Siklotil

Tarkib

Plyonkali qobiq bilan qoplangan 1 ta tabletka quyidagilarni o‘z ichiga oladi:

faol modda: Valasiklovir (valasiklovir gidroxlorid ko‘rinishida) - 1000 mg;

yordamchi moddalar: mikrokristall sellyuloza, laktoza, povidon K-30, izopropil spirti, magniy stearat, talk, natriy krosskarmelloza;

qobiq: gidroksipropilmetilsellyuloza (E-15), propilenglikol, titan dioksidi, izopropil spirti, metilen xlorid.

Tavsif

Oq rangli pardali qobiq bilan qoplangan, bir tomonida ajratuvchi chizig‘i bo‘lgan cho‘zinchoq, ikki tomoni qavariq tabletkalar.

Dori shakli

Plyonkali qobiq bilan qoplangan tabletkalar.

Farmakoterapevtik guruh

Virusga qarshi vosita. ATX kodi: J05AB11.

Farmakologik xususiyatlari

Farmakodinamika

Valasiklovir virusga qarshi vosita bo‘lib, atsiklovirning L-valinli murakkab efiridir. Odam organizmida Valasiklovir Valasiklovirgidrolaza fermenti ta’sirida tez va to‘liq atsiklovir hamda L-valinga aylanadi. Fosforlanishning birinchi bosqichi virusga xos fermentlar ishtirokida sodir bo‘ladi. Herpes simplex, Varicella zoster va Epshteyn-Barr viruslari uchun bunday ferment virusli timidinkinaza bo‘lib, u virus bilan zararlangan hujayralarda mavjud. Fosforillanishning qisman selektivligi SMVda saqlanib qoladi va UL97 fosfotransferaza geni mahsuloti orqali vositachilik qilinadi. Atsiklovirning spetsifik virusli ferment bilan faollashishi ko‘p jihatdan uning selektivligini tushuntiradi. Atsiklovirning fosforlanish jarayoni (mono- dan trifosfatga aylanishi) hujayra kinazalari bilan yakunlanadi. Atsiklovir trifosfat virus DNK-polimerazasini raqobatli ingibirlaydi va nukleozidning analogi sifatida virus DNKsiga joylashadi, bu esa zanjirning majburiy (to‘liq) uzilishiga, DNK sintezining to‘xtashiga va shuning uchun virus replikatsiyasining bloklanishiga olib keladi.

Immuniteti saqlangan bemorlarda valatsiklovirga sezuvchanligi pasaygan Herpes simplex va Varicella zoster viruslari juda kam (0,1% dan kam) uchraydi, lekin ba’zida immunitetining og‘ir buzilishlari bo‘lgan bemorlarda, masalan, suyak iligi transplantati bilan, xavfli o‘smalar uchun kimyoterapiya olayotganlarda va odam immunitet tanqisligi virusi (OIV) bilan kasallanganlarda aniqlanishi mumkin.

Rezistentlik timidinkinaza yetishmasligidan kelib chiqadi, bu esa virusning xo‘jayin organizmida haddan tashqari tarqalishiga olib keladi. Ba’zan atsiklovirga sezuvchanlikning pasayishi virus timidinkinazasi yoki DNK-polimeraza strukturasining buzilishi bilan virus shtammlarining paydo bo‘lishiga bog‘liq. Bu xil viruslarning virulentligi uning yovvoyi shtammiga o‘xshaydi.

Farmakokinetika

So‘rish

Ichga qabul qilingandan so‘ng valatsiklovir oshqozon-ichak traktidan (OIT) yaxshi so‘riladi, tez va deyarli to‘liq atsiklovir hamda L-valinga aylanadi. Bu o‘zgarish jigar fermenti - valatsiklovirgidralaza tomonidan katalizlanadi. 0,25-2 g valatsiklovir bir marta qabul qilingandan so‘ng, buyrak faoliyati normal bo‘lgan sog‘lom ko‘ngillilarda atsiklovirning qon plazmasidagi maksimal konsentratsiyasi (Smax) o‘rtacha 10-37 mkmol/l (2,2-8,3 mkg/ml), o‘rtacha Tmax esa 1-2 soatni tashkil etadi.

Valasiklovir 1 g dan boshlab qabul qilinganda atsiklovirning biosinguvchanligi 54% ni tashkil etadi va u ovqat qabul qilishga bog‘liq emas.

Plazmada valatsiklovirning Cmax miqdori atsiklovir konsentratsiyasining atigi 4% ini tashkil etadi va preparat qabul qilingandan so‘ng o‘rtacha 30-100 daqiqa o‘tgach erishiladi; plazmadagi valatsiklovirning miqdoriy aniqlash chegarasiga 3 soat o‘tgach yoki undan oldinroq erishiladi.

Valatsiklovir va atsiklovir ichga qabul qilingandan so‘ng o‘xshash farmakokinetik ko‘rsatkichlarga ega.

Taqsimlash

Valatsiklovirning plazma oqsillari bilan bog‘lanish darajasi juda past - taxminan 15%.

Chiqarish

Buyrak faoliyati normal bo‘lgan bemorlarda atsiklovirning bir martalik dozasi va takroriy qo‘llanilishidan keyingi yarim chiqarilish davri (T1/2) taxminan 3 soatni tashkil etadi. Valasiklovir asosan atsiklovir (80% dan ortiq) va uning metaboliti 9-karboksimetoksimetilguanin ko‘rinishida siydik bilan chiqariladi, o‘zgarmagan holda preparatning 1% dan kamrog‘i chiqariladi.

Maxsus klinik holatlarda farmakokinetika

Buyrak yetishmovchiligining terminal bosqichi bo‘lgan bemorlarda T1/2 atsiklovir taxminan 14 soatni tashkil etadi.

Atsiklovir farmakokinetikasi Herpes simplex va Varicella zoster viruslari bilan zararlangan bemorlarda sezilarli darajada buzilmaydi.

Valasiklovirning asosiy metaboliti bo‘lgan atsiklovir ko‘krak suti bilan chiqariladi. Valasiklovir 500 mg Cmax dozada ichishga buyurilgandan so‘ng, ona sutida atsiklovir uning ona plazmasidagi tegishli konsentratsiyasidan 0,5-2,3 baravar (o‘rtacha 1,4 baravar) yuqori bo‘ldi. Ko‘krak sutidagi atsiklovir AUC ning ona plazmasidagi atsiklovir AUC ga nisbati 1,4-2,6 (o‘rtacha 2,2) ni tashkil etdi. Ko‘krak sutidagi atsiklovir konsentratsiyasining o‘rtacha qiymati - 2,24 mkg/ml. Preparat onasiga kuniga 2 mahal 500 mg dozada buyurilganda, bolaga atsiklovir taxminan 0,61 mg/kg/kun dozada ichilgandagi kabi ta’sir ko‘rsatadi. Ko‘krak sutidagi atsiklovirning T1/2 miqdori qon plazmasidagi bilan bir xil. Valatsiklovir o‘zgarmagan holda ona plazmasida, ko‘krak sutida yoki bolaning siydigida aniqlanmaydi.

Homiladorlikning kechki muddatlarida 1 g valatsiklovir qabul qilingandan so‘ng AUC ning barqaror sutkalik ko‘rsatkichi, atsiklovirni kuniga 1,2 g dozada qabul qilinganga nisbatan taxminan 2 baravar yuqori bo‘ldi.

Preparatni 1 g va 2 g dozada qabul qilish OIV bilan kasallangan bemorlarda sog‘lom shaxslarga nisbatan Valasiklovirning taqsimlanishi va farmakokinetik ko‘rsatkichlarini buzmaydi.

Preparatni sutkasiga 4 marta 2 g dozada qabul qiluvchi a’zolar transplantati retsipiyentlarida atsiklovirning Cmax ko‘rsatkichi preparatning xuddi shunday dozasini qabul qiluvchi sog‘lom ko‘ngillilarnikiga teng yoki undan yuqori bo‘lib, ularda sutkalik AUC ko‘rsatkichlari sezilarli darajada yuqori.

Ko‘rsatmalar

Kattalar va o‘smirlar (12 yoshdan boshlab)

oddiy gerpes virusi keltirib chiqargan teri va shilliq qavat infeksiyalarining qaytalanishini (shu jumladan, birinchi marta aniqlangan va qaytalanuvchi genital gerpesni) davolash va oldini olish;

lab gerpesini davolash;

oddiy gerpes qaytalanishining birinchi alomatlari paydo bo‘lishiga qarab qo‘llanilganda toshmalar rivojlanishining oldini olish;

a’zolarni ko‘chirib o‘tkazishda yuzaga keladigan sitomegalovirus infeksiyasining oldini olish (buyrak ko‘chirib o‘tkazilgan bemorlarda transplantatni o‘tkir rad etish reaksiyasining yaqqolligini, kattalar va 12 yoshdan oshgan bolalarda opportunistik infeksiyalar hamda Herpes simplex va Varicella zoster viruslari keltirib chiqaradigan boshqa virusli infeksiyalarning rivojlanishini kamaytiradi).

Kattalar

belbog‘simon gerpesni davolash;

supressiv terapiya sifatida xavfsiz jinsiy aloqa bilan birgalikda qabul qilinganda, genital gerpesning sog‘lom sherikka yuqishining oldini olish.

Qo‘llash usuli va dozalari

Ichga, ovqatlanishdan qat’i nazar, suv bilan ichiladi.

Kattalar

Belbog‘simon gerpes - tavsiya etilgan doza 1000 mg dan kuniga 3 marta, 7 kun davomida.

Oddiy gerpes - epizodni davolash uchun tavsiya etilgan doza kuniga 1 marta 1000 mg yoki 5 kun davomida kuniga 2 marta 500 mg ni tashkil etadi.

Kasallik qaytalansa, davolash 3 yoki 5 kun davomida olib borilishi kerak. Kasallik boshlanishining og‘irroq holatlarida davolashni iloji boricha ertaroq boshlash kerak, uning davomiyligi esa 5 kundan 10 kungacha uzaytirilishi mumkin. JTPG retsidivlarida preparatni prodromal davrda buyurish ideal hisoblanadi. Terapiya lab gerpesining eng erta belgilari (ya’ni chimchilash, qichishish, achishish) paydo bo‘lganda boshlanishi kerak. Lab gerpesini davolash uchun preparatni 2 g dozada 1 kun davomida 2 marta buyurish samarali: ikkinchi doza birinchi dozadan taxminan 12 soat o‘tgach (lekin 6 soatdan oldin emas) qabul qilinishi kerak (mazkur dozalash tartibini 1 kundan ortiq qo‘llamang, chunki ko‘rsatilganidek, bu qo‘shimcha klinik afzalliklar bermaydi).

Nojo‘ya reaksiyalar asosiy tizimlar va a’zolar bo‘yicha tasnifga muvofiq quyida keltirilgan va uchrash chastotasi quyidagicha aniqlangan: juda tez-tez (≥ 1/10); tez-tez (≥ 1/100 va < 1/10); tez-tez emas (≥ 1/1000 va < 1/100); kamdan-kam (≥ 1/10000 va < 1/1000); juda kamdan-kam (< 1/10000).

Ko‘pincha: bosh og‘rig‘i, ko‘ngil aynishi.

Kamdan-kam: hansirash, toshmalar, shu jumladan fotosezgirlik ko‘rinishlari.

Kamdan-kam hollarda: bosh aylanishi, ongning chalkashishi, gallyutsinatsiyalar, aqliy qobiliyatlarning pasayishi; qorinda noqulaylik, qusish, diareya; qichishish; buyrak faoliyatining buzilishi.

Juda kam hollarda: leykopeniya, trombotsitopeniya.

Asosan, leykopeniya immuniteti pasaygan bemorlarda qayd etilgan; anafilaksiya; qo‘zg‘alish, tremor, harakat koordinatsiyasining buzilishi, dizartriya, psixotik simptomlar, talvasalar, ensefalopatiya, koma; ba’zan gepatit ko‘rinishlari sifatida baholanadigan funksional jigar testlarining qaytar buzilishlari; eshakem, angionevrotik shish; o‘tkir buyrak yetishmovchiligi.

Yuqorida sanab o‘tilgan alomatlar qaytuvchan bo‘lib, odatda buyrak faoliyati buzilgan yoki boshqa moyillik holatlari mavjud bo‘lgan bemorlarda kuzatiladi.

SMV infeksiyasining oldini olish uchun valatsiklovirning yuqori dozalarini (kuniga 8 g) qabul qilgan a’zosi ko‘chirib o‘tkazilgan bemorlarda nevrologik reaksiyalar pastroq dozalarni qabul qilganlarga qaraganda tez-tez rivojlanadi.

Boshqalar: immunitetining og‘ir buzilishlari bo‘lgan bemorlarda, ayniqsa OIV infeksiyasining uzoq bosqichiga kirgan, uzoq vaqt davomida valatsiklovirning yuqori dozalarini (har kuni 8 g) qabul qiluvchi katta yoshli bemorlarda buyrak yetishmovchiligi, mikroangiopatik gemolitik anemiya va trombotsitopeniya (ba’zan birgalikda) holatlari kuzatilgan.

Bunday asoratlar xuddi shu asosiy va/yoki yondosh kasalliklari bo‘lgan, ammo Valasiklovir qabul qilmagan bemorlarda qayd etilgan.

Qarshi ko‘rsatmalar

valatsiklovir, atsiklovir yoki preparatning boshqa har qanday komponentiga yuqori sezuvchanlik;

transplantatsiyadan keyin SMV infeksiyasining oldini olishda 12 yoshgacha bo‘lgan bolalar.

Ehtiyotkorlik bilan: buyrak yetishmovchiligi bo‘lgan bemorlar; SD4+ limfotsitlar miqdori 100/mkl dan kam bo‘lgan OIV infeksiyasining klinik ifodalangan shakllari bo‘lgan bemorlar; bir vaqtning o‘zida nefrotoksik DV qabul qilish.

Dozani oshirib yuborish

Hozirgi vaqtda preparat dozasini oshirib yuborish bo‘yicha ma’lumotlar yetarli emas.

Simptomlari: Atsiklovirning oshqozon-ichak yo‘lidan qisman so‘rilgan 20 g gacha bo‘lgan ortiqcha dozada bir marta qabul qilinishi preparatning toksik ta’siri bilan kechmadi. Atsiklovir bir necha kun davomida o‘ta yuqori dozalarda ichilganda ko‘ngil aynishi, qusish, bosh og‘rig‘i, ongning chalkashligi rivojlangan; v/i yuborilganda - qon zardobidagi kreatinin konsentratsiyasining oshishi, buyrak yetishmovchiligining rivojlanishi, ongning chalkashligi, gallyutsinatsiyalar, qo‘zg‘alish, talvasalar, koma.

Davolash: Bemorlar toksik ta’sir belgilarini aniqlash uchun sinchkovlik bilan tibbiy nazorat ostida bo‘lishlari kerak. Gemodializ sezilarli darajada atsiklovirning qondan chiqarilishiga yordam beradi va preparatning dozasi oshib ketgan bemorlarni davolashda tanlov usuli sifatida qaralishi mumkin.

Ehtiyot choralari va qo‘llash xususiyatlari

Degidratatsiya xavfi bo‘lgan bemorlarda, ayniqsa keksa yoshdagi bemorlarda, suyuqlikning yetarli darajada to‘ldirilishini ta’minlash zarur.

Atsiklovir buyraklar orqali chiqarilishi sababli, preparat dozasi buyrak faoliyatining buzilish darajasiga qarab o‘zgartirilishi kerak. Buyrak yetishmovchiligi bo‘lgan bemorlarda nevrologik asoratlarning rivojlanish xavfi yuqori bo‘ladi, bunday bemorlarni sinchkovlik bilan kuzatib borish zarur. Odatda, bu reaksiyalar preparat to‘xtatilgandan keyin asosan qaytar xarakterga ega bo‘ladi.

Jigar kasalligi bo‘lgan bemorlarda preparatni yuqori dozalarda (4 g/sut va undan yuqori) qo‘llash haqida ma’lumotlar yo‘q, shuning uchun preparatning yuqori dozalari ehtiyotkorlik bilan tayinlanishi kerak.

Jigar ko‘chirib o‘tkazishda preparatning ta’sirini o‘rganish bo‘yicha maxsus tadqiqotlar o‘tkazilmagan. Biroq, yuqori dozalarda atsiklovirni profilaktik v/i tayinlash SMV-infeksiyasining namoyon bo‘lishini kamaytirishi ko‘rsatilgan.

Preparat bilan supressiv davolash genital gerpesning yuqish xavfini kamaytiradi, ammo infeksiya xavfini butunlay istisno qilmaydi va to‘liq davolanishga olib kelmaydi. Preparat bilan davolash xavfsiz jinsiy aloqa bilan birgalikda tavsiya etiladi.

Homiladorlik va laktatsiya davri

Homiladorlik va laktatsiyada qo‘llash, agar ona uchun terapiyaning kutilayotgan ta’siri homila uchun potensial xavfdan yuqori bo‘lsa, mumkin (homiladorlikda qo‘llash haqida ma’lumotlar yetarli emas).

Atsiklovir Valasiklovirning asosiy metaboliti bo‘lib, ko‘krak suti bilan chiqariladi.

Bolalar

Bolalarda valatsiklovirni qo‘llash to‘g‘risida ma’lumotlar yo‘q, 12 yoshdan boshlab bolalarda SMV infeksiyasining oldini olish uchun qo‘llash bundan mustasno.

Transport vositalari yoki mexanizmlarni boshqarish qobiliyatiga ta’sir

Bemorning avtomobil yoki harakatlanuvchi mexanizmlarni boshqarish qobiliyatini baholashda bemorning klinik holati va valatsiklovirning nojo‘ya ta’sirlari profilini hisobga olish zarur.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

Klinik ahamiyatga ega o‘zaro ta’sirlar aniqlanmagan.

Simetidin va probenetsid 1 g valasiklovir qabul qilgandan so‘ng atsiklovirning AUC ko‘rsatkichini oshirib, uning buyrak klirensini pasaytiradi (biroq atsiklovirning keng terapevtik indeksi tufayli uning dozasini tuzatish talab etilmaydi).

Valasiklovirni yuqori dozalarda (4 g/sutka) va atsiklovir bilan eliminatsiya yo‘li uchun raqobatlashadigan dori vositalarini bir vaqtning o‘zida qo‘llashda ehtiyot bo‘lish kerak (ikkinchisi faol kanalchalar sekretsiyasi natijasida siydik bilan o‘zgarmagan holda chiqariladi), chunki plazmada bir yoki ikkala preparat yoki ularning metabolitlari darajasining oshishi xavfi mavjud.

Atsiklovir va nofaol metabolit mikofenolat mofetil, transplantatsiyada qo‘llaniladigan immunosupressiv preparatning AUC ko‘rsatkichi ushbu preparatlarni bir vaqtda qo‘llashda oshganligi qayd etildi.

Valatsiklovirni yuqori dozalarda (4 g/sutka va undan yuqori) buyrak faoliyatiga ta’sir etuvchi preparatlar (masalan, siklosporin, takrolimus) bilan birga qo‘llashda ham ehtiyot bo‘lish kerak.

Chiqarish shakli

Blisterda 10 tadan tabletka. Karton qutida tibbiy qo‘llash bo‘yicha yo‘riqnoma bilan birga 1 tadan blister.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati tugagandan keyin ishlatilmasin.

Ta’til shartlari

Retsept bo‘yicha.

Ishlab chiqaruvchi

"BRITANNIA BIOLOGICAL LLP"

816, Rakanpur, Gandhinagar, 382721, Gujarat, Hindiston.