Avamis

Назал спрейнинг 1 дозаси қуйидагиларни сақлайди:

фаол модда: 0,0275 мг микронланган флутиказон фуроати;

ёрдамчи моддалар: 2,750 мг сувсиз глюкоза, 0,825 мг дисперсияли целлюлоза, 0,01375 мг полисорбат 80, 0,0165 мг бензалконий хлориди эритмаси, 0,00825 мг динатрий эдетати, тозаланган сув 50 мкл гача.

Бир хил оқ суспензия.

Назал спрей.

Антиаллергик восита. Мавсумий аллергик ринит ва йил бўйи кузатиладиган аллергик ринитни даволаш учун қўлланадиган кортикостероид.

Таъсир механизми

Флутиказон фуроати - глюкокортикоид рецепторларга жуда юқори аффинликка эга бўлган синтетик трифторланган глюкокортикостероид бўлиб, яққол яллиғланишга қарши таъсирга эга.

Фармакокинетикаси

Сўрилиши

Флутиказон фуроати тўлиқ сўрилмай, жигарда бирламчи метаболизмга учрайди, бу сезиларсиз даражада тизимли таъсир қилишга олиб келади. 110 мкг дозада суткада 1 марта интраназал юбориш одатда плазмада аниқланадиган концентрацияга (<10 пг/мл) эришишга олиб келмайди. 880 мкг дозада суткада 3 марта (суткалик дозаси 2640 мкг) интраназал юборилганида флутиказон фуроатининг мутлоқ биокираолишлиги 0,50% ни ташкил этади.

Тақсимланиши

Флутиказон фуроати плазма оқсиллари билан 99% дан ортиқ боғланади. Мувозанатли концентрациясига эришилганида флутиказон фуроати кенг тақсимланиш ҳажмига эга бўлиб, ўртача 608 л ни ташкил этади.

Метаболизми

Флутиказон фуроати, асосан жигарда цитохром Р450 тизимининг CYP3A4 изоферменти таъсирида нофаол 17 β-карбоксил метаболити (GW694301X) гача метаболизмга учраши натижасида плазмадан тез чиқарилади (плазмадаги умумий клиренси соатига 58,7 л). Асосий метаболизм йўли S-флуорометил карботиоатни 17 β-карбоксил кислотаси метаболитигача гидролизланиши ҳисобланади. In vitro шароитларда ўтказилган тадқиқотлар фуроат молекуласини флутиказонгача парчаланиши кузатилмаслигини кўрсатди.

Чиқарилиши

Перорал юборилганида ва вена ичига юборилганида флутиказон фуроати ва унинг метаболитларини чиқарилиши асосан ичак орқали амалга ошади, бу уларни сафро билан чиқарилишини кўрсатади. Вена ичига юборилганида ярим чиқарилиш даври ўртача 15,1 соатни ташкил этади. Ичга қабул қилинганида ва вена ичига юборилганида буйрак орқали мувофиқ равишда 1% ва 2% чиқарилади.

Кекса ёшдаги пациентлар

Фармакокинетик маълумотлар кўп бўлмаган кекса ёшдаги пациентлар (n=23/872; 2,6%) учун келтирилган. Кекса ёшдаги пациентларда флутиказон фуроатнинг концентрациясини аниқлаб бўладиган миқдори ёш пациентларга нисбатан юқорилигини тасдиқловчи маълумотлар йўқ.

Болалар

Флутиказон фуроати болаларга 110 мкг дозада суткада 1 марта интраназал қўлланганида миқдорий жиҳатдан аниқлаш мумкин бўлган концентрацияларда (<10 пг/мл) одатда аниқланмайди. Миқдорий жиҳатдан аниқланадиган концентрациялари 16% дан камроқ болаларга 110 мкг дозада суткада 1 марта интраназал қўлланганида ва 7% дан камроқ болаларга 55 мкг дозада суткада 1 марта интраназал қўлланганида қайд этилган. 6 ёшдан кичик бўлган болаларда флутиказон фуроатининг концентрациясини ошиши кўпроқ кузатилишидан далолат берувчи маълумотлар йўқ.

Буйрак фаолиятини бузилиши

Флутиказон фуроати интраназал қўлланганидан сўнг соғлом кўнгиллиларнинг сийдигида аниқланмаган. 1% дан камроқ метаболитлари буйрак орқали чиқарилади, шундай қилиб, буйрак фаолиятини бузилиши флутиказон фуроатининг концентрациясига назарий жиҳатдан таъсир кўрсатмайди.

Жигар фаолиятини бузилиши

Жигар фаолиятини бузилиши бўлган пациентларда флутиказон фуроатини интраназал қўллаш бўйича маълумотлар йўқ. Флутиказон фуроатини (флутиказон фуроати ёки флутиказон фуроати/вилантерол мажмуаси кўринишида) жигар фаолиятини бузилиши бўлган пациентларда ингаляцион қўлланиши бўйича мавжуд маълумотлар интраназал чиқарилиш шакли учун хам тўғри келиши мумкин. Жигар фаолиятини ўртача даражада бузилиши (Чайлд-Пью таснифи бўйича В босқичи) бўлган пациентларда ўтказилган тадқиқотлар, флутиказон фуроати 400 мкг дозада суткада 1 марта ингаляцион қўлланганида соғлом кўнгиллиларга нисбатан С_max 42% га ошиши ва AUC (0-∞) 172% га ошишини кўрсатди. Ингаляцион флутиказон фуроати/вилантеролни 7 кун давомида узлуксиз қабул қилингандан сўнг жигар фаолиятини ўртача ва оғир даражада бузилиши (Чайлд-Пью таснифи бўйича В ёки С босқичи) бўлган пациентларда флутиказон фуроатининг тизимли экспозициясини (AUC(0-24) бўйича ўртача икки мартагача аниқланган) соғлом кўнгиллиларга нисбатан ошиши кузатилган. Флутиказон фуроатининг тизимли экспозициясини (флутиказон фуроати/вилантерол мажмуасини 200/25 микрограмм дозада буюрилганда) жигар фаолиятини ўртача оғирлик даражасида бузилиши бўлган пациентларда ошиши, соғлом кўнгиллиларга нисбатан зардобдаги кортизолнинг концентрациясини ўртача 34% га пасайиши билан ассоциацияланган. Жигар фаолиятини оғир даражадаги бузилиши бўлган пациентларда флутиказон фуроати/вилантеролни пасайтирилган дозада 100/12,5 мкг буюрилганда зардобдаги кортизолнинг концентрациясини пасайиши кузатилмаган.

Ушбу кузатувлар асосида, бу пациентлар гуруҳида флутиказон фуроатининг 110 мкг дозада интраназал қўлланганидаги ўртача, тахмин қилинган таъсири, кортизолни супрессиясига олиб келмайди.

Бошқа пациентлар гуруҳи

Флутиказон фуроати 110 мкг дозада суткада 1 марта интраназал юборилганида унинг концентрацияси одатда аниқланмайди (<10 пг/мл). Препаратнинг аниқланиши мумкин бўлган концентрациялари 12 ёшдан ва ундан ошган пациентларнинг фақат 31% камроқ қисмида ва педиатрик пациентларнинг 16% дан камроқ қисмида 110 мкг дозада суткада 1 марта интраназал буюрилганида кузатилган. Концентрацияни аниқлашни бўсағаси ҳам юқори, ҳам паст бўлишини пациентларнинг жинси, ёши (шу жумладан болалар) ирқига боғлиқлиги аниқланмаган.

Катталар ва ўсмирлар (12 ёш ва ундан катта).

Мавсумий аллергик ринитнинг назал ва кўз симптомларини даволаш.

Йил бўйи кузатиладиган аллергик ринитнинг назал симптомларни даволашда қўлланади.

Болалар (2 ёшдан 11 ёшгача).

Мавсумий ва йил бўйи кузатиладиган аллергик ринитнинг назал симптомларини даволашда қўлланади.

Авамис™ назал спрей фақат интраназал юбориш учун мўлжалланган. Максимал терапевтик самарага эришиш учун мунтазам қўллаш схемасига риоя қилиш керак. Препаратнинг таъсирини бошланиши биринчи марта юборилганидан сўнг 8 соат давомида кузатилиши мумкин. Максимал самарага эришиш учун бир неча кун талаб қилиниши мумкин. Препаратнинг самарасини зудлик билан кузатилмаётганлик сабабини пациентга тушунтириш керак.

Мавсумий ва йил бўйи кузатиладиган аллергик ринитни симптоматик даволаш учу.

Катталар ва ўсмирлар (12 ёш ва ундан катта)

Тавсия этилган бошланғич дозаси - ҳар бир бурун йўлига 2 пуркашдан (1 пуркашда 27,5 мкг флутиказон фуроати чиқади) суткада 1 марта (суткада 110 мкг) қўлланади.

Касалликнинг симптомларни адекват назорат қилишга эришилганида дозасини ҳар бир бурун йўлига 1 пуркашдан суткада 1 мартагача (суткада 55 мкг) камайтириш самарани бир маромда сақлаб турувчи даволаш учун самарали бўлиши мумкин.

Болалар (2 ёшдан 11 ёшгача)

Тавсия этилган бошланғич дозаси - ҳар бир бурун йўлига 1 пуркашдан (1 пуркашда 27,5 мкг флутиказон фуроати чиқади) суткада 1 марта (суткада 55 мкг) қўлланади.

Ҳар бир бурун йўлига суткада 1 марта битта пуркашда кутилган самара кузатилмаганда ҳар бир бурун йўлига суткада 1 марта иккита пуркашгача (суткада 110 мкг) ошириш мумкин. Касалликнинг симптомларини адекват назорат қилишга эришилганида дозасини ҳар бир бурун йўлига суткада 1 марта битта пуркашгача (суткада 55 мкг) камайтириш тавсия этилади.

Болалар (2 ёшгача)

2 ёшгача бўлган болаларда мавсумий ва йил бўйи кузатиладиган аллергик ринитларни даволаш сифатида Авамис™ назал спрей препаратини қўллашга тавсия этиш учун маълумотлар етарли эмас.

Кекса ёшдаги пациентлар

Дозага тузатиш киритиш талаб этилмайди (Фармакокинетикасига қаранг).

Буйрак етишмовчилигида қўлланиши

Дозага тузатиш киритиш талаб этилмайди (Фармакокинетикасига қаранг).

Жигар етишмовчилигида қўлланиши

Жигар етишмовчилиги бўлган пациентларда дозага тузатиш киритиш талаб этилмайди (Махсус кўрсатмалар ва Фармакокинетикасига қаранг).

Препаратдан фойдаланиш қоидалари ва муомала қилиш усуллари

Спрей биринчи марта ишлатилганида, шунингдек агар флакон очиқ қолган бўлса, қўллашга тайёргарлик ўтказиш кераклиги хақида пациентларга тушунтириш керак. Спрейни қўллашга тўғри тайёрлаш препаратнинг керакли дозасини пуркашни таъминлайди. Препаратни ишлатганда пациентлар босқичма-босқич қўллаш йўриқномасига риоя қилишлари керак.

Назал спрей препаратнинг 120 дозасини сақловчи пластик футлярга жойланган қаҳрабо рангли шиша флаконда чиқарилади. Пластик футлярдаги индикатор дарча флакондаги препаратнинг миқдорини назорат қилиш имконини беради. Препаратнинг бошланғич даражаси кўрув дарчасининг юқори чегарасидан юқорида бўлади (а расмга қаранг). Флакондаги препаратнинг миқдорини текшириш учун унга ёруғда қараш керак. Препаратнинг даражаси кўрув дарчасида кўринади.

1. Флаконнинг қалпоқчасини ечмасдан, флакон 10 секунд давоамида яхшилаб чайқатилсин. Препарат етарли даражада қуюқ суспензиядир ва чайқатилганида суюқроқ бўлади. Флаконни чайқатилганидан кейингина пуркаш мумкин.
2. Қалпоқчаси бош ва кўрсаткич бармоқлар ёрдамида аста-секин ечилади.
3. Флакон вертикал ҳолда ушланади ва учлиги ўзингиздан узоқлаштирилади.
4. Учлигини атрофида унча катта бўлмаган туманлик пайдо бўлмагунича, учлигининг тугмачаси бир неча марта (минимум 6 марта) куч билан босилади.

Агар тугмани фақат бош бармоқ билан босиш имкони бўлмаса, у ҳолда уни ҳар иккала қўлнинг бош бармоқлари билан босилади.

1. Назал спрей бўлган флакон ишлатилаётган вақтда, флаконни доимо ёпиқ ҳолда сақлаш керак. Қалпоқчаси пуркагични чангдан ва тиқилиб қолишдан ҳимоя қилади ва флаконни герметик ҳолда сақлайди. Бундан ташқари, қалпоқча тугмани бехосдан босилиб кетишини олдини олади.
2. Учликнинг тирқишини тўноғич ёки бошқа ўткир жисмлар билан тозалашга ҳаракат қилиш керак эмас. Улар флаконни шикастлаши мумкин.

Спрей биринчи марта ишлатилганида, шунингдек флакон очиқ ҳолда қолганда, қўллашга тайёрлаш керак. Қўллашга тўғри тайёргарлик кўриш препаратнинг керакли дозасини пуркаш имконини беради.

1. Флаконнинг қалпоқчасини ечмасдан, флакон 10 секунд давомида яхшилаб чайқатилади.
2. Қалпоқчаси бош ва кўрсаткич бармоқлар ёрдамида аста-секин ечилади.
3. Флакон вертикал ҳолда ушланади ва учлиги ўзингиздан узоқлаштирилади.
4. Учлигини атрофида унча катта бўлмаган туманлик пайдо бўлмагунича, учлигининг тугмачаси бир неча марта (минимум 6 марта) куч билан босилади.
5. Спрей қўллашга тайёр.

Назал спрейни қўллаш

1. Флакон яхшилаб чайқатилади.
2. Қалпоқча ечилади.
3. Бурун тозаланади ва бошни бироз олдинга эгилади.
4. Флаконни вертикал ҳолда ушлаб, учлиги битта бурун йўлига киритилади.
5. Пуркагичнинг учлиги бурун тўсиғига эмас, балки буруннинг ташқи деворига йўналтирилади. Бу препаратни тўғри пуркаш имконини беради.
6. Бурун орқали нафас олиш бошланади ва препаратни пуркаш учун бармоқлар ёрдамида бир марта босилади.
7. Спрейни кўзларга тушишидан сақланиш керак. Препарат кўзларга тушганида, улар сув билан яхшилаб ювилади.
8. Пуркагич бурун йўлидан чиқарилади ва оғиз орқали нафас чиқарилади.
9. Агар ҳар бир бурун йўлига иккита пуркаш (шифокорнинг тавсияси бўйича) керак бўлса, 4-6 пунктларни такрорлаш керак.
10. Муолажа бошқа бурун йўли учун ҳам шундай такрорланади.
11. Флакон қалпоқча билан ёпилади.

Пуркагични парвариш қилиш

Ҳар сафар қўлланганидан кейин:

1. Флаконнинг учлиги ва қалпоқчасининг ички юзаси қуруқ салфетка ёрдамида артилади. Сув тушишидан сақланиш керак.
2. Учлигининг тирқишини тўноғич ва бошқа ўткир жисмлар билан тозалашга ҳаракат қилинмасин.
3. Флаконни доимо ёпиш ва ёпиқ ҳолда сақлаш керак. Қалпоқчаси пуркагични чангдан ва тиқилиб қолишдан ҳимоя қилади, флаконни герметик ҳолда сақлайди, тугмани бехосдан босилиб кетишини олдини олади.

Агар пуркагич ишламай қолса:

1. Флаконда қолган препаратнинг миқдори кўрув дарчаси орқали текширилади. Агар жуда кам миқдорда суюқлик қолган бўлса, у пуркагич ишлаши учун етарли бўлмаслиги мумкин.
2. Флаконда шикастланишлар борлиги текширилади.
3. Учлигининг тирқиши тиқилиб қолмаганлиги текширилади. Учлигининг тирқишини тўноғич ёки бошқа ўткир жисмлар билан тозалашга ҳаракат қилинмасин.
4. Назал спрейни қўллашга тайёрлаш муолажасини такрорлаб, мосламани ишлатишга ҳаракат қилинади.
5. Агар у шунда ҳам ишламаса, ёки агар пуркалганида туман ҳосил бўлмаса (масалан, суюқлик оқими ҳолида), ёки спрей қабул қилинганда қандайдир ноқулайлик ҳис этсангиз, фармацевтга қайтариб беринг.

Ножўя реакцияларнинг учраш частотасини аниқлаш учун йирик клиник тадқиқотларнинг маълумотларидан фойдаланилган.

Учраш частотаси қуйидаги тарзда аниқланади: жуда тез-тез (≥1/10), тез-тез (≥1/100 ва <1/10), баъзида (≥1/1000 ва <1/100), кам ҳолларда (≥1/10000 ва <1/1000), жуда кам ҳолларда (<1/10000).

Клиник тадқиқотларнинг маълумотлари.

Нафас тизими, кўкрак қафаси ва кўкс оралиғи аъзолари томонидан.

Жуда тез-тез: бурундан қон кетиши.

Катталар ва ўсмирларда бурундан қон кетиш ҳолатлари препаратни узоқ муддат (6 ҳафтадан ортиқ) қўлланганида, қисқа муддат (6 ҳафтагача) қўллангандагига нисбатан кўпроқ кузатилган. Болаларда ўтказилган тадқиқотларда 12 ҳафтагача қадар давом этган даволашда бурундан қон кетиш ҳолларининг сони флутиказон фуроати ва плацебо қабул қилган гуруҳларда бир хил бўлган.

Тез-тез: бурун бўшлиғининг шиллиқ қаватида яраларни ҳосил бўлиши.

Болалар.

Скелет-мушак тизими ва бириктирувчи тўқималар томонидан.

Номаълум: ўсишни кечикиши.

Бир йиллик клиник тадқиқотларда 110 мкг дан флутиказон фуроатини суткада 1 марта қабул қилган препубертат ёшидаги болаларнинг бўйи баҳоланган, бўйини ўсишидаги фарқ 1 йилда плацебога нисбатан - 0,27 см ни ташкил қилган (Клиник тадқиқотларга қаранг).

Постмаркетинг маълумотлар.

Иммун тизими томонидан бузилишлар.

Кам: ўта юқори сезувчанлик реакциялари, жумладан анафилаксия, Квинке шиши, тошма, эшакеми.

Нерв тизими томонидан.

Тез-тез: бош оғриғи.

Нафас тизими, кўкрак қафаси ва кўкс оралиғи аъзолари томонидан.

Баъзида: бурун бўшлиғида оғриқ, бурун бўшлиғида дискомфорт ҳисси (шу жумладан, бурун бўшлиғини ачишиши, таъсирланиши ва оғриқ), бурун бўшлиғини қуриши .

АвамисТМ назал спрейни препаратнинг компонентларидан биронтасига ўта юқори сезувчанлиги бўлган пациентларда қўллаш мумкин эмас.

Флутиказон фуроатининг фармакокинетикасига бошқа дори воситаларнинг таъсир этиш хусусияти.

Флутиказон фуроати цитохром тизимининг Р450 3А4 изоферменти таъсирида бирламчи метаболизмга учрайди. Флутиказон фуроати ва CYP3А4 ингибитори кетоконазолни ўзаро таъсири бўйича ўтказилган тадқиқотларда плазмада флутиказон фуроатининг концентрациясини аниқланиш ҳоллари кетоконазол гуруҳида (20 пациентдан 6 тасида) плацебога нисбатан (20 пациентдан 1 тасида) кўпроқ кузатилган. Бундай бироз ошиш ҳар иккала гуруҳ ўртасида 24 соат давомида плазмада кортизолнинг миқдорини статистик аҳамиятли фарқланишига олиб келмаган.

Назарий маълумотлар асосида флутиказон фуроати цитохром Р450 изоферментлар тизими иштирокида метаболизмга учрайдиган бошқа дори воситалари билан интраназал қўлланганида дориларни бирон бир ўзаро таъсири кузатилмайди. Шунинг учун флутиказон фуроати ва бошқа дори воситаларни ўзаро таъсирини ўрганиш бўйича клиник тадқиқотлар ўтказилмаган (Махсус кўрсатмалар ва Фармакокинетикаси бўлимларига қаранг).

Номутаносиблиги аниқланмаган.

CYP3А4 изофермент иштирокида метаболизмга учрайдиган бошқа глюкокортикостероидлардан олинган маълумотлар асосида, флутиказон фуроатнинг тизимли ўзаро таъсирини потенциал ошиши хавфи борлиги сабабли препаратни ритонавир билан бирга юбориш тавсия этилмайди (Дориларнинг ўзаро таъсири ва Фармакокинетикаси бўлимларига қаранг).

Назал глюкокортикостероидлар, айниқса юқори дозаларда узоқ вақт давомида қўлланганида, тизимли самаралар хақида хабарлар берилган. Бу самараларни ривожланиш эҳтимоли глюкокортикостероидлар перорал қўллангандагига нисбатан кам ва пациентга ва қўлланаётган глюкокортикостероидга қараб, индивидуал равишда ўзгариши мумкин. Флутиказон фуроатини 110 мкг дан суткада 1 марта бир йил давомида қабул қилган болаларда, ўсиш тезлигини пасайиши кузатилган (Ножўя таъсирлари бўлимига қаранг). Шунинг учун болаларга касалликнинг симптомларини назорат қилишни таъминлайдиган энг кичик дозаларда қўллаш керак (Қўллаш усуллари ва дозалари бўлимига қаранг). Бошқа интраназал глюкокортикостероидлар қўлланганда бўлгани каби, шифокорлар стероидларни қўллаш билан боғлиқ бўлган потенциал тизимли самаралар, жумладан офтальмологик ўзгаришларга нисбатан хушёр бўлишлари керак.

Ҳомиладорлик ва лактация даврида қўлланиши

Ҳомиладорлик ва лактация

Ҳомиладорлик ва лактация даврида Авамис™ назал спрей препаратини қўллаш бўйича маълумотлар етарли эмас. Авамис™ назал спрей препарати ҳомиладорларда фақат, агар она учун кутилган фойда ҳомила учун потенциал ҳавфдан устун бўлган ҳолдагина қўлланиши мумкин.

Фертиллик

Одамлардан олинган маълумотлар йўқ.

Ҳомиладорлик

Авамис™ назал спрей одамлар учун максимал тавсия этилган дозаларда (суткада 110 мкг) интраназал қўлланганидан сўнг қон плазмасида флутиказон фуроатининг концентрацияси аниқлаб бўлмайдиган даражада бўлган ва шунинг учун репродуктив токсикликни потенциал ривожланиш хавфи жуда кам ҳисобланади.

Лактация

Флутиказон фуроатини кўкрак сутига ажралиб чиқиши ўрганилмаган.

Механизмларни бошқариш қобилиятига ёки когнитив малакасига таъсири

Флутиказон фуроати ва интраназал қўлланадииган бошқа ГКС нинг фармакологик ҳусусиятларини эътиборга олиб, автотранспорт ёки бошқа механизмларни бошқариш қобилиятига таъсири тахмин қилинмайди.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Симптомлари ва белгилари

Препаратни биокираолишлиги бўйича ўтказилган тадқиқотларда препарат катталар учун тавсия этилган дозалардан 24 марта ортиқ дозаларда интраназал қўлланган, бунда нохуш тизимли реакциялар кузатилмаган (Фармакокинетикаси бўлимига қаранг).

Даволаш

Препаратнинг дозасини ўткир ошириб юборилиши тиббий кузатувдан ташқари бошқа даволашни талаб этиш эҳтимоли кам.

Дозаланган назал спрей 27,5 мкг/доза, 120 доза.

Суспензия кўринишидаги назал спрей дозаловчи мосламаси бўлган қаҳрабо рангли шиша флаконда. Флакон оч-зангори рангли дастаги ва қопқоқчаси бўлган, чекловчи мосламадан иборат ён томонларини сиқувчи оқиш рангли пластик футлярга жойланган.

Препаратнинг ўрами ичидагисининг массаси камида 120 дозани етказиш учун етарлидир.

Бир флакон қўллаш бўйича йўриқномаси билан бирга картон қутига жойланган.

+30 °C дан паст ҳароратда сақлансин.

Совутилмасин ва музлатилмасин.

24 ой.

Очилганидан кейин ишлатиш муддати - 2 ой.

Рецепт бўйича.

Glaxo Operations UK Limited

Priory Street, Ware,

Hertfordshire SG12 0DJ,

UK

Глаксо Оперейшнс ЮК Лимитед

Приори кўч., Вэр,

Хартфордшир, СГ12 0ДЖ,

Буюк Британия

AVAMYS “GlaxoSmithKline Export Ltd”, компаниялар гуруҳининг савдо белгиси ҳисобланади.

Қўшимча маълумот олиш учун қуйидаги манзилга мурожаат қилинг

ЎзР даги “GlaxoSmithKline Export Ltd” ваколатхонаси

100031, Тошкент ш., Афросиёб кўч.,4 а.

Тел. (371) 252-5461: факс: (371) 252-5422.