Tashqi foydalanish uchun eritma tayyorlash uchun Dimeksid (Dimexid) konsentrati, 100 ml (flakon)

Tarkib

Dimeksida - 100 ml.

Tavsif

Rangsiz, shaffof suyuqlik yoki hidsiz yoki kuchsiz o‘ziga xos hidli rangsiz kristallar. Gigroskopik.

Chiqarish shakli

Sirtga qo‘llash uchun eritma tayyorlash uchun konsentrat.

Farmakoterapevtik guruh

Mahalliy qo‘llash uchun yallig‘lanishga qarshi vosita. Dimetilsulfoksid. ATX kodi: M02AX03.

Farmakologik xususiyatlari

Farmakodinamika

Tashqi qo‘llash uchun yallig‘lanishga qarshi preparat, gidroksil radikallarini faolsizlantiradi, yallig‘lanish o‘chog‘ida metabolik jarayonlarning kechishini yaxshilaydi. Shuningdek, mahalliy og‘riq qoldiruvchi, analgetik va mikroblarga qarshi ta’sir ko‘rsatadi; o‘rtacha fibrinolitik faollikka ega.

Teri, shilliq qavatlar, mikrob hujayralari qobig‘i (antibiotiklarga sezuvchanligini oshiradi) va boshqa biologik membranalar orqali o‘tib, ularning dori vositalari uchun o‘tkazuvchanligini oshiradi.

Farmakokinetika

Dimetilsulfoksid eritmasi teriga surtilganda, u qonda 5 daqiqadan so‘ng aniqlanadi, maksimal konsentratsiyasiga 4-6 soatdan so‘ng erishiladi va 1,5-3 kun davomida deyarli o‘zgarmas darajada saqlanadi. Dimetilsulfoksid siydik va najas bilan ham o‘zgarmagan holda, ham dimetilsulfon ko‘rinishida ajraladi.

Ko‘rsatmalar

Kompleks terapiya tarkibida: tayanch-harakat apparati kasalliklari: revmatoid artrit, Bexterev kasalligi (ankilozlovchi spondiloartrit), deformatsiyalovchi osteoartroz, reaktiv sinoviit; organik sklerodermiya, tugunli eritema, diskoid qizil yuguruk, oyoq mikozlari, kelloid chandiqlar, tromboflebit, alopetsiya, ekzema, saramas, lat yeyishlar, boylamlar cho‘zilishi, travmatik infiltratlar; yiringli yaralar, kuyishlar, radikulit, trofik yaralar, akne, furunkulyoz.

Teri-plastik jarrohlikda - teri gomotransplantantlarini konservatsiyalash.

Qarshi ko‘rsatmalar

Yuqori sezuvchanlik, og‘ir jigar va/yoki buyrak yetishmovchiligi, stenokardiya, kuchli ateroskleroz, glaukoma, katarakta, insult, koma, miokard infarkti, homiladorlik, emizish davri.

12 yoshgacha bo‘lgan bolalar yoshi.

Qo‘llash usuli va dozalari

Tashqi tomondan, applikatsiya va yuvish ko‘rinishida.

Zarur konsentratsiyali eritmada doka salfetkalar ho‘llanadi va zararlangan joylarga 20-30 daqiqa davomida qo‘yiladi. Salfetka ustiga polietilen plyonka va paxta yoki zig‘ir tolali mato qo‘yiladi. Applikatsiya davomiyligi 10-15 kun.

Saramas va trofik yaralarni davolashda - 30-50% li eritma ko‘rinishida 50-100 ml dan kuniga 2-3 marta.

Ekzema, diffuz streptodermiyada 40-90% li eritmali kompresslar.

Og‘riq sindromlarida mahalliy og‘riqsizlantirish uchun - 25-50% li eritma kompress ko‘rinishida 100-150 ml dan kuniga 2-3 marta.

Yuz terisi va boshqa o‘ta sezgir sohalar uchun 10-20-30% li eritmalar qo‘llaniladi.

Chuqur kuyishlarni davolashda 20-30% li dimeksid eritmasi (zarurat bo‘lganda 500 ml gacha) bilan bog‘lamlar qo‘llaniladi.

Teri-plastik jarrohligida ko‘chirib o‘tkazilgan teri auto- va gomotranslantantlariga 10-20% li eritma bilan bog‘lamlar bevosita operatsiyalardan keyin va operatsiyadan keyingi davrning keyingi kunlarida transplantant barqaror bitib ketgunga qadar qo‘llaniladi.

Teri gomotransplantantlarini saqlash uchun konservalovchi muhit sifatida 5% li Ringer eritmasidan foydalaniladi.

Yiringli nekrotik va yallig‘lanish o‘choqlari hamda bo‘shliqlari kamroq konsentrlangan eritmalar bilan yuviladi.

Nojo‘ya ta’sirlari

Allergik reaksiyalar, kontakt dermatit, eritema, terining quruqligi, yengil achishish, qichishadigan dermatit; kamdan-kam hollarda - bronxospazm.

O‘zaro aloqa

Etanol, insulin va boshqa dori vositalarining so‘rilishini oshiradi va ta’sirini kuchaytiradi.

Geparin, antibakterial vositalar, nosteroid yallig‘lanishga qarshi dorilar bilan mos keladi.

Mikroorganizmlarning aminoglikozid va beta-laktam antibiotiklariga; xloramfenikol, rifampitsin, grizeofulvinga sezuvchanligini oshiradi.

Maxsus ko‘rsatmalar

Ba’zi bemorlar nafas olayotgan havoda sarimsoq hidini sezadilar.

Preparatni qo‘llashdan oldin unga nisbatan chidamlilik sinovini o‘tkazish lozim.

Buning uchun dimetilsulfoksid unga ho‘llangan paxta tamponi yordamida teriga surtiladi; giperemiya va kuchli qichishish paydo bo‘lishi yuqori sezuvchanlikdan dalolat beradi. 18 °S va undan past haroratda saqlanganda dimetilsulfoksidning kristallanishi sodir bo‘ladi, bu esa preparatning sifatiga ta’sir qilmaydi. Kristallarni eritish uchun flakonni suv hammomida (suv harorati 60 °C dan yuqori emas) ehtiyotkorlik bilan qizdirish kerak.

Transport vositalari va mexanizmlarini boshqarish qobiliyatiga ta’siri

Preparatni qo‘llash diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlarini bajarish qobiliyatiga ta’sir ko‘rsatmaydi (transport vositalarini boshqarish, harakatlanuvchi mexanizmlar bilan ishlash, dispetcher va operator ishi).

Qadoq

To‘q sariq shisha flakonlarda 50 yoki 100 ml dan.

Har bir flakon qo‘llanilishi bo‘yicha yo‘riqnoma bilan birga karton qutiga joylashtiriladi.

Saqlash shartlari

Quruq, yorug‘likdan himoyalangan va bolalar qo‘li yetmaydigan joyda, 25°S dan yuqori bo‘lmagan haroratda saqlanadi.

Yaroqlilik muddati

2 yil.

Qadoqda ko‘rsatilgan muddat o‘tgandan keyin qo‘llanilmasin.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

MARBIOFARM OAJ Rossiya

Ishlab chiqaruvchi

MARBIOFARM OAJ Rossiya