Timalin (Thymalin) Samson-Med liyofilizati mushak ichiga yuborish uchun eritma uchun 10 mg № 10 (flakon)

Tarkib

Faol modda: timus polipeptidlari - 10 mg.

Yordamchi modda: glitsin - 20 mg.

Tavsif

Oq yoki oq, sarg‘ish tusli tabletka, bo‘lakcha, plastinka yoki kukun ko‘rinishidagi liofillangan massa.

Dori shakli

Mushak orasiga yuborish uchun eritma tayyorlash uchun liofilizat.

Farmakoterapevtik guruh

Immunitetni kuchaytiruvchi vosita. ATX kodi: L03AX.

Farmakologik xususiyatlari

Buzilgan immunologik reaktivlikni tiklaydi (T- va B-limfotsitlar hamda ularning subpopulyatsiyalari miqdori va nisbatini tartibga soladi, hujayra immuniteti reaksiyalarini rag‘batlantiradi, fagotsitozni kuchaytiradi), regeneratsiya va qon yaratish jarayonlari susaygan taqdirda ularni rag‘batlantiradi hamda hujayra metabolizmi jarayonlarining kechishini yaxshilaydi.

Qo‘llanilishi

Kattalar va bolalarda (6 oydan 14 yoshgacha) immunitet tanqisligi holatlari:

infeksion yiringli va septik jarayonlarda;

timus funksiyasining doimiy buzilishlarida (nur kasalligi, timus o‘smalari, timusni jarrohlik yo‘li bilan olib tashlash);

o‘tkir va surunkali virusli hamda bakterial infeksiyalarda;

regenerator jarayonlar buzilganda;

onkologik bemorlarda kimyoterapiya yoki nur terapiyasidan so‘ng immunitet va qon yaratilishining pasayishi.

Qo‘llash usuli va dozalari

Flakon ichidagisi inyeksiyadan oldin 1-2 ml natriy xloridning izotonik eritmasida eritiladi. Preparat mushak orasiga har kuni quyidagi dozalarda yuboriladi: kattalarga 5-20 mg (kursga 30-100 mg), bir yoshgacha bo‘lgan bolalarga 1 mg; 1-3 yosh - 1,5-2 mg; 4-6 yosh - 2-3 mg; 7-14 yosh Immunitet buzilishining ifodalanishiga qarab 3-10 kun davomida 3-5 mg dan. Zarurat tug‘ilganda takroriy kurs o‘tkaziladi (1-6 oydan keyin).

Profilaktika maqsadida preparat mushak orasiga har kuni, kattalarga 5-10 mg, bolalarga 1-5 mg dan 3-5 kun davomida qo‘llaniladi.

Qarshi ko‘rsatmalar

Individual ko‘tara olmaslik, homiladorlik va laktatsiya davri.

Nojo‘ya ta’sirlari

Allergik reaksiyalar.

Maxsus ko‘rsatmalar

Dori vositasining transport vositalarini, mexanizmlarni boshqarish qobiliyatiga ko‘rsatishi mumkin bo‘lgan ta’siri to‘g‘risidagi ma’lumotlar

Transport vositalari va mexanizmlarni boshqarish qobiliyatiga hech qanday salbiy ta’sir ko‘rsatilmagan.

Preparatni bolalar qo‘li yetmaydigan joyda saqlash va yaroqlilik muddati tugagandan so‘ng ishlatmaslik lozim.

Chiqarish shakli

Mushak orasiga yuborish uchun eritma tayyorlash uchun liofilizat 10 mg, 5 ml sig‘imli shisha flakonlarda. 10 ta flakon karton qutiga qo‘llash bo‘yicha yo‘riqnoma bilan birga joylashtiriladi. Erituvchi bilan qadoqlanganda preparatli 5 ta flakon va erituvchili 5 ta ampula ampula pichog‘i yoki skarifikator va qo‘llash bo‘yicha yo‘riqnoma bilan birga qadoqqa joylashtiriladi.

Yaroqlilik muddati

3 yil.

Saqlash shartlari

Yorug‘lik tushmaydigan joyda, 20 °C dan yuqori bo‘lmagan haroratda.

Dorixonalardan berish shartlari

Retsept bo‘yicha.

Ishlab chiqaruvchi

"Samson-Med" MCHJ

196158, Sankt-Peterburg, Moskva shossesi, 13

Tel. (812) 722-25-10, faks (812) 702-45-91