Veyrmoz-IVR tabletkalari 400 mg / 6 mg (blister)

Tarkib

1 ta tabletka tarkibida quyidagilar mavjud:

Faol moddasi: albendazol 400 mg.

Yordamchi moddalar: laktoza, makkajo‘xori kraxmali, kalsiy sulfat, natriy benzoat, magniy stearat, talk, sariq Sanset bo‘yog‘i, quruq apelsin ta’m qo‘shimchasi.

Dori shakli

Chaynov tabletkalari.

Farmakoterapevtik guruh

Gijjalarga qarshi preparat.

Farmakologik xususiyatlari

Keng ta’sir doirasiga ega bo‘lgan antigelmint va protozoylarga qarshi preparat, benzimidazol karbamat hosilasi.

VEYRMOZ glyukoza tashish jarayonlarini buzadi, gelmint organizmida mikrotubulyar apparat funksiyasining buzilishiga sabab bo‘ladi, bu esa uning nobud bo‘lishiga va odam organizmidan chiqib ketishiga olib keladi.

Preparat ichak infeksiyalari va teri sindromi Larva Migrans (sayyor lichinkalar sindromi) ni keltirib chiqaradigan parazitlarga, jumladan nematodalarga nisbatan faol: Ascaris lumbricoides (dumaloq chuvalchang), Trichuris trichiura (sochbosh), Enterobius vermicularis (ustritsa), Ancylostoma duodenale (ankilostoma), Necator americanus (nematoda), Strongyloides stercoralis; sestodalar: Hymenolepsis nana (mitti solityor), Taenia solium (cho‘chqa solityori), Taenia saginata (qoramol solityori); trematodalar: Opisthorchis viverrini va Clonorchis sinensis; sodda hayvonlar: Giardia lamblia (ichak yoki duodenal).

VEYRMOZ to‘qima parazitlariga, shu jumladan Echinococcus granulosus va Echinococcus multilocularis invaziyasi keltirib chiqaradigan kistoz va alveolyar exinokokkozlarga nisbatan faol. Veyrmoz Taenia solium lichinkalari invaziyasi tufayli kelib chiqqan neyrosistitsirkoz, Capilaria philippinensis tufayli kelib chiqqan gepatikoz va Gnathostoma spinigerum, Echinococcus granulosus, Echinococcus multilocularis invaziyasi tufayli kelib chiqqan gnatostomozni davolashda samarali hisoblanadi.

Farmakokinetika

So‘rish

Ichga qabul qilingandan so‘ng albendazol MIY yomon so‘riladi (5% dan kam), o‘zgarmagan holda plazmada aniqlanmaydi, biosinguvchanligi past.

Tizimli farmakologik ta’siri preparatni yog‘li ovqat bilan qabul qilganda kuchayadi, bunda so‘rilish kuchayadi va qon plazmasida Smax 5 marta ortadi. Albendazol sulfoksidning Cmax ga erishish vaqti 2-5 soatni tashkil etadi.

Taqsimlash

Plazma oqsillari bilan bog‘lanishi - 70%. Albendazol sezilarli miqdorda o‘t, jigar, orqa miya suyuqligi, siydik, gelmint sistalarining devori va suyuqligiga o‘tadi.

Metabolizm va chiqarilish

Jigarda antigelmint faollikka ega bo‘lgan albendazol sulfoksidning birlamchi metabolitini hosil qilish bilan metabolizmga uchraydi. Albendazol sulfoksid albendazol sulfon (ikkilamchi metabolit) va boshqa oksidlangan mahsulotlar hosil bo‘lishi bilan metabolizmga uchraydi.

Preparat 400 mg bir martalik dozada qabul qilingandan so‘ng, farmakologik faol metabolit albendazol sulfoksidi plazmadagi konsentratsiyasi 1,6 dan 6,0 mikromol/l gacha yetadi. Albendazol sulfoksidning T1/2 miqdori 8,5 soatni tashkil etadi. Albendazol sulfoksid ko‘rinishida ichak orqali o‘t bilan chiqariladi va uning ozgina qismi siydik bilan chiqariladi.

Qo‘llanilishi

enterobioz;

ankilostomidoz va nekatoroz;

gimenolepidoz;

tenioz;

strongiloidoz;

askaridoz;

trixotsefalez;

klonorxoz;

opistorxoz;

Larva Migrans teri sindromi;

bolalarda lyamblioz;

kistoz exinokokkoz;

alveolyar exinokokkoz;

neyrosistitsirkoz;

gepatokolez;

gnatostomoz;

trixinellyoz;

toksokaroz.

Qo‘llash usuli va dozalari

Preparat chaynaladigan tabletkalar ko‘rinishida ichiladi. Sutkaning bir vaqtida qabul qilish ma’qul. Agar 3 haftadan keyin tuzalish bo‘lmasa, u holda ikkinchi davolash kursini tayinlash kerak.

Ichak infeksiyalari va Larva Migrans teri sindromi

Infeksiya Yosh Qabul qilish davomiyligi

Enterobioz, ankilostomidoz, nekatoroz, askaridoz, trixotsefalyoz Kattalar va 2 yoshdan oshgan bolalar 400 mg dan kuniga 1 marta bir marta

1 yoshdan 2 yoshgacha bo‘lgan bolalar 200 mg dan kuniga 1 marta bir marta

Strongiloidoz, tenioz, gimenolepidoz1 Kattalar va 2 yoshdan katta bolalar 400 mg 1 mahal/sut. 3 kun davomida. Gimenolepidozda 10 kundan 21 kungacha davom etadigan takroriy davolash kursi tavsiya etiladi.

Klonorxoz, opistorxoz Kattalar va 2 yoshdan oshgan bolalar 400 mg dan kuniga 2 mahal, 3 kun davomida.

Larva Migrans teri sindromi Kattalar va 2 yoshdan oshgan bolalar 400 mg 1 marta/sut. Qabul qilish muddati 1 kundan 3 kungacha.

Lyamblioz Faqat 2 yoshdan 12 yoshgacha bo‘lgan bolalar 400 mg kuniga 1 marta 5 kun davomida.

Tasdiqlangan gimenolepidozda davomiyligi 10 kundan 21 kungacha bo‘lgan takroriy davolash kursi tavsiya etiladi.

Tizimli gelmintli infeksiyalar (yuqori dozalar bilan uzoq muddatli davolash)

Dozalash tartibi yoshga, tana vazniga, shuningdek, infeksiyaning og‘irlik darajasiga qarab individual belgilanadi.

Ochlik (och qoringa qabul qilish) yoki ichakni tozalash kabi hech qanday maxsus muolajalar talab etilmaydi.

Tabletkalar chaynalishi yoki suv bilan ichilishi mumkin. Ba’zi bemorlar, ayniqsa yosh bolalar, tabletkalarni butunligicha yutishda qiyinchiliklarga duch kelishlari mumkin va bu holda tabletkalarni ozgina suv bilan chaynash kerak, yoki tabletkalar maydalangan bo‘lishi mumkin.

Bemorlarning alohida guruhlari

Qariyalar

65 yosh va undan katta bemorlarda qo‘llash tajribasi cheklangan. Hisobotlarga ko‘ra, dozani tuzatish talab etilmaydi, biroq albendazol jigar faoliyatining yaqqol buzilishlari bo‘lgan keksa bemorlarga ehtiyotkorlik bilan tayinlanishi lozim.

Buyrak yetishmovchiligi

Albendazol va uning birlamchi metaboliti albendazol sulfoksidning buyrak eliminatsiyasi sezilarsiz bo‘lganligi sababli, bu bemorlarda ushbu komponentlarning klirensi o‘zgarishi ehtimoldan yiroq. Dozani o‘zgartirish talab etilmaydi, biroq yaqqol buyrak yetishmovchiligi bo‘lgan bemorlar diqqat bilan nazorat qilinishi kerak.

Jigar yetishmovchiligi

Albendazol jigarda birlamchi farmakologik faol metabolit, albendazol sulfoksid hosil bo‘lishi bilan tezda metabolizmga uchraganligi sababli, jigar yetishmovchiligi albendazol sulfoksid farmakinetikasiga sezilarli ta’sir ko‘rsatishi mumkin. Jigar funksiyasi ko‘rsatkichlarini aniqlash jigar funksional sinamasi (transaminaza) testi natijalari yomon bo‘lgan bemorlarda har bir davolash siklini boshlashdan oldin o‘tkazilishi kerak.

Nojo‘ya ta’sirlari

Keng ko‘lamli klinik tadqiqotlardan olingan ma’lumotlar nojo‘ya reaksiyalarning paydo bo‘lish chastotasini juda tez-tez va kamdan-kam hollarda aniqlash uchun ishlatilgan. Boshqa barcha noxush reaksiyalar uchun belgilangan chastota (ya’ni, chastotasi < 1/1000 bo‘lgan reaksiyalar) asosan marketingdan keyingi ma’lumotlar asosida aniqlangan va haqiqiy chastotadan ko‘ra ko‘proq xabarlar chastotasiga kiritilgan.

Nojo‘ya ta’sirlar chastotasining quyidagi shartli tasnifidan foydalanildi:

Juda ko‘p hollarda >1/10.

Ko‘pincha > 1/100 va <1/10.

Ba’zan > 1/1000 va <1/100.

Kamdan kam > 1/10.000 va <1/1000.

Juda kam hollarda <1/10.000.

Immun tizimi tomonidan:

kamdan-kam hollarda: yuqori sezuvchanlik reaksiyalari, jumladan toshma, qichishish va eshakyemi.

Asab tizimi tomonidan:

ba’zan: bosh og‘rig‘i va bosh aylanishi.

Oshqozon-ichak tizimi tomonidan:

ba’zan: oshqozon-ichak traktining yuqori qismidagi alomatlar (masalan, epigastral sohadagi og‘riq yoki qorin og‘rig‘i, ko‘ngil aynishi, qusish) va ich ketishi.

Gepatobiliar reaksiyalar:

kamdan-kam hollarda: jigar fermentlari darajasining oshishi

Dermatologik reaksiyalar:

juda kam uchraydi: turli genezli eritemalar, Stivenson-Jonson sindromi.

Qarshi ko‘rsatmalar

VEYRMOZ homiladorlikda yoki taxmin qilinayotgan homiladorlikda buyurilmaydi.

VEYRMOZ anamnezida albendazolga va dori vositasining boshqa komponentlariga yuqori sezuvchanlik bo‘lsa, man etiladi.

Dozani oshirib yuborish

Doza oshirib yuborilgan taqdirda, keyingi terapiya klinik ko‘rsatmalarga yoki milliy toksikologiya markazlarining tavsiyalariga muvofiq o‘tkazilishi kerak.

Maxsus ko‘rsatmalar

Erta homiladorlik davrida VEYRMOZ qabul qilmaslik uchun tug‘ish yoshidagi ayollar hayzdan keyingi birinchi haftada yoki homiladorlik testi manfiy bo‘lganidan keyin davolanishlari kerak.

Veyrmoz bilan davolanganda ilgari kuzatilgan neyrotsistitserkoz, ayniqsa, tenioz bilan yuqori darajada zararlangan sohalarda namoyon bo‘lishi mumkin. Bemorlar miyadagi parazitlarning o‘limi natijasida yuzaga keladigan yallig‘lanish reaksiyasi natijasida tutqanoq, yuqori intrakranial bosim va o‘choqli alomatlar kabi nevrologik alomatlarni boshdan kechirishlari mumkin. Simptomlar davolanishdan ko‘p o‘tmay paydo bo‘lishi mumkin, steroidlar va antikonvulsantlar bilan tegishli davolash darhol boshlanishi kerak.

Homiladorlik va laktatsiya

Albendazol homiladorlikda yoki taxmin qilinayotgan homiladorlikda buyurilmaydi (qarshi ko‘rsatmalarga qarang).

Albendazol va uning metabolitlari ona sutiga ajralib chiqishi noma’lum. Shuning uchun VEYRMOZni laktatsiya davrida qo‘llash faqat ona uchun kutilayotgan foyda chaqaloq uchun potensial xavfdan yuqori bo‘lgan taqdirdagina mumkin bo‘ladi.

Dori vositasining transport vositasi yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Transport vositalarini boshqarish qobiliyatiga va harakatdagi mexanik uskunalarga xizmat ko‘rsatishga ta’sir qiluvchi nojo‘ya ta’sirlar kuzatilmadi.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dorilarning o‘zaro ta’siri

Prazikvantel albendazol faol metabolitining plazma darajasini oshiradi.

Chiqarilish shakli va qadoqlash

Blisterda 1 ta tabletka. 1 ta blister karton qutida, qo‘llash bo‘yicha yo‘riqnoma bilan birga.

Saqlash shartlari

25°C dan past haroratda saqlang. °

Yaroqlilik muddati

5 yil.

Dorixonalardan berish shartlari

Retsept bo‘yicha.

Ishlab chiqaruvchi

KARAN HELT KER (P) LTD, HINDISTON

NA-19,20,21 6-a sektor I.I.E., SIDKUL,

RANIPUR, XARIDVAR-249403 (HINDISTON).