Trisol

1 мл эритма қуйидагиларни сақлайди:

фаол моддалар: натрий хлориди - 5 мг, калий хлориди - 1 мг, натрий гидрокарбонати - 4 мг;

ёрдамчи модда: инъекция учун сув 1 мл гача.

Рангсиз, тиниқ эритма.

Инфузия учун эритма.

Тузли эритмалар.

Препарат гиповолемияни камайтириб, гемодинамик таъсир кўрсатади, қонни қуюқлашишига ва метаболик ацидозни ривожланишига тўсқинлик қилади, капилляр қон айланишини яхшилайди, диурезни кучайтиради ва дезинтоксикацион таъсир кўрсатади.

Турли касалликларда (ўткир дизентерия, овқат токсикоинфекциялари ва бошқаларда), шу жумладан вабода (Эл-Тор) пайдо бўладиган организмнинг дегидратацияси ва интоксикациясида қўлланади.

Эритмани юборишдан олдин +36-38 °С гача иситилади. Препарат вена ичига (оқим билан ёки томчилаб) ахлат, қусиқ массалари, сийдик ва тер билан йўқотилган суюқлик ҳажмини тиклаш учун етарли бўлган миқдорда юборилади. Касалликнинг оғир шаклларида (гиповолемик, инфекцион-токсик шок, ноадекват капилляр перфузия, декомпенсацияланган метаболик ацидоз, анурия) беморнинг тана вазнига нисбатан 7-10% миқдорда 1 соат давомида оқим билан юборишдан бошланади, кейин минутига 40-120 томчи тезликда 24-48 соат давомида томчилаб юборишга ўтилади.

Касалликнинг енгилроқ шаклларида (организмнинг интоксикацияси ва сувсизланиши, метаболик ацидоз, олигурия) препаратни томчилаб юбориш билан чекланиш мумкин.

Препаратни қўллаш гематокрит ва қондаги электролитлар концентрациясининг назорати остида ўтказилади. Юборилган ва йўқотилган суюқликнинг мувозонати ҳар 6 соатда аниқланади.

Гиперкалиемия ривожланиши мумкин, бундай ҳолларда электролит мувозонати меъёрлашгунича препаратни Дисоль эритмаси билан алмаштирилади. Ҳаддан зиёд тез юборилганида - кескин тахикардия, ҳансираш, гипертермия ва терининг қизариши ривожланиши мумкин.

Гиперкалиемия, гипергидратация ҳолати, ўпка, бош мия шиши хавфи, яққол юрак-ўпка декомпенсацияси, буйрак етишмовчилиги, препарат компонентларига юқори сезувчанликда қўллаш мумкин эмас.

Дори воситалари билан аралаштирилганида визуал мутаносибликни назорат қилиш зарур, чунки терапевтик номутаносиблик бўлиши мумкин.

Буйракларнинг ажратиб чиқариш функцияси бузилган беморларда, гипокалиемияда препаратнинг катта ҳажмларини эҳтиёткорлик билан қўллаш керак. Узоқ вақт қўлланганда плазмада электролитларнинг концентрациясини ва суткалик диурезни назорат қилиш зарур.

Гиперкалиемия ривожланганда электролит мувозанати меъёрлашгунгача Трисоль эритмасини Дисоль препаратга алмаштирилади.

Препарат болалар ололмайдиган жойда сақлансин ва уни яроқлилик муддати ўтганидан кейин қўлланилмасин.

Инфузия учун эритма 100 мл, 200 мл, 250 мл, 400 мл ва 500 мл дан, шиша бутилкаларда ёки полипропилен флаконларда.

+25 °С дан юқори бўлмаган ҳароратда сақлансин.

2 йил.

Рецепт бўйича.

MERRYMED FARM, Ўзбекистон Республикаси.