Sulfokamfokain Radiks in'ektsiya eritmasi 10%, 2 ml №10 (ampulalar)

Tarkib

faol modda: sulfokamfora kislotasi 49,6 mg/99,2 mg;

yordamchi modda: prokain 100,8 mg/2 ml.

Tavsif

Sulfokamfokain 10% 2ml 10 dona inyeksiya uchun eritma.

Dori shakli

Inyeksiya uchun eritma.

Farmakoterapevtik guruh

Analeptik.

Farmakologik ta’siri

Kombinatsiyalangan preparat, analeptik ta’sir ko‘rsatadi. Nafas va tomirlarni harakatlantiruvchi markazlarni rag‘batlantiradi. Miokardga to‘g‘ridan-to‘g‘ri ta’sir ko‘rsatib, almashinuv jarayonlarini kuchaytiradi va uning simpatik impulslarga sezgirligini oshiradi. Periferik qon tomirlar tonusini oshiradi. O‘pka ventilyatsiyasini, o‘pka qon aylanishini yaxshilaydi. Bronxial bezlar sekretsiyasini oshiradi.

Ko‘rsatma

o‘tkir yurak-o‘pka yetishmovchiligi;

kardiogen shok;

anafilaktik shok

Qo‘llash usuli va dozalari

P/k, m/o, v/i (oqimli yoki tomchili), 2 ml 10% li eritma, sutkasiga 2-3 marta. Maksimal sutkalik doza - 12 ml 10% li eritma.

Nojo‘ya ta’sirlari

AB pasayishi (ayniqsa, dastlab AB pasaygan bemorlarda), allergik reaksiyalar.

Qarshi ko‘rsatmalar

Yuqori sezuvchanlik. Ehtiyotkorlik bilan: arterial gipotenziya, homiladorlik, laktatsiya davri.

Dorilarning o‘zaro ta’siri

Yurak glikozidlari, steroid gormonlar va analgetiklar bilan mos keladi.

Chiqarish shakli

2 ml - ampulalar (10) - konturli plastik o‘ramlar (1) - karton qutilar.