Adonak 100 mg plyonka bilan qoplangan planshetlar №100 (10 blister х 10 tabletka)

Tarkib

Plyonkali qobiq bilan qoplangan har bir tabletka quyidagilarni o‘z ichiga oladi: atseklofenak VR 100 mg.

Dori shakli

Plyonkali qobiq bilan qoplangan tabletkalar.

Farmakoterapevtik guruh

Nosteroid yallig‘lanishga qarshi vosita. ATX kodi: M01AB16.

Farmakologik ta’siri

Atseklofenak kuchli yallig‘lanishga qarshi va og‘riq qoldiruvchi ta’sirga ega bo‘lgan nosteroid vosita hisoblanadi. Atseklofenakning ta’sir mexanizmi, asosan, prostaglandinlar sintezini ingibirlashga asoslangan. Atseklofenak prostaglandinlar sintezida ishtirok etuvchi siklooksigenaza fermentining kuchli ingibitori hisoblanadi.

Farmakokinetika

Atseklofenak ichilganidan keyin o‘zgarmagan holda tez va to‘liq so‘riladi. Qon plazmasidagi konsentratsiyaning cho‘qqisiga preparat qabul qilingandan taxminan 1.25 - 3.00 soat o‘tgach erishiladi. Atseklofenak sinovial suyuqlikka o‘tadi, bu yerda uning konsentratsiyasi preparat miqdorining taxminan 57% iga yetadi. Taqsimot hajmi taxminan 25 litrni tashkil etadi.

Ko‘rsatmalar

Atseklofenak osteoartrit, revmatoid artrit va Bexterev kasalligida og‘riq hamda yallig‘lanishni kamaytirish uchun buyuriladi.

Qo‘llash usuli va dozalari

Atseklofenak - qobiq bilan qoplangan tabletkalar, ko‘p miqdordagi suyuqlik bilan birga ichiladi. Preparatni ovqat vaqtida yoki ovqatdan keyin qabul qilish kerak. Noxush oqibatlarning oldini olish uchun preparatni belgilarni aniqlash uchun zarur bo‘lgan qisqa vaqt oralig‘ida eng kichik dozalardan boshlash lozim.

Kattalar. Tavsiya etilgan kunlik doza 200 mg bo‘lib, 100 mg dan alohida, ertalab va kechqurun bir tabletkadan qabul qilinadi.

Qariyalar. Buyrak, yurak-qon tomir yoki jigar yetishmovchiligidan aziyat chekayotgan yoki qo‘shimcha dori-darmonlarni qabul qilayotgan qariyalarda nojo‘ya ta’sirlarning jiddiy oqibatlari rivojlanish xavfi yuqori. Agar nosteroid yallig‘lanishga qarshi dorilar (NYAQDV) buyurish zarur bo‘lsa, preparatni eng kichik dozadan boshlab, qisqa vaqt oralig‘ida qabul qilish lozim. Nosteroid yallig‘lanishga qarshi dorilar bilan davolanish jarayonida bemor oshqozon-ichak traktidan qon ketishining oldini olish uchun muntazam ko‘rikdan o‘tishi kerak.

Atseklofenak qo‘llanilganda farmakokinetik ko‘rsatkichlar o‘zgarmaydi, binobarin, preparatni qabul qilish miqdori yoki chastotasini o‘zgartirish talab etilmaydi.

Buyrak yetishmovchiligi bo‘lgan bemorlarda preparatni qo‘llash Yengil buyrak yetishmovchiligi bo‘lgan bemorlarda preparat dozasini o‘zgartirish zarurati yuzaga kelmadi, ammo boshqa nosteroid yallig‘lanishga qarshi dori vositalarini qabul qilishda bo‘lgani kabi ehtiyot choralarini ko‘rish kerak.

Jigar yetishmovchiligi bo‘lgan bemorlarda preparatni qo‘llash Tavsiya etilgan kunlik doza 100 mg. Ba’zi hollarda jigar yetishmovchiligi bo‘lgan bemorlarda Atseklofenak dozasi kamaytirilishi kerak.

Nojo‘ya ta’sirlari

Oshqozon-ichak trakti tomonidan: eng ko‘p uchraydigan salbiy oqibatlar oshqozon-ichak trakti tomonidan yuzaga keladi. Oshqozon va o‘n ikki barmoqli ichak yarasi, oshqozon-ichak traktining teshilishi yoki qon ketishi, ba’zan o‘lim bilan tugashi mumkin, ayniqsa keksa odamlarda. Shuningdek, preparatni buyurgandan so‘ng ko‘ngil aynishi, qusish, ich ketishi, meteorizm, qabziyat, dispepsiya, qorin sohasida og‘riq, melena, qonli qusish, yarali stomatit, kolitning kuchayishi, Kron kasalligi paydo bo‘lishi mumkin.

Gastrit belgilari kamdan kam uchraydi, pankreatit paydo bo‘lishi haqidagi ma’lumotlar eng kam uchraydi.

Allergik reaksiyalar: YAQNDV qabul qilgandan keyin allergik reaksiyalar paydo bo‘lganligi haqida xabar berilgan.

Bular quyidagilar bo‘lishi mumkin: nospetsifik allergik va anafilaktik reaksiyalar; nafas yo‘llari reaksiyalari, shu jumladan bronxial astma, astmaning kuchayishi, bronxospazm, hansirash; terining aralash yallig‘lanishi, shu jumladan turli xil toshmalar, qichishish, eshakem, purpura, angionevrotik shish, kamroq hollarda eksfoliativ va bullyoz dermatoz (shu jumladan epidermal nekroliz va ekssudativ ko‘p shaklli eritema).

Yurak-qon tomir va serebrovaskulyar tizimlar tomonidan: YAQNDV qabul qilinganda shish, qon bosimining ko‘tarilishi, yurak yetishmovchiligi yuzaga kelishi mumkin.

Klinik sinovlar va epidemiologik ma’lumotlar shuni ko‘rsatadiki, ba’zi nosteroid yallig‘lanishga qarshi dorilarni (ayniqsa, yuqori dozalarda va uzoq vaqt davomida) qo‘llash arterial va trombotik buzilishlar (masalan, miokard infarkti yoki yurak xuruji) xavfini oshirishi mumkin.

Laboratoriya tekshiruvlari tomonidan: jigar fermentlari va qon zardobidagi kreatinin o‘zgarishi haqida ham ma’lumotlar mavjud.

Boshqa kam uchraydigan nojo‘ya ta’sirlar

Buyrak funksiyasi tomonidan: interstitsial nefrit, nefrotik sindrom va buyrak yetishmovchiligini o‘z ichiga olgan turli xil nefrotoksiklik shakllari.

Jigar faoliyati tomonidan: jigar faoliyatining buzilishi, gepatit, sariqlik.

Asab tizimi va sezgi a’zolari tomonidan: ko‘rish qobiliyatining buzilishi, retrobulbar nevrit, bosh og‘rig‘i, paresteziya, yorug‘likka sezuvchanlik, aseptik meningit (ayniqsa, tizimli qizil yuguruk, biriktiruvchi to‘qimaning diffuz kasalligi kabi autoimmun kasalliklari bo‘lgan bemorlarda), ensa mushaklarining rigidligi, bosh og‘rig‘i, ko‘ngil aynishi, qusish, isitma, dezoriyentatsiya, depressiya,

hushning xiralashishi, gallyutsinatsiyalar, quloq shang‘illashi, bosh aylanishi, lohaslik, charchoq, uyquchanlik.

Gematologik reaksiyalar: trombotsitopeniya, neytropeniya, agranulotsitoz, aplastik anemiya, gemolitik anemiya.

Dermatologik reaksiyalar: bullyoz reaksiyalar, shu jumladan Stivens-Jonson sindromi va toksik epidermal nekroliz (juda kam).

Jiddiy noxush reaksiyalar paydo bo‘lganda, Atseklofenakni qabul qilishni to‘xtatish kerak.

Dozani oshirib yuborish

Belgilari: bosh og‘rig‘i, ko‘ngil aynishi, qusish, epigastral sohadagi og‘riqlar, oshqozon-ichak buzilishlari, oshqozon-ichakdan qon ketishi, kamdan-kam hollarda ich ketishi, dezoriyentatsiya, qo‘zg‘alish, koma, uyquchanlik, bosh aylanishi, quloq shang‘illashi, gipotenziya, nafas olishning pasayishi, hushdan ketish, ba’zan talvasalar. Sezilarli darajada zaharlangan hollarda o‘tkir buyrak yetishmovchiligi va jigar zararlanishi mumkin.

Davolash: Potensial zaharli miqdor qabul qilingandan so‘ng bir soat ichida faollashtirilgan ko‘mir buyurish kerak. Bundan tashqari, kattalar dori vositasini hayot uchun potensial xavfli dozada qabul qilgandan so‘ng bir soat ichida oshqozonni yuvishlari kerak.

Maxsus shartlar

Oshqozon-ichak trakti va yurak-qon tomir tizimi buzilishlarining belgilari va xavfini aniqlash uchun zarur bo‘lgan qisqa vaqt ichida eng kam samarali dozani qo‘llash orqali nojo‘ya ta’sirlarni kamaytirish mumkin. Atseklofenakni tarkibida selektiv ta’sir qiluvchi siklooksigenaza-2 ingibitori bo‘lgan boshqa birga keladigan nosteroid yallig‘lanishga qarshi dorilar bilan birga qo‘llash kerak emas.

Qariyalar: Qariya bemorlarda nosteroid yallig‘lanishga qarshi dorilarni qo‘llashdan ko‘pincha nojo‘ya ta’sirlar, xususan, o‘limga olib kelishi mumkin bo‘lgan yarali qon ketishlar va perforatsiyalar paydo bo‘lishi kuzatiladi. Nafas olish funksiyasining buzilishi: bronxial astmadan aziyat chekuvchi yoki uni boshdan kechirgan bemorlar ushbu preparatni alohida ehtiyotkorlik bilan qabul qilishlari lozim, chunki hisobotlarga ko‘ra, YAQNDV bronxospazmni keltirib chiqarishi mumkin.

Yurak-qon tomir va buyrak yetishmovchiligi: nosteroid yallig‘lanishga qarshi dorilarni qabul qilish prostaglandin hosil bo‘lish darajasining pasayishiga va buyrak yetishmovchiligiga olib kelishi mumkin. Buyrak va/yoki yurak yetishmovchiligi, jigar disfunksiyasi bilan og‘rigan, diuretiklar qabul qiluvchi bemorlar va keksalar eng ko‘p xavf ostida. Bu guruhdagi bemorlar buyrak faoliyatini kuzatib borishlari kerak.

Yurak-qon tomir va serebrovaskulyar tizimlarga ta’siri: yuqori qon bosimi va/yoki turg‘un yurak yetishmovchiligining yengil yoki o‘rtacha shakllari, suyuqlik tutilishi va shish bilan og‘rigan bemorlarga tegishli maslahat va kuzatuv talab etiladi. Ba’zi nosteroid yallig‘lanishga qarshi dorilarni qo‘llash (ayniqsa, yuqori dozalarda va uzoq muddatli davolashda) arterial trombotik buzilishlar (masalan, miokard infarkti, yurak xuruji) xavfini oshirishi mumkin. Nazorat qilib bo‘lmaydigan gipertoniya, dimlangan yurak yetishmovchiligi, yurak ishemik kasalligi, periferik arteriyalar kasalliklari va/yoki serebrovaskulyar kasalliklari bo‘lgan bemorlarga Atseklofenak faqat sinchiklab tekshiruvdan o‘tkazilgandan so‘ng tayinlanishi kerak. Shuningdek, yurak-qon tomir kasalliklari rivojlanish xavfi guruhiga kiruvchi bemorlar (masalan, gipertoniya, giperlipidemiya, qandli diabet, chekuvchilar) uzoq muddatli davolanishni tayinlashdan oldin sinchkovlik bilan tekshiruvdan o‘tishlari kerak.

Oshqozon-ichak yo‘lining qon ketishi, yaralanishi, teshilishi: YAQNDVni qabul qilish davolashning har qanday davrida, simptomlarsiz yoki oldingi oshqozon-ichak kasalliklarida qon ketishi, yaralanish, oshqozon-ichak yo‘lining teshilishiga (o‘limga olib kelishi mumkin) olib kelishi mumkin. Oshqozon-ichak trakti funksiyasi buzilishining xarakterli belgilari, oshqozon-ichak trakti yaralari paydo bo‘lishi ehtimoli, nospetsifik yarali kolit, Kron kasalligi, gemorragik diatez, gematologik og‘ishlar bo‘lgan bemorlarni albatta sinchiklab tibbiy ko‘rikdan o‘tkazish lozim. Ilgari yara o‘tkazgan bemorlarda, ayniqsa qon ketishi va teshilishi bilan va keksa bemorlarda qon ketishi, yaralar va oshqozon-ichak traktining teshilishi xavfi nosteroid yallig‘lanishga qarshi dorilar dozasini oshirish bilan ortadi.

Ushbu guruhdagi bemorlarga minimal doza buyurilishi kerak. Ushbu bemorlar uchun, shuningdek, oshqozon-ichak trakti buzilishlari xavfini oshirishi mumkin bo‘lgan aspirin yoki boshqa dorilarning past dozalarini qabul qilayotgan bemorlar uchun yaralarga qarshi vositalar (masalan, misoprostol yoki proton nasosi ingibitori) bilan kombinatsiyalangan terapiya buyuriladi. Oshqozon-ichak asoratlarini boshdan kechirgan bemorlar, ayniqsa keksalar, qorin sohasida har qanday noodatiy alomatlar (oshqozon-ichak traktidan qon ketishi) paydo bo‘lsa, ayniqsa davolashning boshida xabar berishlari kerak. Agar Atseklofenak qabul qilinayotganda bemorlarda qon ketishi yoki oshqozon-ichak trakti yaralanishi kuzatilsa, davolash to‘xtatilishi kerak.

Tizimli qizil yuguruk va biriktiruvchi to‘qimaning diffuz kasalliklari: Tizimli qizil yuguruk yoki biriktiruvchi to‘qimaning diffuz kasalliklari bo‘lgan bemorlarda aseptik meningit xavfi ortishi mumkin.

Dermatologik reaksiyalar: ushbu reaksiyalar paydo bo‘lishining eng yuqori xavfi davolashning dastlabki davriga to‘g‘ri keladi: aksariyat hollarda reaksiyalar davolashning birinchi oyi davomida namoyon bo‘ladi. Teri toshmasi, shilliq qavatning zararlanishi va allergik reaksiyaning boshqa belgilari birinchi marta paydo bo‘lganda Atseklofenakni qabul qilishni to‘xtatish kerak.

Ayollarda reproduktiv funksiyaning susayishi: Atseklofenakni qabul qilish ayollarda reproduktiv funksiyani pasaytirishi mumkin. Homilador bo‘lishga urinayotgan ayollarga tavsiya etilmaydi. Bepushtlik tekshiruvidan o‘tayotgan va homilador bo‘lish muammosiga duch kelgan ayollar Atseklofenakni qabul qilishni to‘xtatishlari kerak.

Allergik reaksiyalar: boshqa nosteroid yallig‘lanishga qarshi vositalarni qo‘llashda bo‘lgani kabi, anafilaktik va anafilaktoid reaksiyalar yuzaga kelishi mumkin.

Gematologik reaksiyalar: Atseklofenak trombotsitlar agregatsiyasini qaytar to‘xtatib qo‘yishi mumkin.

Uzoq muddatli davolash: YAQNDV tayinlangan barcha bemorlar buyrak yetishmovchiligi, jigar faoliyati buzilishining (jigar fermentlari oshishi yuzaga kelishi mumkin) va qon manzarasi o‘zgarishining oldini olish uchun muntazam ko‘rikdan o‘tishlari kerak.

Bolalarda qo‘llanilishi

Bolalar. Bu preparatni bolalarga buyurish tavsiya etilmaydi.

Homiladorlik va emizish davrida

Homiladorlikning oxirgi uch oyligida nosteroid yallig‘lanishga qarshi dorilarni qo‘llash mumkin emas, chunki nosteroid yallig‘lanishga qarshi dorilar homilaning yurak-qon tomir tizimiga ta’sir ko‘rsatadi (arterial yo‘lning yopilish xavfi yuzaga keladi), yangi tug‘ilgan chaqaloqlarda doimiy o‘pka gipertenziyasi yuzaga kelishi mumkin. Homiladorlikning birinchi ikki trimestrida nosteroid yallig‘lanishga qarshi dorilarni muntazam qo‘llash bachadon tonusi va qisqarishini pasaytirishi mumkin. Tug‘ruq kechikishi, tug‘ruq davomiyligi uzayishi, onada ham, bolada ham qon ketishiga moyillik paydo bo‘lishi mumkin. NYAQV homiladorlikning birinchi ikki trimestrida faqat ona uchun potentsial foyda homila uchun potentsial xavfdan yuqori bo‘lgandagina tayinlanishi kerak.

Ko‘krak suti bilan emizish va homiladorlik paytida Aseklofenakni qabul qilishdan saqlanish kerak, faqat ehtimoliy foyda homila uchun potentsial xavfdan yuqori bo‘lgan holatlar bundan mustasno.

Dorilarning o‘zaro ta’siri

Boshqa analgetiklar, shu jumladan selektiv siklooksigenaza-2 ingibitori: YAQNDV (shu jumladan aspirin) bilan birga qo‘llashdan saqlaning, chunki bu oshqozon-ichakdan qon ketish xavfini oshirishi mumkin.

Antigipertenziv dorilar: yuqori qon bosimida dorilarning samaradorligini pasaytiradi.

Diuretiklar: diuretik ta’sirni kamaytiradi, diuretiklar YAQNDVning nefrotoksikligini oshirishi mumkin. Kaliy saqlovchi diuretiklar bilan birga qo‘llash buyurilganda, qon zardobidagi kaliy miqdorini kuzatib borish lozim. Yurak glikozidlari: YAQNDV yurak yetishmovchiligini asoratlantirishi, koptokchalar filtratsiyasi tezligini pasaytirishi va qon plazmasida glikozidlar miqdorini oshirishi mumkin.

Litiy: Atseklofenak organizmdan litiy ajralishini kamaytiradi.

Metotreksat: Atseklofenak metotreksat ajralishini kamaytiradi, preparatlarni qabul qilish orasidagi tanaffus taxminan 24 soat bo‘lishini nazorat qilish kerak, aks holda, YAQNDV plazma darajasini oshirishi va yuqori toksiklikni keltirib chiqarishi mumkin.

Siklosporin: nefrotoksiklik xavfi ortadi.

Mifepriston: NYAQPlarni mifepriston qabul qilingandan keyin 8-12 kun davomida qabul qilmaslik kerak, chunki NYAQPlar mifepriston ta’sirini pasaytirishi mumkin.

Kortikosteroidlar: Oshqozon-ichak trakti yaralanishi yoki qon ketishi xavfi ortadi.

Antikoagulyantlar: YAQNDVlar varfarin kabi antikoagulyantlarning ta’sirini oshirishi mumkin. Antikoagulyantlar va Atseklofenak bilan kombinatsiyalangan terapiya olayotgan bemorlar doimiy nazorat ostida bo‘lishlari kerak.

Xinolon qatoridagi antibiotiklar: hayvonlar ustida o‘tkazilgan sinovlardan so‘ng olingan ma’lumotlar shuni ko‘rsatdiki, YAQNDV xinolon antibiotiklari bilan birgalikda konvulsiya xurujlari xavfini oshiradi. YAQNDVlarni xinolonlar bilan birga qabul qilayotgan bemorlarda konvulsiya xurujlari paydo bo‘lish xavfi ortadi. Antitrombotsitar vositalar va serotoninni qayta qamrab olishning selektiv ingibitorlari: oshqozon-ichakdan qon ketish xavfi ortadi.

Takrolimus: YAQNDV takrolimus bilan qabul qilinganda nefrotoksiklik xavfi ortishi mumkin.

Zidovudin: YAQNDV zidovudin bilan birga qabul qilinganda, gematologik toksiklik yuzaga kelish xavfi ortadi.

Diabetga qarshi vositalar: Atseklofenak buyurilganda gipoglikemik vositalar dozasini tayinlashga e’tibor berish kerak.

Boshqa nosteroid yallig‘lanishga qarshi dorilar: aspirin yoki boshqa nosteroid yallig‘lanishga qarshi dorilar bilan birgalikda davolash nojo‘ya ta’sirlar, jumladan oshqozon-ichak tizimidan qon ketish xavfini oshirishi mumkin.

Saqlash shartlari

25 °C dan past haroratda saqlanadi.

Yaroqlilik muddati

Ishlab chiqarilgan sanadan boshlab 3 yil.

Chiqarish shakli

Plyonkali qobiq bilan qoplangan tabletkalar 100 mg N100 (10x10) (blisterlar).

Ta’til shartlari

Retsept bo‘yicha.

Ishlab chiqaruvchi

Rhydburg Pharmaceuticals Ltd, Hindiston.