Tibbiy vazelin (Vaselinum medicinalis) Merrimed Pharm malhami 15 g (naycha)

Церизин, парафин, перфолактум.

Оқ рангдан сарғиш ранггача бўлган, чўзилувчан ипсимон, ҳидсиз бир хил масса. Шика пластинкага суртилганда, бир текис, оқиб кетмайдиган ва ёрилмайдиган плёнка хосил қилиши мумкин. Эритилган ҳолда бир хил, тиниқ бироз товланувчи, ҳидсиз суюқлик.

Сиртга қўллаш учун.

Дерматопротектор восита. АТХ коди: D11AX.

Вазелин - бу церезин, парафин, тозаланган петролатум ёки нефть мойи билан тозаланган уларнинг аралашмаси ёки парафинли дистиллят билан тозаланган петролатумни эритиш йўли билан олинган қаттиқ ва суюқ углеводородлар аралашмасидир.

Терида намликни тутиб қолади, уни буғланишига йўл қўймайди, чунки тери юзасида окклюзив (сув ва ҳаво ўтказмайдиган) қоплама ҳосил қилади.

Тери қуруқлигида нафақат уни ўраб олади, шунингдек терини юқори қатламлари орқали ўтади ва терининг бу қаватида намликни йўқолишидан ҳимоя тўсиғи бўлган йўқотилган липидлар ўрнини тўлишига ёрдам беради.

Қўл териси ва лаблардаги ёриқлар ва тирналишларни, тери қуруқлигини, шу жумладан унга липидлар ҳимоя қатламини йўқотувчи турли органик эритувчилар (ацетон, бензин ва бошқалар) таъсири оқибатидаги тери қуруқлигини даволаш.

Тиббий асбобларни организмни турли йўллари ва каналларига киритишни енгиллаштириш учун ишлатилади.

Шунингдек, дерматологияда ишлатиладиган, шу жумладан экзема, псориаз, атопик дерматитда терини хўллаш учун мўлжалланган суртмаларни тайёрлаш учун суртма асоси сифатида қўлланади.

Каналар чаққанда уларни теридан чиқариб ташланишини енгиллаштириш учун ишлатиш ҳам мумкин.

Терининг ёриқлари ва тирналанган соҳаларига, қўл панжасининг қуруқ терисига, клизма қилинадиган шланг учлиги ва бошқа тиббий асбобларга юпқа қилиб суртилади.

Каналар чаққанида, чаққан жойга иложи борича тезроқ вазелин суртиш ва устидан пластир ёпиштириш керак. Кислород кирмаслиги оқибатида кана ўлади ва уни чиқариб ташлаш осонроқ кечади.

Шахсий ўзлаштираолмаслик кузатилиши мумкин.

Вазелин массаж ўтказиш учун яроқсиз, чунки терининг тешикчаларини беркитиб қўяди ва фурункуллар пайдо бўлишига сабаб бўлиши мумкин.

Препарат болалар ололмайдиган жойда сақлансин ва уни яроқлилик муддати ўтганидан кейин ишлатилмасин.

Пластик тубаларда 15 г, 20 г, 25 г, 30 г, 40 г ва 50 г дан.

Қуруқ, ёруғликдан ҳимояланган жойда, 20 °С дан юқори бўлмаган ҳароратда сақлансин.

3 йил.

Рецептсиз.

«MERRYMED FARM» МЧЖ

Ўзбекистон Республикаси, Наманган вилояти, Наманган тумани, Боғишамол КФЙ, Шербулоқ кўчаси, 1 уй. Тел: (0369) 224-67-22