Vestinorm planshetlari 24 mg №30 (3 blister х 10 tabletka),

Tarkib

1 ta tabletka tarkibida quyidagilar mavjud:

Faol moddasi: betagistin digidroxlorid 8 mg yoki 16 mg, yoki 100% quruq moddaga hisoblaganda 24 mg.

Yordamchi moddalar: mikrokristall sellyuloza, natriy kraxmalglikolat (A turi), suvsiz kolloid kremniy dioksidi, povidon, magniy stearati.

Tavsif

Yassi yuzali, chiziqli va faskali, dumaloq shakldagi, oq yoki deyarli oq rangli tabletkalar. Tabletkalar yuzasida marmarsimonlikka yo‘l qo‘yiladi (8 mg va 16 mg li tabletkalar uchun).

Dori shakli

Tabletkalar.

Farmakoterapevtik guruh

Vestibulyar buzilishlarni davolash uchun vositalar. ATX kodi: N07CA01.

Farmakologik xususiyatlari

Farmakodinamika

Betagistinning ta’sir mexanizmi faqat qisman o‘rganilgan. Hayvonlar va odamlar ishtirokidagi tadqiqotlar ma’lumotlarini tasdiqlovchi bir nechta ishonchli farazlar mavjud.

Betagistinning gistaminergik tizimga ta’siri: betagistinning nerv to‘qimasidagi H1-retseptorlarga nisbatan qisman antagonistik faollik, shuningdek, gistaminning H3-retseptorlariga nisbatan antagonistik faollik va gistaminning H2-retseptorlariga nisbatan kam faollik ko‘rsatishi aniqlangan. Betagistin presinaptik N3-retseptorlarni bloklash va tegishli N3-retseptorlar sonining kamayishi jarayonini induksiyalash orqali gistamin almashinuvi va ajralishini oshiradi.

Betagistin koxlear sohada, shuningdek, butun bosh miyada qon oqimini oshirishi mumkin: hayvonlarda o‘tkazilgan farmakologik tadqiqotlar ichki quloqning stria vascularis tomirlarida qon aylanishining yaxshilanishini ko‘rsatdi, bu ehtimol ichki quloqning mikrotsirkulyatsiya tizimidagi prekapillyar sfinkterlarning bo‘shashishi tufayli bo‘lishi mumkin. Betagistin, shuningdek, odamda miya qon oqimining ko‘payishini ko‘rsatdi.

Betagistin vestibulyar kompensatsiyaga yordam beradi: betagistin hayvonlarda bir tomonlama neyrektomiyadan keyin vestibulyar funksiyaning tiklanishini tezlashtiradi, markaziy vestibulyar kompensatsiyani tezlashtiradi va unga yordam beradi. Bu ta’sir gistamin almashinuvi va ajralishi regulyatsiyasining kuchayishi bilan xarakterlanadi va H3-retseptorlar antagonizmi natijasida amalga oshadi. Betagistin bilan davolangan odamlarda neyrektomiyadan keyin vestibulyar funksiyaning tiklanish vaqti ham kamaydi.

Betagistin vestibulyar yadrolardagi neyronlar faolligini o‘zgartiradi: betagistinning lateral va medial vestibulyar yadrolardagi neyronlarda cho‘qqi potensiallari generatsiyasiga dozaga bog‘liq ingibirlovchi ta’sir ko‘rsatishi ham aniqlangan.

Betagistinning farmakodinamik xususiyatlari, hayvonlarda ko‘rsatilganidek, preparatning vestibulyar tizimda ijobiy terapevtik ta’sirini ta’minlashi mumkin.

Vestibulyar bosh aylanishi va Mener kasalligi bilan og‘rigan bemorlar ishtirokida o‘tkazilgan tadqiqotlar betagistinning samaradorligini ko‘rsatdi, bunda bosh aylanishi xurujlarining og‘irligi va chastotasining kamayishi kuzatildi.

Farmakokinetika

So‘rish

Betagistin og‘iz orqali yuborilganda hazm yo‘lida tez va deyarli to‘liq so‘riladi. So‘rilgandan so‘ng preparat tez va deyarli to‘liq metabolizmga uchrab, 2-piridilsirka kislotasi metabolitini hosil qiladi. Qon plazmasida betagistin konsentratsiyasi darajasi juda past.

Shuning uchun barcha farmakokinetik tahlillar qon plazmasi va siydikdagi 2-piridilsirka kislotasi metabolitining konsentratsiyasini o‘lchash orqali amalga oshiriladi.

Preparat ovqat bilan qabul qilinganda uning maksimal konsentratsiyasi (Cmax) och qoringa qabul qilinganga nisbatan past bo‘ladi. Shu bilan birga, betagistinning to‘liq so‘rilishi ikkala holatda ham bir xil bo‘lib, bu ovqat qabul qilish preparatning so‘rilishini faqat sekinlashtirishini ko‘rsatadi.

Taqsimlash

Qon plazmasi oqsillari bilan bog‘lanadigan betagistin foizi 5% dan kam.

Biotransformatsiya

So‘rilgandan so‘ng betagistin tez va deyarli to‘liq 2-piridilsirka kislotasiga (u farmakologik faollik ko‘rsatmaydi) metabolizmga uchraydi.

Betagistin ichga qabul qilingandan so‘ng, qon plazmasida (va siydikda) 2-piridiluksus kislotasining konsentratsiyasi preparat qabul qilingandan 1 soat o‘tgach maksimal darajaga yetadi va taxminan 3,5 soatlik yarim chiqarilish davri bilan kamayadi.

Chiqarish

2-piridilsirka kislotasi siydik bilan tez chiqariladi. Preparat 8-48 mg dozada qabul qilinganda, dastlabki dozaning taxminan 85% siydikda aniqlanadi. Betagistinning buyraklar yoki axlat bilan chiqarilishi ahamiyatsizdir.

Chiziqlilik

Tiklanish tezligi 8-48 mg preparatni og‘iz orqali qabul qilganda doimiy bo‘lib qoladi, bu betagistin farmakokinetikasining chiziqliligini ko‘rsatadi va ishtirok etgan metabolik yo‘l intensiv emasligini taxmin qilish imkonini beradi.

Qo‘llanilishi

Bosh aylanishi, ba’zan ko‘ngil aynishi va qusish, eshitish qobiliyatining pasayishi (karlik), quloqlarda shovqin kabi asosiy belgilar bilan tavsiflangan Mener kasalligi va sindromi.

Vestibulyar bosh aylanishini simptomatik davolash.

Qo‘llash usuli va dozalari

Kattalarga ichishga buyuriladi. Sutkalik doza 24-48 mg bo‘lib, sutka davomida qabul qilish uchun bir tekis taqsimlanadi.

8 mg li tabletkalar 16 mg li tabletkalar 24 mg li tabletkalar

1-2 tabletka kuniga 3 mahal 1⁄2-1 tabletka kuniga 3 mahal 1 tabletka kuniga 2 mahal

Tabletkalar ovqatdan keyin chaynamay ichiladi.

Davolash dozasi va davomiyligini davolash samaradorligiga qarab shifokor individual ravishda belgilaydi. Simptomlarning kamayishi ba’zan davolashning 2-3 haftasidan keyingina kuzatiladi. Eng yaxshi natijalar preparatni bir necha oy davomida qabul qilganda kuzatiladi. Agar davolash kasallikning boshlanishida tayinlansa, uning rivojlanishini va/yoki kechki bosqichlarda eshitish qobiliyatini yo‘qotishni oldini olish mumkin.

Keksa yoshdagi bemorlar

Ushbu guruhdagi bemorlar uchun dozani tuzatish talab etilmaydi.

Buyrak yetishmovchiligi

Dozani tuzatish talab etilmaydi.

Jigar yetishmovchiligi

Dozani tuzatish talab etilmaydi.

Nojo‘ya ta’sirlari

Ovqat hazm qilish trakti tomonidan: ko‘pincha - ko‘ngil aynishi, dispepsiya; chastotasi noma’lum - oshqozonning kichik buzilishlariga shikoyatlar (qusish, qorinda og‘riq, qorin dam bo‘lishi va meteorizm). Bu nojo‘ya ta’sirlar odatda preparat ovqat bilan qabul qilinganda yoki doza kamaytirilganda yo‘qoladi.

Asab tizimi tomonidan: ko‘pincha - bosh og‘rig‘i.

Immun tizimi tomonidan: chastotasi noma’lum - o‘ta sezuvchanlik reaksiyalari, masalan, anafilaksiya.

Teri va teri osti kletchatkasi tomonidan: chastotasi noma’lum - teri va teri osti yog‘ kletchatkasining yuqori sezuvchanlik reaksiyalari, xususan, angionevrotik shish, toshma, qichishish va eshakyemi kuzatilgan.

Qarshi ko‘rsatmalar

Ta’sir etuvchi moddaga va preparatning boshqa komponentlariga yuqori sezuvchanlik. Feoxromotsitoma. Bolalik yoshi, homiladorlik va laktatsiya davri (ushbu toifadagi bemorlarda preparatni qo‘llash bo‘yicha yetarli tajriba yo‘qligi sababli).

Dorilarning o‘zaro ta’siri

In vitro tekshiruv ma’lumotlariga ko‘ra, sitoxrom P450 fermentlari faolligining in vivo sharoitida susayishi kutilmaydi.

In vitro sharoitida olingan ma’lumotlar betagistin metabolizmini monoaminooksidaza (MAO) faolligini ingibirlovchi preparatlar, shu jumladan MAOning B kichik turi (masalan, selegilin) tomonidan bostirilishidan dalolat beradi. Betagistin va MAO ingibitorlarini (shu jumladan MAOning tanlab olingan V kichik turini) bir vaqtda qo‘llashda ehtiyot bo‘lish tavsiya etiladi.

Betagistin gistaminning analogi bo‘lganligi sababli, betagistinning antigistamin dorilar bilan o‘zaro ta’siri nazariy jihatdan ushbu dorilardan birining samaradorligiga ta’sir qilishi mumkin.

Maxsus ko‘rsatmalar

Anamnezida bronxial astma, oshqozon va o‘n ikki barmoqli ichak yara kasalligi bo‘lgan bemorlar Vestinorm bilan davolanish paytida sinchkovlik bilan tibbiy nazoratni talab qiladi.

Homiladorlik yoki emizish davrida qo‘llash

Homilador ayollarda betagistinni qo‘llashga oid ma’lumotlar yo‘q. Preparatni faqat o‘ta zarur hollarda va bevosita shifokor nazorati ostida qabul qilish mumkin.

Betagistinning ko‘krak sutiga o‘tishi o‘rganilmagan. Preparatni qo‘llashning foydasi emizishning afzalligi/bola uchun potensial xavf nisbati bilan aniqlanadi.

Bolalar

Preparatni bolalarni davolash uchun qo‘llash tajribasi yo‘q, shuning uchun uni bu yosh toifasiga buyurmaslik kerak.

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati

Klinik tadqiqotlar ma’lumotlariga ko‘ra, betagistin avtomobilni boshqarish yoki boshqa mexanizmlar bilan ishlash qobiliyatiga sezilarli ta’sir ko‘rsatmaydi.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Doza oshirib yuborilganda ko‘ngil aynishi, qorin og‘rishi, uyquchanlik kuzatilishi mumkin. Betagistinning yuqori dozalarini ataylab qabul qilishda, ayniqsa boshqa dorilar bilan dozani oshirib yuborish bilan birgalikda, tutqanoqlar va yurak-o‘pka asoratlari paydo bo‘lishi haqida xabarlar mavjud.

Davolash: simptomatik terapiya.

Chiqarish shakli

Blisterda 10 tadan tabletka. 8 mg li tabletkalar. Bir qutida 3 tadan blister.

16 mg va 24 mg li tabletkalar. Bir qutida 3 yoki 6 tadan blister.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan dori olish shartlari

Retsept bo‘yicha.

Ishlab chiqaruvchi

"Farmak" OAJ.

Ukraina, 04080, Kiyev shahri, Frunze ko‘chasi, 63