Viprosal

Tarkib

1 g surtma tarkibida:

faol moddalar: 0,05 MED oddiy qora ilonning quruq zahari, 30 mg ratsemik kamfora, 30 mg saqichli skipidar va 10 mg salitsil kislotasi;

yordamchi moddalar: vazelin, setostearil spirti, qattiq parafin, natriy setilstearilsulfat, glitserol, natriy xlorid va tozalangan suv.

Tavsif

Oq yoki biroz sarg‘ish tusli, kamfora va skipidar hidli oq surtma.

Farmakoterapevtik guruh

Mahalliy ta’sirlovchi vosita.ATX kodi: M02AX.

Dori shakli

Sirtga surtiladigan surtma.

Farmakologik xususiyatlari

Surtmaning asosiy faol moddasi oddiy qora ilon zahari (Vipera berus berus) bo‘lib, uning tarkibida fosfolipaza, fosfodiesteraza, gialuronidaza va boshqa faol moddalar mavjud. Qora ilon zahari tarkibida spetsifik ta’sirga ega bo‘lgan peptidlar ham mavjud bo‘lib, ular gemolizga sabab bo‘ladi, kapillyarlarning o‘tkazuvchanligini oshiradi, qonning ivishiga ta’sir qiladi. Mahalliy qo‘llanganda qora ilon zahari qitiqlovchi va og‘riq qoldiruvchi ta’sir ko‘rsatadi.

Surtmalarning sezgir nerv oxirlarini ta’sirlovchi boshqa faol moddalari mahalliy ta’sirlovchi va og‘riq qoldiruvchi ta’sir ko‘rsatadi. Kamforaning og‘riq qoldiruvchi ta’siridan tashqari, salitsil kislotasi va saqich skipidar antiseptik ta’sirga ham ega, salitsil kislotasi esa keratolitik ta’sirga ega.

Farmakokinetika

Surtma tez so‘riladi va bir necha daqiqadan so‘ng achishish, terining yengil giperemiyasi va issiqlik hissi paydo bo‘ladi. Og‘riq qoldiruvchi ta’sir 20-30 daqiqadan so‘ng boshlanadi va 1,5-2 soat davom etadi.

Qo‘llanilishi

Bo‘g‘im va mushaklardagi yengil va o‘rtacha og‘riqlar:

beldagi og‘riq;

nevralgiya;

osteoartroz;

biriktiruvchi va mushak to‘qimalarining yallig‘lanishi (tendinitlar, miozitlar va bursitlar).

Qo‘llash usuli va dozalari

Surtma sirtga ishlatiladi.

Og‘rigan joyga oz-ozdan 5-10 g (1-2 choy qoshiq) malham surtiladi va og‘riq kuchiga qarab, og‘riq yo‘qolguncha kuniga 1-2 marta teriga surtiladi. Davolash kursining davomiyligi kasallikning xususiyati va og‘irlik darajasiga bog‘liq.

Keksa yoshdagi bemorlar

Keksa odamlar boshqa dozaga muhtojligi haqida ma’lumotlar yo‘q.

Bolalar

Bolalarda qo‘llash tajribasi yo‘q, shuning uchun bu yosh guruhida qo‘llash tavsiya etilmaydi.

Nojo‘ya ta’sirlari

Terining surtma komponentlariga yuqori sezuvchanligida surtma qo‘llanganda qichishish, shish yoki eshakemi paydo bo‘lishi mumkin. Bu holda davolashni to‘xtatish va malhamni teridan yuvib tashlash tavsiya etiladi. Sanab o‘tilgan alomatlar davolash to‘xtatilgandan keyin o‘tib ketadi.

Qarshi ko‘rsatmalar

Surtma komponentlariga yuqori sezuvchanlik.

Yaralar va boshqa teri kasalliklari.

O‘tkir o‘pka sili.

Miya va koronar qon aylanishining buzilishi.

Angiospazmlar paydo bo‘lishiga moyillik.

Buyrak va jigar faoliyatining og‘ir buzilishlari.

Isitma.

Umumiy charchash.

Homiladorlik va emizish.

Dorilarning o‘zaro ta’siri

O‘rganilmagan.

Maxsus ko‘rsatmalar

Nojo‘ya ta’sirlarning oldini olish maqsadida, preparatga bo‘lgan sezuvchanlikni aniqlash uchun oldindan teriga oz miqdorda malham surtish tavsiya etiladi.

Malhamni shikastlangan teriga surtish mumkin emas. Kuchli ta’sirlanishning oldini olish uchun surtma ko‘zga yoki shilliq qavatlarga tushmasligiga e’tibor berish kerak.

Surtma tarkibida mahalliy teri reaksiyalarini (shu jumladan kontakt dermatitni) keltirib chiqarishi mumkin bo‘lgan setostearil spirti mavjud.

Homiladorlik va laktatsiya

Homiladorlik yoki emizish davrida qo‘llash mumkin emas.

Transport vositalarini boshqarish va harakatlanuvchi mexanizmlarga xizmat ko‘rsatish qobiliyatiga ta’siri

Preparat transportni boshqarish va texnik qurilmalar bilan ishlash qobiliyatiga ta’sir ko‘rsatmaydi.

Preparatni bolalar qo‘li yetmaydigan joyda saqlash va yaroqlilik muddati tugagandan so‘ng qo‘llamaslik lozim.

Dozani oshirib yuborish

Surtma shilliq pardalarga tushganda va juda katta dozalarda qo‘llanganda kuchli ta’sirlanishni keltirib chiqaradi.

Noto‘g‘ri qo‘llash

Surtmani yutish qusish va ich ketishi kabi gastrointestinal belgilarni keltirib chiqarishi mumkin. Davolash simptomatik.

Tasodifan ko‘p miqdorda yutib yuborilganda, ko‘ngil aynishi, qusish, qorin og‘rig‘i va bosh og‘rig‘i, bosh aylanishi, issiqlik/qizarish hissi, talvasalar, nafas olish depressiyasi va koma kabi o‘tkir zaharlanish belgilari namoyon bo‘lishi mumkin.

Og‘ir gastrointestinal yoki nevrologik zaharlanish belgilari bo‘lgan bemorlarni kuzatish va davolash simptomatikdir. Qustirish mumkin emas.

Chiqarish shakli

Alyuminiy naychada 30 g yoki 50 g dan. 1 ta tuba qo‘llanilishi bo‘yicha yo‘riqnoma bilan birga quticha shaklidagi karton qutiga solinadi.

Saqlash shartlari

25 °C dan yuqori bo‘lmagan haroratda saqlanadi.

Sovutgich va muzlatgichda saqlamaslik kerak.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

Tallin farmatsevtika zavodi AJ.

Tondi 33, 11316 Tallin, Estoniya.

Ishlab chiqaruvchi (ariza beruvchi) to‘g‘risida ma’lumot

Arizachi

"Grindeks" AJ.

Krustpils ko‘chasi, 53, Riga, LV-1057, Latviya

Telefon: +371-67083205

Faks: +371-67083505

Elektron pochta: [email protected]