Glution

Tarkib

faol modda: qaytarilgan glutation 600 mg;

yordamchi modda: natriy gidroksid;

erituvchi ampulalari: inyeksiya uchun suyuqlik 4 ml.

Dori shakli

Vena ichiga va mushak orasiga yuborish uchun eritma tayyorlash uchun kukun 600 mg/4 ml.

Farmakoterapevtik guruh

Antioksidant vosita.

Farmakologik xususiyatlari

Glutation hujayralarda keng tarqalgan, o‘ziga xos vazifaga ega bo‘lgan tripeptiddir. Glutation tarkibiga glitsin, sistein va glutamin kislotasi kiradi.

Glutation - kuchli gepatoprotektor, antioksidant, immunostimulyator va detoksikant.

Glutation jigar, eritrotsitlar va buyrak usti bezlarida ko‘p miqdorda bo‘ladi.

Glutationning qaytarilgan shakli ba’zi fermentlarni faollashtiradi.

Glutation oqsillarning sulfgidril va disulfid guruhlariga ta’sir etuvchi og‘ir metall ionlari bilan bog‘lanib, ularni zararsizlantiradi.

Glutation moddalar almashinuvida vodorod tashuvchi sifatida ishtirok etadi.

Kam miqdorda qaytarilgan glutation saqlovchi eritrotsitlar nisbatan oson parchalanadi.

Glutation uglerod almashinuvi uchun zarur, lipid almashinuviga ta’sir ko‘rsatadi, ateroskleroz rivojlanishiga to‘sqinlik qiladi, qarishni sekinlashtiradi.

Glutation tanqisligi asab tizimida aks etib, tafakkur, koordinatsiya jarayonlarining buzilishiga olib keladi va tremor paydo bo‘lishiga sabab bo‘ladi.

Qo‘llanilishi

Jigar zararlanishi: toksik, shu jumladan alkogolli, virusli, dorilar (antibiotiklar, o‘smaga qarshi, silga qarshi, virusga qarshi preparatlar, antidepressantlar, peroral kontratseptivlar).

Jigar sirrozi.

Presirrotik holatlar.

Jigar ichi xolestaz.

Operatsiyadan keyingi davr (narkoz qoldiqlarini yo‘qotish uchun).

Ensefalopatiya, shu jumladan jigar yetishmovchiligi bilan bog‘liq (alkogol va boshqalar).

Depressiv va abstinent sindrom.

Parkinson kasalligi, Alsgeymer kasalligi.

Sisplatin yoki uning analogi bilan kimyoterapevtik davolashda nevropatik profilaktika.

Qandli diabet, tireotoksikoz.

Ateroskleroz, artrit.

Turli etiologiyali zaharlanishlar (alkogol, giyohvand moddalar, og‘ir metallar va h.k.).

Buyrak yetishmovchiligi, nefrit, nefropatiya.

Oligospermiya, akinospermiya.

Virusli va hujayra ichidagi qo‘zg‘atuvchilar keltirib chiqaradigan kasalliklar.

Surunkali bronxit, pnevmoniya, o‘pka sili.

Qo‘llash usuli va dozalari

Yengil shakllarida preparat mushak orasiga, vena ichiga, sekin (2-3 daqiqa) yoki infuziya yo‘li bilan sutkasiga 1 flakon (600 mg tiklangan glutation) yuboriladi.

Og‘ir shakllarida preparat mushak orasiga, vena ichiga, sekin (2-3 daqiqa) yoki infuziya yo‘li bilan sutkasiga 2 flakon (1200 mg tiklangan glutation) yuboriladi. Preparatni qo‘llash bo‘yicha tegishli tushuntirishlar olish uchun bemorlarga shifokor yoki farmatsevtga murojaat qilish tavsiya etiladi.

Salbiy ta’sirlar

Kamdan-kam hollarda ko‘ngil aynishi, qusish, bosh og‘rig‘i, shuningdek, preparatni qo‘llash to‘xtatilgandan keyin o‘tib ketadigan teri toshmalari qayd etilgan.

Ma’lumotnoma varaqasidagi ko‘rsatmalarni o‘rganish nojo‘ya ta’sirlar xavfini kamaytiradi.

Har qanday nojo‘ya ta’sir paydo bo‘lganida, hatto u yo‘riqnomada ko‘rsatilmagan bo‘lsa ham, shifokorga xabar berish zarur.

Qarshi ko‘rsatmalar

Preparat komponentlariga yuqori sezuvchanlik.

Dorilarning o‘zaro ta’siri

Glutationning boshqa preparatlar bilan mos kelmaslik holatlari qayd etilmagan.

Maxsus ko‘rsatmalar

Mushak orasiga qo‘llanganda, preparatni erituvchi ampulasida yaxshilab eritish kerak. Hosil bo‘lgan eritma tiniq va rangsiz bo‘lishi kerak.

Vena ichiga qo‘llanganda preparatni ilova qilingan erituvchida (inyeksiya uchun suvda) eritib, sekin yuborish yoki infuziya uchun kamida 20 ml steril eritma qo‘shib, sekin tomchilab yuborish kerak.

Homiladorlik va emizish davri

Glutation embriofetal rivojlanish uchun zaharli emas, homilador ayollarga preparatni faqat o‘ta zarur hollarda va shifokorning bevosita nazorati ostida qabul qilish tavsiya etiladi.

Preparatni bolalar qo‘li yetmaydigan joyda saqlang va qadoqda ko‘rsatilgan saqlash muddati tugagandan so‘ng preparatni qo‘llamang.

Yaroqlilik muddati saqlanish shartlariga rioya qilingan holda, shikastlanmagan o‘ramda bo‘lgan preparatlarga taalluqlidir.

Chiqarish shakli va qadoqlash

Qaytarilgan glutationning 600 mg liofillangan kukunining 10 ta flakoni va 4 ml erituvchili 10 ta ampula karton qutida qo‘llash bo‘yicha yo‘riqnoma bilan birga konturli yacheykali qadoqlarga joylashtirilgan.

Saqlash shartlari

Harorat +25 °C dan past bo‘lganda.

Eritma suyultirilgandan so‘ng xona haroratida 2 soat yoki 0° +5 °C haroratda 8 soat saqlash mumkin.

Yaroqlilik muddati

36 oy.

Dorixonalardan berish shartlari

Retsept bo‘yicha.

Savdo litsenziyasi egasi/seriyasi:

LABORATORIO FARMACEUTICO C.T. S.r.l. Strada Solaro, 75/77 - SANREMO (IM) - Italiya/Italiya