Tsetil

Tarkib

1 ta tabletka tarkibida quyidagilar mavjud:

ta’sir etuvchi modda: sefuroksim aksetil sefuroksimga qayta hisoblaganda 250 mg yoki 500 mg;

yordamchi moddalar: mikrokristallik sellyuloza, natriy laurilsulfat, natriy krosskarmelloza, gidrogenlangan o‘simlik moyi, kolloid kremniy dioksidi, gidroksipropilmetilsellyuloza, polietilenglikol 4000, propilenglikol, titan dioksidi (E 171), talk.

Tavsif

Oq yoki deyarli oq rangli ikki tomonlama qavariq tabletkalar, bir tomoni kertikli qobiq bilan qoplangan, ikkinchi tomonida esa "LUPIN" yozuvi bor.

Dori shakli

Qobiq bilan qoplangan tabletkalar.

Farmakologik guruh

Tizimli qo‘llash uchun mikroblarga qarshi vositalar. Beta-laktam antibiotiklar.

Farmakologik xususiyatlari

Farmakodinamika

Sefuroksima aksetil - bakteriotsid sefalosporin antibiotik sefuroksimning og‘iz orqali qabul qilinadigan shakli bo‘lib, u ko‘pchilik beta-laktamazalar ta’siriga chidamli va keng ko‘lamli grammusbat va grammanfiy mikroorganizmlarga qarshi faol hisoblanadi.

Sefuroksimning bakteritsid ta’siri mikroorganizmlarning hujayra qobig‘i sintezini susaytirishi bilan bog‘liq.

Antibiotikka orttirilgan chidamlilik turli hududlarda farq qiladi va vaqt o‘tishi bilan o‘zgarishi mumkin, ayrim shtammlar uchun esa sezilarli darajada farq qilishi mumkin. Agar mavjud bo‘lsa, antibiotikka sezuvchanlik bo‘yicha mahalliy ma’lumotlarga murojaat qilish maqsadga muvofiq, ayniqsa og‘ir infeksiyalarni davolashda.

Sefuroksim quyidagi mikroorganizmlarga nisbatan yuqori faollikka ega:

Grammanfiy aerob: Haemophilus influenzae (shu jumladan ampitsillinga chidamli shtammlar), Naemophilus parainfluenzae, Moraxella (Branhamella) catarrhalis, Neisseria gonorrhoeae (shu jumladan penitsillinaza ishlab chiqaruvchi shtammlar va penitsillinaza ishlab chiqarmaydigan shtammlar), Escherichia coli, Klebsiella spp., Proteus mirabilis, Providencia spp., Proteusettgeri.

Gram-musbat aeroblar: Staphylococcus aureus (metitsillinga sezgir shtammlar) va koagulaza-manfiy stafilokokklar (metitsillinga sezgir shtammlar), Streptococcus pyogenes (va boshqa beta-gemolitik streptokokklar), Streptococcus pneumoniae, B guruhidagi Streptococcus (Streptococcus agalactiae).

Anaeroblar: grammusbat va grammanfiy kokklar (jumladan, Peptococcus va Peptostreptococcus turlari), grammusbat bakteriyalar (jumladan, Clostridium turlari) va grammanfiy bakteriyalar (jumladan, Bacteroides va Fusobacterium turlari), Propionibacterium spp.

Boshqa mikroorganizmlar: Vorrelia burgdorferi

Sefuroksimga sezgir bo‘lmagan mikroorganizmlar: Slostridium difficile, Pseudomonas spp., Campylobacter spp., Acinetobacter calcoaceticus, Listeria monocytogenes, metitsillinga sezgir bo‘lmagan shtammlar Staphylococcus aureus va Staphylococcus epidermidis, Legionella spp.

Quyidagi mikroorganizmlarning ba’zi shtammlari sefuroksimga sezgir emas: Enterococcus (Streptococcus) faecalis, Morganella morganii, Proteus vulgaris, Enterobacter spp., Citrobacter spp., Serratia spp., Vacteroides fragilis.

Farmakokinetika

Sefuroksim og‘iz orqali qo‘llangandan so‘ng, aksetil ichakda so‘riladi, shilliq qavatda gidrolizga uchraydi va sefuroksim ko‘rinishida qon oqimiga o‘tadi.

Absorbsiyaning optimal darajasi ovqat iste’mol qilingandan so‘ng darhol kuzatiladi. Sefuroksimning qon zardobidagi maksimal darajasi preparat qabul qilingandan taxminan 2-3 soat o‘tgach kuzatiladi.Yarim chiqarilish davri taxminan 1-1,5 soatni tashkil etadi. Oqsillar bilan bog‘lanish darajasi aniqlash usuliga qarab 33-55% ni tashkil etadi. Sefuroksim buyraklar tomonidan o‘zgarmagan holda kanalchalar sekretsiyasi va koptokchalar filtratsiyasi orqali ajraladi.

Probenesidni bir vaqtning o‘zida qo‘llash qon zardobidagi o‘rtacha konsentratsiya egri chizig‘i ostidagi maydonni 50% ga oshiradi.

Qon zardobidagi sefuroksim miqdori dializ tufayli kamayadi.

Ko‘rsatmalar

Preparatga sezgir mikroorganizmlar keltirib chiqaradigan infeksiyalarni davolash:

LOR a’zolari: o‘rta otit, sinusit, tonzillit, faringit;

nafas yo‘llari infeksiyalari: pnevmoniya, o‘tkir bronxit va surunkali bronxitning kuchayishi;

siydik yo‘llari infeksiyalari: piyelonefrit, sistit va uretrit;

teri va yumshoq to‘qimalar infeksiyalari: furunkulyoz, piodermiya va impetigo;

so‘zak, o‘tkir asoratlanmagan gonokokkli uretrit va servitsit;

kattalar va 12 yoshdan oshgan bolalarda Laym kasalligining erta belgilarini davolash va keyinchalik Laym kasalligining kechki belgilarining oldini olish.

Qo‘llash usuli va dozalari

Antibiotiklarga sezuvchanlik mintaqaga qarab o‘zgaradi va vaqt o‘tishi bilan o‘zgarishi mumkin.Zarurat tug‘ilganda, antibiotiklarga sezuvchanlik bo‘yicha mahalliy ma’lumotlarga murojaat qilish lozim.

Odatda davolash davomiyligi 7 kunni tashkil etadi.

Preparat yaxshi hazm bo‘lishi uchun uni ovqatdan keyin qabul qilish tavsiya etiladi.

Kattalar:

aksariyat infeksiyalar - 250 mg dan kuniga 2 marta;

siydik yo‘llari infeksiyalari - 125 mg dan kuniga 2 marta;

nafas yo‘llarining o‘rta og‘ir darajadagi infeksiyalari (bronxitlar) - 250 mg dan kuniga 2 marta;

nafas yo‘llarining og‘irroq infeksiyalari yoki pnevmoniyaga shubha bo‘lganda - kuniga 2 marta 500 mg dan;

piyelonefrit - 250 mg dan kuniga 2 marta;

asoratsiz so‘zak - bir marta 1 g preparat;

kattalar va 12 yoshdan oshgan bolalarda Laym kasalligi - 500 mg dan kuniga 2 marta 20 kun davomida.

Sefuroksim parenteral qo‘llash uchun natriy tuzi ko‘rinishida ham chiqariladi. Bu, agar klinik ko‘rsatmalar mavjud bo‘lsa, parenteral yuborishdan peroral yuborishga o‘tishda bitta antibiotik bilan ketma-ket terapiyani o‘tkazish imkonini beradi.

Sefuroksim aksetil oldingi sefuroksim natriyni parenteral qo‘llashdan keyin pnevmoniya va surunkali bronxit xurujlarini ketma-ket davolashda samarali hisoblanadi.

Ketma-ket terapiya

Pnevmoniya 1,5 g sefuroksim sutkasiga 2-3 marta (vena ichiga yoki mushak ichiga) 48-72 soat davomida, so‘ngra setil 500 mg dan sutkasiga 2 marta 7 kun davomida qo‘llaniladi.

Surunkali bronxitning qo‘zishi: 750 mg sefuroksim sutkasiga 2-3 marta (vena ichiga yoki mushak orasiga) 48-72 soat davomida, so‘ngra setil 500 mg sutkasiga 2 marta 5-7 kun davomida qo‘llaniladi.

Ham parenteral, ham peroral davolashning davomiyligi infeksiyaning og‘irligi va bemorning holatini hisobga olgan holda belgilanadi.

Bolalar

Odatdagi doza 125 mg (tegishli dori shakli va dozada qo‘llaniladi) yoki tana vazniga 10 mg/kg sutkada 2 marta (maksimal sutkalik doza 250 mg). 2 yoshgacha bo‘lgan bolalarda o‘rta otitni davolash uchun preparat 125 mg dozada (tegishli dori shakli va dozada qo‘llaniladi) yoki tana vazniga 10 mg/kg sutkada 2 marta (maksimal sutkalik doza 250 mg), 2 yoshdan oshgan bolalarga - 250 mg yoki tana vazniga 15 mg/kg sutkada 2 marta (maksimal sutkalik doza 500 mg) buyuriladi. Preparatni 3 oygacha bo‘lgan bolalarda qo‘llash tajribasi yo‘q.

2 yoshgacha bo‘lgan bolalarga sefuroksim aksetilni suspenziya shaklida buyurish tavsiya etiladi.

Keksa yoshdagi bemorlar va buyrak yetishmovchiligi bo‘lgan bemorlar

Bemorlarning bu guruhi uchun maxsus shartlar mavjud emas. Odatdagi dozalar qo‘llaniladi, maksimal - kuniga 1 g.

Buyrak yetishmovchiligi bo‘lgan bemorlar

Sefuroksim buyraklar orqali chiqariladi. Buyrak faoliyati yaqqol buzilgan bemorlarda sefuroksimning sekin chiqarilishini kompensatsiya qilish uchun uning dozasini kamaytirish tavsiya etiladi (quyidagi jadvalga qarang).

KK T1 / 2 (soat) Tavsiya etilgan doza

30 ml / daq. 1,4-2,4 Dozani o‘zgartirish talab etilmaydi (standart doza 125 mg dan 500 mg gacha kuniga 2 marta qo‘llaniladi)

10-29 ml/daq. 4,6 Standart individual doza har 24 soatda

< 10 ml/daq. 16,8 Standart individual doza har 48 soatda

Gemodializ davomida 2-4 Har bir dializdan so‘ng bitta qo‘shimcha standart doza qo‘llanilishi lozim.

Salbiy ta’sirlar

Sefuroksim aksetil qo‘llanilgandagi nojo‘ya ta’sirlar odatda o‘rtacha ifodalangan bo‘lib, asosan qaytar xarakterga ega.

Infeksiyalar va invaziyalar: Candida ning haddan tashqari ko‘payishi.

Qon tomonidan: eozinofiliya, Kumbs testi musbat, trombotsitopeniya, leykopeniya (ba’zan chuqur), gemolitik anemiya.

Sefalosporinlar sinf sifatida eritrotsitlar membranasi yuzasida absorbsiyalanish va antitelolar bilan o‘zaro ta’sirlashish xususiyatiga ega bo‘lib, bu Kumbs sinamasining musbat bo‘lishiga (qonning mosligini aniqlashga ta’siri) va gemolitik kamqonlikka olib kelishi mumkin.

Immun tizimi tomonidan: g. Yuqori sezuvchanlik reaksiyasi, jumladan teri toshmalari, eshakemi, qichishish, dori isitmasi, zardob kasalligi, anafilaksiyalar

Asab tizimi tomonidan: bosh og‘rig‘i, bosh aylanishi.

Ovqat hazm qilish tizimi tomonidan: gastroenterologik buzilishlar, jumladan diareya, ko‘ngil aynishi, qorin og‘rig‘i, qusish, psevdomembranoz kolit ("Qo‘llash xususiyatlari" bo‘limiga qarang).

Ovqat hazm qilish tizimi tomonidan: jigar fermentlari (ALT, AST, LDG) darajasining vaqtinchalik oshishi, sariqlik (asosan xolestatik), gepatit.

Teri va teri osti kletchatkasi tomonidan: polimorf eritema, Stivens-Jonson sindromi, toksik epidermal nekroliz (ekzantematoz nekroliz).

Qarshi ko‘rsatmalar

Sefalosporin antibiotiklariga yuqori sezuvchanlik.

Dozani oshirib yuborish

Sefalosporinlarning dozasini oshirib yuborish bosh miyaning ta’sirlanishini keltirib chiqarishi mumkin, bu esa tutqanoq paydo bo‘lishiga olib kelishi mumkin.

Qon zardobidagi sefuroksim miqdori gemodializ va peritoneal dializ orqali kamaytirilishi mumkin.

Qo‘llash xususiyatlari

Penitsillinlar yoki boshqa beta-laktam antibiotiklariga allergik reaksiyasi bo‘lgan bemorlarga alohida ehtiyotkorlik bilan buyuriladi.

Sefuroksimni qo‘llash (boshqa antibiotiklar kabi) Candida ning haddan tashqari ko‘payishiga olib kelishi mumkin. Uzoq vaqt qo‘llash boshqa sezgir bo‘lmagan mikroorganizmlarning (masalan, Enterococci, Clostridium difficile) haddan tashqari ko‘payishiga olib kelishi mumkin, bu esa o‘z navbatida davolashni to‘xtatishni talab qilishi mumkin.

Keng ta’sir doirasiga ega antibiotiklar qo‘llanganda psevdomembranoz kolit rivojlanishi mumkin, u yengil shakldan hayot uchun xavfli holatgacha namoyon bo‘lishi mumkin. Shuning uchun, agar bemorlarda antibakterial terapiya paytida yoki undan keyin og‘ir ich ketishi kuzatilsa, buni yodda tutish muhimdir. Agar uzoq davom etadigan yoki yaqqol ifodalangan ich ketishi paydo bo‘lsa yoki bemor qorinda keskin to‘lg‘oqsimon og‘riqni his qilsa, davolash darhol to‘xtatilishi va bemor sinchiklab tekshirilishi lozim.

Laym kasalligini sefuroksim bilan davolash vaqtida Yaris-Gerksgeymer reaksiyasi kuzatilgan. U bevosita sefuroksimning Laym kasalligini keltirib chiqaradigan mikroorganizm - Borrelia burgdorferi spiroxetasiga bakteritsid ta’siri orqali yuzaga keladi. Bemorlarga bu Laym kasalligini antibiotiklar bilan davolashning odatiy oqibati ekanligini va davolanmasdan o‘tib ketishini tushuntirish kerak.

Ketma-ket terapiya o‘tkazilganda, sefuroksimning parenteral terapiyasidan peroral terapiyaga o‘tish vaqti infeksiyaning og‘irligi, bemorning klinik holati va patogen mikroorganizmning sezuvchanligi bilan belgilanadi. 72 soat ichida klinik yaxshilanish kuzatilmasa, sefuroksim bilan parenteral davolashni davom ettirish lozim. Ketma-ket davolashni boshlashdan oldin sefuroksim natriyni qo‘llash bo‘yicha tegishli yo‘riqnoma bilan tanishib chiqish lozim.

Homiladorlik va emizish davrida qo‘llash

Homiladorlik

Sefuroksim aksetilning embriopatik yoki teratogen ta’siri to‘g‘risida eksperimental dalillar yo‘q, lekin uni homiladorlikning birinchi oylarida ehtiyotkorlik bilan buyurish kerak.

Emizish

Sefuroksim ona sutiga o‘tadi, shuning uchun emizish davrida preparatni ehtiyotkorlik bilan qo‘llash lozim.

Bolalar

2 yoshgacha bo‘lgan bolalarga sefuroksim aksetilni suspenziya shaklida buyurish tavsiya etiladi. Preparatni 3 oygacha bo‘lgan bolalarda qo‘llash tajribasi yo‘q.

Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati

Preparat bosh aylanishini keltirib chiqarishi mumkinligi sababli, bemorlarni avtomobilni boshqarish va boshqa mexanizmlar bilan ehtiyotkorlik bilan ishlash kerakligi haqida ogohlantirish lozim.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

Me’da shirasining kislotaliligini kamaytiruvchi preparatlar sefuroksim-aksetilning biosinguvchanligini kamaytirishi mumkin va ovqat iste’mol qilgandan so‘ng yaxshilangan so‘rilish ta’sirini yo‘qotish xususiyatiga ega.

Boshqa antibiotiklar singari Setil ham ichak florasiga ta’sir ko‘rsatishi mumkin, bu esa estrogenlar reabsorbsiyasining kamayishiga va kombinatsiyalangan peroral kontratseptivlar samaradorligining pasayishiga olib keladi.

Ferrosianid testida soxta manfiy natija kuzatilishi mumkinligi sababli, sefuroksim aksetil bilan davolanayotgan bemorlarda qondagi va qon plazmasidagi glyukoza miqdorini aniqlash uchun glyukozooksidaza yoki geksokinaza usullaridan foydalanish tavsiya etiladi.Sefuroksim kreatininni aniqlashning ishqoriy-pikrat tahliliga ta’sir qilmaydi.

Probenitsid bilan birgalikda qo‘llash qon zardobidagi "konsentratsiya-vaqt" egri chizig‘i ostidagi maydonni 50% ga oshiradi. Qon zardobidagi sefuroksim miqdori dializ yordamida kamaytiriladi.

Sefalosporinlar bilan davolashda Kumbs testi ijobiy natija berganligi haqida xabarlar mavjud. Bu hodisa qonning o‘zaro mosligini aniqlash sinamasiga ta’sir qilishi mumkin.

Yaroqlilik muddati

3 yil.

Saqlash shartlari

Asl qadoqda 25 °C dan yuqori bo‘lmagan haroratda saqlanadi. Bolalar qo‘li yetmaydigan joyda saqlang.

Chiqarish shakli

Blisterda 10 tadan tabletka, karton o‘ramda 1 tadan blister.

Ta’til shartlari

Retsept bo‘yicha.

Ishlab chiqaruvchi

Concept Pharmaceuticals Ltd, Hindiston, ishlab chiqarilgan: Lupin Ltd.