Vazelin moyi-Lik (Vazeline oil-Lik) 90 ml (shisha)

Tarkib

1 ta flakonda quyidagilar mavjud:

faol modda: chakanda moyi - 90 ml;

yordamchi modda: kungaboqar moyi.

Dori shakli

Suyuqlik.

Farmakoterapevtik guruh

Surgi dorilar. ATX kodi: A06AA01.

Farmakologik ta’siri

Farmakokinetika

Preparatning so‘rilish jadalligi qo‘llash usuliga bog‘liq. Chakanda moyining almashinuv mahsulotlari ichilganda axlat va siydik bilan chiqariladi.

O‘simlikdan olingan preparat, chakanda mevasidan olingan moy. Tarkibida tabiiy biologik faol moddalar mavjudligi tufayli toksinlar, peroksidlar, boshqa agressiv omillarning shikastlovchi ta’sirini kamaytiradi va hujayra qobiqlarini, hujayra ichidagi tuzilmalarni himoya qiladi.

Preparat teri va shilliq qavatlar shikastlanganda bitish jarayonlarini rag‘batlantiradi, antibakterial (bakteriyalar o‘sishini susaytiradi), o‘rab oluvchi va o‘t haydovchi ta’sir ko‘rsatadi.

Chakanda moyi hujayra oziqlanishi jarayonlariga, ovqat hazm qilish a’zolari ishiga yaxshi ta’sir ko‘rsatadi.

Ko‘rsatmalar

Kuyish, yotoq yaralari, teri va shilliq qavatlarning nurli shikastlanishlarini, ginekologik kasalliklarni (kolpitlar, endotservitsitlar, bachadon bo‘yni eroziyalari), proktologik patologiyalarni (to‘g‘ri ichakning eroziv-yarali, atrofik va boshqa patologiyalari, anus yoriqlari, gemorroy) davolashda mahalliy, tashqi qo‘llaniladi.

Qizilo‘ngach patologiyasini, oshqozon va o‘n ikki barmoqli ichak yara kasalligini kompleks davolash tarkibida ichish uchun.

Ingalyatsiya shaklida yuqori nafas yo‘llarining (burun-halqum, ovoz boylamlari, traxeya, bronxlar) surunkali yallig‘lanish kasalliklarini davolashda qo‘llaniladi.

Mahalliy preparat bodomcha bezlarining (tonzillitlar, anginalar), gaymor bo‘shliqlarining (gaymoritlar), ko‘z shox pardalarining (keratitlar), ko‘zning biriktiruvchi pardalarining (konyunktivitlar) o‘tkir patologiyalaridan keyingi surunkali va tiklanish davrida, qovoq chetlarining yallig‘lanishida (blefaritlar), ko‘z shox pardasining yaralarida qo‘llaniladi.

Qo‘llash usuli va dozalari

Preparat sirtga, ichga yoki ingalyatsiya ko‘rinishida qo‘llaniladi.

Terining patologik jarayonlarida preparatni jarohatlangan teri yuzasi nekrotik to‘qimalardan tozalangandan so‘ng, to‘qima regeneratsiyasi sohalari paydo bo‘lgunga qadar kunora, moyli bog‘lamlar ko‘rinishida sirtga qo‘llash lozim.

Ginekologik kasalliklar - kolpitlar, endotservitsitlarda - moy shimdirilgan paxta tamponlar bilan qin devorlari va bachadon bo‘yni kanali surtiladi (ularga dastlabki ishlov berilgandan so‘ng); bachadon bo‘yni eroziyasida moy shimdirilgan paxta tamponlar qo‘llaniladi (tampon eroziya joyiga zich bosiladi, tamponlarni almashtirish muolajasi har kuni amalga oshiriladi).

Kolpitni davolash kursi 10-15 muolajani, endotservitsit va bachadon bo‘yni eroziyasini davolash kursi 8-12 muolajani tashkil etadi.

Zarurat tug‘ilganda davolash kursi 4-6 haftadan keyin takrorlanadi.

Proktologik kasalliklarda - anus yoriqlarida, gemorroyda - preparat shimdirilgan paxta tamponlar bilan anus va gemorroidal tugunlar surtiladi; to‘g‘ri ichakning proktologik jarayonlarida moy uning bo‘shlig‘iga mikroklizma yordamida kiritiladi (oldindan tozalovchi klizma qilinadi).

Davolash kursi - 10-12 muolaja.

Zarurat tug‘ilganda davolash kursini 4-6 haftadan keyin takrorlash mumkin.

Qizilo‘ngach patologiyasida, me’da va o‘n ikki barmoqli ichak yara kasalligida 1 choy qoshiqdan kuniga 2-3 mahal ichiladi.

Mazkur kasalliklarni davolash kursi 3-4 haftani tashkil etadi.

Zarurat tug‘ilganda davolash kursini 4-6 haftadan keyin takrorlash mumkin.

LOR a’zolari patologiyasida - surunkali tonzillitda, anginadan keyingi holatlarda, surunkali faringitda - moyga ho‘llangan paxta tamponlari bilan bodomcha bezlari, halqum surtiladi; surunkali gaymoritda moyga ho‘llangan doka turundalar tashqi burun yo‘llariga kiritiladi (avval ularni ichidagidan bo‘shatgan holda).

LOR a’zolari patologiyasida davolash kursi 8-10 muolajani tashkil etadi.

Zarurat tug‘ilganda davolash kursini 4-6 haftadan keyin takrorlash mumkin.

Yuqori nafas yo‘llari kasalliklarida preparat tibbiyot muassasalari sharoitida ingalyatsiya ko‘rinishida qo‘llaniladi.

Ko‘z kasalliklarida Chakanda moyi shifokor ko‘rsatmasi va nazorati ostida qo‘llaniladi.

Nojo‘ya ta’sirlari

Preparatning individual yuqori sezuvchanligi kuzatilishi mumkin.

Oshqozon-ichak yo‘li tomonidan og‘izda achchiq ta’m (ichga qo‘llanganda), ich ketishi mumkin.

Immun tizimi tomonidan allergik reaksiyalar, qichishish, giperemiya, teri shishi, teri toshmasi, achishish hissi (ichga qo‘llanganda) kuzatilishi mumkin.

Ingalyatsion usulda qo‘llanganda nafas buzilishi, so‘lak ko‘p ajralishi mumkin.

Qarshi ko‘rsatmalar

Preparatga individual sezuvchanlik.

Preparatni ichish o‘t pufagi, jigar, oshqozon osti bezining yallig‘lanish jarayonlarida, o‘t-tosh kasalligida man etiladi.

Dozani oshirib yuborish

Belgilari: ko‘ngil aynishi, qusish, bosh og‘rig‘i, es-hushning chalkashishi, talvasalar, ich ketishi, teri toshmasi, epiteliy deskvamatsiyasi. Oliguriya rivojlanishi mumkin. Ayrim hollarda shok holatlari yuzaga keladi.

Davolash: oshqozonni yuvish, faollashtirilgan ko‘mir va boshqa turdagi adsorbentlar tayinlash hamda tegishli simptomatik terapiya.

Ehtiyot choralari va qo‘llash xususiyatlari

Preparatni allergik reaksiyalarga moyil bo‘lgan bemorlarga ehtiyotkorlik bilan qo‘llash lozim.

Qo‘llashdan oldin chayqatiladi.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin qo‘llamaslik lozim.

Bolalar

Bolalarga preparat shifokor tomonidan foyda/xavf nisbati baholangandan so‘ng qo‘llaniladi.

Homiladorlik va laktatsiya davrida qo‘llash

Homiladorlik va emizish davrida preparat faqat ona uchun kutilayotgan foyda homila yoki bola uchun potensial xavfdan yuqori bo‘lgandagina shifokor ko‘rsatmasi bo‘yicha qo‘llaniladi.

Avtotransport va mexanizmlarni boshqarish qobiliyatiga ta’siri

Ta’sir qilmaydi.

Dorilarning o‘zaro ta’siri

Chakanda moyining boshqa dori vositalari bilan o‘zaro ta’siri orqali inson organizmiga patologik ta’siri tavsiflanmagan.

Chiqarish shakli

Suyuqlik 25 ml, 50 ml, 90 ml, 100 ml (flakonlar).

Saqlash shartlari

Namlik va yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan yaroqlilik muddati tugagandan keyin ishlatilmasin.

Ta’til shartlari

Retseptsiz.

Ishlab chiqaruvchi

Lekinterkaps, MCHJ. O‘zbekiston.