Teksamen-L in'ektsiya uchun eritma uchun liyofillangan kukun 20 mg № 3 (flakon) + erituvchi 2 ml № 3 (ampulalar)

Tarkib

Har bir flakonda quyidagilar mavjud:

Faol moddasi: liofillangan tenoksikam kukuni 20 mg.

Yordamchi moddalar: mannitol, natriy gidroksid, trometamol, natriy metabisulfit, dinatriy edetat.

Chiqarish shakli

Teksamen-L 20 mg, inyeksiya uchun eritma tayyorlash uchun liofilizatsiyalangan kukun, flakonlarda. 1 flakon liofillangan kukun va 1 ampula 2 ml erituvchi (inyeksiya uchun steril suv), qo‘llash bo‘yicha yo‘riqnoma bilan birga karton qutiga qadoqlangan.

Farmakoterapevtik guruh

Nosteroid yallig‘lanishga qarshi vositalar.

Farmakologik xususiyatlari

Farmakodinamika

Tenoksikam, oksikamlar sinfining fenotiazin hosilasi, nosteroid yallig‘lanishga qarshi vosita hisoblanadi. Kuchli yallig‘lanishga qarshi, og‘riq qoldiruvchi va kamroq ifodalangan isitma tushiruvchi ta’sir ko‘rsatadi hamda trombotsitlar agregatsiyasining oldini oladi. Ta’sir mexanizmi asosida SOG 1 va SOG 2 izofermentlari faolligining susayishi yotadi, natijada yallig‘lanish o‘chog‘ida, shuningdek, organizmning boshqa to‘qimalarida prostaglandinlar sintezi pasayadi. Bundan tashqari, tenoksikam leykotsitlar faoliyatini susaytiradi, shuningdek, fagotsitozga tormozlovchi ta’sir ko‘rsatadi. Tenoksikamning o‘ziga xos xususiyati ta’sirining uzoq davom etishidir.

Farmakokinetika

Yarim chiqarilish davri - 72 soat. Preparat plazma oqsillari bilan 99% bog‘lanadi. Biomavjudligi - 100%. Tenoksikam sinovial suyuqlikka yaxshi o‘tadi. Qabul qilingan dozaning 1⁄3 qismi najas bilan, 2⁄3 qismi esa siydik bilan chiqariladi.

Qo‘llanilishi

Revmatoid artrit.

Nospetsifik infeksion poliartrit.

Osteoartroz.

Podagra artriti.

Artroz.

Ankilozlovchi spondilit.

Ishialgiya.

Lyumbago.

Qo‘llash usuli va dozalari

Teksamen-L mushak orasiga yoki vena ichiga ishlatiladi. Teksamen-L inyeksiyalari qisqa muddatli davolashda kuniga 20 mg dan, uzoq muddatli qo‘llashda kuniga 10 mg dan buyuriladi. O‘tkir artritda dastlabki 2 kun kuniga 40 mg dan, keyingi 5 kun kuniga 20 mg dan buyuriladi.

Nojo‘ya ta’sirlari

O‘ta sezuvchanlik reaksiyalari (2,5%): toshma, qichishish, eritema, eshakemi, fotodermatoz tipidagi teri shikastlanishlari, juda kam hollarda - Layell sindromi (toksik epidermal nekroliz) va Stivens-Jonson sindromi.

Siydik ajratish tizimi (1-2%): qoldiq azot, mochevina va kreatinin miqdorining vaqtinchalik oshishi.

Jigar va o‘t yo‘llari (1-2%): transaminazalar va bilirubin miqdorining oshishi.

Qon va qon yaratish tizimi: juda kam hollarda - gemoglobin miqdorining kamayishi, granulotsitopeniya.

Davolash davrida ruhiy buzilishlar (1,7%) va metabolizm buzilishlari (1%) kuzatilishi mumkin.

Noxush reaksiyalar paydo bo‘lganda shifokorga murojaat qiling.

Qarshi ko‘rsatmalar

Tenoksikam va boshqa NYAQV guruhiga kiruvchi preparatlarga yuqori sezuvchanlik. Oshqozon-ichak trakti eroziv-yarali shikastlanishlarining o‘tkir bosqichlari; anamnezida yarali va oshqozon-ichakdan qon ketishi bo‘lgan shaxslar. Homiladorlikning oxirgi davrida tenoksikamni qo‘llashdan saqlanish kerak.

Maxsus ko‘rsatmalar

Tenoksikam qabul qilinganda MIY faoliyatini nazorat qilish zarur. Oshqozon-ichakdan qon ketishi yoki yara paydo bo‘lishining dastlabki belgilari aniqlanganda, preparatni qabul qilishni darhol to‘xtatish lozim. Buyrak faoliyati buzilgan shaxslarga preparatni ehtiyotkorlik bilan buyurish zarur, chunki buyrak qon oqimi pasayishi fonida u buyrak yetishmovchiligi rivojlanishiga sabab bo‘lishi mumkin. Diuretiklar bilan davolash fonida, shuningdek, jigar faoliyati buzilgan shaxslarga tenoksiklarni ehtiyotkorlik bilan buyurish lozim. Tenoksikam kaliy, natriy, litiy ionlari va suvni ushlab qolishga yordam beradi. Shu sababli arterial gipertenziya yoki yurak yetishmovchiligi bo‘lgan bemorlarda tenoksikamlar asosiy kasallik kechishini yomonlashtirishi mumkin. Tenoksikam trombotsitlar agregatsiyasini kamaytiradi va qon ketish davomiyligini oshiradi, buni jarrohlik aralashuvlarida hisobga olish kerak. Homiladorlik va laktatsiya davridagi ayollarda hamda bolalarda preparatning xavfsizligi aniqlanmagan, shu sababli bunday hollarda preparatni qo‘llash maqsadga muvofiq emas.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dorilarning o‘zaro ta’siri

Tenoksikamni salitsilatlar bilan birga qo‘llash maqsadga muvofiq emas.

Dozani oshirib yuborish

Doza oshirib yuborilganda simptomatik davo o‘tkaziladi.

Saqlash shartlari

25 °C dan yuqori bo‘lmagan haroratda, quruq, yorug‘likdan himoyalangan joyda saqlang.

Eritma tayyor bo‘lgach, uni darhol ishlatish kerak.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

Mustafo Nevzat Ilach Sanayi A. Sh. Sanayi Jaddesi No13, Chobancheshme - Yenibosna

Istanbul/Turkiya.