Glitserin Nijfarm rektal suppozitoriyalar 2,11 g №10 (2 blister х 5 sham)

Tarkib

bir shamchaga

Ta’sir etuvchi modda: glitserin - 1,24 g yoki 2,11 g;

yordamchi moddalar: makrogol 400, stearin kislotasi 95, natriy karbonat dekagidrat.

Tavsif

Shamchalar torpedasimon shaklda, shaffof yoki yarim shaffof, deyarli rangsiz yoki sarg‘ish-jigarrang tusli, surtiladigan yuzali, gigroskopik. Uncha ko‘p bo‘lmagan havo pufakchalari bo‘lgan voronkasimon chuqurcha bo‘lishiga ruxsat etiladi.

Chiqarish shakli

Rektal shamchalar 1,24 g yoki 2,11 g.

Farmakoterapevtik guruh

Surgi vositasi. Glitserin.

Farmakologik xususiyatlari

Farmakodinamika

Ich yumshatuvchi vosita bo‘lib, qotib qolgan najas massalarini yumshatadi va moylaydi, ularning yo‘g‘on ichakdan o‘tishini osonlashtiradi, ichak shilliq qavatiga ta’sir ko‘rsatib, ichak motorikasini reflektor ravishda rag‘batlantiradi.

Farmakokinetika

Rektal qo‘llanilganda deyarli so‘rilmaydi.

Ko‘rsatmalar

Turli etiologiyali qabziyatlarni, shu jumladan homiladorlik va emizish davrida simptomatik davolash.

Defekatsiya paytida kuchana olmaydigan bemorlarda qabziyatning oldini olish.

Qarshi ko‘rsatmalar

Preparatning tarkibiy qismlariga yuqori sezuvchanlik, ichak tutilishi, zo‘rayish bosqichidagi gemorroy, to‘g‘ri ichakning yallig‘lanish kasalliklari va o‘smalari, qorinda aniqlanmagan og‘riq.

Ehtiyotkorlik bilan

Buyrak yetishmovchiligi.

Qo‘llash usuli va dozalari

Rektal, ovqatlanishdan 15-20 daqiqa o‘tgach.

Shamchalar 2,11 g: kattalar va 7 yoshdan oshgan bolalarga - 1 shamchadan sutkada 1 marta.

Shamchalar 1,24 g: hayotning birinchi kunlaridan boshlab qo‘llashga ruxsat etiladi. 3 yoshgacha bo‘lgan bolalarga - */2 shamchadan, 3 yoshdan 7 yoshgacha bo‘lgan bolalarga - 1 shamchadan sutkada 1 marta.

Zarurat tug‘ilganda doza sutkasiga 2 shamchagacha oshiriladi.

Nojo‘ya ta’sirlari

Allergik reaksiyalar, mahalliy reaksiyalar (terining qichishishi va achishishi). Uzoq muddat qo‘llanganda defekatsiya fiziologik jarayonining susayishi kuzatiladi.

Dozani oshirib yuborish

Dozani oshirib yuborish holatlari noma’lum. Preparatni qo‘llash bo‘yicha yo‘riqnomaga muvofiq qo‘llanilganda, dozani oshirib yuborish ehtimoli kam.

O‘zaro aloqa

Glitserinli shamchalar rektal qo‘llaniladigan dori vositalarining ta’sirini susaytirishi mumkin. Boshqa rektal preparatlarni qo‘llash zarur bo‘lganda, ularni qo‘llash oralig‘ida kamida 1 soatlik interval bo‘lishi kerak.

Maxsus ko‘rsatmalar

Muntazam qabul qilish tavsiya etilmaydi. Ichakning normal peristaltikasi tiklangandan so‘ng davolash to‘xtatiladi. Shamchalarni mineral suyuq yoki qattiq moylar bilan moylamang.

Qo‘llashda shamcha qoldiqlari ichakdan axlat bilan chiqariladi.

Transport vositalari va mexanizmlarini boshqarish qobiliyatiga ta’siri

Preparatni qo‘llash transport vositalarini, mexanizmlarni boshqarish qobiliyatiga ta’sir ko‘rsatmaydi.

Qadoq

Ikki qavatli alyuminiy-polietilen plyonkadan yasalgan konturli yacheykali o‘ramga 5 tadan shamcha solinadi. Dori vositasini tibbiy qo‘llash bo‘yicha yo‘riqnoma bilan birga 2 ta konturli yacheykali o‘ram karton qutiga joylashtiriladi.

Saqlash shartlari

25°S dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

2 yil. Yaroqlilik muddati tugagandan keyin preparatni ishlatmang.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

NIJFARM AJ Rossiya

Ishlab chiqaruvchi

NIJFARM AJ Rossiya