Spenten kremi 5% 30 g (Tuba)

Tarkib

1 g preparat tarkibida quyidagilar mavjud:

faol modda: dekspantenol 50 mg;

yordamchi moddalar: setil spirti, stearil spirti, suvsiz lanolin, izopropilmiristat, fenoksietanol, natriy setilfosfat, propilenglikol, poliglitseril-6 dioleat, tozalangan suv.

Farmakoterapevtik guruh

Dekspantenol. ATX kodi: D03AX03.

Farmakologik ta’siri

Dekspantenol teri hujayralarida tezda koenzim A ning tarkibiy qismi bo‘lgan pantoten kislotasiga aylanadi va shikastlangan teri qoplamlarining shakllanishi hamda bitishida muhim rol o‘ynaydi; teri regeneratsiyasini rag‘batlantiradi, hujayra metabolizmini me’yorlashtiradi.

Farmakokinetika

Sirtga qo‘llanganda teriga tez so‘riladi (tez shimiladi) va pantoten kislotasiga aylanadi, plazma oqsillari (asosan beta-globulin va albumin) bilan bog‘lanadi. Pantotenat kislota organizmda metabolizmga uchramaydi va o‘zgarmagan holda chiqariladi.

Ko‘rsatmalar

teri qoplamlari butunligi buzilganda teri quruqligining oldini olish va davolash;

chaqaloq terisini davolash va parvarish qilish (chandiq va yo‘rgak dermatitida) hamda emizikli onani parvarish qilish (laktatsiya davrida sut bezini parvarish qilish: ko‘krak uchlari qurishi va og‘riqli yoriqlarni davolash);

mayda jarohatlar, yengil kuyishlar, shilinishlar, teri ta’sirlanishi, surunkali yaralar, yotoq yaralar, yoriqlar va teri ko‘chirib o‘tkazilganda terining bitish jarayonini faollashtirish.

Homiladorlik va emizish davrida qo‘llash

Kremni homiladorlik va emizish davrida ishlatish mumkin.

Qarshi ko‘rsatmalar

Preparat komponentlariga yuqori sezuvchanlik.

Nojo‘ya ta’sirlari

Juda kam hollarda allergik reaksiyalar (kontakt va allergik dermatit, qichishish, ekzema, eritema, toshma, eshakemi, terining ta’sirlanishi, pufakchali toshma) bo‘lishi mumkin.

Boshqa dori vositalari bilan o‘zaro ta’siri

Preparatning o‘zaro ta’siri haqida ma’lumotlar yo‘q.

Qo‘llash usuli va dozalari

Sirtga surtiladigan krem. Krem zararlangan yuzaga kuniga 1-2 marta yupqa qilib surtiladi va yengilgina ishqalanadi. Sut bezini parvarish qilishda krem har bir emizishdan keyin so‘rg‘ichlar yuzasiga surtiladi. Emizikli bolalarni parvarish qilishda krem taglik (yo‘rgak) har gal almashtirilganda surtiladi.

Dozani oshirib yuborish

Hozirgacha dozani oshirib yuborish holatlari haqida xabar berilmagan.

Maxsus ko‘rsatmalar

Kremning ko‘zga tushishidan saqlanish kerak.

Chiqarish shakli

Tashqi qo‘llash uchun krem 30 g dan, epoksid qoplamali, membrana bilan yopilgan va membranani teshish uchun uchli burab qo‘yiladigan polipropilen qalpoqchali alyuminiy naychada. 1 ta tuba karton qutida varaq-qo‘shimcha bilan birga.

Saqlash shartlari

25 °C dan yuqori bo‘lmagan haroratda saqlang. Bolalar qo‘li yetmaydigan joyda saqlang!

Yaroqlilik muddati

3 yil. Yaroqlilik muddati o‘tgandan keyin qo‘llanilmaydi.

Ishlab chiqaruvchi

WORLD MEDICINE ILAÇ SAN. VE TIC. A.Ş. Turkiya