan teridagi toshmalar; nafas olishning qiyinlashishiga olib keladigan yuz, til, tomoqning tez rivojlanadigan shishi (angionevrotik shish);

xirillash, hiqildoq shishi, yo‘tal, nafas olishning qiyinlashuvi va ko‘krak qafasida siqilish, hushtaksimon nafas olish;

tomir urishining sustligi, hushdan ketish, bosh aylanishi, ko‘krak og‘rig‘i, qon bosimining pasayishi, hushdan ketish.

Teri toshmasi yoki qizarishi

Teri tomonidan noxush reaksiya pufakchali yoki pufakchasiz toshma ko‘rinishida namoyon bo‘lishi mumkin. DRESS sindromi yoki dorilarga yuqori sezuvchanlik sindromi deb ataladigan eozinofiliya va tizimli ko‘rinishlar bilan doriga reaksiya paydo bo‘lishi mumkin, bu keng tarqalgan toshmalar, tana haroratining ko‘tarilishi, jigar fermentlari darajasining oshishi, qon tahlili natijalarining me’yordan chetga chiqishi (eozinofiliya), limfa tugunlarining kattalashishi va boshqa a’zolarning ehtimoliy shikastlanishi bilan tavsiflanadi (2-bo‘limga ham qarang). DRESS-sindromining paydo bo‘lish chastotasi noma’lum (mavjud ma’lumotlardan kelib chiqib, paydo bo‘lish chastotasini aniqlash mumkin emas).

Valtreks preparatini qabul qilishda kuzatilishi mumkin bo‘lgan boshqa ehtimoliy nojo‘ya ta’sirlar

Tez-tez (10 kishidan 1 tasida uchrashi mumkin):

bosh og‘rig‘i;

ko‘ngil aynishi.

Kam uchraydi (100 kishidan 1 tasida uchrashi mumkin):

hansirash;

toshmalar, shu jumladan terining quyosh nuriga yuqori sezuvchanligi;

siydikdagi qon (gematuriya). Ko‘pincha buyrakning boshqa buzilishlari bilan bog‘liq.

Kamdan-kam hollarda (1000 kishidan 1 tasida uchrashi mumkin):

bosh aylanishi;

ongning chalkashligi;

gallyutsinatsiyalar;

ongning susayishi

Yuqorida ko‘rsatilgan ta’sirlar odatda buyrak kasalliklari bor odamlarda, keksa yoshdagi odamlarda yoki a’zo ko‘chirib o‘tkazilgan, Valtreks preparatini yuqori dozalarda (kuniga 8 g yoki undan ko‘p) qabul qiluvchi bemorlarda rivojlanadi. Odatda, ularning ahvoli Valtreks preparatini bekor qilgandan yoki dozani kamaytirgandan keyin yaxshilanadi.

qorin sohasidagi noqulaylik;

qusish;

ich ketishi;

teri qichishishi;

buyraklardagi buzilishlar.

Juda kam uchraydi (10 000 kishidan 1 tasida uchrashi mumkin):

qo‘zg‘alish;

tremor;

tana harakatlari muvofiqligining buzilishi (ataksiya)

nutq buzilishlari (dizartriya)

ruhiy salomatlik bilan bog‘liq jiddiy muammolar, bunda inson voqelik bilan aloqani, aniq fikrlash va mulohaza yuritish qobiliyatini yo‘qotadi;

tutqanoqlar (talvasalar},

bosh miya faoliyatining buzilishi (ensefalopatiya)

hushdan ketish

Yuqorida ko‘rsatilgan ta’sirlar odatda buyrak kasalliklari bor odamlarda, keksa yoshdagi odamlarda yoki a’zo ko‘chirib o‘tkazilgan, Valtreks preparatini yuqori dozalarda (kuniga 8 g yoki undan ko‘p) qabul qiluvchi bemorlarda rivojlanadi. Odatda, ularning ahvoli Valtreks preparatini bekor qilgandan yoki dozani kamaytirgandan keyin yaxshilanadi.

leykotsitlar (infeksiyalarga qarshi kurashishga yordam beradigan hujayralar) sonining kamayishi. Asosan infeksiyalarga chidamliligi past bo‘lgan bemorlarda qayd etiladi;

trombotsitlar (qon ivishiga yordam beradigan hujayralar) sonining kamayishi;

jigar funksiyasi ko‘rsatkichlarining o‘zgarishi;

yaqqol qichishish bilan kechuvchi teri toshmasi (eshakemi);

siydikning kamayishi yoki yo‘qligi, anoreksiya, ko‘ngil aynishi, qusish, ichak dam bo‘lishi, ich ketishi yoki qabziyat, holsizlik, terlash, tormozlanish (o‘tkir buyrak yetishmovchiligi); bel sohasida kuchli og‘riq (buyrak sanchig‘i).

Noma’lum (mavjud ma’lumotlarga asoslanib, uchrash chastotasini aniqlash imkonsiz):

buyrak yallig‘lanishi (tubulointerstitsial nefrit).

Dozani oshirib yuborish

Agar siz Valtreks preparatini keragidan ortiq qabul qilgan bo‘lsangiz

Agar siz Valtreks preparatini haddan tashqari ko‘p miqdorda qabul qilgan bo‘lsangiz, bu buyraklar tomonidan buzilishlarga, ongning chalkashishiga, ko‘rish yoki eshitish gallyutsinatsiyalariga, qo‘zg‘alish yoki hushni yo‘qotishga olib kelishi mumkin. Shuningdek, sizda ko‘ngil aynishi va qusish paydo bo‘lishi mumkin.

Davolovchi shifokorga murojaat qiling

O‘zaro aloqa

Agar siz boshqa dori-darmonlarni, shu jumladan retseptsiz beriladigan dori-darmonlarni qabul qilayotgan bo‘lsangiz, yaqinda qabul qilgan bo‘lsangiz yoki qabul qilishni boshlayotgan bo‘lsangiz, davolovchi shifokoringizga xabar bering.

Agar siz buyrak faoliyatiga ta’sir ko‘rsatadigan dori-darmonlarni qabul qilayotgan bo‘lsangiz, bu ayniqsa muhim bo‘lishi mumkin, masalan:

- foskarnet (virusga qarshi preparatlar);

- probenetsid (qonda siydik kislotasi darajasini pasaytiruvchi dori vositasi);

- simetidin (oshqozonda kislota ajralishini kamaytiruvchi dori vositasi);

- mikofenolat mofetil (organ transplantatsiyasidan keyin qo‘llaniladigan immunitetni pasaytiruvchi dori vositasi);

- aminoglikozidlar (bakterial infeksiyalarni davolashda qo‘llaniladigan antibiotiklar);

- platinaning organik birikmalari (o‘smaga qarshi preparatlar);

- yodlangan kontrast moddalar (rentgen tasvirining intensivligini oshiruvchi moddalar);

- metotreksat (psoriaz, artrit va onkologik kasalliklarni davolashda qo‘llaniladi);

- pentamidin (zamburug‘li infeksiya keltirib chiqargan pnevmoniyani davolashda qo‘llaniladigan dori vositasi);

- takrolimus va siklosporin (ko‘chirib o‘tkazilgan a’zolarning ko‘chib ketishining oldini olish uchun immun tizimini nazorat qilish uchun ishlatiladigan dorilar).

Maxsus ko‘rsatmalar

Degidratatsiya (suvsizlanish) xavfi mavjud bo‘lgan taqdirda, ayniqsa keksa yoshdagi bemorlarda, Valtreks preparatini qabul qilishda yetarli miqdorda suyuqlik ichish lozim. Adekvat ichimlik rejimiga rioya qilish, shuningdek, buyrak kanalchalarida atsiklovir kristallarining cho‘kishi natijasida buyrak tomonidan yuzaga keladigan noxush reaksiyalarning oldini olishga yordam beradi.

Valasiklovir qo‘llanilganda eozinofiliya va tizimli simptomlar (DRESS-sindromi) bilan dori reaksiyasi qayd etildi. DRESS-sindromning birinchi ko‘rinishi grippga o‘xshash simptomlar, shuningdek, yuzda toshmalar paydo bo‘lishi va keyinchalik ularning tarqalishi, tana haroratining ko‘tarilishi, qon tahlillari natijalariga ko‘ra jigar fermentlari darajasining oshishi, leykotsitlarning ma’lum bir kichik turi darajasining oshishi (eozinofiliya), shuningdek, limfa tugunlarining kattalashishi hisoblanadi. Agar sizda isitma va/yoki limfa tugunlarining kattalashishi bilan kechadigan toshma paydo bo‘lsa, Valasiklovir qabul qilishni to‘xtating va darhol davolovchi shifokor bilan bog‘laning yoki tibbiy yordamga murojaat qiling.

Genital gerpesning boshqa odamlarga yuqishining oldini olish

Genital gerpes qaytalanishining oldini olish uchun Valtreks preparatini qabul qilish infeksiyaning boshqa odamlarga yuqish xavfini kamaytiradi, ammo tashqi jinsiy a’zolar gerpesini davolamaydi va infeksiya yuqish xavfini to‘liq bartaraf etmaydi. Valtreks preparatini qabul qilishga qo‘shimcha ravishda, jinsiy aloqa paytida har doim himoya vositalaridan, shu jumladan prezervativlardan foydalanish muhimdir. Bu sizdan boshqalarga infeksiya yuqishining oldini olish uchun muhimdir.

Bolalar va o‘smirlar

Preparatni 18 yoshgacha bo‘lgan bolalarga belbog‘simon va oftalmik belbog‘simon gerpesni davolash uchun bermang. Boshqa ko‘rsatmalar bo‘yicha preparatni 0 yoshdan 12 yoshgacha bo‘lgan bolalarga bermang (1-bo‘limga qarang).

Homiladorlik va laktatsiya

Valtreks preparatini homiladorlik davrida qo‘llash odatda tavsiya etilmaydi.

Agar siz homilador bo‘lsangiz, homilador bo‘ldim deb o‘ylasangiz yoki homiladorlikni rejalashtirayotgan bo‘lsangiz, Valtreks preparatini davolovchi shifokor bilan maslahatlashmasdan qabul qiling. Shifokoringiz homiladorlik paytida Valtreks preparatini qo‘llashning siz uchun foydasi va farzandingiz uchun xavfini baholaydi.

Valtreks preparati komponentlari ko‘krak sutiga o‘tishi mumkin. Agar siz bolangizni emizayotgan bo‘lsangiz, Valtreks preparatini qabul qilishdan oldin davolovchi shifokoringiz bilan maslahatlashishingiz kerak.

Transport vositalari va mexanizmlarini boshqarish qobiliyatiga ta’siri

Valtreks preparati avtomobilni boshqarish yoki harakatlanuvchi mexanizmlar bilan ishlash qobiliyatiga ta’sir qilishi mumkin. Davolovchi shifokor bilan maslahatlashmasdan rulga o‘tirmang va mexanizmlar bilan ishlamang.

Qadoq

PVX plyonka/alyuminiy folga blisterlariga 10 tadan tabletka solinadi. Birinchi ochishni nazorat qilgan holda karton qutiga 1 tadan blister varaq-qo‘yilma bilan birga solinadi.

PVX plyonka/alyuminiy folga blisterlariga 14 tadan tabletka solinadi. Birinchi ochishni nazorat qilish bilan karton qutiga 3 tadan blister varaq-qo‘yilma bilan birga solinadi.

Saqlash shartlari

Preparatni bola ko‘ra olmaydigan joyda saqlang.

30 °C dan yuqori bo‘lmagan haroratda saqlanadi.

Utilizatsiya

Preparatni kanalizatsiyaga yoki maishiy chiqindilar bilan birga tashlamang. Dorixona xodimidan boshqa kerak bo‘lmaydigan preparatni qanday utilizatsiya qilish (yo‘q qilish) kerakligini aniqlashtiring. Bu chora-tadbirlar atrof-muhitni himoya qilish imkonini beradi.

Yaroqlilik muddati

3 yil.

Karton qadoq va blisterda "Yaroqlilik muddati"dan keyin ko‘rsatilgan yaroqlilik muddati (saqlash muddati) tugagandan keyin preparatni qabul qilmang.

Yaroqlilik muddatining tugash sanasi ushbu oyning oxirgi kuni hisoblanadi.

Dorixonalardan berish shartlari

Retsept bo‘yicha

Ishlab chiqaruvchi

Glaxo Vellkom S.A. Ispaniya