Beybyfrin burun tomchilari 0,125% 10 ml (flakon)

Tarkib

1 ml preparat tarkibida quyidagilar mavjud:

Ta’sir etuvchi modda:

Fenilefrin gidroxlorid 1,25 mg

Yordamchi moddalar:

Benzalkoniy xlorid 0,18 mg

Suvsiz glitserol 50,00 mg

Makrogol 1500 (polietilenglikol 1500) 15,00 mg

Natriy gidrofosfat digidrat 2,26 mg

Kaliy digidrofosfat 1,01 mg

Dinatriy edetat digidrat (trilon B) 0,20 mg

Inyeksiya uchun suv 1 ml gacha.

Tavsif

Tiniq, rangsiz yoki kuchsiz rangli suyuqlik.

Chiqarish shakli

Burun tomchilari 0,125%.

Farmakoterapevtik guruh

Burun kasalliklarini davolash uchun preparatlar; mahalliy qo‘llash uchun dekongestantlar va boshqa preparatlar; simpatomimetiklar. Fenilefrin. ATX kodi: R01AA04.

Farmakologik xususiyatlari

Farmakodinamika

Fenilefrin gidroxlorid α1-adrenergik retseptorlar agonisti (simpatomimetik) bo‘lib, burun shilliq qavatlaridagi α1-retseptorlarni rag‘batlantirish hisobiga tomir toraytiruvchi ta’sir ko‘rsatadi, shilliq qavatlarning bo‘kishi va to‘qimalar giperemiyasini, burun shilliq qavatidagi dimlanish hodisalarini kamaytiradi hamda burun nafas yo‘llarining o‘tkazuvchanligini yaxshilaydi.

Farmakokinetika

Mahalliy qo‘llanganda tizimli absorbsiya past bo‘ladi.

Ko‘rsatmalar

O‘tkir sinusit, o‘tkir rinit; o‘tkir o‘rta otit (kompleks terapiya tarkibida).

Qarshi ko‘rsatmalar

Preparat komponentlariga yuqori individual sezuvchanlik; og‘ir nazorat qilib bo‘lmaydigan arterial gipertenziya, o‘tkir yurak-qon tomir kasalliklari, taxiaritmiya, yaqqol gipertireoz, transsfenoidal gipofizektomiyadan keyingi holatlar, atrofik rinit, monoaminoksidaza ingibitorlarini (MAO) bir vaqtda qabul qilish (shuningdek, ularni bekor qilgandan keyin 2 hafta), burun dahlizi sohasi terisi va shilliq qavatining yallig‘lanishi, 2 oygacha bo‘lgan bolalar.

Ehtiyotkorlik bilan

Bolalik davri (6 yoshgacha), yopiq burchakli glaukoma, yurak-qon tomir tizimi kasalliklari (shu jumladan koronaroskleroz, stenokardiya), arterial gipertenziya, qandli diabet, qalqonsimon bez kasalliklari. Bunday hollarda shifokor bilan maslahatlashish tavsiya etiladi.

Qo‘llash usuli va dozalari

Intranazal.

2 oylikdan 1 yoshgacha bo‘lgan bolalar uchun: bir martalik doza - har bir burun yo‘liga 1 tomchidan har 6 soatda.

1 yoshdan 2 yoshgacha bo‘lgan bolalar uchun: bir martalik doza - har bir burun yo‘liga 1-2 tomchi. 2 yoshdan 5 yoshgacha bo‘lgan bolalar uchun: bir martalik doza - har bir burun yo‘liga 2-3 tomchi.

Tomizgichni ishlatgandan keyin quruq qilib artish kerak.

Davolashning davomiyligi - 3 kundan ortiq emas.

Kuniga ko‘pi bilan 4 marta, har 4 soatda qo‘llaniladi. Tavsiya etilgan dozalardan oshirmaslik.

Nojo‘ya ta’sirlari

Mahalliy reaksiyalar: ba’zan achishish hissi, burunda chimchilash yoki sanchish, burun bo‘shlig‘i shilliq qavatlarining ta’sirlanishi.

Tizimli ta’sirlar: allergik reaksiyalar (teri qichishishi yoki teri toshmasi, qo‘l, yuz yoki tomoq shishi, tomoq siqilishi, nafas olishning qiyinlashishi), bosh og‘rig‘i, bosh aylanishi, yurak urishi hissi, aritmiya, qon bosimining ko‘tarilishi, bradikardiya, terlash, rangparlik, tremor, xavotir, uyquning buzilishi.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Preparatning dozasini oshirib yuborish bo‘yicha ma’lumotlar yo‘q.

Potensial belgilar bo‘lishi mumkin (tizimli absorbsiyada): qorincha ekstrasistoliyasi, qorincha taxikardiyasining qisqa paroksizmlari, bosh va oyoq-qo‘llarda og‘irlik hissi, qon bosimining haddan tashqari ko‘tarilishi, qo‘zg‘alish, paranoyya, gallyutsinatsiyalar, ko‘ngil aynishi, qusish.

Davolash: vena ichiga qisqa ta’sir qiluvchi alfa-adrenoblokatorlar (fentolamin) va beta-adrenoblokatorlar (ritm buzilganda) yuborish.

O‘zaro aloqa

Fenilefrinni boshqa dekongestantlar (bu vositalarni qo‘llash usulidan qat’i nazar) yoki gipotenziv vositalar bilan bir vaqtda qo‘llash tavsiya etilmaydi. Monoaminooksidaza ingibitorlari (prokarbazin, selegin), tritsiklik antidepressantlar, maprotilin, guanedrel, guanetidin fenilefrinning tomir toraytiruvchi ta’sirini va aritmogenligini kuchaytiradi (tizimli absorbsiyada).

Fenilefrinni bir vaqtning o‘zida yoki monoaminooksidaza ingibitorlari (IMAO) bilan davolangandan keyin 14 kun davomida birgalikda qo‘llash pressor ta’sirni kuchaytirishi mumkin. Tireoid gormonlar fenilefrinning tizimli so‘rilishida o‘zaro koronar yetishmovchilik xavfini oshiradi (ayniqsa koronar aterosklerozda).

Fenilefrinni linezolid bilan bir vaqtda qo‘llash tavsiya etilmaydi.

Maxsus ko‘rsatmalar

2 oylikdan 1 yoshgacha bo‘lgan bolalarga faqat shifokor ko‘rsatmasi bo‘yicha va har 6 soatda bir marta qo‘llash tavsiya etiladi.

Bolalarda fenilefrinning tizimli so‘rilishi va u bilan bog‘liq nojo‘ya ta’sirlarning rivojlanish xavfi kattalarga qaraganda yuqori bo‘ladi.

MAO ingibitorlari bekor qilinganidan keyin 2 hafta davomida bemorlarga fenilefrin buyurmaslik kerak, chunki ular simpatomimetiklarning adrenergik ta’sirlari kuchini oshirishi va yurak-qon tomir tizimi tomonidan nojo‘ya ta’sirlar xavfini oshirishi mumkin.

Agar 3 kunlik davolanishdan keyin ham ahvol yaxshilanmasa yoki simptomlar og‘irlashsa yoki yangi simptomlar paydo bo‘lsa, shifokor bilan maslahatlashish kerak. Preparatni faqat ko‘rsatmalarga, qo‘llash usuliga va yo‘riqnomada ko‘rsatilgan dozalarda qo‘llang.

Preparat tarkibida benzalkoniy xlorid mavjud bo‘lib, u terida qichishish va noxush reaksiyalarni keltirib chiqarishi mumkin.

Infeksiya tarqalishining oldini olish uchun preparatni individual qo‘llash zarur.

Homiladorlik va laktatsiya

Homiladorlik davrida preparatni qo‘llash bo‘yicha yetarli tajriba yo‘q. Agar ona uchun potensial foyda homila yoki bola uchun mumkin bo‘lgan xavfdan yuqori bo‘lsa, davolovchi shifokor ko‘rsatmasiga ko‘ra homilador va emizikli onalarni davolash uchun qo‘llash mumkin.

Transport vositalari va mexanizmlarini boshqarish qobiliyatiga ta’siri

Preparatning avtomobil va boshqa transport vositalarini boshqarish qobiliyatiga salbiy ta’siri haqida ma’lumotlar yo‘q. Biroq, preparatning nojo‘ya ta’siri belgilari namoyon bo‘lganda, transport vositalarini boshqarishdan va diqqatni jamlash hamda psixomotor reaksiyalarning tezkorligini talab qiladigan harakatlarni bajarishdan tiyilish lozim.

Qadoq

10 yoki 15 ml dan past zichlikdagi polietilendan tayyorlangan tomizgich va birinchi ochishni nazorat qiluvchi qopqoqli flakonga yoki yuqori bosimli polietilendan tayyorlangan, burab o‘rnatiladigan qopqoqli va tomizgich tiqinli flakon-tomizgichga solinadi.

1 flakon, qo‘llash bo‘yicha yo‘riqnoma bilan birga karton qutida.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

2 yil.

Flakon ochilgandan keyin - 1 oy.

Yaroqlilik muddati tugagandan keyin qo‘llanilmasin!

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

GROTEKS MCHJ Rossiya

Ishlab chiqaruvchi

GROTEKS MCHJ Rossiya