Retabolil

Tarkib

Inyeksiya uchun mo‘ljallangan 1 ml moyli eritmada quyidagilar mavjud:

Faol moddasi - nandrolon dekanoat 50,00 mg.

Yordamchi moddalar - benzil spirti, izopropanol, kungaboqar moyi (inyeksiya uchun).

Tavsif

Mexanik aralashmalardan xoli, o‘ziga xos hidli, yashil-sariq rangli tiniq moyli eritma.

Chiqarish shakli

Mushak orasiga yuborish uchun eritma (moyli) 50 mg/ml.

Farmakoterapevtik guruh

Anabolik steroid vosita. Nandrolon. ATX kodi: A14AB01.

Farmakologik xususiyatlari

Farmakodinamika

Retabolil testosteronning sintetik hosilasi, ta’siri uzaytirilgan anabolik preparat (depo-preparat) hisoblanadi. Organizmda oqsil sintezini rag‘batlantiradi, azot, kalsiy, natriy, kaliy, xloridlar va fosforning ushlanib qolishiga olib keladi, bu esa mushak massasining oshishiga va suyak o‘sishining tezlashishiga, organizmda suvning ushlanib qolishiga olib keladi. Androgen faolligi past.

Farmakokinetika

Nandrolon dekanoat inyeksiya joyidan qon oqimiga 6 kun davomida asta-sekin ajralib chiqadi. Qonda efir tezda gidrolizlanib, 1 soatdan kam vaqt oralig‘ida nol-chiqarilish davriga ega bo‘lgan nandrolonga aylanadi. Umuman olganda, gidroliz, taqsimlanish va plazmadan chiqarilishning kombinatsiyalangan jarayoni uchun yarim chiqarilish davri 4,3 soatni tashkil etadi. Buyraklar orqali chiqariladigan metabolitlar 19-norandrosteron, 19-noretioxolanon va 19-norepiaidrosterondir. Ushbu metabolitlarning farmakologik faolligi haqidagi ma’lumotlar noma’lum.

Ko‘rsatmalar

Turli genezli osteoporoz;

turli etiologiyali kaxeksiya;

oqsil almashinuvining buzilishi, organizm resurslarini kamaytiruvchi katabolik jarayonlarning kuchayishi (kuyishlar, jarohatlar, jarrohlik amaliyotlari, nur terapiyasi, og‘ir yuqumli kasalliklar);

operatsiyalar, nur terapiyasi, og‘ir yuqumli kasalliklar

jiddiy kuyishlar, jarohatlar, jarrohlik amaliyotlari, nur terapiyasidan so‘ng, og‘ir yuqumli kasalliklarda oqsil almashinuvining buzilishi;

kuchayib boruvchi mushak distrofiyasi;

Verdnig-Goffmanning kuchayib boruvchi orqa miya amiotrofiyasi;

glomerulomefrit, surunkali buyrak yetishmovchiligi bo‘lgan bemorlarda dasturiy gemodializ;

Qarshi ko‘rsatmalar

Preparatning har qanday tarkibiy qismiga yuqori sezuvchanlik;

homiladorlik, laktatsiya;

nefrotik sindrom;

prostata bezi saratoni;

o‘tkir yoki surunkali prostatit;

erkaklarda ko‘krak bezi saratoni;

jigarning og‘ir shikastlanishi, onkologik bemorlarda jigar yetishmovchiligi yoki jigarga metastazlar;

ko‘krak bezi saratoni (giperkalsiyemiya mavjud bo‘lganda metastazlar bilan);

giperkalsiyemiya (shu jumladan anamnezda).

Ehtiyotkorlik bilan

Yurak, jigar va buyrak yetishmovchiligi, arterial gipertenziya, yaqqol namoyon bo‘lgan ateroskleroz, miokard infarkti (shu jumladan anamnezda), miyada qon aylanishining buzilishi, qandli diabet, prostata bezining gipertrofiyasi, migren, epilepsiya, anamnezda glaukoma (anabolik steroidlar organizmda natriy va suyuqlikning ushlanib qolishiga olib keladi), keksa yosh, talvasalar (shu jumladan anamnezda).

Androgen faolligi tufayli ayollar va bolalarga preparat terapiyaning kutilayotgan samarasi ehtimoliy xavfdan yuqori bo‘lgan taqdirda buyuriladi.

Qo‘llash usuli va dozalari

Preparat mushak orasiga chuqur yuboriladi. Preparatning dozasi individual ravishda belgilanadi. Kattalar uchun o‘rtacha bir martalik doza har 3-4 haftada 25-50 mg ni tashkil etadi. Og‘ir buyrak yetishmovchiligida, shu jumladan uremiya bilan, doza haftasiga 50 mg ni tashkil etadi.

Bolalarga Retabolil har 3-4 haftada tana vazniga 400 mkg/kg dozada buyuriladi.

Nojo‘ya ta’sirlari

Tavsiya etilgan dozalash rejimiga muvofiq Retabolil preparatini qo‘llashda, odatda, nojo‘ya ta’sirlarning namoyon bo‘lishi ehtimoli kam. Dori vositasini uzoq vaqt davomida qo‘llash yoki suiiste’mol qilish natijasida quyidagi nojo‘ya ta’sirlar yuzaga kelishi mumkin:

Har ikkala jinsdagi bemorlarda; ko‘ngil aynishi, qusish, ishtahaning yo‘qolishi, qorinda og‘riq, tilda achishish hissi, jigar funksiyasining sariqlik bilan buzilishi, gepatonekroz (qoramtir axlat, qon aralash qusish, bosh og‘rig‘i, noqulaylik hissi, og‘izdan noxush jigar hidi kelishi), gepatotsellyulyar karsinoma, jigar peliozi (ishtahaning yo‘qolishi, siydikning qorayishi, axlatning rangsizlanishi, eshakemi, og‘iz bo‘shlig‘i va burun terisi hamda shilliq qavatlarida nuqtali yoki makulali gemorragik toshmalar), xolestatik gepatit (sklera va terining sariq rangga bo‘yalishi, o‘ng qovurg‘a ostida og‘riq, siydikning qorayishi, axlatning rangsizlanishi), diareya, oshqozonda to‘lish hissi, meteorizm, libidoning kuchayishi yoki pasayishi, akne (ayniqsa, ayollar va balog‘at yoshidagi o‘g‘il bolalarda). Organizmda azot, natriy va suvning ushlanib qolishi, periferik shishlar, teri qoplamalari vaskulyarizatsiyasining kuchayishi, giperkalsiyemiya (ayniqsa, harakatsiz bemorlarda va sut bezi saratoni metastazlari bo‘lgan ayollarda) kuzatilishi mumkin. Aterosklerozning zo‘rayishi (past zichlikdagi lipoproteinlar konsentratsiyasining ko‘payishi - PZLP va yuqori zichlikdagi lipoproteinlar konsentratsiyasining pasayishi - LG1VG1), temir tanqisligi anemiyasi, leykemoid sindrom (leykoz, uzun naysimon suyaklarda og‘riq, qon ketishga moyillik bilan koagulyatsiya), yog‘ bezlari sekretsiyasining oshishi, titroq, talvasalar, uyquning buzilishi.

Gonadotrop gormonlar sekretsiyasining susayishi.

Ayollarda: virilizatsiya belgilari (girsutizm, alopetsiya, ovoz tembrining qaytmas pasayishi, dis- va amenoreya, tuxumdonlar funksiyasining susayishi, klitorning kattalashishi, steroid husnbuzarlar, yog‘li teri), giperkalsiyemiya (ko‘ngil aynishi, qusish, tez charchash).

Erkaklarda: prepubertat davrda - virilizm (husnbuzar toshmasi, jinsiy olatning kattalashishi, priapizm, ikkilamchi jinsiy belgilarning shakllanishi), terining idiopatik giperpigmentatsiyasi, o‘sishning sekinlashishi yoki to‘xtashi (naysimon suyaklarning epifizar o‘sish zonalarining kalsifikatsiyasi); postpubertat davrda - siydik pufagining ta’sirlanishi (chaqiruvlar sonining ko‘payishi), mastodiniya, ginekomastiya, priapizm, oligospermiya, jinsiy funksiyaning pasayishi; keksa yoshda - prostata bezining giperplaziyasi va/yoki karsinomasi.

Dozani oshirib yuborish

Dozani oshirib yuborish haqida ma’lumotlar yo‘q.

Belgilari: yuqorida tavsiflangan nojo‘ya ta’sirlarning kuchayishi.

Davolash: simptomatik. Maxsus antidot yo‘q.

O‘zaro aloqa

Retabolinni bilvosita ta’sir qiluvchi antiagregantlar va antikoagulyantlar (ularning ta’siri kuchayishi mumkin), gipoglikemik preparatlar (ularning gipoglikemik ta’siri kuchayishi mumkin) fonida ehtiyotkorlik bilan buyurish lozim. Retabolil glyukokortikosteroidlar, tuberkulostatik va sitostatik preparatlar bilan kombinatsiyalangan terapiyada qo‘llanilishi mumkin.

Somatotrop gormon va uning hosilalari ta’sirini susaytiradi (naysimon suyaklarning epifizar o‘sish zonalari mineralizatsiyasini tezlashtiradi). Glyukokortikosteroidlar va mineralokortikoidlar, kortinkotropin, natriy saqlovchi dori vositalari va natriyga boy ovqatlar organizmda suyuqlik ushlanib qolishini (o‘zaro) kuchaytiradi, shishlar rivojlanish xavfini oshiradi, husnbuzar toshmalarining ifodalanishini oshiradi. Gpatotoksik dori vositalari bilan bir vaqtda buyurish jigar funksiyasining buzilish xavfini oshiradi.

Maxsus ko‘rsatmalar

Retabolil bilan davolash fonida optimal terapevtik ta’sirga erishish uchun bemor oziq-ovqat bilan yetarli miqdorda oqsillar, yog‘lar, uglevodlar, vitaminlar va mineral moddalarni qabul qilishi kerak.

Pubertat yoshda Rstabolil yuqori dozalarda qo‘llanganda, o‘sish zonalarining muddatidan oldin yopilishi va o‘sishning to‘xtashi mumkin. Naysimon suyaklarning epifizar o‘sishining tezlashishi bolalarda davolash paytida ham, preparatni qabul qilish to‘xtatilgandan 6 oy o‘tgach ham kuzatilishi mumkin.

Bolalar va o‘smirlarda naysimon suyaklar o‘sishining epifizar zonalari holatini nazorat qilish uchun ularni har 6 oyda rentgenologik tekshirish tavsiya etiladi.

Retabolil bilan davolash vaqtida ko‘z ichidagi bosimni diqqat bilan nazorat qilish kerak.

Davolash jarayonida qondagi kalsiy ionlari, xolesterin (ayniqsa, yurak-qon tomir tizimining yondosh patologiyasi bo‘lgan bemorlarda), gematokrit, gemoglobin, zardobdagi fosfor konsentratsiyasini muntazam nazorat qilish zarur.

Ayrim hollarda preparatni qo‘llash fonida ba’zi funksional jigar sinamalari ko‘rsatkichlarining buzilishi kuzatiladi. Shuning uchun har 4 haftada jigar faoliyatini nazorat qilib turish kerak.

Qandli diabet bilan og‘rigan bemorlarda Retabolil glyukozaga tolerantlikni oshirishi mumkin, bu esa insulin yoki peroral gipoglikemik vositalarga bo‘lgan ehtiyojni kamaytiradi.

Hayz sikli buzilganda va/yoki virilizatsiya belgilari paydo bo‘lganda davolashni to‘xtatish kerak.

Asoratlarning oldini olish uchun faqat shifokor ko‘rsatmasi asosida qo‘llash lozim.

Preparat bilan davolashni boshlashdan oldin va davolash vaqtida prostata bezining o‘lchamini rektal nazorat qilish zarur.

Tarkibida nandrolon bo‘lgan dori vositalarini suiiste’mol qilish (anabolik vosita sifatida yuqori dozalarda qo‘llanilganda) endokrin, metabolik va ruhiy buzilishlarni keltirib chiqarishi mumkin.

Atletik sifatlarni rag‘batlantirish maqsadida anabolik steroidlarni qo‘llash sog‘liqqa jiddiy zarar yetkazishi mumkin va bunga yo‘l qo‘yib bo‘lmaydi!

Retabolil eritmasi sovuq ta’sirida loyqalanishi mumkin. Bu holda preparat solingan ampulani ishlatishdan oldin kristallar eriguncha qizdirish kerak.

Transport vositalari va mexanizmlarini boshqarish qobiliyatiga ta’siri

Avtotransportni boshqarish va shikastlanish xavfi yuqori bo‘lgan ishlarni bajarish qobiliyatiga ta’sir ko‘rsatmaydi.

Qadoq

Tarkibida 50 mg nandrolon dekanoat bo‘lgan mushak orasiga yuborish uchun 1 ml eritma (moyli), sinish nuqtasi ko‘k rangli, 1-gidrolitik sinfga mansub rangsiz shishadan yasalgan ampulada. 1 ta ampula plastik taglikda. 1 ta plastik taglik karton qutida qo‘llash bo‘yicha yo‘riqnoma bilan birga.

Saqlash shartlari

B ro‘yxati. 15-25 °C haroratda, yorug‘lik tushmaydigan joyda.

Bolalar qo‘li yetmaydigan joyda saqlang!

Yaroqlilik muddati

5 yil.

Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

GEDEON RIXTER OAJ Vengriya.

Ishlab chiqaruvchi

GEDEON RICHTER LTD Vengriya.