Acyclovir Remedi guruhi malham D / tashqi. taxminan 5% 10 g (Tuba)

Ацикловир (сувсиз моддага қайта ҳисобланганда) - 5,0 г.

Вирусларга қарши воситалар. АТХ коди: D06BB03.

Вирусларга қарши препарат, герпес вирусига нисбатан юқори танлаб таъсир қилиш хусусиятига эга бўлган ациклик пурин нуклеозидининг синтетик аналогидир. Вирус билан инфекцияланган ҳужайра ичида вирус тимидинкиназаси таъсирида ацикловир моно-, ди- ва трифосфат ҳосил бўлгунигача қатор кетма-кет ривожланувчи ацикловирнинг трансформация реакциялари юз беради.

Ацикловир трифосфати вирус ДНК си занжирига киради ва вирус ДНК- полимеразаси синтезини рақобатли ингибирлаши орқали унинг синтезини тўхтатади. In vitro шароитда ацикловир оддий герпес - Herpes simplex нинг I ва II турлари, Varicella zoster вирусларига нисбатан самаралидир, Эпштейн-Барра вирусини ингибирлаш учун эса юқорироқ концентрациялари талаб қилинади. In vivo шароитида ацикловир, энг аввало Herpes simplex вируслари чақирган инфекцияларда терапевтик ва профилактик жиҳатдан самаралидир.

Фармакокинетикаси

Суртма соғлом терига қўлланганда препаратни сўрилиши минимал, шикастланган терида - ўртача. Қонда ва сийдикда аниқланмайди. Буйрак фаоллияти меъёрида бўлган беморларда қон зардобидаги концентрацияси 0,28 мкг/мл гачани, сурункали буйрак етишмовчилиги бўлган беморларда - 0,78 мкг/мл гачани ташкил қилади. Буйраклар орқали (суткалик дозанинг 9,4% гачаси) чиқарилади.

Терининг оддий герпеси, генитал герпес (бирламчи ва қайталанувчан): чекланган ўраб олувчи темиратки (ёрдамчи даволаш) да қўлланди.

Сиртга. Суртма шикастланган соҳага юпқа қилиб суткада 5-6 марта (иложи борича инфекцияни бошланишидан олдин) тенг вақт оралиғида суртилади. Тубадан сиқиб чиќарилган 2,5 см ли узунликдаги суртмани шикастланган терининг 25 кв. см га суртиш мумкин. Даволаш давомийлиги камида 5 кун, максимум - 10 кунни ташкил қилади.

Алоҳида ҳолларда суртилган жойда оғриқ ва ачишиш, қичишиш, тери тошмаси, вульвит кузатилади. Кўрсатилган холатлар препарат бекор қилингандан кейин йўқолади.

Ацикловир ёки валацикловирга ёки препаратнинг ҳар қандай компонентига ўта юқори сезувчанлик.

Эҳтиёткорлик билан: ҳомиладорлик, лактация даври.

Препаратни ҳомиладорликда фақат она учун кутиладиган фойда, ҳомила учун бўлган потенциал хавфдан устун бўлган холлардагина қўллаш мумкин.

Онанинг тизимли қон оқимига тушганида ацикловир кўкрак сутига ўтади, аммо суртма қўлланганида бола оладиган препаратнинг миқдори жуда оз.

Иммуностимуляторлар билан бирга қўллаш ацикловирнинг самарасини кучайтиради.

Шиллиқ қаватларга (айниқса оғиз ва буруннинг), шунингдек кўзга тушишидан сақланиш керак. Препарат қўйилганидан кейин дарҳол ювиниш ва чўмилиш мумкин эмас.

Иммунитети пасайган пациентларга (ОИТВ/ОИТСда ёки суяк кўмики кўчириб ўтказилгандан кейин) ва инфекциянинг оғир ва қайталанувчан ҳолларида, ацикловир суртмасини маҳаллий қўллаш фонида препаратни тизимли қўллашни буюриш керак.

Қайталанувчан инфекцияни даволашни продромал босқичи вақтида ёки инфекциянинг кўринишлари намоён бўлишини бошидаёқ бошлаш муҳим. Терининг бошқа соҳаларига аутоинокуляцияни олдини олиш учун бармоққа кийгизиладиган резина ва резина қўлқопларни ишлатиш керак.

Ацикловир герпеснинг жинсий йўл билан юқишини олдини олмайди, шунинг учун даволаниш даврида жинсий алоқалардан, хатто клиник белгилари бўлмаса ҳам, сақланиш керак.

Препарат болалар олаолмайдиган жойда сақлансин ва яроқлилик муддати ўтганидан кейин ишлатилмасин.

Ацикловирни сиртга қўлланганда дозани ошириб юборилиш ҳоллари кузатилмаган.

5% суртма 3, 5, 10, 15, 20 г тубаларда ёки 30 г дан банкаларда.

Қуруқ, ёруғликдан ҳимояланган жойда, 25 °С дан юқори бўлмаган ҳароратда сақлансин.

3 йил.

Рецептсиз.

"REMEDY GROUP" МЧЖ Ўзбек-Буюк Британия ҚК,

Ўзбекистон Республикаси, Тошкент ш., 100034, Олмазор тумани, Янги Олмазор кўч., 51. тел/факс: (99871) 248-02-05