Diafleks

Tarkib

1 kapsulada quyidagilar mavjud:

Faol moddasi: diatserein 50 mg.

Yordamchi moddalar: magniy stearat, laktoza monogidrat.

Kapsula qobig‘ining tarkibi: jelatin, titan dioksidi, sariq temir oksidi.

Tavsif

Sariq rangli qattiq jelatinli kapsulalar No 1.

Chiqarish shakli

Blisterda 10 ta kapsula. Karton qutida qo‘llash bo‘yicha yo‘riqnoma bilan birga 3 ta blister.

Farmakoterapevtik guruh

Yallig‘lanishga va revmatizmga qarshi preparatlar. Boshqa nosteroid yallig‘lanishga qarshi preparatlar. ATX kodi: M01AX21.

Farmakologik xususiyatlari

In vitro tadqiqotlari shuni ko‘rsatadiki, diatserein va uning faol metaboliti rein interleykin-1 beta (IL-1β) kabi yallig‘lanishga qarshi, prokatabolik sitokinlarning hosil bo‘lishi va faoliyatini susaytiradi. Interleykin-1 beta (IL-1β) bo‘g‘im tog‘ayining yallig‘lanishi va yemirilishida, ko‘plab yallig‘lanishga qarshi omillar, jumladan, sitokinlar, siklooksigenaza, prostaglandinlar, azot oksidi va metalloproteinazalarning hosil bo‘lishida muhim rol o‘ynaydi, ular tog‘ay degradatsiyasi, sinovial yallig‘lanish va subxondral suyakning qayta shakllanishida ishtirok etadi.

Shu bilan birga, in vitro sharoitida diatserein IL-1β mavjud bo‘lsa ham, transformatsiyalovchi beta omili (TGF-β) kabi omillarni rag‘batlantirib, tog‘ay hosil bo‘lishini rag‘batlantirishi ko‘rsatilgan. In vitro tadqiqotlari shuni ko‘rsatadiki, diatserein proteoglikanollar, glikozaminoglikanlar va gialuron kislotasi kabi komponentlar orqali tog‘ay to‘qimasi sintezini rag‘batlantiradi.

Turli osteoartritli hayvon modellarida o‘tkazilgan tadqiqotlar shuni ko‘rsatdiki, diatserein nazoratga nisbatan tog‘ay yo‘qotilishini va osteoartrozning rivojlanishini izchil ravishda kamaytiradi.

Randomizatsiyalangan nazorat ostidagi sinovlar (2-8 oy) shuni ko‘rsatadiki, diatserein osteoartritning og‘riq va bo‘g‘imlarning cheklangan funksiyalari kabi belgilarini yaxshilaydi. Ushbu tadqiqotlar shuni ko‘rsatadiki, ta’sir sekin rivojlanadi (2-4 hafta), bu 4-6 haftadan keyin to‘liq rivojlanadi. Diatserein prostaglandinlar sinteziga to‘sqinlik qilmaydi, oshqozon-ichak toksikligini keltirib chiqarmaydi, shuning uchun uni nosteroid yallig‘lanishga qarshi dorilar bilan birga qo‘llash mumkin. Davolashning dastlabki 2-4 haftasi davomida tez ta’sir qiluvchi YAQNDVlarni qo‘llash ham buyurilishi mumkin.

Farmakokinetika

Oshqozon-ichak trakti orqali tez so‘riladi, ovqat bilan bir vaqtda qabul qilinganda biosinguvchanligi 25% ga oshadi. Cmax ga erishish vaqti - 2 soat. Bir marta 50 mg qabul qilinganda Cmax - 3,15 mg/l, ko‘p marta qabul qilinganda preparatning kumulyatsiyasi tufayli Cmax oshadi.

Reingacha to‘liq deatsetillanadi. Reynning oqsillar (albumin) bilan bog‘lanishi deyarli 100% ni tashkil etadi. Reyn yo‘ldosh va gematoensefalik to‘siqlar orqali o‘tadi.

T1/2 - 255 min. Buyraklar orqali o‘zgarmagan holda (20%), glyukuronid shaklida (60%), sulfat shaklida - 20% chiqariladi.

Qo‘llanilishi

Birlamchi va ikkilamchi osteoartroz.

Qo‘llash usuli va dozalari

Tavsiya etilgan doza: bir kapsuladan kuniga ikki mahal ovqatlanish vaqtida (tushlik va kechki ovqatda). Kapsulalarni butunligicha yutib, bir stakan suv bilan ichish kerak.

Diatserein dastlabki ikki hafta davomida ichak o‘tishining tezlashishiga olib kelishi mumkinligini inobatga olib, davolashni dastlabki to‘rt hafta davomida kuniga bir marta tushlik vaqtida bir kapsuladan qabul qilish bilan boshlash tavsiya etiladi. Doza asta-sekin ovqat bilan birga qabul qilinadigan kuniga ikki kapsulagacha oshiriladi. Terapevtik ta’sir 2-4 haftadan keyin kuzatilishi mumkin, sezilarli klinik yaxshilanish 4-6 haftadan keyin sodir bo‘ladi, ta’sir davolanishdan keyin taxminan ikki oy davomida saqlanib qoladi ("ta’sirni ko‘chirish" deb ataladi).

Klinik sinovlarda xavfsiz foydalanish muddati ikki yilgacha. Har qanday uzoq muddatli davolanishda bo‘lgani kabi, har olti oyda to‘liq qon tahlili, shu jumladan jigar fermentlarini aniqlash va siydik tahlili o‘tkazilishi kerak.

Gastroduodenal qabul qilish juda yaxshi ekanligini hisobga olib, diatsereinni dastlabki 2-4 hafta davomida NYAQV yoki analgetiklar bilan birga buyurish mumkin.

Buyrak yetishmovchiligi

O‘rtacha buyrak yetishmovchiligi (kreatinin 30-49 ml/min) bo‘lgan bemorlarda dozani o‘zgartirish talab etilmaydi. Og‘ir buyrak yetishmovchiligi bo‘lgan bemorlarda (kreatinin klirensi 30 ml/daqiqadan kam) doza 50% ga kamaytiriladi.

Jigar yetishmovchiligi

Yengil va o‘rtacha jigar yetishmovchiligi bo‘lgan bemorlarda farmakokinetika o‘zgarmaydi va dozani tartibga solish zarurati yo‘q.

Keksalar

Keksa bemorlar uchun dozani tartibga solishning hojati yo‘q.

Bolalar va o‘smirlar

Ma’lumotlar yo‘qligi sababli bolalar va o‘smirlarda qo‘llash tavsiya etilmaydi.

Qarshi ko‘rsatmalar

Diatsereinga, boshqa antraxidon preparatlariga yoki preparatning yordamchi komponentlariga yuqori sezuvchanlik, kolopatiya (yarali rektakolit, Kron kasalligi), okklyuzion yoki subokklyuzion sindrom, noaniq sabablarga ko‘ra qorin og‘riqli sindromlari, jigar funksiyasining og‘ir buzilishlari, 15 yoshgacha bo‘lgan bolalar, homiladorlik va laktatsiya davri.

Ichakning pastki qismlari ta’sirlangan, surunkali buyrak yetishmovchiligi bo‘lgan bemorlarga ehtiyotkorlik bilan buyuriladi.

Nojo‘ya ta’siri

Preparatning tarkibiy qismlariga yuqori sezuvchanlikda turli darajadagi allergik reaksiyalar kuzatilishi mumkin.

Preparatning tarkibiy qismlariga yuqori sezuvchanlikda turli darajadagi allergik reaksiyalar kuzatilishi mumkin.

Oshqozon-ichak trakti tomonidan: terapiyaning boshlang‘ich davrida diareya, ko‘ngil aynishi, qusish, qorinda og‘riq bo‘lishi mumkin. Bu holda preparat dozasi kuniga bir kapsula (50 mg) gacha kamaytirilishi mumkin.

Preparatni qabul qilish vaqtida siydikning sariqdan jigarranggacha (pH ga qarab) intensiv bo‘yalishi mumkin, bu esa dozani kamaytirishni yoki preparatni bekor qilishni talab qilmaydi.

Boshqa dori vositalari bilan o‘zaro ta’siri

Antibiotiklar yoki ichak mikroflorasiga ta’sir qiluvchi boshqa preparatlar bilan bir vaqtda qabul qilinganda, ichak tomonidan nojo‘ya reaksiyalar chastotasining oshishi mumkin.

Antatsidlar diatsereinning absorbsiyasini kamaytiradi.

Siydik haydovchi vositalarning birmuncha kuchayishi mumkin.

Maxsus ko‘rsatmalar

Ichak mikroflorasi buzilishi mumkin bo‘lgan antibiotiklarni bir vaqtning o‘zida qo‘llash zarur bo‘lganda, terapiyani vaqtincha to‘xtatish masalasini ko‘rib chiqish lozim.

Anamnezida enterokolit bo‘lgan bemorlarda (ayniqsa, ichak ta’sirlanishi sindromi bo‘lgan bemorlarda) davolashning xavf/foyda nisbati ko‘rib chiqilishi kerak.

Bir vaqtning o‘zida ovqat iste’mol qilish diatsereinning biosinguvchanligini oshiradi (taxminan 24%), ovqat ratsionida sezilarli tanqislik esa biosinguvchanlikni kamaytiradi.

Nojo‘ya ta’sirlarning chastotasi, ichak passajining bunday tezlashishi, so‘rilmagan diatserein miqdoriga to‘g‘ri proporsionaldir, och qoringa yoki juda oz miqdordagi ovqat bilan qo‘llash nojo‘ya ta’sirni oshiradi.

Buyrak yetishmovchiligi bo‘lgan bemorlarga e’tibor qaratish lozim.

Diafleks bilan birga surgi dorilar ichilmasligi kerak.

Pediatriya amaliyotida xavfsizligi va samaradorligi aniqlanmagan. Ma’lumotlar yetishmasligi sababli bolalar va o‘smirlarda qo‘llash tavsiya etilmaydi.

Preparat tarkibiga laktoza kiradi, galaktozani ko‘tara olmaslikning kam uchraydigan irsiy muammolari, laktoza yetishmovchiligi yoki glyukoza-galaktoza malabsorbsiyasi bo‘lgan bemorlar ushbu preparatni qabul qilmasligi kerak.

Jigar zararlanganligini ko‘rsatuvchi alomatlar paydo bo‘lgan taqdirda, davolash to‘xtatilishi kerak. Gepatotsellyulyar shikastlanishning bir nechta holatlari haqida xabarlar mavjud.

Homiladorlik va laktatsiya davrida qo‘llash

Homiladorlik davrida diatsereinning ta’siri haqida hech qanday klinik ma’lumotlar yo‘q. Hayvonlarda o‘tkazilgan tadqiqotlar homiladorlik, homila, tug‘ruq yoki tug‘ruqdan keyingi rivojlanishga bevosita yoki bilvosita zararli ta’sir ko‘rsatmaydi.

Diatserein hosilalarining oz miqdori ko‘krak suti bilan ajraladi. Bolaga yoki ko‘krak suti bilan emizishga ta’siri aniqlanmagan.

Diafleks homilador yoki emizikli ayollar tomonidan qo‘llanilmasligi kerak.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik lozim.

Dozani oshirib yuborish

Belgilari: diareya, holsizlik, suv-elektrolit muvozanatining buzilishi.

Davolash: oshqozonni yuvish, simptomatik terapiya.

Saqlash shartlari

Namlik va yorug‘likdan himoyalangan joyda, 25 °C dan yuqori bo‘lmagan haroratda.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"S.C. Rompharm Company S.R.L.," Romania, Ilfov, 75100 Otopeni, Str. Eroilor, Nr. 1A.

"K.O. Romfarm Kompani S.R.L.," Ruminiya, Ilfov, 075100 Otopen shahri, Eroilor ko‘chasi, No1A.