Allervil plyonka bilan qoplangan planshetlar 10 mg / 5 mg №10 (1 blister)

Бир таблетка қуйидагиларни сақлайди:

фаол моддалар: монтелукаст натрий (монтелукастга эквивалент) - 10,0 мг, левоцетиризин дигидрохлориди - 5,0 мг;

ёрдамчи моддалар: лактоза, маккажўхори крахмали, микрокристалл целлюлоза, сувсиз кальций дигидрофосфати, натрий кроскармеллоза, Повидон-К-30, тозаланган тальк, кросповидон, магний стеарати, сувсиз коллоид кремний;

плёнканинг қобиғи: Super Coat film (гидроксипропил метилцеллюлоза, ПЭГ-400, титан диоксиди, тозаланган тальк), тозаланган тальк, титан диоксиди, изопропил спирти, дихлорметан.

Думалоқ шаклли, икки томони қавариқ, оқ рангли плёнка қобиқ билан қопланган таблеткалар.

Тизимли таъсир кўрсатувчи антигистамин препаратлар. Антигистамин препаратлар мажмуаси. АТХ коди: R06AK.

Аллервил - 10 мг дозада монтелукаст ва 5 мг дозада левоцетиризин дигидрохлориди сақловчи мажмуавий препаратдир.

Монтелукаст бронхиал астма ва аллергик ринит ривожланишининг патофизиологик механизмлари билан ассоциацияланган доимий давом этувчи сурункали яллиҳланишнинг кучлироқ медиаторлари - цистеинил лейкотриенлар (ЛТС4, ЛТД4 ва ЛТЕ4) нинг CysLT1-рецепторларини танлаб ингибиция қилади. Бронхиолалар ва қон томирларнинг силлиқ мушаклари спазмининг яққолигини, шишни, эозинофиллар ва макрофагларнинг миграциясини камайтиради; шиллиқ секрециясини камайтиради ва мукоцилиар транспортни яхшилайди. Монтелукаст ичга қабул қилингандан кейин бронхларни кенгайишини чақиради ва синергизм намоён қилиб, β2-адреномиметикларнинг таъсирини кучайтириши мумкин.

Левоцетиризин - гистаминнинг рақобатли антагонистлари гуруҳига мансуб ва Н₁-гистамин рецепторларини блокловчи цетиризиннинг R-энантиомеридир. Цетиризиннинг чапга айланувчи изомери - левоцетиризин периферик Н₁-рецепторларнинг юқори селектив антагонистидир. Цетиризинга нисбатан левоцетиризиннинг Н₁-гистамин рецепторларига яқинлиги 2 марта юқори.

Левоцетиризин аллергик реакцияларнинг гистаминга боғлиқ босқичига таъсир кўрсатади, шунингдек эозинофиллар миграциясини камайтиради, қон томирларнинг ўтказувчанлигини камайтиради, яллиғланиш медиаторлари ва цитокинларни (VCAM-1 ва бошқалар) ажралиб чиқишини чеклайди.

Шундай қилиб, левоцетиризин аллергик реакциялар ривожланишини олдини олади ва кечишини енгиллаштиради, антиэкссудатив, қичишишга қарши таъсирга эга, деярли антихолинергик ва антисеротонин таъсир кўрсатмайди. Терапевтик дозаларда деярли седатив самара кўрсатмайди.

Фармакокинетикаси

Сўрилиши

Монтелукаст ичга қабул қилингандан кейин тез ва деярли тўлиқ сўрилади. Плазмадаги ўртача чўққи концентрациясига (C_max) катталарда оч қоринга қабул қилингандан 3 соатдан кейин эришилад. Ичга қабул қилинганда ўртача биокираолишлиги 64% ни ташкил этади. Овқат қабул қилиш биокираолишлигига ва плазмадаги максимал концентрациясига (C_max) таъсир қилмайди.

Левоцетиризин ичга қабул қилингандан кейин тез ва тўлиқ сўрилади. Катталарда 5 мг левоцитеризин терапевтик дозаси бир марта қабул қилингандан кейин Cmax га 0,9 соатдан кейин эришилади ва 270 нг/мл ни ташкил қилади, 5 мг дозада такроран қабул қилингандан кейин - 308 нг/мл ни ташкил қилади. Концентрациясининг мувозанат даражасига 2 суткадан кейин эришилади.

Овқатланиш сўрилиш тўлиқлигига таъсир қилмайди, аммо уни камайтиради.

Тақсимланаши

Монтелукаст қон плазмаси оқсиллари билан 99% дан кўпроқ боғланади. Монтелукастнинг тақсимланиш хажми ўртача 8-11 л ни ташкил қилади.

Левоцетиризин қон плазмаси оқсиллари билан 90% боғланади. Левоцетиризиннинг тақсимланиш хажми 0,4 л/кг ни ташкил қилади. Биокираолишлиги 100% га етади.

Метаболизми

Монтелукаст жигарда фаол метаболизмга учрайди. Терапевтик дозаларда қўлланилганида монтелукаст метаболитларининг плазмадаги концентрацияси катталарда мувозанат ҳолатида аниқланмайди.

Монтелукаст метаболизмида цитохром P450CYP (3А4 ва 2С9) иштирок этади деб тахмин қилинади, бунда монтелукаст терапевтик концентрацияларда цитохром P450CYP: 3A4, 2C9, 1A2, 2A6, 2C19 ва 2D6 изоферментларини ингибиция қилмайди.

Левоцетиризин кам миқдорда, 14% дан камроқ фармакологик фаол бўлмаган метаболитини ҳосил қилиб, N- ва О-дезалкилизация йўли билан метаболизмга учрайди (цитохром тизими ёрдамида жигарда метаболизмга учрайдиган Н₁-гистамин рецепторларининг бошқа антагонистларидан фарқ қилиб). Метаболитининг паст даражаси ва метаболик потенциалини йўқлиги туфайли левоцетиризинни бошқа дори препаратлари билан ўзаро таъсирининг эҳтимоли кам.

Чиқарилиши

Монтелукастнинг плазмадаги клиренси соғлом катталарда ўртача минутига 45 мл ни ташкил қилади. Монтелукаст перорал қабул қилингандан кейин унинг миқдорининг 86% 5 кун давомида ахлат билан ва 0,2% дан камроғи - сийдик билан чиқарилади, бу монтелукаст ва унинг метаболитларини сафро билан чиқарилишини тасдиқлайди. Монтелукастнинг ярим чиқарилиш даври (Т_1/2) соғлом катталарда 2,7 дан 5,5 соатгачани ташкил қилади. 50 мг дан юқори дозалари ичга қабул қилинганда фармакокинетикаси тўғри чизиқли характерини дяерли сақлаб қолади. Монтелукастни эрталаб ва кечқурун қабул қилинганда фармакокинетикасидаги фарқлар аниқланмаган. 10 мг монтелукаст таблеткасини суткада 1 марта қабул қилинганда плазмада фаол моддани ўртача (тахминан 14%) тўпланиши кузатилади.

Монтелукастни 10 мг дозада суткада 1 марта қабул қилинганда фармакокинетик профили ва биокираолишлиги кекса ва ёш пациентларда бир хил. Енгил ва ўртача оғирлик даражасидаги жигар етишмовчилиги ва жигар циррозининг клиник кўринишлари бўлган пациентларда препаратни 10 мг дозада бир марта қабул қилгандан кейин “концентрация-вақт” фармакокинетик эгри чизиғи остида майдонни (AUC) тахминан 41% га ошиши билан кечувчи монтелукастнинг метаболизмини секинлашиши аниқланган. Соғлом субъектларга нисбатан бундай пациентларда монтелукастни чиқарилиши узаяди (ярим чиқарилишнинг ўртача вақти - 7,4 соат). Енгил ва ўртача оғирлик даражасидаги жигар етишмовчилиги бўлган пациентларда монтелукастнинг дозасини ўзгартириш талаб этилмайди. Оғир жигар етишмовчилиги (Чайлд-Пью шкаласи бўйича 9 баллдан юқори) бўлган пациентларда монтелукастнинг фармакокинетикаси бўйича маълумотлар йўқ.

Катталарда левоцетиризиннинг ярим чиқарилиш даври (Т_1/2) 7,9±1,9 соатни ташкил қилади. Умумий клиренси минутига 0,63 мл/кг ни ташкил қилади. Препаратнинг қабул қилинган дозасининг тахминан 85,4% ўзгармаган кўринишда калавалар фильтрацияси ва каналчалар секрецияси йўли билан буйраклар орқали, тахминан 12,9% - ичак орқали чиқарилади. Жигар етишмовчилиги (креатинин клиренси (КК) <40 мл/минут) бўлган пациентларда препаратнинг клиренси камаяди, Т_1/2 эса узаяди (шундай қилиб, гемодиализда бўлган беморларда умумий клиренс 80% га камаяди), бу дозалаш тартибини тегишли ўзгартиришни талаб этади. Левоцетиризиннинг 10% дан камроғи гемодиализнинг стандарт 4-соатлик муолажаси жараёнида чиқарилади.

Алоҳида гуруҳ пациентлардаги фармакокинетикаси

Буйрак етишмовчилиги:

Монтелукаст: Буйрак етишмовчилиги бўлган пациентларда тадқиқотлар ўтказилмаган. Монтелукаст ва унинг метаболитлари ўт чиқариш йўллари орқали чиқарилганлиги туфайли, буйрак етишмовчилиги бўлган пациентларда дозага тузатиш киритиш зарурати йўқ.

Левоцетиризин: Левоцетиризиннинг тахминий клиренси креатинин клиренси билан корреляция қилади. Шунинг учун ўртача ва оғир буйрак етишмовчилиги бўлган пациентларда левоцетиризиннинг дозалари орасидаги интервалларни креатинин клиренсига қараб мувофиқлаштириш тавсия этилади. Соғлом одамларга нисбатан терминал босқичдаги буйрак етишмовчилиги бўлган пациентларда умумий клиренси тахминан 80% га камаяди. Гемодиализнинг стандарт 4-соатлик муолажаси жараёнида чиқарилган левоцетиризиннинг миқдори <10% ни ташкил қилган.

Жигар етишмовчилиги:

Монтелукаст: Енгил ва ўртача даражадаги жигар етишмовчилиги бўлган пациентларда дозага тузатиш киритиш зарурати йўқ. Оғир жигар етишмовчилиги (Чайлд-Пью шкаласи бўйича 9 баллдан юқори) бўлган пациентларда монтелукастнинг фармакокинетикаси бўйича маълумотлар йўқ.

Левоцетиризин: Левоцетиризин жигар етишмовчилиги бўлган пациентларда ўрганилмаган. Буйракдан ташқари клиренси соғлом пациентлар томонидан ичга қабул қилингандан кейин умумий клиренснинг тахминан 28% ни ташкил қилиши аниқланган. Левоцетиризин асосан ўзгармаган кўринишда буйраклар орқали чиқарилганлиги туфайли, жигар етишмовчилиги бўлган пациентларда клиренсни аҳамиятли пасайишининг эҳтимоли кам.

• мавсумий аллергик ринитда қўлланади.

1 таблеткадан кунига 1 марта кечқурун ичга буюрилади. Таблеткаларни овқатдан олдин ёки овқатдан кейин бутунлигича, чайнамасдан қабул қилинади.

Даволаш курси - 14 кунни ташкил этади.

Буйрак етишмовчилиги бўлган пациентларга: Ўртача буйрак етишмовчилиги (креатинин клиренси >79 мл/минут) бўлган пациентларда дозага тузатиш киритиш талаб этилмайди. Ўртача ва оғир буйрак етишмовчилиги (креатинин клиренси <79 мл/минут - >10 мл/минут) бўлган пациентларда препаратни эҳтиёткорлик билан ва қатъий тиббий кузатуви остида қўллаш керак.

Жигар етишмовчилиги бўлган пациентларга: Жигар етишмовчилиги бўлган пациентларда дозага тузатиш киритиш талаб этилмайди.

Монтелукаст

Жуда тез-тез (≥1/10):

• юқори нафас йўлларининг инфекциялари.

Тез-тез (≥1/100, <1/10):

• диарея, кўнгил айниши, қусиш, қоринда оғриқ;
• тошма;
• қон плазмасида жигар трансаминазалари (АЛТ,АСТ) даражасини ошиши;
• иситма.

Тез-тез эмас (≥1/1000, <1/100):

• уйқуни бузилишлари (тунги даҳшатлар, уйқусизлик, сомнабулизм), таъсирчанлик, қўзғалиш (шу жумладан, тажаввузкор ҳаракат ёки душманлик), депрессия, бош айлиниши, уйқучанлик, парестезия/гипестезия, тутқаноқ хуружи;
• эпистаксис;
• оғизни қуриши, диспепсия;
• анафилаксия, эшакеми, қичишиш кўринишидаги аллергик реакциялар;
• гематомалар;
• астения, толиқиш, лоҳаслик, шиш;
• артралгия, миалгия, мушак тиришишлари.

Кам ҳолларда (≥1/10000, <1/1000):

• юрак уришини тезлашиши;
• Kвинке шиши;
• қонашга мойиллик, бурундан қон кетиши;
• тремор.

Жуда кам ҳолларда (<1/10000):

• жигар паренхимасини эозинофил инфильтрацияси;
• гепатит (шу жумладан, холестатик ва гепатоцеллюляр);
• тугунли эритема;
• галлюцинациялар, ўз жонига қасд қилишга мойиллик;
• Чарг-Стросс синдроми.

Левоцетиризин

Жуда тез-тез (≥1/10):

• уйқучанлик.

Тез-тез (≥1/100, <1/10):

• оғизни қуриши;
• бош оғриғи, толиқиш.

Тез-тез эмас (≥1/1000, <1/100):

• астения;
• қоринда оғриқ.

Жуда кам ҳолларда (<1/10000):

• ўта юқори сезувчанлик, шу жумладан анафилаксия;
• тажаввузкорлик, қўзғалиш;
• тиришишлар;
• кўришни бузилиши;
• юрак уришини тезлашиши;
• ҳансираш, диспноэ;
• кўнгил айниши, иштаҳани ошиши, қусиш;
• гепатит;
• Квинке шиши, қичишиш, тошма, эшакеми;
• миалгия;
• тана вазнини ошиши;
• дизурия, сийдикни тутилиши.

Постмаркетинг кузатувларида жуда кам ҳолларда қуйидаги ножўя реакциялар қайд этилган:

• жигар функционал синамаларини ўзгариши;
• диарея.

• фаол моддага, пиперазиннинг бошқа ҳосилаларига ёки препаратнинг бошқа ёрдамчи моддаларига юқори сезувчанлик;
• креатинин клиренси минутига 10 мл дан кам бўлган оғир буйрак етишмовчилиги;
• галактозани ўзлаштираолмаслик, Лаппа лактаза танқислиги, глюкоза ва галактоза мальабсорбция синдроми;
• 18 ёшгача бўлган болалар;
• ҳомиладорлик ва лактация даврида қўллаш мумкин эмас.

Монтелукаст тавсия этилган дозада теофиллин, преднизон, преднизолон, мажмуавий орал контрацептивлар (норэтиндрон 1 мг/этинилэстрадиол 35 мкг), терфенадин, дигоксин ва варфарин каби препаратларнинг фармакокинетик профилиги клиник аҳамиятли самара кўрсатмайди. Дори воситалари (тиреоид гормонлар, НЯҚВ, бензодиазепинлар, деконгестантлар) билан бирга монтелукастни ёндош препаратни сифатида қўллаш клиник аҳамиятли дориларнинг ўзаро таъсирига олиб келмайди.

Монтелукастни цитохром Р450 тизимини индукция қилиш қобилиятига эга препаратлар билан бир вақтда қўлланиши:

Фенобарбитал билан даволаш фонида 10 мг дозада монтелукаст бир марта қабул қилинганида монтелукастнинг AUC 40% га пасаяди. Монтелукаст билан даволаш фонида фенитоин, фенобарбитал, рифампицин каби цитохром Р450 тизимини индукция қилиш қобилиятига эга дори воситаларини қабул қилаётган пациентларни адекват клиник кузатиш мақсадга мувофиқлиги аниқланган.

Монтелукастни цитохром Р450 тизимини ингибиция қилиш қобилиятига эга препаратлар билан бир вақтда қўлланиши:

In vitro шароитда олинган маълумотларга кўра монтелукаст цитохром CYP2С8 тизими изоферментининг потенциал ингибитори ҳисобланади. лекин монтелукаст ва росиглитазон (асосан CYP2С8 изоферменти иштирокида метаболизмга учрайдиган дори воситаларининг вакили) препаратларини бир вақтда қабул қилганда мавжуд бўлган тадқиқот маълумотлари росиглитазоннинг фармакокинетик профилини ўзгаришини аниқламади, бу in vivo шароитда CYP2С8 изоферментини монтелукаст томонидан ингибиция қилинишини тасдиқлаш имконини берди. Шундай қилиб, монтелукаст бу изофермент иштирокида метаболизмга учрайдиган дори воситаларининг (паклитаксел, росиглитазон ва репаглинид каби) фармакокинетик профилига таъсир қилмаслигини тахмин қилиш мумкин.

Левоцетиризинни бошқа дори препаратлари билан ўзаро таъсирини ўрганиш бўйича тадқиқотлар ўтказилмаган. Цетиризин рацематини псевдоэфедрин, циметидин, кетоконазол, эритромицин, азитромицин, глипизид ва диазепам билан ўзаро таъсирини ўрганилганда клиник аҳамиятли нохуш ўзаро таъсирлар аниқланмаган.

Теофиллин (суткада 400 мг) билан бир вақтда буюрилганда цетиризиннинг умумий клиренси 16% га пасаяди (теофиллиннинг кинетикаси ўзгармайди). Левоцетиризинни алкогол ёки марказий нерв тизимини сусайтирувчи дори препаратлари билан бир вақтда қўлланилган бир қатор ҳолларда уларнин марказий нерв тизимига таъсири кучайиши мумкин, гарчи цетиризиннинг рацемати алкоголнинг таъсирини кучайтириши тасдиқланмаган.

Ритонавир цитеризиннинг плазмадаги даражасини тахминан 42% га оширади, бу цетиризиннинг ярим чиқарилиш даврини узайиши (53%) ва клиренсни (29%) пасайиши билан кечган. Цетиризин билан бир вақтда қўлланилганда ритонавирнинг фармакокинетикаси ўзгармаган.

Сурункали буйрак етишмовчилиги (дозалаш тартибига тузатиш киритиш талаб этилади) ва кекса ёшдагиларда (калавалар фильтрацияси пасайиши мумкин) эҳтиёткорлик билан қўллаш керак. Алкоголни бир вақтда истеъмол қилганда эҳтиёткорликка риоя қилиш тавсия этилади.

Монтелукаст

Пациентларга астманинг ўткир хуружларини даволаш учун монтелукаст ва левоцетиризин сақловчи ушбу мажумавий препаратни қўллаш тавсия этилмайди. Бундай ҳолатларни шошилинч даволаш учун тегишли препаратлар ҳар доим тайёр бўлиши керак. Хуруж бўлганда пациентлар дарҳол шифокорга мурожаат этишлари керак. Монтелукастни ингаляцион ёки перорал кортикостероидларга тўсатдан алмаштириш тавсия этилмайди.

Қўлланилаётган перорал кортикостероидлар миқдорини камайтириш ва монтелукастни бир вақтда қабул қилиш мумкинлигидан далолат берувчи маълумотлар йўқ.

Монтелукаст билан даволаш аспирин астмаси бўлган пациентларда аспирин ёки бошқа ностероид яллиғланишга қарши воситаларни қабул қилиш заруратини бекор қилмайди.

Монтелукаст қабул қилган катталар, ўсмирлар ва болаларда психоневрологик асоратлар кузатилган. Қайд этилган кейинги даврда монтелукастни қўллашдаги кузатувдаги хабарлар қуйидагиларни ўз ичига олади: қўзғалиш, тажаввузкор ҳулқ ёки душманлик, безовталик, тушкунлик ҳолати, ориентацияни бузилиши, уйқуни бузилиши, галлюцинациялар, уйқусизлик, таъсирчанлик, сабрсизлик, лунатизм, ўз жонига қасд қилиш фикри ва ҳаракати (шу жумладан ўз жонига қасд қилиш) ва қалтираш. Монтелукаст ҳақидаги маълумотни ўз ичига олувчи пострегистарцион кузатувдаги айрим хабарларнинг клиник маълумотлари фармакологик самарасига мос келади. Пациентлар ва препаратни тавсия этаётган тиббиёт ҳодимлари психоневрологик асоратларга тайёр бўлишлари керак. Пациентлар ушбу ўзгаришлар пайдо бўлган ҳолларда ушбу препаратни тавсия этган тиббиёт ҳодимига хабар беришлари кераклиги ҳақида огоҳлантирилган бўлишлари керак. Препаратни тавсия этаётган тиббиёт ҳодимлари бундай белгилар пайдо бўлганда монтелукаст билан даволашнинг хавфи ва фойдасини синчковлик билан баҳолашлари керак.

Монтелукаст қабул қилаётган пациентларда кам ҳолларда кўпинча тизимли кортикостероид терапия билан даволанадиган Чарг-Стросс синдромига ишора қилувчи тизимли эозинофилия, баъзида васкулитнинг клиник белгилари бўлиши мумкин. Бу ҳолатлар одатда перорал кортикостероид даволашни камайтириш ёки бекор қилиш билан ассоциацияланган, лекин ҳар доим эмас. Лейкотриен рецепторларининг антагонистлари Чарг-Стросс синдромини пайдо бўлиши билан боғлиқлиги эҳтимолини инкор этиб ҳам бўлмайди, аниқлаб ҳам бўлмайди. Шифокорлар пациентларда кузатилиши мумкин бўлган эозинофилия, васкулит тошма, ўпка симптомларини ёмонлашиши, кардиологик асоратлар ва/ёки нейропатияга тайёр бўлишлари керак. Ушбу симптомлар ривожланган пациентлар такроран кўрикдан ўтишлари ва уларни даволаш схемаси қайта кўриб чиқилиши керак.

Левоцетиризин

Клиник тадқиқотлар жараёнида левоцетиризин билан даволанган айрим пациентларда уйқучанлик, толиқиш ва ҳолсизлик кузатилган. Пациентлар левоцетиризинни қабул қилгандан кейин машина ускуналарини бошқариш ёки транспорт воситаларини ҳайдаш каби тетиклик ва ҳаракатлар координациясини талаб этувчи ишларни бажарганда хавф ҳақида огоҳлантирилган бўлишлари керак. Сезгир пациентларда левоцетиризин ва алкоголни ёки бошқа марказий нерв тизими депрессантларини бир вақтда қабул қилиш марказий нерв тизимига таъсир қилиши мумкин, гарчи цетиризин рацематини алкоголнинг таъсирини кучайтирмаслиги исботланган.

Монтелукаст ва левоцетиризин мажмуавий препарати фаол бўлмаган компонент сифатида лактоза сақлайди, шунинг учун галактозани ўзлаштираолмаслик, Лапп лактаза танқислиги ёки глюкоза ва галактоза мальабсорбция синдроми каби кам учрайдиган наслий касалликлари бўлган пациентларга ушбу воситани қабул қилиш тавсия этилмайди.

Ҳомиладорлик ва лактация даври

Монтелукаст ва левоцетиризин сақловчи мажмуавий препаратни ҳомиладорлик ва лактация даврида қўллаш бўйича тадқиқотлар ўтказилмаган.

Дори воситасини транспорт воситалари ёки потенциал хавфли механизмларни бошқариш қобилиятига таъсирининг ўзига хослиги

Препаратни қабул қилиш автомобилни ёки ҳаракатланувчи механизмларни бошқариш қобилиятига таъсири ҳақида маълумотлар йўқ. Лекин, левоцетиризин билан даволаганда айрим пациентларда уйқучанлик, толиқиш ва холсизлик кузатилиши мумкин. Препаратни қабул қилиш даврида диққатни юқори жамлаш ва психомотор реакцияларнинг тезлигини талаб қилувчи потенциал хавфли фаолият турлари билан шуғулланишдан сақланишлари керак.

Препаратни болалар ололмайдиган жойда сақлансин ва яроқлилик муддати ўтгач қўлланилмасин.

Симптомлари: уйқучанлик, қоринда оғриқ, бош оғриғи, психомотор гиперфаоллик.

Даволаш: меъдани ювиш ёки сунъий қусишни чақириш. Фаоллаштирилган кўмирни буюриш, симптоматик даволаш ва тутиб турувчи даволашни ўтказиш тавсия этилади. Специфик антидоти йўқ.

Монтелукаст ва левоцетиризинни перитонеал диализ ёки гемодиализ йўли билан чиқарилиши мумкинлиги ҳақида маълумотлар йўқ.

10 таблеткадан блистерда, 1 блистер қўллаш бўйича йўриқномаси билан картон қутида.

Қуруқ, ёруғликдан ҳимояланган жойда, 30 °C дан паст ҳароратда сақлансин.

3 йил.

Рецепт бўйича.

SYNOKEM PHARMACEUTICALS LIMITED, ҲИНДИСТОН

Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили

100179, Ўзбекистон Республикаси, Тошкент ш., Олмазор тумани, Чимбой мавзеси 5А;

Тел: +99871-229-27-09.