Vazonit uzoq muddatli plyonka bilan qoplangan tabletkalar 600 mg №20 (2 blister х 10 tabletka)

Tarkib

Bir tabletka quyidagilarni o‘z ichiga oladi:

Faol moddasi: pentoksifillin - 600 mg.

Yordamchi moddalar: gipromelloza 15000 sR - 104,0 mg, mikrokristallik sellyuloza - 13,5 mg, krossovidon - 15,0 mg, kolloid kremniy dioksidi - 3,0 mg, magniy stearati - 4,5 mg; qobiq: makrogol 6000 - 3,943 mg, talk - 11,842 mg, titan dioksidi - 3,943 mg, gipromelloza 5 sR - 3,286 mg, poliakril kislotasi (30% dispersiya ko‘rinishida) - 0,986 mg.

Tavsif

Uzunchoq, ikki tomoni qavariq, oq rangli parda bilan qoplangan, har ikki tomoni chiziqli tabletkalar. Tabletka yadrosi oq rangda.

Dori shakli

Ta’siri uzaytirilgan, plyonka qobig‘i bilan qoplangan tabletkalar.

Farmakoterapevtik guruh

Qon tomirlarini kengaytiruvchi vosita. ATX kodi: C04AD03.

Farmakologik xususiyatlari

Farmakodinamika

Ksantin hosilasi. Qon ta’minoti buzilgan sohalarda mikrotsirkulyatsiyani yaxshilaydi. Eritrotsitlarning patologik o‘zgargan deformatsiyalanishiga ta’sir etish hisobiga qonning reologik xususiyatlarini (oquvchanligini) yaxshilaydi, eritrotsitlar membranalarining elastikligini oshiradi, eritrotsitlar va trombotsitlar agregatsiyasini ingibirlaydi hamda qonning yuqori yopishqoqligini pasaytiradi. Ta’sir mexanizmi fosfodiesterazaning susayishi va tomirlarning silliq mushak hujayralarida hamda qonning shaklli elementlarida siklik adenozinmonofosfat (sAMF) to‘planishi bilan bog‘liq. Pentoksifillin eritrotsitlar va trombotsitlar agregatsiyasini tormozlaydi, qon plazmasida fibrinogen miqdorini kamaytiradi va fibrinolizni kuchaytiradi, bu esa qonning yopishqoqligini kamaytiradi va uning reologik xususiyatlarini yaxshilaydi. Qon aylanishi buzilgan sohalarda, xususan, qo‘l-oyoqlarda, markaziy asab tizimida va kamroq darajada buyraklarda to‘qimalarning kislorod bilan ta’minlanishini yaxshilaydi. Periferik arteriyalarning okklyuzion shikastlanishida ("o‘zgaruvchan" oqsoqlanish) yurish masofasining uzayishiga, boldir mushaklarining tungi tortishishlarini bartaraf etishga, tinch holatda og‘riqlarning kamayishiga olib keladi. Miyada qon aylanishi buzilganda simptomatikani yaxshilaydi. Kuchsiz miotrop vazodilatatsiyalovchi ta’sir ko‘rsatib, umumiy periferik tomir qarshiligini birmuncha pasaytiradi va koronar tomirlarni bir oz kengaytiradi.

Farmakokinetika

 Pentoksifillin ichga qabul qilingandan so‘ng oshqozon-ichak yo‘llaridan deyarli to‘liq so‘riladi. Prolongirlangan shakli uzluksiz ajralishni va uning bir tekisda so‘rilishini ta’minlaydi. Pentoksifillin jigarda "birinchi o‘tish"da metabolizmga uchraydi, natijada ikkita farmakologik faol metabolit hosil bo‘ladi: 1-5-gidroksigeksil-3,7-dimetilksantin (I-metabolit) va 1-3-karboksipropil-3,7-dimetilksantin (V-metabolit). Plazmada I va V metabolitlar konsentratsiyasi pentoksifillinga nisbatan mos ravishda 5 va 8 marta yuqori. Vazonit tabletkalari ichga qabul qilinganda, pentoksifillin va uning faol metabolitlarining qon plazmasidagi maksimal konsentratsiyasiga 3-4 soatdan so‘ng erishiladi va taxminan 12 soat davomida terapevtik darajada saqlanadi. Ko‘krak suti bilan ajraladi. Buyrak faoliyatining og‘ir buzilishida metabolitlarning chiqarilishi sekinlashadi. Jigar funksiyasi buzilganda yarim chiqarilish davrining uzayishi va biosinguvchanligi oshishi qayd etiladi.

Qo‘llanilishi

Aterosklerotik, diabetik va yallig‘lanish jarayonlari fonida periferik qon aylanishining buzilishi (shu jumladan, ateroskleroz, diabetik angiopatiya, obliteratsiyalovchi endarteriit bilan bog‘liq "o‘zgaruvchan" oqsoqlanishda).

Bosh miya qon aylanishining ishemik genezli o‘tkir va surunkali buzilishlari.

Aterosklerotik genezli miya qon aylanishi buzilishi oqibatlarini simptomatik davolash (diqqatni jamlashning buzilishi, bosh aylanishi, xotiraning pasayishi).

Aterosklerotik va dissirkulyator ensefalopatiya; angiopatiyalar (paresteziyalar, Reyno kasalligi).

Arterial yoki venoz mikrotsirkulyatsiyaning buzilishi natijasida to‘qimalarning trofik buzilishlari (trofik yaralar, posttromboflebitik sindrom, sovuq urishi, gangrena).

Ko‘z tomirlarida qon aylanishining buzilishi (ko‘z to‘r pardasi yoki tomir pardasida qon aylanishining o‘tkir va surunkali yetishmovchiligi).

Tomir genezli o‘rta quloq funksiyasining buzilishi, eshitish zaifligi bilan kechadi.

Qarshi ko‘rsatmalar

Pentoksifillin, metilksantinning boshqa hosilalari yoki preparat tarkibiga kiruvchi boshqa komponentlarga yuqori sezuvchanlik.

O‘tkir miokard infarkti.

Ko‘p qon ketishi.

Ko‘z to‘r pardasiga qon quyilishi.

O‘tkir gemorragik insult.

Homiladorlik.

Emizish davri.

18 yoshgacha (samaradorligi va xavfsizligi aniqlanmagan).

Ehtiyotkorlik bilan: serebral va/yoki koronar tomirlar aterosklerozi, ayniqsa arterial gipotenziya va yurak ritmi buzilishlarida; surunkali yurak yetishmovchiligi, jigar yetishmovchiligi, buyrak yetishmovchiligi (kreatinin klirensi 30 ml/daqiqadan kam - kumulyatsiya xavfi va nojo‘ya ta’sirlar rivojlanish xavfi yuqori), oshqozon va o‘n ikki barmoqli ichak yara kasalligi, yaqinda o‘tkazilgan jarrohlik amaliyoti (qon ketish xavfi), qon ketishiga moyillikning oshishi, masalan, antikoagulyantlar qo‘llanilganda yoki qon ivish tizimi buzilganda (og‘irroq qon ketish xavfi).

Qo‘llash usuli va dozalari

Vazonit® tabletkalarini chaynamay, yetarli miqdordagi suyuqlik bilan ichish, iloji boricha ovqatdan keyin qabul qilish lozim. Preparat odatda 1 tabletkadan 600 mg dan sutkada 2 marta (ertalab va kechqurun), maksimal sutkalik dozasi 1200 mg buyuriladi. Vazonit® preparati bilan davolash davomiyligi va dozalash tartibi shifokor tomonidan kasallikning klinik ko‘rinishi hamda olinadigan terapevtik samaraga qarab individual ravishda belgilanadi. Surunkali buyrak yetishmovchiligi (kreatinin klirensi 30 ml/daqiqadan kam) bo‘lgan bemorlarda preparatning sutkalik dozasi 600 mg gacha kamaytiriladi. Jigar funksiyasining og‘ir buzilishlari bo‘lgan bemorlarda individual chidamlilikni hisobga olgan holda dozani kamaytirish zarur. Arterial bosimi past bo‘lgan bemorlarda, shuningdek, arterial bosimning pasayishi ehtimoli tufayli xavf guruhidagi bemorlarda (yurak ishemik kasalligining og‘ir shakli yoki bosh miya qon tomirlarining gemodinamik jihatdan ahamiyatli stenozlari bo‘lgan bemorlar) davolash kichik dozalarda boshlanishi mumkin. Bunday hollarda dozani faqat asta-sekin oshirish mumkin.

Nojo‘ya ta’siri

Markaziy asab tizimi tomonidan: bosh og‘rig‘i, bosh aylanishi, bezovtalik, uyquning buzilishi, talvasalar, aseptik meningit rivojlanish holatlari uchraydi. Teri qoplamlari va teri osti yog‘ kletchatkasi tomonidan: yuz terisi giperemiyasi, yuz terisi va ko‘krak qafasining yuqori qismiga qon "oqishi", shishlar, tirnoqlarning yuqori darajada mo‘rtligi. Ovqat hazm qilish tizimi tomonidan: og‘iz qurishi, oshqozon sohasida bosim va to‘lish hissi, ishtahaning pasayishi, ko‘ngil aynishi, qusish, ich ketishi, ichak atoniyasi, xoletsistitning kuchayishi, xolestatik gepatit. Ko‘ruv a’zosi tomonidan: ko‘rishning buzilishi, skotoma. Yurak-qon tomir tizimi tomonidan: taxikardiya, aritmiya, kardialgiya, stenokardiyaning kuchayishi, qon bosimining pasayishi. Qon yaratish a’zolari va gemostaz tizimi tomonidan: kamdan-kam hollarda qon ketishi (shilliq qavatlardan, teri, oshqozon, ichak tomirlaridan), shuningdek, trombotsitopeniya, leykopeniya, pansitopeniya, gipofibrinogenemiya, aplastik anemiya yuzaga kelishi mumkin. Shu sababli, Vazonit® preparati bilan davolashda periferik qon manzarasini muntazam nazorat qilib borish zarur. Allergik reaksiyalar: teri qichishishi, teri giperemiyasi, eshakemi, angionevrotik shish, anafilaktik shok. Laboratoriya ko‘rsatkichlari: "Jigar" transaminazalari: alaninaminotransferaza (ALT), aspartataminotransferaza (ACT) hamda laktatdegidrogenaza (LDG) va ishqoriy fosfataza faolligining oshishi.

Dozani oshirib yuborish

Belgilari: holsizlik, bosh aylanishi, taxikardiya, uyquchanlik, arterial bosimning yaqqol pasayishi, teri qoplamlarining qizarishi, hushdan ketish, tana haroratining ko‘tarilishi (titroq), arefleksiya, tonik-klonik talvasalar, oshqozon-ichakdan qon ketish belgilari ("kofe quyqasi" tipidagi qusish). Davolash: oshqozonni yuvish va faollashtirilgan ko‘mirni ichish. Qonli qusish holatida oshqozonni yuvish mumkin emas. Keyinchalik davolash simptomatik bo‘lib, nafas olish funksiyasi va qon bosimini ushlab turishga qaratilgan. Talvasalarda - diazepam.

Boshqa dori vositalari bilan o‘zaro ta’siri

Pentoksifillin qon ivish tizimiga ta’sir etuvchi dori vositalari (bilvosita va bevosita antikoagulyantlar, trombolitiklar), antibiotiklar (shu jumladan sefalosporinlar - sefamandol, sefoperazon, sefotetan), valproat kislota ta’sirini kuchaytirishi mumkin. Gipotenziv vositalar, insulin va ichish uchun gipoglikemik vositalarning samaradorligini oshiradi. Simetidin qon plazmasida pentoksifillin konsentratsiyasini oshiradi (salbiy ta’sirlar xavfi). Boshqa ksantinlar bilan birga qo‘llanganda asabning haddan tashqari qo‘zg‘alishiga olib kelishi mumkin. Ba’zi bemorlarda pentoksifillin va teofillinni bir vaqtda qabul qilish teofillin konsentratsiyasining oshishiga olib kelishi mumkin (teofillin bilan bog‘liq nojo‘ya ta’sirlar xavfi).

Maxsus ko‘rsatmalar

Vazonit® qabul qilayotganda buyrak faoliyati yaqqol buzilgan bemorlar ayniqsa sinchkovlik bilan tibbiy nazoratga muhtoj bo‘ladilar. Agar preparatni qo‘llash davrida bemorlarda ko‘zning to‘r pardasiga qon quyilishi kuzatilsa, u holda preparat darhol bekor qilinadi. Davolashni qon bosimi nazorati ostida olib borish kerak. Arterial bosimi past va beqaror bo‘lgan bemorlarda yuboriladigan doza kamaytirilishi kerak. Gipoglikemik dorilarni qabul qilayotgan qandli diabet bilan og‘rigan bemorlarda katta dozalarda qo‘llash gipoglikemiyaga olib kelishi mumkin (dozani tuzatish talab etiladi). Antikoagulyantlar bilan bir vaqtda qo‘llanganda qon ivish tizimi ko‘rsatkichlarini, shu jumladan xalqaro normallashtirilgan nisbatni (MHO) kuzatib borish zarur. Yaqinda jarrohlik amaliyoti o‘tkazilgan bemorlarda gemoglobin va gematokritni muntazam nazorat qilish zarur. Keksalarda dozani kamaytirish (biomavjudlikni oshirish va chiqarilish tezligini pasaytirish) talab etilishi mumkin. Chekish preparatning terapevtik samaradorligini pasaytirishi mumkin.

Transport vositalari va mashinalarni boshqarish qobiliyatiga ta’siri

Bosh aylanishi yuzaga kelishi mumkinligi sababli, transport vositalarini boshqarishda va murakkab mexanizmlarga xizmat ko‘rsatishda ehtiyot bo‘lish tavsiya etiladi. Preparatni qabul qilish vaqtida spirtli ichimliklar iste’mol qilish tavsiya etilmaydi.

Homiladorlik va emizish davrida qo‘llash

Preparatni homiladorlik va emizish davrida qo‘llash mumkin emas.

Chiqarish shakli

Plyonkali qobiq bilan qoplangan, ta’siri uzaytirilgan tabletkalar 600 mg dan. PVX/Al blisterda 10 tadan tabletka. 2 tadan blister qo‘llanmasi bilan birga karton qutiga solinadi.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlang. Bolalar qo‘li yetmaydigan joyda saqlang.

Dorixonalardan berish shartlari

Retsept bo‘yicha.

Ishlab chiqaruvchi

G.L. Pharma. Avstriya.