Kalendula

Tarkib

Preparat olish uchun quyidagilar ishlatiladi: gul tirnoqlari - 100 g, etanol (Etil spirti) 70% - 1000 ml preparat olinguncha yetarli miqdorda.

Tavsif

Sarg‘ish-jigarrang tusli, o‘ziga xos hidli tiniq suyuqlik.

Dori shakli

Nastoyka - 25 ml.

Farmakoterapevtik guruh

Mikroblarga qarshi va yallig‘lanishga qarshi ta’sirga ega fitopreparat.

Antiseptik, o‘t haydovchi, spazmolitik va mahalliy yallig‘lanishga qarshi ta’sir ko‘rsatadi.

Farmakologik xususiyatlari

O‘simliklardan olingan vosita. Tarkibida triterpen saponinlar - A-F glikozidlari; triterpen spirtlari - monoollar, diollar, triollar; flavonoidlar, shu jumladan izoramnetin va kversetin glikozidlari; gidroksikumarinlar, shu jumladan skopoletin, umbelliferon, eskuletin; kartinoidlar - lyutein, sezaksantin; efir moylari - alfa-kadinol, T-kadinol, yog‘ kislotalari; suvda eriydigan polisaxaridlar - ramnoarabinogalaktanlar, arabinogalaktanlar mavjud. Yallig‘lanishga qarshi ta’sir ko‘rsatadi, kapillyarlar o‘tkazuvchanligini kamaytiradi. Tarkibida terpen alkaloidlari, lakton va flavonlar bo‘lganligi sababli mikroblarga qarshi faollikka ega.

Jigarning metabolik funksiyasini oshirishga yordam beradi (safro tarkibi yaxshilanadi, bilirubin va xolesterin konsentratsiyasi pasayadi), sekretor va ajratish funksiyalarini oshiradi, oshqozon-ichak traktida reparativ jarayonlarni rag‘batlantiradi.

Ko‘rsatmalar

Sirtga: kesilgan, lat yegan, ekzemalarda antiseptik va yallig‘lanishga qarshi vosita sifatida.

Mahalliy: halqum (tonzillit, faringit, laringit) va og‘iz bo‘shlig‘i shilliq qavatining yallig‘lanish kasalliklarida (stomatit, gingivit, parodontit) tomoqni chayish uchun.

Ichish uchun: tirnoqgul nastoykasi xoletsistit, xolangitda qo‘llaniladi.

Qo‘llash usuli va dozalari

Teri qoplamining yuzaki shikastlangan joylari (kesilgan joylari) tampon yordamida damlama bilan ishlanadi. Lat yeyish va ekzemada nastoykaning suvdagi eritmasi (bir stakan suvga 1 choy qoshiq) namlama ko‘rinishida qo‘llaniladi. Tomoq va og‘iz bo‘shlig‘i shilliq qavatini chayish uchun 1/4-1 stakan nastoykaning suvdagi eritmasidan foydalaniladi. Davolash kursi - 1-2 hafta.

Ovqatdan 15 minut oldin 10-20 tomchidan 1/4 stakan suvga solib, kuniga 3 mahal ichiladi. Davolash kursi - 3-4 hafta.

Nojo‘ya ta’sirlari

Allergik reaksiyalar (shu jumladan teri qichishishi) kuzatilishi mumkin. Ichga qabul qilinganda - jig‘ildon qaynashi, ko‘ngil aynishi, og‘izda achchiq ta’m, qorinda og‘riqning kuchayishi.

Qarshi ko‘rsatmalar

Preparat komponentlariga yuqori individual sezuvchanlik. Ichga qo‘llanganda - o‘tkir gastrit, me’da va o‘n ikki barmoqli ichak yara kasalligi qo‘zg‘alish davrida, toshli xoletsistit, homiladorlik, laktatsiya davri, 18 yoshgacha bo‘lgan yosh.

Ehtiyotkorlik bilan - jigar kasalliklari, alkogolizm, bosh miya jarohati, miya kasalliklari.

Ehtiyot choralari va qo‘llash xususiyatlari

Kislotaliligi yuqori bo‘lgan yara kasalligi va gastritda antatsidlar hamda spazmolitiklar bilan birga qo‘llaniladi.

Avtotransportni boshqarish va potensial xavfli mexanizmlarni boshqarish qobiliyatiga ta’siri

Davolash davrida (ichga qabul qilinganda) avtotransportni boshqarishda va diqqatning yuqori konsentratsiyasini hamda psixomotor reaksiyalarning tezligini talab qiladigan boshqa potensial xavfli faoliyat turlari bilan shug‘ullanishda ehtiyot bo‘lish kerak.

Boshqa dorilar bilan o‘zaro ta’siri, boshqa o‘zaro ta’sirlar

Kalendula nastoykasini boshqa preparatlar bilan birgalikda davolashda sezilarli dori o‘zaro ta’siri aniqlanmadi.

Chiqarilish shakli, o‘rami

Flakondagi nastoyka karton o‘ramda - 25 ml.

Ishlab chiqaruvchi

"Ziyo Nur Farm" O‘zb.