Verapamil-Darnitsa

Tarkib

Ta’sir etuvchi modda: verapamil;

1 ml eritma tarkibida verapamil gidroxlorid 2,5 mg;

Yordamchi moddalar: natriy xlorid, limon kislotasi, monogidrat, natriy gidroksid, suyultirilgan (1 M) xlorid kislotasi, inyeksiya uchun suv.

Dori shakli

Inyeksiya uchun eritma.

Asosiy fizik-kimyoviy xossalari: tiniq, rangsiz suyuqlik.

Farmakoterapevtik guruh

Asosan yurakka ta’sir etuvchi selektiv kalsiy antagonistlari.

ATX kodi S08D A01.

Farmakologik xususiyatlari

Farmakodinamika

Dori vositasining ta’sir etuvchi moddasi bo‘lgan verapamil kalsiy ionlarining yurak va tomirlarning silliq mushaklari hujayralariga transmembran oqimini bloklaydi. U bevosita miokard hujayralarida energetik jihatdan ko‘p sarf bo‘ladigan metabolizm jarayonlariga ta’sir etishi va postnagruzkani kamaytirishi hisobiga miokardning kislorodga bo‘lgan ehtiyojini kamaytiradi.

Koronar arteriyalar silliq mushaklarining kalsiy kanallarini to‘sib qo‘yishi tufayli miokardga qon oqimi kuchayadi, hatto stenozdan keyingi sohalarda ham va koronar arteriyalar spazmi bartaraf etiladi. Ushbu xususiyatlar yurak ishemik kasalligining barcha shakllarida dori vositasining antiishemik va antianginal samaradorligini belgilaydi.

Dori vositasining antigipertenziv samaradorligi reflektor javob sifatida yurak qisqarishlari chastotasini oshirmasdan periferik tomirlar qarshiligini kamaytirishi bilan bog‘liq. Qon bosimining fiziologik kattaliklarida noxush o‘zgarishlar kuzatilmaydi.

Dori vositasi, ayniqsa, qorincha usti aritmiyasida yaqqol antiaritmik ta’sir ko‘rsatadi. U atrioventrikulyar tugunda impuls o‘tishini kechiktiradi, natijada aritmiyaning turiga qarab sinus ritmi tiklanadi va/yoki qorinchalar qisqarish chastotasi me’yorlashadi.

Farmakokinetika

Taxminan 90% verapamil plazma oqsillari bilan bog‘lanadi. Verapamilning ekstensiv metabolizmi natijasida ko‘p miqdorda metabolitlar hosil bo‘ladi. Metabolitlardan faqat norverapamil farmakologik faol hisoblanadi (verapamilning gipotenziv faolligining taxminan 20%). Vena ichiga yuborilganda verapamilning yarim chiqarilish davri ikki fazali: erta - deyarli 4 daqiqa, oxirgi - 2-5 soat. Vena ichiga yuborilganda antiaritmik ta’sir 1-5 daqiqa ichida (odatda 2 daqiqadan kam) rivojlanadi, gemodinamik ta’sirlar esa 3-5 daqiqa ichida namoyon bo‘ladi. Vena ichiga yuborilganda antiaritmik ta’sir taxminan 2 soat, gemodinamik ta’sir esa 10-20 daqiqa davom etadi. Jigar faoliyati buzilgan bemorlarda verapamilning chiqarilishi sekinlashadi. Verapamil gidroxloridning taxminan 70% buyraklar orqali metabolitlar ko‘rinishida chiqariladi, faqat 3-4% dori vositasi o‘zgarmagan holda chiqariladi. Shu sababli, buyrak faoliyatining buzilishi verapamil farmakokinetikasiga ta’sir qilmaydi. Taxminan 16% verapamil najas bilan chiqariladi.

Ko‘rsatmalar

Paroksizmal qorincha usti taxikardiyasi; bo‘lmachalar titrashi/miltillashi (Volf-Parkinson-Uayt sindromi (WPW) bundan mustasno).

Nitratlar va/yoki β-adrenoblokatorlar qo‘llash mumkin bo‘lmagan bemorlarda nostabil stenokardiya, shu jumladan vazospastik stenokardiya, variantli stenokardiya, Prinsmetall stenokardiyasi.

Arterial gipertenziya; gipertonik kriz.

Pediatriya amaliyotida paroksizmal qorincha usti taxikardiyasida qo‘llaniladi.

Qarshi ko‘rsatmalar

Kardiogen shok.

Asoratli miokard infarktining o‘tkir fazasi (bradikardiya, arterial gipotenziya, yurak yetishmovchiligi).

O‘tkazuvchanlikning og‘ir buzilishlari: II va III darajali sinoatrial yoki atrioventrikulyar blokada, sun’iy ritm yetakchisi implantatsiya qilingan bemorlar bundan mustasno.

Yurak urish tezligi daqiqasiga 50 martadan kam bo‘lgan bradikardiya, arterial bosim darajasi 90 mm simob ustunidan kam bo‘lgan arterial gipotenziya.

Sun’iy ritm boshqaruvchisi implantatsiya qilingan bemorlardan tashqari sinus tugunining zaiflik sindromi.

Dekompensatsiyalangan yurak yetishmovchiligi.

Volf-Parkinson-Uayt sindromi bilan kechuvchi bo‘lmachalar titrashi/miltillashi (qorincha taxikardiyasi xavfi).

Verapamilga yoki dori vositasining boshqa har qanday komponentiga yuqori sezuvchanlik.

Β˗adrenoblokatorlarni qabul qilayotgan bemorlarga vena ichiga qo‘llash mumkin emas (reanimatsiya tadbirlaridan tashqari).

O‘tkir koronar yetishmovchilikda dori vositasini vena ichiga yuborish puxta asoslangan bo‘lishi kerak (miokard infarkti ehtimolini istisno qilish kerak), bemorning ahvolini diqqat bilan kuzatish kerak.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

Verapamil gidroxlorid sitoxrom R450 CYP3A4, CYP1A2, CYP2C8, CYP2C9 va CYP2C18 tomonidan metabolizmga uchraydi. Verapamil CYP3A4 va R-glikoproteinlar (R-gp) fermentlarining ingibitori hisoblanadi. CYP3A4 ingibitorlari bilan klinik jihatdan muhim o‘zaro ta’sirlar haqida xabar berilgan bo‘lib, ular qon plazmasida verapamil darajasining ko‘tarilishi bilan kechgan, CYP3A4 induktorlari esa verapamil gidroxloridning plazmadagi darajasini pasayishiga olib kelgan, shuning uchun boshqa dori vositalari bilan o‘zaro ta’sirini kuzatish zarur.

Antiaritmik vositalar, β-adrenoblokatorlar: kardiovaskulyar ta’sirning o‘zaro kuchayishi (yuqori darajali AV-blokada, yurak qisqarishlari chastotasining sezilarli darajada pasayishi, yurak yetishmovchiligining paydo bo‘lishi, arterial bosimning sezilarli darajada pasayishi).

Xinidin: Xinidinning oral klirensini pasayishi (~35%). Arterial gipotenziya, gipertrofik obstruktiv kardiomiopatiya bilan og‘rigan bemorlarda esa o‘pka shishi rivojlanishi mumkin.

Flekinidin: Flekinidinning qon plazmasidagi klirensiga minimal ta’sir ko‘rsatadi (< ~10%); verapamilning qon plazmasidagi klirensiga ta’sir ko‘rsatmaydi.

Metoprolol: stenokardiya bilan og‘rigan bemorlarda metoprololning AUC (~32,5%) va Smax (~41%) ko‘rsatkichlarining oshishi.

Propranolol: Stenokardiya bilan og‘rigan bemorlarda propranololning AUC (~65%) va Smax (~94%) ko‘rsatkichlarining oshishi.

Gipotenziv vositalar, diuretiklar, vazodilatatorlar: gipotenziv ta’sirni kuchaytirish.

Prazozin, terazozin: qo‘shimcha gipotenziv ta’sir (prazozin: yarim chiqarilish davriga ta’sir ko‘rsatmasdan prazozinning Smax (~40%) oshishi; terazozin: terazozinning AUC (~24%) va Smax (~25%) oshishi).

Virusga qarshi (OIV) vositalar: Verapamilning plazma konsentratsiyasi oshishi mumkin. Ehtiyotkorlik bilan buyuriladi yoki verapamil dozasini kamaytirish talab etilishi mumkin.

Karbamazepin: Karbamazepin darajasining oshishi, karbamazepinning neyrotoksik nojo‘ya ta’sirlarining kuchayishi - diplopiya, bosh og‘rig‘i, ataksiya, bosh aylanishi. Refrakter parsial epilepsiya bilan og‘rigan bemorlarda karbamazepin AUC (~46%) oshishi.

Litiy: Litiyning neyrotoksikligini oshiradi.

Mikroblarga qarshi vositalar: klaritromitsin, eritromitsin, telitromitsin: verapamil miqdori oshishi mumkin.

Rifampitsin: gipotenziv ta’sirini pasaytirishi mumkin. Verapamilning AUC (~97%), Smax (~94%), peroral qo‘llanilgandan keyin biosinguvchanligining pasayishi (~92%).

Kolxitsin: Verapamil bilan birgalikda qo‘llash tavsiya etilmaydi, chunki kolxitsinning ta’siri ortadi.

Ingalyatsion anestetiklar: yurak-qon tomir faoliyati haddan tashqari susayib ketishining oldini olish uchun ehtiyotkorlik bilan buyurish lozim.

Sulfinpirazon: Verapamilning og‘iz orqali klirensini 3 baravar, biosinguvchanligini esa 60% ga oshiradi. Gipotenziv samaraning pasayishi kuzatilishi mumkin.

Neyromushak blokatorlari: Verapamil gidroxlorid tufayli ta’sir kuchayishi mumkin.

Atsetilsalitsil kislotasi: qon ketish imkoniyatini oshiradi.

Etanol: Qon plazmasida etanol miqdorining oshishi.

GMG-KoA reduktaza ingibitorlari: verapamil qabul qilayotgan bemorlarda GMG-KoA reduktaza ingibitorlari (simvastatin, atervastatin, lovastatin) bilan davolashni mumkin qadar eng past dozalardan boshlab, asta-sekin oshirib borish lozim. Agar allaqachon verapamil qabul qilayotgan bemorga GMG-KoA reduktaza ingibitorini tayinlash zarur bo‘lsa, statinlar dozasini kamaytirish zarurligini hisobga olish va qon plazmasidagi xolesterin konsentratsiyasiga muvofiq dozani tanlash lozim.

Atorvastatin: Atorvastatin darajasi oshishi mumkin. Atorvastatin verapamil AUC ni taxminan 42,8% ga oshiradi.

Lovastatin: Lovastatin darajasi oshishi mumkin.

Simvastatin: Simvastatinning AUC ko‘rsatkichi taxminan 2,6 baravarga, simvastatinning SMax ko‘rsatkichi esa − 4,6 baravarga oshdi.

Fluvastatin, pravastatin va rozuvastatin sitoxrom CYP3A4 tomonidan metabolizmga uchramaydi va verapamil bilan o‘zaro ta’sirlashmaydi.

Digoksin: Sog‘lom odamlarda digoksin Smax 45-53% ga, Sss 42% ga, AUC 52% ga oshadi.

Digitoksin: Digitoksin klirensini (~27%) va ekstrarenal klirensni (~29%) kamaytirish.

Simetidin: R- (~25%) va S-verapamilning (~40%) AUC oshishi, R- va S-verapamil klirensining mos ravishda pasayishi.

Qandli diabetga qarshi dorilar (gliburid): gliburidning Cmax ko‘rsatkichini taxminan 28 foizga, AUC ko‘rsatkichini esa 26 foizga oshirish.

Teofillin: Og‘iz va tizimli klirensni taxminan 20 foizga, chekuvchilarda esa 11 foizga pasaytiradi.

Imipramin: Dezipramin faol metabolitiga ta’sir ko‘rsatmasdan AUC (~15%) oshishi.

Doksorubitsin: Mayda hujayrali o‘pka saratoni bilan og‘rigan bemorlarda doksorubitsin va verapamil (og‘iz orqali) bir vaqtda qo‘llanganda, qon plazmasida doksorubitsinning AUC (~89%) va Smmax (~61%) ko‘rsatkichlari oshadi. O‘smaning zo‘rayib boruvchi bosqichidagi bemorlarda verapamil vena ichiga bir vaqtda qo‘llanganda doksorubitsin farmakokinetikasida sezilarli o‘zgarishlar kuzatilmaydi.

Fenobarbital: Verapamilning oral klirensini 5 marta oshiradi.

Buspiron: AUC va Smaksning 3-4 marta oshishi.

Midazolam: AUC ning 3 baravar va Smax ning 2 baravar ortishi.

Almotriptan: AUC ning 20% ga, Smax ning esa 24% ga oshishi.

Siklosporin: AUC, Smax, Css miqdorini taxminan 45% ga oshiradi.

Everolimus, sirolimus, takrolimus: ushbu dori vositalarining darajasi oshishi mumkin.

Greypfrut sharbati: R- (~49%) va S-verapamilning (~37%) AUC oshishi, yarim chiqarilish davri va buyrak klirensi o‘zgarmagan holda R- (~75%) va S-verapamilning (~51%) Smax oshishi kuzatildi.

Teshilgan dalachoy: R- (~78%) va S-verapamilning (~80%) AUC pasayishi, mos ravishda Smax.

Qo‘llash xususiyatlari

Verapamilni tayinlash va uning dozasini belgilashda quyidagi holatlarga chalingan bemorlarga alohida e’tibor qaratish lozim:

Arterial gipotenziya

Verapamil gidroxloridni vena ichiga yuborish ko‘pincha arterial bosimning boshlang‘ich ko‘rsatkichlardan pasayishiga olib keladi, bu hodisalar odatda o‘tkinchi va simptomsiz kechadi, ammo bosh aylanishi bilan namoyon bo‘lishi mumkin.

Og‘ir darajali bradikardiya, asistoliya.

Verapamil gidroxlorid atrioventrikulyar va sinoatrial tugunlarga ta’sir ko‘rsatadi, bu kamdan-kam hollarda II-III darajali atrioventrikulyar blokada, bradikardiya, ekstremal holatlarda asistoliyaga olib kelishi mumkin. Bu sinus tugunining zaiflik sindromi bo‘lgan bemorlarda sodir bo‘lishi mumkin, bu ko‘pincha keksa bemorlarda uchraydi.

Sinus tugunining zaiflik sindromi bo‘lmagan bemorlarda asistoliya odatda qisqa muddatli (bir necha soniya yoki undan kam), atrioventrikulyar ritmga yoki normal sinus ritmiga o‘z-o‘zidan qaytadi. Agar bu darhol sodir bo‘lmasa, zudlik bilan tegishli davolanishni boshlash kerak.

Yurak blokadasi.

Verapamil gidroxlorid atrioventrikulyar tugun orqali o‘tkazish vaqtini uzaytiradi. II-III darajali atrioventrikulyar blokada yoki 1-, 2- yoki 3-dastali blokadaning rivojlanishi keyingi dozani kamaytirishni yoki verapamil bilan davolashni to‘xtatishni va zarur bo‘lsa, tegishli davolashni talab qiladi.

Yurak yetishmovchiligi.

Og‘ir bo‘lmagan yurak yetishmovchiligida verapamil gidroxloridni qo‘llashdan oldin yurak glikozidlari va diuretiklar yordamida yurak yetishmovchiligini nazorat qilish zarur. O‘rta va og‘ir darajadagi yurak yetishmovchiligi bo‘lgan bemorlarda yurak yetishmovchiligining o‘tkir yomonlashuvi kuzatilishi mumkin.

Yurak glikozidlari.

Yurak glikozidlari va verapamil gidroxlorid AV-o‘tkazuvchanlikni uzaytirgani sababli, bemorda AV-blokada va bradikardiya mavjudligini kuzatish zarur.

Dizopiramida.

Verapamil gidroxlorid yuborilishidan 48 soat oldin va 24 soat keyin buyurish tavsiya etilmaydi.

Dori vositasini qo‘llash vaqtida greypfrutli taomlar va ichimliklarni iste’mol qilishdan saqlanish lozim. Greypfrut qon plazmasida verapamil gidroxlorid darajasini oshirishi mumkin.

Verapamil-Darnits inyeksiya uchun eritmasini davolashning boshida faqat reanimatsion chora-tadbirlar o‘tkazish imkoniyati mavjud bo‘lgan statsionarda qo‘llash lozim. Verapamil vena ichiga yuboriladigan bemorlarning ahvoli elektrokardiografik va gemodinamik monitoring bilan nazorat qilinishi kerak.

Homiladorlik va emizish davrida qo‘llash

Dori vositasini homiladorlikning birinchi va ikkinchi trimestrlarida qabul qilish mumkin emas. Homiladorlikning uchinchi uch oyligida qabul qilish - faqat oxirgi zarurat tug‘ilganda, natija ona va bola uchun xavfdan yuqori bo‘lganda. Verapamil yo‘ldosh orqali o‘tib, kindik qonida topiladi.

Biologik faol modda ko‘krak sutiga o‘tadi. Odam ishtirokida og‘iz orqali qabul qilish bo‘yicha cheklangan ma’lumotlar shuni ko‘rsatadiki, chaqaloq organizmiga tushadigan verapamil dozasi past (ona qabul qilgan dozaning 0,1−1 foizi), shuning uchun verapamilni qo‘llash emizish bilan mos kelishi mumkin. Ko‘krak suti bilan oziqlanadigan chaqaloqlarda jiddiy nojo‘ya ta’sirlar paydo bo‘lish xavfini hisobga olgan holda, verapamilni emizish paytida faqat ona uchun o‘ta zarur bo‘lgan hollarda qo‘llash lozim.

Transport yoki boshqa mexanizmlarni boshqarishda reaksiya tezligiga ta’sir qilish qobiliyati

Dori vositasiga nisbatan individual reaksiya paydo bo‘lishi mumkinligi sababli, javob berish qobiliyati shunchalik o‘zgarishi mumkinki, bu transport vositalarini boshqarishga va e’tiborni, tez ruhiy va harakat reaksiyalarini talab qiladigan boshqa ishlarni bajarishga zarar yetkazishi mumkin.

Qo‘llash usuli va dozalari

Vena ichiga yuborish sekinlik bilan (kamida 2 daqiqa) tibbiy xodim nazorati ostida, EKG va qon bosimi nazorati ostida amalga oshirilishi kerak. Beqaror stenokardiyaning boshlang‘ich davosi sifatida vena ichiga verapamil qabul qilayotgan bemorlarni iloji boricha tezroq peroral verapamil qabul qilishga o‘tkazish zarur.

Tana vazni 50 kg dan ortiq bo‘lgan kattalar va o‘smirlar uchun tavsiya etilgan dozalar:

Boshlang‘ich doza 5 mg verapamil gidroxlorid (bu 2 ml Verapamil-Darnits dori vositasi, inyeksiya uchun eritma miqdoriga to‘g‘ri keladi); zarur bo‘lsa, 5-10 daqiqadan so‘ng yana 5 mg yuboriladi. Agar zarur bo‘lsa, 0,9% li natriy xlorid eritmasida suyultirilgan 5-10 mg Verapamil-Darnitsni 1 soat davomida tomchilab yuborish mumkin; suyultirish uchun boshqa eritma pH < 6,5 bo‘lgan 5% li glyukoza eritmasi bo‘lishi mumkin. O‘rtacha sutkalik doza vena ichiga yuborilganda 100 mg verapamil gidroxloriddan oshmasligi kerak.

Jigar faoliyati buzilgan bemorlarda verapamilning biosinguvchanligi sezilarli darajada oshadi. Bunday hollarda dozani ehtiyotkorlik bilan aniqlash kerak.

Bolalar uchun tavsiya etilgan dozalar.

Yurak yetishmovchiligi bilan bog‘liq taxikardiyada vena ichiga yuborishdan oldin digitalizatsiya o‘tkazish zarur.

Yosh

Doza

0-1 yosh

Davolash faqat hayotiy ko‘rsatmalarga ko‘ra, agar muqobil davolash usuli bo‘lmasa, tayinlanadi. Kamdan kam hollarda yangi tug‘ilgan chaqaloqlar va emizikli bolalarda vena ichiga qo‘llanilgandan so‘ng og‘ir gemodinamik buzilishlar kuzatilgan, ularning ba’zilari o‘limga olib kelgan.

Chaqaloqlar

0,75-1 mg verapamil gidroxlorid, bu 0,3-0,4 ml Verapamil-Darnits inyeksiya uchun eritmasiga to‘g‘ri keladi.

Emizikli bolalar

0,75-2 mg verapamil gidroxlorid, bu 0,3-0,8 ml Verapamil-Darnits inyeksiya uchun eritmasiga to‘g‘ri keladi.

1-5 yosh

2-3 mg verapamil gidroxlorid, bu 0,8-1,2 ml Verapamil-Darnits inyeksiya uchun eritmasiga to‘g‘ri keladi.

6-14 yosh

2-5 mg verapamil gidroxlorid, bu 1-2 ml Verapamil-Darnits inyeksiya uchun eritmasiga to‘g‘ri keladi.

Dori vositasini yuborish ta’siri paydo bo‘lishi bilan darhol to‘xtatilishi kerak.

Bolalar.

Bolalarda verapamil gidroxloridning nazoratli tadqiqotlari o‘tkazilmagan.

Verapamil gidroxlorid, inyeksiya uchun eritma, bolalarga ehtiyotkorlik bilan buyurish kerak.

Dozani oshirib yuborish

Verapamil dozasi oshirib yuborilganda zaharlanish alomatlari qabul qilingan dori miqdoriga, detoksikatsion tadbirlar qabul qilingan vaqtga va bemorning yoshiga bog‘liq.

Quyidagi belgilar ustunlik qiladi: qon bosimining sezilarli darajada pasayishi, yurak ritmining buzilishi (bradikardiya, AV-dissotsiatsiya va yuqori darajali AV-blokada bilan chegaraviy ritmlar), bu shok va yurak to‘xtashiga olib kelishi mumkin, hushning komatoz holatgacha buzilishi, stupor, giperglikemiya, gipokaliyemiya, metabolik atsidoz, gipoksiya, o‘pka shishi bilan kechuvchi kardiogen shok, buyrak faoliyatining buzilishi va talvasalar.

Terapevtik choralar moddani organizmdan chiqarib yuborishga va yurak-qon tomir tizimi barqarorligini tiklashga qaratilgan.

Umumiy chora-tadbirlar: dori vositasini qabul qilgandan keyin 12 soatdan ortiq vaqt o‘tgan bo‘lsa-da, ovqat hazm qilish yo‘li motorikasi aniqlanmasa (ichak shovqinlari bo‘lmasa) ham oshqozonni yuvish tavsiya etiladi. Umumiy reanimatsiya tadbirlari yurakni bilvosita massaj qilish, sun’iy nafas oldirish, defibrillyatsiya, kardiostimulyatsiyani o‘z ichiga oladi. Gemodializ ko‘rsatilmagan. Gemofiltratsiya va, ehtimol, plazmaferez foydali bo‘lishi mumkin (kalsiy antagonistlari qon plazmasi oqsillari bilan yaxshi bog‘lanadi).

Maxsus choralar: kardiodepressiv ta’sirlarni, arterial gipotenziya va bradikardiyani bartaraf etish. Spetsifik antidot kalsiy hisoblanadi: 10% li kalsiy glyukonat eritmasidan (2,25-4,5 mmol) 10-20 ml vena ichiga yuboriladi. Zarurat tug‘ilganda yuborishni takrorlash yoki qo‘shimcha tomchi infuziyasini (masalan, 5 mmol/soat) o‘tkazish mumkin.

Qo‘shimcha chora-tadbirlar: II va III darajali AV-blokada, sinusli bradikardiya, yurak to‘xtashida atropin, izoprenalin, orsiprenalin yoki kardiostimulyatsiya qo‘llash. Kardiogen shok va arterial vazodilatatsiya tufayli arterial gipotenziyada dopamin (daqiqasiga 25 mkg/kg gacha), dobutamin (daqiqasiga 15 mkg/kg gacha) yoki noradrenalin qo‘llaniladi. Qon zardobidagi kalsiy konsentratsiyasi me’yorning yuqori chegarasiga to‘g‘ri kelishi yoki me’yordan biroz yuqori bo‘lishi kerak. Vazodilyatatsiya munosabati bilan erta bosqichlarda o‘rinbosar suyuqlik (Ringer eritmasi yoki 0,9% li natriy xlorid eritmasi) yuboriladi.

Verapamil gemodializ yordamida chiqarilmaydi.

Salbiy ta’sirlar

Eshitish a’zolari va vestibulyar apparat tomonidan: bosh aylanishi, quloq shang‘illashi.

Nafas olish tizimi, ko‘krak qafasi a’zolari va ko‘ks oralig‘i tomonidan: bronxospazm.

Oshqozon-ichak yo‘li tomonidan: ko‘ngil aynishi, qusish, qorin to‘lishi, qabziyat, og‘riq, qorinda noqulaylik, ichak tutilishi, milk giperplaziyasi (gingivit va qon ketishi) paydo bo‘lishi.

Jigar va o‘t yo‘llari tomonidan: allergik sabablarga ko‘ra jigar fermentlarining reversiv oshishi bilan kechuvchi gepatit bo‘lishi mumkin.

Moddalar almashinuvi, metabolizm tomonidan: glyukozaga tolerantlikning pasayishi.

Asab tizimi tomonidan: bosh aylanishi, bosh og‘rig‘i, hushdan ketish, xavotirlanish, tormozlanish, tez charchash, asteniya, uyquchanlik, depressiya, ekstrapiramidal buzilishlar (ataksiya, niqobsimon yuz, shaloplab yurish, qo‘l yoki oyoqlarning qiyin harakati, qo‘l va barmoqlar tremori, yutishning qiyinlashishi), tutqanoqlar, Parkinson sindromi, xoreoatetoz, distonal sindrom, paresteziya, tremor.

Yurak-qon tomir tizimi tomonidan: I, II yoki III darajali AV-blokada, bradikardiya (50 zarba/daqiqadan kam), asistoliya, kollaps, arterial bosimning yaqqol pasayishi, yurak yetishmovchiligining rivojlanishi yoki ortishi, taxikardiya; stenokardiya, hatto miokard infarkti rivojlanishi (ayniqsa, koronar arteriyalar stenozi bo‘lgan bemorlarda), aritmiyalar (shu jumladan, qorinchalarning pirpirashi va titrashi), to‘lqinlanish hissi, periferik shishlar.

Immun tizimi tomonidan: yuqori sezuvchanlik.

Teri va teri osti kletchatkasi tomonidan: angionevrotik shish, Stivens-Djonson sindromi, multiform eritema, makulopapulyoz toshma, alopetsiya, eritromelagiya, eshakemi, qichishish, teriga yoki shilliq qavatlarga qon quyilishi (purpura), fotodermatit, gipergidroz kuzatilgan.

Tayanch-harakat tizimi va biriktiruvchi to‘qima tomonidan: mialgiya, artralgiya, mushaklar kuchsizligi, miasteniyaning (Myastenia gravis) kuchayishi, Lambert-Iton sindromi, Dyushenning progressiv mushak distrofiyasi.

Reproduktiv tizim va sut bezlari tomonidan: erektil disfunksiya, ginekomastiya, prolaktin darajasining oshishi, galaktoreya.

Umuman organizm tomonidan: yuqori charchoq.

Laboratoriya tekshiruvlari: qon zardobida jigar fermentlari va ishqoriy fosfataza, prolaktin miqdorining oshishi.

Boshqalar: tana vaznining ortishi, agranulotsitoz, dori vositasining qon plazmasidagi maksimal konsentratsiyasi fonida ko‘rish qobiliyatining vaqtinchalik yo‘qolishi, o‘pka shishi, simptomsiz trombotsitopeniya.

Verapamil va kolxitsinni birgalikda qo‘llash bilan bog‘liq falajlik (tetraparez) haqida xabar berilgan. Bu CYP3A4 va P-gp ning verapamil tomonidan bostirilishi natijasida kolxitsinning gematoensefalik to‘siq orqali kirishi bilan bog‘liq bo‘lishi mumkin. Kolxitsin va verapamilni birgalikda qo‘llash tavsiya etilmaydi.

Kardiostimulyator bilan og‘rigan bemorlarda verapamil gidroxlorid qo‘llanilishi tufayli Pacing-Sensing (qadam-sensor) bo‘sag‘asining oshishi ehtimoldan xoli emas.

Yaroqlilik muddati

3 yil.

Saqlash shartlari

Bolalar qo‘li yetmaydigan joyda, asl qadoqda, 25 °C dan yuqori bo‘lmagan haroratda saqlang. Muzlatmang.

Nomuvofiqlik

Verapamil gidroxlorid eritmasini albumin, amfoteritsin B, gidralazin gidroxlorid, trimetoprim va sulfametoksazol bilan aralashtirishdan saqlanish kerak. Barqarorlikni saqlash maqsadida ushbu dori vositasini tarkibida natriy laktat bo‘lgan eritmalar bilan suyultirish tavsiya etilmaydi. Verapamil gidroxlorid pH 6,0 dan yuqori bo‘lgan har qanday eritmada cho‘kma hosil qiladi.

Qadoq

Ampulada 2 ml dan; konturli katakli o‘ramda 5 ampuladan; pachkada 2 ta konturli katakli o‘ram; konturli katakli o‘ramda 10 ampuladan; pachkada 1 ta konturli katakli o‘ram.

Ta’til toifasi

Retsept bo‘yicha.

Ishlab chiqaruvchi

"Darnitsa" farmatsevtika firmasi" OAJ.

Manzil

Ukraina, 02093, Kiyev shahri, Borispolskaya ko‘chasi, 13.