Benevron

Dori preparatining tarkibi

1 ampula preparat tarkibida

faol moddalar:

tiamin gidroxlorid (vitamin B1) 250 mg,

riboflavin (riboflavin natriy fosfat shaklida) (vitamin B2) 4 mg,

piridoksin gidroxlorid (vitamin B6) 250 mg,

sianokobalamin (V12 vitamini) 1500 mkg,

yordamchi moddalar: 60 mg benzil spirti, natriy gidrokarbonat, monotioglitserol, dinatriy edetat, inyeksiya uchun suv.

Tashqi ko‘rinish, hid va ta’m tavsifi

To‘q qizil yoki jigarrang tusli tiniq eritma.

Dori shakli, dozasi

Mushak orasiga yuborish uchun eritma 3 ml

Farmakoterapevtik guruh

Ovqat hazm qilish trakti va moddalar almashinuvi. Vitaminlar. B guruhi vitaminlari majmuasi, shu jumladan boshqa preparatlar bilan kombinatsiyasi. B guruhi vitaminlari. ATX kodi A11EA.

Qo‘llanilishi

- B1, B2, B6 va B12 vitaminlarining gipo- va avitaminozi

- periferik nevritlar va polinevritlar, nevralgiyalar, periferik parezlar va falajliklar, radikulitlar, retrobulbar nevritlar, belbog‘simon gerpes, lyumbago, pleksitlar, qovurg‘alararo nevralgiyalar, yuz nervi parezlari, uch shoxli va yuz nervi nevralgiyasi, amiotrofik yon skleroz, bolalar serebral falaji, markaziy va periferik asab tizimi jarohatlari kabi asab tizimi kasalliklarini simptomatik davolash;

- ensefalopatiya (diabetik, alkogolli, jarohatdan keyingi)

- turli genezli kamqonliklar

- oshqozon-ichak tizimi kasalliklari: oshqozon va o‘n ikki barmoqli ichak yara kasalligi, surunkali gastrit, enterokolit, gepatit, jigar sirrozi

- teri kasalliklari: nevrogen kelib chiqishga ega ekzema va dermatozlar, dermatitlar va neyrodermitlar, psoriaz

- bo‘g‘im kasalliklari: artrit, osteoartroz, revmatizm, revmatoid artrit;

- oftalmologik kasalliklar: gemeralopiya, konyunktivit, keratit, iridotsiklit, katarakta, shox parda yarasi

- yuqori jismoniy yuklamalar

- silga qarshi izoniazid qatoridagi vositalar, antibiotiklarning nojo‘ya ta’sirlarini oldini olish va tuzatish

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- ta’sir etuvchi moddaga (moddalarga) yoki yordamchi moddalarning istalganiga yuqori sezuvchanlik

- dori vositasi tarkibiga kiruvchi har qanday vitaminning gipervitaminozi

Qo‘llashda zarur ehtiyot choralari

Benevron B preparatiga allergik reaksiyaning dastlabki ogohlantiruvchi belgilari aksirish yoki yengil shakldagi astma bo‘lib, keyingi davo o‘tkazishda bu bemorlarda anafilaktik shok rivojlanishi mumkinligini hisobga olish zarur.

Boshqa dori vositalari bilan o‘zaro ta’siri

Preparatni tarkibida sulfitlar bo‘lgan eritmalar bilan aralashtirmaslik kerak, chunki ularda tiamin parchalanadi. Preparatni penitsillin yoki streptomitsin (antibiotiklar tiamin ta’sirida parchalanadi), nikotin kislotasi (tiamin parchalanadi) bilan aralashtirmaslik kerak. Preparat tarkibida tiamin bo‘lganligi sababli, depolyarizatsiyalovchi mushak relaksantlarining (ditilin va boshqalar) kuraresimon ta’siri susayishi mumkin.

Preparatda riboflavin bo‘lishi doksitsiklin, tetratsiklin, oksitetratsiklin, eritromitsin va linkomitsin faolligini kamaytiradi hamda streptomitsin bilan nomutanosiblikni keltirib chiqaradi. Xlorpromazin, imipramin, amitriptilin flavinokinaza blokadasi hisobiga riboflavinni flavinadenin mononukleotid va flavinadenindinukleotidga kiritilishini buzadi va uning siydik bilan chiqarilishini oshiradi. Tireoid gormonlar riboflavin metabolizmini tezlashtiradi. B2 vitamini xloramfenikolning nojo‘ya reaksiyalarini (gemopoez buzilishi, ko‘ruv nervi nevriti) kamaytiradi va oldini oladi.

Preparat tarkibidagi piridoksin gidroxlorid diuretiklar ta’sirini kuchaytiradi, levodopaning faolligini susaytiradi. Izonikotin gidrazid, penitsillamin, sikloserin va estrogen saqlovchi peroral kontratseptivlar piridoksin gidroxlorid ta’sirini susaytiradi.

Preparat tarkibida sianokobalamin borligi sababli askorbin kislotasi, og‘ir metall tuzlari bilan farmatsevtik jihatdan mos kelmaydi (sianokobalamin inaktivatsiyasi). Aminoglikozidlar, salitsilatlar, tutqanoqqa qarshi dori vositalari, kolxitsin, kaliy preparatlari vitamin B12 so‘rilishini pasaytiradi. Sianokobalamin tiamin chaqirgan allergik reaksiyalar rivojlanishini kuchaytiradi. Xloramfenikol gemopoetik javobni pasaytiradi. Qon ivishini kuchaytiruvchi preparatlar bilan birga qo‘llash mumkin emas.

Maxsus ogohlantirishlar

Benevron B preparatini parenteral yuborish paytida yoki undan keyin darhol anafilaktik shok kabi potensial jiddiy nojo‘ya allergik reaksiyalar kamdan-kam uchraydi va bu parenteral yuborish usuliga muhtoj bo‘lgan bemorlarda, ayniqsa tiaminni parenteral qo‘llashga muhtoj bo‘lgan Vernike ensefalopatiyasi rivojlanish xavfi bo‘lgan bemorlarda Benevron B preparatini qo‘llashga to‘sqinlik qilmasligi kerak.

Benevron B preparatiga allergik reaksiyaning dastlabki ogohlantiruvchi belgilari aksirish yoki yengil shakldagi astma bo‘lib, keyingi davo o‘tkazishda bu bemorlarda anafilaktik shok rivojlanishi mumkinligini hisobga olish zarur.

Adekvat terapiyani ta’minlash uchun bemorning gematologik va nevrologik holati muntazam ravishda nazorat qilinishi shart. Davolashning boshlang‘ich davrida gipokaliyemiya tufayli yurak aritmiyalari rivojlanishi haqida xabar berilgan. Bu davrda qon zardobidagi kaliy miqdorini nazorat qilish tavsiya etiladi. Reaktiv trombotsitoz xavfi mavjudligi sababli, megaloblastik kamqonlikni davolashning birinchi haftalarida trombotsitlar darajasini nazorat qilish lozim.

Benzil spirti allergik reaksiyalarni keltirib chiqarishi mumkin.

Benzil spirtining toksik ta’sir rivojlanishi mumkin bo‘lgan minimal konsentratsiyasi noma’lum.

Yuqori dozalarni ehtiyotkorlik bilan va faqat zarurat tug‘ilganda, ayniqsa jigar yoki buyrak faoliyati buzilgan bemorlarda, to‘planish va toksiklik xavfi (metabolik atsidoz) tufayli qo‘llash lozim.

B6 vitaminining gipervitaminozi va toksik reaksiyalar (periferik neyropatiya, ixtiyorsiz harakatlar) surunkali gemodializda bo‘lgan bemorlarda qayd etilgan bo‘lib, ular 4 mg piridoksinni o‘z ichiga olgan polivitamin preparatlarini vena ichiga haftasiga uch marta qabul qilishgan.

Anesteziologik muolajalarni o‘tkazishda ehtiyot bo‘lish va preparat tarkibidagi tiamin hisobiga depolyarizatsiyalovchi mushak relaksantlarining (ditilin va boshqalar) kuraresimon ta’siri susayishi mumkinligini hisobga olish kerak.

Yordamchi moddalar

Preparat 1 ampulada 1 mmol (23 mg) dan kam natriy saqlaydi, ya’ni mohiyatan "natriy saqlamaydi."

Homiladorlik yoki emizish davrida

Preparatni homiladorlik va laktatsiya davrida qo‘llash faqat ona uchun kutilayotgan foyda homila yoki emizikli bola uchun potensial xavfdan yuqori bo‘lgan taqdirdagina mumkin.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Preparat transport vositalarini boshqarish va mexanizmlar bilan ishlash qobiliyatiga ta’sir ko‘rsatmaydi.

Qo‘llash bo‘yicha tavsiyalar

Dozalash tartibi

Benevron B preparatining dozalash tartibi va qo‘llash davomiyligini shifokor belgilaydi.

Preparat 10 yoshdan oshgan bolalar va kattalarga 3 ml dan (bitta ampula) kuniga 1 marta mushak orasiga buyuriladi. Inyeksiya uchun eritma mushak ichiga chuqur yuboriladi.

Shifokor ko‘rsatmasi bilan har 2-3 kunda bir ampuladan qo‘llash mumkin.

Bemorlarning alohida guruhlari

Bolalar

Preparatni 10 yoshgacha bo‘lgan bolalarda qo‘llash samaradorligi va xavfsizligi bo‘yicha ma’lumotlar mavjud emas.

Yuborish usuli va yo‘li

Mushak orasiga yuborish uchun mo‘ljallangan.

Doza oshirib yuborilganda ko‘riladigan choralar

V guruhi vitaminlari qo‘llanganda ularning dozasi oshirib yuborilishi juda kam uchraydi, chunki ular suvda eriydi va ortiqcha miqdori siydik bilan chiqib ketadi.

Belgilari: uvishish, oyoq, qo‘l yoki tananing boshqa qismlarida sanchish, sezuvchanlik, muvozanat va koordinatsiyaning buzilishi. Ushbu alomatlar paydo bo‘lganda shifokorga murojaat qilish zarur.

Davolash: simptomatik.

Dori vositasini qo‘llash usulini tushuntirish uchun tibbiyot xodimiga murojaat qilish tavsiya etiladi.

preparat.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Noma’lum

- yuqori sezuvchanlik reaksiyalari (jumladan, anafilaksiya, toshma, eshakyemi)

- paresteziya

- gipotenziya

- inyeksiya joyidagi reaksiyalar (shu jumladan og‘riq va shish).

Boshqa xabar qilingan alomatlar: isitma, titroq, toshmalar, bosh aylanishi, holsizlik, ko‘ngil aynishi, husnbuzar va pufakchali toshmalar, titroq. Reaktiv trombotsitoz megaloblastik kamqonlikni davolash uchun preparat qo‘llanilgan dastlabki haftalar davomida yuzaga kelishi mumkin.

Chiqarilish shakli va qadoqlash

Preparatdan 3 ml dan to‘q rangli shisha ampulalarga solinadi, ampulalarda sinish belgisi bo‘ladi.

5 ta ampula polivinilxlorid plyonkadan yasalgan konturli yacheykali o‘ramga joylashtiriladi.

1 ta konturli yacheykali o‘ram qozoq va rus tillaridagi tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash muddati

3 yil

Yaroqlilik muddati tugaganidan keyin qo‘llanilmasin!

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlang.

Bolalar qo‘li yetmaydigan joyda saqlang!

Dorixonalardan berish shartlari

Retsept bo‘yicha

Ishlab chiqaruvchi tafsilotlari

"Uorld Meditsin Iloch San. ve Tij. A.Sh.

CHOSB G.O. Pasha Max. 6. Yod. No 30 Cherkezko‘y, Tekirdag, Turkiya

Tel.: +90 (212) 474 70 50, faks: +90 (212) 474 09 01

elektron pochta: [email protected]

Ro‘yxatdan o‘tkazish guvohnomasi egasi

"Uorld Meditsin Iloch San. ve Tij. A.Sh.

15 Temmuz Max., Jomi Yolu Jad. No 50, Güneşli, Bag‘cılar, Istanbul, Turkiya

Tel: +90 (212) 474 70 50, faks: +90 (212) 474 09 01, elektron pochta:

[email protected]