Aevit kapsulalari №10 (blister)

Tarkib

Bitta kapsula uchun tarkib:

Ta’sir etuvchi moddalar:

Retinol palmitat (A vitamini) - 55 mg (100000 XB)

alfa-Tokoferol atsetat (E vitamini) - 100 mg g

Yordamchi moddalar:

Makkajo‘xori yog‘i - 45 mg

Kapsula tarkibining og‘irligi - 200 mg

Kapsula qobig‘i:

Jelatin - 26,83 mg

Glitserin - 7,56 mg

Metilparagidroksibenzoat (metilparaben) - 0,01 mg

Sorbitol (sorbit) - 4,94 mg

Tozalangan suv - 0,65 mg

Jigarrang NT bo‘yog‘i (E 155) - 0,01 mg

Kapsula og‘irligi - 240 mg

Izoh:

1 g retinol palmitat (A vitamini) substansiyasi tarkibi (DSM Nutrishnl Prodaks Ltd, Sisseln zavodi filiali, Germaniya): 1 g retinol palmitat (A vitamini) substansiyasi tarkibi (BASF SE, Germaniya):

- retinol palmitat - 1,7 mln. ME; retinol palmitat - 1,7 mln. ME;

- butilgidroksianizol - 9 mg; - butilgidroksitoluol - 17 mg.

- butilgidroksitoluol - 9 mg.

Tavsif

Yumshoq jelatinli kapsulalar sferik shaklda, to‘q sariqdan och jigarranggacha rangda bo‘lib, silliq yuzaga ega, shikastlanmagan va havo aralashmalari ko‘rinmaydi. Ular och sariqdan to‘q sariq ranggacha bo‘lgan moysimon suyuqlik bilan to‘ldirilgan, taxir hidsiz.

Chiqarish shakli

Kapsulalar.

Farmakoterapevtik guruh

Polivitaminli vosita. Vitaminlar kombinatsiyasi. ATX kodi: A11JA.

Farmakologik xususiyatlari

Farmakodinamika

Ta’siri tarkibiga kiruvchi A va E vitaminlarining xususiyatlari bilan belgilanadigan kombinatsiyalangan preparat. Retinol (A vitamini) normal g‘ira-shira va rangli ko‘rish uchun zarur bo‘lgan ko‘rish pigmentlarini shakllantirishda ishtirok etadi; epiteliy to‘qimalarining yaxlitligini ta’minlaydi, suyaklarning o‘sishini tartibga soladi. Tokoferol (E vitamini) antioksidant xususiyatga ega bo‘lib, membranalardagi to‘yinmagan yog‘ kislotalarini lipoperoksidlanishdan himoya qiladi; hujayralararo modda, biriktiruvchi to‘qimaning kollagen va elastik tolalari, tomirlarning silliq mushaklari, ovqat hazm qilish yo‘llarining shakllanishida ishtirok etadi. Ayevit buzilgan kapillyar qon aylanishini tiklaydi, kapillyar va to‘qima o‘tkazuvchanligini normallashtiradi, to‘qimalarning gipoksiyaga chidamliligini oshiradi.

Ko‘rsatmalar

Kombinatsiyalangan A, E avitaminozi. To‘qimalar trofikasining buzilishi bilan kechadigan teri shikastlanishlari va kasalliklarini kompleks davolashda (psoriaz, ekzemaning ba’zi shakllari, ixtioz, seboreyali dermatit).

Qarshi ko‘rsatmalar

Preparat komponentlariga yuqori sezuvchanlik, A va/yoki E gipervitaminozi, 18 yoshgacha bo‘lgan bolalar, homiladorlik, laktatsiya davri.

Ehtiyotkorlik bilan

Tireotoksikoz, xoletsistit, surunkali yurak yetishmovchiligi; surunkali glomerulonefrit, jigar sirrozi, virusli gepatit; buyrak yetishmovchiligi, alkogolizm, keksalik, gipoprotrombinemiya (K vitamini tanqisligi fonida E vitamini 400 XBdan ortiq dozada kuchayishi mumkin).

Qo‘llash usuli va dozalari

Faqat shifokor tavsiyasi bilan qo‘llaniladi.

Ichkariga. Ovqatlanishdan qat’i nazar, kuniga 1 kapsuladan. Davolash kursi: - 20-40 kun.

Shifokor bilan maslahatlashgan holda takroriy davolash kursini o‘tkazish mumkin.

Nojo‘ya ta’sirlari

Nojo‘ya reaksiyalar chastotasining miqdoriy mezonlari va nojo‘ya reaksiyalarning tizimli-a’zo tasnifi hamda ularning paydo bo‘lish chastotasiga muvofiq tasnifi (Nojo‘ya ta’sirlar chastotasini aniqlash quyidagi mezonlarga muvofiq amalga oshiriladi: juda tez-tez (≥ 1/10), tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kamdan-kam (≥ 1/10000 dan < 1/1000 gacha), juda kam (< 1/10000), chastotasi noma’lum (mavjud ma’lumotlar asosida baholash imkonsiz).

Teri va teri osti to‘qimalaridagi buzilishlar: chastotasi noma’lum - teri toshmasi.

Oshqozon-ichak trakti tomonidan buzilishlar: kamdan kam hollarda - epigastral sohada noqulaylik hissi, ko‘ngil aynishi, diareya.

Jigar va o‘t yo‘llari tomonidan buzilishlar: chastotasi noma’lum - uzoq vaqt qabul qilinganda o‘t-tosh kasalligi va surunkali pankreatitning kuchayishi mumkin.

Dozani oshirib yuborish

O‘tkir dozani oshirib yuborish belgilari (qabul qilingandan keyin 6 soat o‘tgach rivojlanadi): gipervitaminoz A: kattalarda - uyquchanlik, lanjlik, ko‘zning ikkiga bo‘linishi, bosh aylanishi, kuchli bosh og‘rig‘i, ko‘ngil aynishi, tinimsiz qusish, diareya, asabiylashish, milklarning qonashi, og‘iz bo‘shlig‘i shilliq qavatining quruqligi va yaralanishi, lablar, terining (ayniqsa, kaftlarning) po‘st tashlashi, ongning chalkashishi, kalla ichi bosimining oshishi (emizikli bolalarda - gidrotsefaliya, liqildoqning bo‘rtib chiqishi).

Surunkali intoksikatsiya belgilari: ishtahaning yo‘qolishi, suyaklarda og‘riq, terining yorilishi va qurishi, og‘iz bo‘shlig‘i, lablar shilliq qavatining quruqligi, gastralgiya, qusish, gipertermiya, asteniya, haddan tashqari charchash, bosh og‘rig‘i, fotosezgirlik, pollakiuriya, nekturiya, poliuriya, ta’sirchanlik, soch to‘kilishi, oyoq tagida, kaftlarda, burun-lab uchburchagi sohasida sariq-zarg‘aldoq dog‘lar, gepatotoksik hodisalar, ko‘z ichi gipertenziyasi, oligomenoreya, portal gipertenziya, gemolitik anemiya, suyaklar rentgenogrammasidagi o‘zgarishlar, talvasalar.

Davolash: preparatni bekor qilish; simptomatik terapiya.

Vitamin E dozasini oshirib yuborish belgilari: sutkasiga 400-800 TB dozada uzoq muddat qabul qilinganda - ko‘rish qobiliyatining noaniqligi, bosh aylanishi, bosh og‘rig‘i, ko‘ngil aynishi, diareya, gastralgiya, asteniya; sutkasiga 800 TB dan ortiq dozada uzoq muddat qabul qilinganda - gipovitaminoz K bilan og‘rigan bemorlarda qon ketish xavfining ortishi, tireoid gormonlar metabolizmining buzilishi, jinsiy faoliyatning buzilishi, tromboflebit, nekrotik kolit, sepsis, gepatomegaliya, gemorragik insult, assit.

Davolash: preparatni bekor qilish, simptomatik terapiya.

O‘zaro aloqa

E vitamini glyukokortikosteroid preparatlar, nosteroid yallig‘lanishga qarshi vositalarning ta’sirini kuchaytiradi, A, D vitaminlari, yurak glikozidlarining samaradorligini oshiradi va zaharliligini kamaytiradi.

Epilepsiya bilan og‘rigan bemorlarda (qonida lipidlarning perekisli oksidlanish mahsulotlari miqdori oshgan) tutqanoqqa qarshi vositalarning samaradorligini oshiradi. Tetratsiklin qatoridagi antibiotiklar bilan mos kelmaydi. Salitsilyatlar va glyukokortikosteroidlar ayevitning nojo‘ya ta’sirlari rivojlanish xavfini kamaytiradi.

Tarkibida mineral moy va kolistiramin bo‘lgan surgi vositalari A va E vitaminlarining o‘zlashtirilishini kamaytiradi.

Peroral kontratseptivlar qon plazmasida A vitamini konsentratsiyasini oshiradi.

E vitaminini sutkasiga 400 TB dan ortiq miqdorda antikoagulyantlar (kumarin va indandion hosilalari) bilan bir vaqtda qo‘llash gipoprotrombinemiya rivojlanish xavfini oshiradi.

Maxsus ko‘rsatmalar

A va E gipervitaminozining oldini olish uchun tavsiya etilgan dozalardan oshirmaslik kerak. Preparatni qo‘llashda uning tarkibida A vitamini ko‘pligini (100000 XB) hamda profilaktik emas, balki davolovchi dori vositasi ekanligini hisobga olish lozim.

Selen va oltingugurtli aminokislotalar miqdori yuqori bo‘lgan parhez E vitaminiga bo‘lgan ehtiyojni kamaytiradi.

Homiladorlik va laktatsiya

Preparat homiladorlik va emizish davrida qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Preparat avtotransport va potensial xavfli mexanizmlarni boshqarish qobiliyatiga ta’sir ko‘rsatmaydi.

Qadoq

Polivinilxlorid plyonkasi va alyuminiy folgasidan tayyorlangan konturli yacheykali o‘ramga 10 tadan kapsula solinadi.

1, 2, 3, 4 yoki 5 ta kontur yacheykali o‘ramlar qo‘llash bo‘yicha yo‘riqnoma bilan birga karton qutiga joylashtiriladi.

50-150 tadan konturli yacheykali o‘ramlar qo‘llash bo‘yicha yo‘riqnomalar bilan birga karton qutiga (statsionarlar uchun) joylashtiriladi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Yaroqlilik muddati

2 yil. Yaroqlilik muddati tugagandan keyin qo‘llanilmaydi.

Dorixonalardan berish shartlari

Retseptsiz

Ro‘yxatdan o‘tganlik guvohnomasi egasi

ALTAYVITAMINLAR AJ Rossiya

Ishlab chiqaruvchi

ALTAYVITAMINLAR AJ Rossiya