Cinka

Tarkib

Bitta tabletkada quyidagilar mavjud:

faol modda: rux sulfat monogidrat ekvivalenti 20 mg elementar rux - 55,031 mg;

yordamchi moddalar: mikrokristall sellyuloza - 95,56 mg; kraxmal glikolatining natriyli tuzi - 8,0 mg; natriy krosskarmelloza - 12,0 mg; aspartam - 2,0 mg; kolloid kremniy dioksidi - 3,218 mg; gul vanilini - 1,812 mg; tozalangan talk - 2,375 mg.

Dori shakli

Tabletka.

Farmakoterapevtik guruh

Ich ketishiga qarshi vosita. ATX kodi: A12CB01.

Farmakologik xususiyatlari

Rux hujayra membranalarining metabolizmida va barqarorlashuvida ishtirok etadigan mikroelementdir. Regeneratsiya jarayonlariga, nerv impulslarining uzatilishiga ta’sir qiladi. Rux sulfat - rux tuzi bo‘lib, bolalarda o‘tkir va surunkali ich ketishini davolash uchun ishlatiladi. To‘qimaning normal o‘sishi va tiklanishi ruxning tegishli darajalariga bog‘liq. Rux uglevodlar va oqsillar metabolizmida ishtirok etuvchi fermentlar tarkibida ajralmas qism sifatida ta’sir ko‘rsatadi. Organizmda rux tanqisligining yuqori darajasi o‘sishning sekinlashishi, asosiy gipogonadizm, teri kasalliklari, ta’m va hidning buzilishi va immunitetning zaiflashishi, yuqumli kasalliklarga yuqori sezuvchanlik kabi klinik ko‘rinishlar bilan bog‘liq. Rux preparati qo‘llanilganda rux tanqisligi yuqori bo‘lgan bolalarda diareya davomiyligi kamaydi, shuningdek, keyingi 2-3 oy ichida qaytalanish chastotasi kamaydi. Rux preparatining ijobiy ta’siri, ehtimol, organizmda immun reaksiyaning yaxshilanishi va ruxning ichak patogen mikroorganizmlariga to‘g‘ridan-to‘g‘ri ingibirlovchi ta’siri bilan bog‘liq.

Farmakokinetika

Rux ingichka ichakdan to‘liq so‘rilmaydi, so‘rilish dozasi 10 dan 40% gacha bo‘ladi. Ko‘plab parhez komponentlari ruxning so‘rilishini kechiktirishi mumkin, ayniqsa fitatlar va rux bilan bog‘langan to‘qimalar, natijada rux komplekslarining yomon so‘rilishi sodir bo‘ladi.

Aylanib yuruvchi ruxning taxminan 60% i albumin bilan va taxminan 30% i makroglobulin bilan bog‘langan. Ruxning katta miqdori jigar va buyraklarda, asosan, hujayra ichida mavjud bo‘lib, metalloproteidlar bilan bog‘langan.

Kattalarda taxminan 0,5 dan 10 mg/sutkagacha o‘t yo‘llariga ajralib, ichak orqali, 0,5 dan 0,8 mg/sutkagacha esa buyraklar orqali organizmdan chiqarilishi aniqlangan.

Qo‘llanilishi

SINKA tabletkasi yangi tug‘ilgan chaqaloqlar va 5 yoshgacha bo‘lgan bolalarda o‘tkir va surunkali ich ketishini davolashda oral regidratatsiya uchun eritmalarga qo‘shimcha sifatida ishlatiladi. SINKA preparati organizmda turli etiologiyali rux tanqisligining oldini olish va davolash uchun ham ishlatiladi.

Qo‘llash usuli va dozalari

2 oydan 6 oygacha bo‘lgan chaqaloqlar uchun - 10-14 kun davomida kuniga bir marta 10 mg (1⁄2 tabletka) dozada og‘iz orqali qo‘llaniladi.

6 oylikdan 5 yoshgacha bo‘lgan bolalar uchun - 10-14 kun davomida kuniga bir marta 20 mg (1 tabletka) dozada og‘iz orqali qo‘llaniladi.

Tabletkani (yoki tabletkaning yarmini) 1 choy qoshiq (5 ml) qaynatilgan suvda yoki ko‘krak sutida eritib, keyin og‘iz orqali qabul qilinadi.

Kattalar uchun kuniga 20 mg dan (1 tabletkadan 1-2 marta) yoki shifokor ko‘rsatmasiga binoan qo‘llaniladi.

Preparatni ovqatlanish oralig‘ida qabul qilish tavsiya etiladi, agar preparatni qabul qilgandan keyin 30 daqiqa ichida qusish kuzatilsa, takroriy qabul qilish zarur.

Preparatni qabul qilish o‘tkazib yuborilganda, yetishmayotgan dozani iloji boricha tezroq, lekin keyingi qo‘llashga 6 soat qolganda qabul qilish mumkin.

Nojo‘ya ta’sirlari

Klinik sinovlarda bolalarda SINKA preparatini qo‘llash qusish yoki qayt qilish bilan kechdi. Ko‘p hollarda qusish yoki qayt qilish birinchi dozani qabul qilgandan keyin (10 daqiqa ichida) sodir bo‘lgan va keyinchalik kuzatilmagan. Rux tuzlari qorin og‘rig‘i va oshqozon buzilishini ham keltirib chiqarishi mumkin.

Qarshi ko‘rsatmalar

Preparatni dori tarkibiga kiruvchi faol yoki yordamchi komponentlarni individual ko‘tara olmaslikda qo‘llash mumkin emas. Rux quyidagi hollarda ehtiyotkorlik bilan buyuriladi: immun ensefalitda; o‘tkir buyrak yetishmovchiligida; buyraklarning parenximatoz zararlanishida; homiladorlik va laktatsiya davrida.

Dorilarning o‘zaro ta’siri

Rux so‘rilishini ingibirlashi mumkin bo‘lgan penitsilamin, natriy valproat va etambutol kabi dori vositalari, agar preparatni qabul qilishni to‘xtatish xavfi bolaning ich ketishini davolashda ruxning foydasidan ustun bo‘lsa, Rux preparati bilan birga qo‘llanilmasligi kerak.

Birgalikda qo‘llanilganda rux tetratsiklinlar (lekin doksitsiklin emas) va xinolon antibiotiklarining yutilishini kamaytirishi mumkin. Bundan tashqari, rux sefaleksin yoki seftibutenning yutilishiga ham ta’sir qilishi mumkin. Hech bo‘lmaganda, rux va bu dorilarning har qaysisini qabul qilish o‘rtasida uch soatlik interval bo‘lishi kerak.

Maxsus ko‘rsatmalar

Homiladorlik va emizish

Homiladorlik

Rux preparatini homiladorlikda qo‘llashning xavfsizligi aniqlanmagan. Rux homiladorlikda juda zarur bo‘lganda ehtiyotkorlik bilan buyuriladi.

Emizish

Rux yo‘ldoshga o‘tadi va ko‘krak sutida bo‘ladi. Ko‘krak suti bilan oziqlantirishda SINKA preparatini qo‘llashning xavfsizligi aniqlanmagan. Rux laktatsiya davrida juda zarur bo‘lganda ehtiyotkorlik bilan buyuriladi.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Dozani oshirib yuborish

Belgilari: ruxning katta dozalari qusishga sabab bo‘ladi. Bundan tashqari, rux sulfat katta dozalarda oshqozon-ichak traktining ta’sirlanishi va shikastlanishiga, shu jumladan oshqozon yarasi va ehtimoliy perforatsiyaga olib kelishi mumkin. Rux dozasini oshirib yuborish o‘tkir buyrak tubulyar nekrozi va interstitsial nefrit bilan ham bog‘liq bo‘lgan. Ruxning katta dozasini uzoq vaqt qo‘llash mis tanqisligiga olib kelishi mumkin.

Davolash: ruxning o‘tkir dozasini oshirib yuborish holatlarida birinchi navbatda simptomatik davolash, qusishni rag‘batlantirish, oshqozonni yuvish yoki faollashtirilgan ko‘mir qabul qilish rux tabletkalarini sezilarli darajada qabul qilish holatlarida foydali bo‘lishi mumkin.

Chiqarish shakli

Blister qadoqda 10 tadan tabletka.

1 ta blister karton qutida, qo‘llash bo‘yicha yo‘riqnoma bilan birga.

Saqlash shartlari

30 °C dan past haroratda, quruq va yorug‘likdan himoyalangan joyda saqlang.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

SR MEDICAREPVT. LTD.

N-109, Connaught Circus.

Nyu-Dehli, 110 001. India.