Suprima-plus malhami 20 g (idish)

Tarkib

Har 100 g surtma tarkibida quyidagilar mavjud:

faol moddalar: kamfora 7 g, mentol 6 g, evkalipt moyi 3 g, timol 1,5 g, terpentin moyi 2 g;

yordamchi moddalar: oq asalari mumi, butilgidroksianizol, butilgidroksitoluol, oq vazelin.

Dori shakli

Malham.

Farmakoterapevtik guruh

Yo‘tal va shamollash kasalliklarida qo‘llaniladigan preparatlar. ATX kodi: R05X.

Farmakologik ta’siri

Suprim-plyus - mahalliy ta’sirlovchi vosita.

Mahalliy ta’sirlovchi, mahalliy og‘riq qoldiruvchi, yallig‘lanishga qarshi ta’sir ko‘rsatadi.

Ko‘rsatmalar

yo‘tal, tumov, burun bitishi hissi bilan kechadigan yuqori va pastki nafas yo‘llarining yallig‘lanish kasalliklari (kompleks terapiya tarkibida);

mushak og‘riqlari (simptomatik vosita sifatida).

Qarshi ko‘rsatmalar

bronxospazmga moyillik;

preparatni qo‘llash mo‘ljallanayotgan joyda teri qoplamining shikastlanishi;

Suprima-Plyus preparati tarkibiy qismlariga yuqori sezuvchanlik.

Ingalyatsiya uchun qo‘llash, burun qanotlariga surtish tavsiya etilmaydi.

Nojo‘ya ta’sirlari

allergik reaksiyalar kuzatilishi mumkin;

preparat surtilgan joydagi terining ta’sirlanishi;

bronxospazm

Qo‘llash usullari va dozalari

Faqat tashqi qo‘llash uchun!

Yo‘tal, tumov, burun bitishi hissi kabi yuqori va pastki nafas yo‘llarining yallig‘lanish kasalliklarini bartaraf etish uchun ko‘krak va orqa terisiga kuniga 2-3 marta surtiladi.

Mushak og‘rig‘ida og‘rigan joyga malham surtiladi.

Eng yaxshi natijaga erishish uchun og‘riqli sohani issiq bog‘lam bilan yopish tavsiya etiladi.

Terining shikastlangan joylariga surtmang.

Ehtiyot choralari va qo‘llash xususiyatlari

Preparatning ko‘zga va shilliq qavatlarga tushishidan saqlanish kerak.

Terining shikastlangan joylariga surtmang.

Homiladorlik va emizish davrida qo‘llash

Preparatni homilador va emizikli onalarda faqat davolovchi shifokor tavsiyasi bilan qo‘llash mumkin.

Bolalar

2 yoshdan kichik bolalarga tavsiya etilmaydi.

Chiqarish shakli

Surtma 20 g (konteynerlar).

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Ishlab chiqaruvchi

Shreya Life Sciences Pvt. Ltd, Hindiston.