Femileks

Tarkib

Bitta shamchada quyidagilar mavjud:

ta’sir etuvchi modda: sut kislotasi - 100 mg;

yordamchi moddalar: makrogol aralashmasi: makrogol 1500 - (92-98) %, makrogol 400 - (8-2) %.

Tavsif

Shamchalar torpedasimon shaklda, oq yoki sarg‘ish tusli oq rangda bo‘ladi. Marmarlik va kesimda havo sterjeni hamda voronkasimon chuqurlik bo‘lishiga yo‘l qo‘yiladi.

Chiqarish shakli

Vaginal shamchalar, 100 mg.

Farmakoterapevtik guruh

Antiseptik vosita. Sut kislotasi. ATX kodi: G01AD01.

Farmakologik xususiyatlari

Farmakodinamika

Sut kislotasi qin sut kislotasi bakteriyalari hayot faoliyatining tabiiy mahsuloti bo‘lib, qin sekretsiyasining pH ko‘rsatkichini 3,5-4,5 oralig‘ida bo‘lishini ta’minlaydi. Sut kislotali shamchalar pH va qin florasining normal ko‘rsatkichlarini tiklash va saqlab turishga, kislotaga sezgir patogen va shartli patogen floraning o‘sishini to‘xtatishga yordam beradi.

Sut kislotasi qin infeksiyalarida kuzatiladigan pH ning ishqoriy tomonga siljishini tuzatish uchun kislota zaxirasini yaratadi. Qinning genital infeksiyalardan tabiiy himoyasini oshirishga yordam beradi.

Farmakokinetika

Farmakokinetikasi haqida ma’lumotlar yo‘q.

Ko‘rsatmalar

Qinning buzilgan mikroflorasi va pH ko‘rsatkichini normallashtirish, shu jumladan bakterial vaginozda (kompleks terapiya tarkibida).

Qarshi ko‘rsatmalar

Preparat komponentlariga yuqori sezuvchanlik, kandidozli vulvovaginit, bolalik yoshi (18 yoshgacha).

Qo‘llash usuli va dozalari

Intravaginal.

Shamchalarni qo‘llashdan oldin ular konturli o‘ramdan bo‘shatiladi.

Bir dona vaginal shamcha qinga (oyoqlar biroz bukilgan holda chalqancha yotgan holda) sutkada bir marta yuboriladi. Davolash kursi 10 kun.

Agar davolanishdan so‘ng ahvol yaxshilanmasa yoki yangi alomatlar paydo bo‘lsa, shifokor bilan maslahatlashish zarur.

Preparatni faqat ko‘rsatmalarga, qo‘llash usuliga va yo‘riqnomada ko‘rsatilgan dozalarda qo‘llang.

Nojo‘ya ta’sirlari

Allergik reaksiyalar, qichishish, ba’zi hollarda preparatni to‘xtatgandan keyin qinda achishish paydo bo‘lishi mumkin.

Agar yo‘riqnomada ko‘rsatilgan nojo‘ya ta’sirlarning birortasi og‘irlashsa yoki yo‘riqnomada ko‘rsatilmagan boshqa nojo‘ya ta’sirlar kuzatilsa, darhol shifokorga murojaat qilish lozim.

Dozani oshirib yuborish

Preparatning dozasini oshirib yuborish holatlari haqida xabar berilmagan.

O‘zaro aloqa

Ma’lumot yo‘q.

Maxsus ko‘rsatmalar

Achishish va qichishish paydo bo‘lganda, qinning zamburug‘li infeksiyasini istisno qilish uchun tekshiruv o‘tkazish tavsiya etiladi.

Homiladorlik va laktatsiya

Homiladorlik va emizish davrida Femileks® preparatining maxsus tadqiqotlari o‘tkazilmagan.

Hayvonlarda o‘tkazilgan tadqiqotlarda sut kislotasining homilaga toksik ta’sirining hech qanday belgilari aniqlanmadi. Sut kislotasini turli xil dori shakllarida qin ichiga yuborish uchun o‘tkazilgan klinik tadqiqotlarda xavfsizlik muammolari aniqlanmadi.

Sut kislotasi sut emizuvchilar metabolizmining oraliq mahsuloti ekanligini va me’yorda inson organizmida, shu jumladan qog‘onoq suvlari va ona sutida mavjudligini hisobga olgan holda, homiladorlik va emizish davrida Femileks® preparatini qo‘llash ona uchun potensial foyda hamda emizikli homila va chaqaloq uchun xavf baholangandan so‘ng amalga oshirilishi mumkin. Qo‘llashdan oldin shifokor bilan maslahatlashish zarur.

Transport vositalari va mexanizmlarini boshqarish qobiliyatiga ta’siri

Ta’sir qilmaydi.

Qadoq

Polietilen bilan laminatsiyalangan polivinilxlorid plyonkasidan yasalgan konturli yacheykali o‘ramga 5 tadan shamcha solinadi.

Karton qutiga dori vositasini tibbiy qo‘llash bo‘yicha yo‘riqnoma bilan birga 1 yoki 2 ta konturli yacheykali o‘ram.

Saqlash shartlari

25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

5 yil.

Yaroqlilik muddati tugagandan keyin ishlatilmasin.

Dorixonalardan berish shartlari

Retseptsiz.

Ro‘yxatdan o‘tish guvohnomasi egasi

NIJFARM AJ Rossiya.

Ishlab chiqaruvchi

NIJFARM AJ Rossiya.