Lantorol

Tarkib

1 kapsulada quyidagilar mavjud:

faol modda: lansoprazol 30 mg;

yordamchi moddalar: mannitol, saxaroza, kalsiy karmelloza, laktoza monogidrati, yengil magniy karbonat, gipromelloza E-5, metakril kislota sopolimeri L30D, propilenglikol, setil spirti, natriy gidroksid, polisorbat-80, kopovidon, titan dioksidi.

Tavsif

Qattiq jelatinli kapsulalar: xira havorang qopqoq/oq korpus, No1 o‘lcham, oq yoki sariq-oq rangli pelletlarni o‘z ichiga oladi.

Dori shakli

Kapsulalar.

Farmakoterapevtik guruh

Yaraga qarshi vosita (N+-K+-ATF-aza ingibitori). ATX kodi: A02BC03.

Farmakologik xususiyatlari

Lantorol - yaraga qarshi vosita, proton nasosining maxsus ingibitori (H+-K+-ATF-aza). Lansoprazol oshqozonning parietal hujayralarida faol sulfonamid hosilalarigacha metabolizmga uchraydi, ular H+-K+-ATF-azaning sulfgidril guruhlarini faolsizlantiradi. Natijada xlorid kislota sintezining oxirgi bosqichi bloklanadi, bu esa qo‘zg‘atuvchining tabiatidan qat’i nazar, oshqozonda kislotaning bazal va rag‘batlantirilgan sekretsiyasining pasayishiga olib keladi.

Lantorol Helicobacter pylori o‘sishini to‘xtatadi va boshqa preparatlarning antixelikobakter faolligini oshiradi.

Farmakokinetika

Ichga qabul qilingandan so‘ng so‘rilishi yuqori bo‘ladi. Maksimal konsentratsiyasiga 1,5-2,2 soatdan keyin erishiladi. Plazma oqsillari bilan bog‘lanishi 98% ni tashkil etadi.

Buyraklar orqali metabolitlar holida va ichak orqali chiqariladi. Yarim chiqarilish davri 1,3-1,7 soatni tashkil etadi.

Ko‘rsatmalar

oshqozon va o‘n ikki barmoqli ichak yara kasalligi;

nosteroid yallig‘lanishga qarshi vositalarni (NYAQV) qabul qilish bilan bog‘liq oshqozon va o‘n ikki barmoqli ichakning eroziv-yarali shikastlanishlari, stress yaralari;

gastroezofageal reflyuks kasalligi (GERK): reflyuks-ezofagitni davolash, reflyuks-ezofagitni simptomatik davolash;

Helicobacter pylori eradikatsiyasi (antibiotiklar bilan birgalikda);

patologik gipersekretor holatlar, jumladan Zollinger-Ellison sindromi;

qo‘zish bosqichida oshqozonning kislota hosil qilish funksiyasi oshgan surunkali gastrit;

yarali bo‘lmagan dispepsiya

Qo‘llash usuli va dozalari

Lantorol ovqat qabul qilishdan qat’i nazar, chaynamay, butunligicha ichiladi.

Oshqozon va o‘n ikki barmoqli ichak yara kasalligi: kuniga 30 mg dan buyuriladi. O‘n ikki barmoqli ichak yara kasalligining xurujida davolash kursi 2-4 hafta, oshqozon yara kasalligida esa 4-8 haftani tashkil etadi.

YAKNDV qabul qilish bilan bog‘liq oshqozon va o‘n ikki barmoqli ichakning eroziv-yarali shikastlanishlari: tavsiya etilgan doza sutkasiga 30 mg, davolash kursi: 4-8 hafta.

Gastroezofageal reflyuks kasalligi (reflyuks-ezofagitni davolash): 4-8 hafta davomida kuniga 30 mg dan buyuriladi, zarurat tug‘ilganda davolash 8 haftaga uzaytiriladi.

Helicobacter pylori eradikatsiyasi: 30 mg dan sutkasiga 2 marta antibiotiklar bilan birgalikda qabul qilinadi.

Patologik gipersekretor holatlar, jumladan, Zollinger-Ellison sindromi: preparatning boshlang‘ich dozasi 30 mg sutkasiga 2 marta, zarurat bo‘lganda doza 120 mg/sutkagacha oshiriladi. Davolash kursi individual belgilanadi.

Me’daning kislota hosil qilish funksiyasi oshgan surunkali gastritning qo‘zg‘alish bosqichida: 30 mg dan sutkasiga 1-2 marta buyuriladi. Davolash kursi 2-3 hafta.

Yarali bo‘lmagan dispepsiya: 30 mg dan sutkasiga 1-2 marta buyuriladi. Davolash kursi 2-3 hafta.

Jigar yetishmovchiligida va keksa yoshdagi bemorlarda davolash yarim dozalardan boshlanib, asta-sekin tavsiya etilgan, ammo sutkasiga 30 mg dan ko‘p bo‘lmagan dozalargacha oshiriladi.

Nojo‘ya ta’sirlari

Ovqat hazm qilish tizimi tomonidan: ich ketishi, ishtahaning oshishi yoki pasayishi, ko‘ngil aynishi, qorin og‘rig‘i, qabziyat.

Markaziy asab tizimi (MAT) tomonidan: bosh og‘rig‘i, lohaslik, bosh aylanishi, uyquchanlik, depressiya, xavotir.

Allergik reaksiyalar: teri toshmasi.

Boshqalar: ayrim hollarda - grippga o‘xshash sindrom, mialgiya.

Qarshi ko‘rsatmalar

preparatning tarkibiy qismlariga yuqori sezuvchanlik;

oshqozon-ichak traktining xavfli o‘smalari;

homiladorlikning birinchi trimestri, laktatsiya davri.

Dozani oshirib yuborish

Dozani oshirib yuborish haqida ma’lumotlar yo‘q.

Ehtiyot choralari va qo‘llash xususiyatlari

Davolashni boshlashdan oldin oshqozon va qizilo‘ngachda xavfli jarayon mavjudligini istisno qilish lozim, chunki preparatni qabul qilish alomatlarni yashirishi va tashxis qo‘yishni kechiktirishi mumkin.

Jigar funksiyasi pasaygan bemorlarda va keksa yoshdagi bemorlarda ehtiyotkorlik bilan qo‘llaniladi.

Homiladorlik va laktatsiya davri

Homiladorlikning II va III trimestrlarida preparatni qo‘llash, agar terapiyaning kutilayotgan foydasi homila uchun potensial xavfdan yuqori bo‘lsa, mumkin.

Preparat bilan davolash vaqtida emizishni to‘xtatish kerak.

Bolalar

Preparatning 18 yoshgacha bo‘lgan bemorlarda samaradorligi va xavfsizligi aniqlanmagan, shuning uchun preparatni ushbu toifadagi bemorlarda qo‘llash tavsiya etilmaydi.

Preparatni bolalar qo‘li yetmaydigan joyda saqlash lozim.

Avtotransportni boshqarish va potensial xavfli mexanizmlarni boshqarish qobiliyatiga ta’siri

Lantorol preparatini qo‘llash transport vositalarini boshqarish va mexanizmlar bilan ishlash qobiliyatiga ta’sir qilmaydi.

Boshqa dorilar bilan o‘zaro ta’siri

Lansoprazol teofillinning klirensini pasaytiradi (10% ga).

Sukralfat lansoprazolning biosinguvchanligini 30% ga kamaytiradi (bu preparatlarni qabul qilish oralig‘ida 30-40 daqiqalik interval bo‘lishi kerak).

Sitoxrom R450 ferment tizimi ishtirokida metabolizmga uchraydigan preparatlar bilan o‘zaro ta’sirlashishi mumkin.

Antatsidlarni lantorolni qabul qilishdan bir soat oldin yoki undan bir soat keyin qabul qilish kerak, chunki ular dori vositasining organizmda so‘rilishini pasaytirishi mumkin.

Biologik o‘zlashtirilishi oshqozon muhitining pH ko‘rsatkichiga bog‘liq bo‘lgan preparatlar (masalan, ketokonazol) bir vaqtda qo‘llanganda, lantorol ularning so‘rilishini o‘zgartirishi mumkin.

Preparat antipirin, diazepam, ibuprofen, indometatsin, peroral kontratseptiv vositalar, fenitoin, prednizolon, propranolol, varfarin bilan mos keladi.

Chiqarish shakli

Qattiq jelatinli kapsulalar. Blisterda 7 ta kapsula. Karton qutida 2 ta blister, qo‘llash bo‘yicha yo‘riqnoma bilan birga.

Saqlash shartlari

Harorati 25 °C dan yuqori bo‘lmagan quruq joyda saqlanadi.

Yaroqlilik muddati

3 yil. Yaroqlilik muddati tugagandan keyin ishlatilmasin.

Ta’til shartlari

Retsept bo‘yicha.

Ishlab chiqaruvchi

WORLD MEDICINE İLACH SAN. VE TİC. A.Sh.

15 Temmuz Mahallesi, Camiyolu Cad. No50 Gunesli / Istanbul - Turkiye.

Tel.: +90 212 474 70 50,

faks: +90 212 474 09 01