Brinzopt Plyus ko'z tomchilari 10 mg/ml + 5 mg/ml 5 ml (flakon)

Tarkib

1 ml preparat tarkibida quyidagilar mavjud:

ta’sir etuvchi moddalar: brinzolamid 10,00 mg; timolol maleat 6,80 mg, timolol 5,00 mg ga qayta hisoblanganda;

yordamchi moddalar: mannitol 33,00 mg, karbomer 4,00 mg, tiloksapol 0,25 mg, natriy xlorid 1,00 mg, dinatriy edetat digidrat 0,10 mg, benzalkoniy xlorid 0,10 mg, 0,5 M natriy gidroksid eritmasi yoki 0,5 M xlorid kislota eritmasi pH = 7,2 ± 0,1 gacha, 1,0 ml gacha tozalangan suv.

Tavsif

Oq yoki deyarli oq suspenziya.

Farmakoterapevtik guruh

Glaukomaga qarshi vosita kombinatsiyalangan (karboangidraza ingibitori + beta-adrenoblokator). ATX kodi: S01ED51.

Farmakologik xususiyatlari

Farmakodinamika

Ta’sir mexanizmi

BRINZOPT PLYUS preparati ikkita ta’sir etuvchi moddani o‘z ichiga oladi: brinzolamid va timolol maleat, ular ko‘z ichi bosimini (KIB) pasaytiradi, birinchi navbatda, ko‘z ichi suyuqligi sekretsiyasini kamaytirish hisobiga, ammo turli yo‘llar bilan. Brinzolamid va timololning kombinatsiyalangan ta’siri har bir komponentning alohida ta’siriga nisbatan KIBning qo‘shimcha pasayishiga olib keladi.

Brinzolamid karboangidraza II ingibitori hisoblanadi. Ko‘z soqqasining siliar tanasida karboangidrazaning ingibirlanishi ko‘z ichi suyuqligi ishlab chiqarilishini kamaytiradi, bu, ehtimol, bikarbonat ionlari hosil bo‘lishining sekinlashishi va keyinchalik natriy hamda suyuqlik transportining kamayishi bilan bog‘liq.

Timolol simpatomimetik faollikka ega bo‘lmagan beta-adrenoretseptorlarning noselektiv blokatoridir, miokardga to‘g‘ridan to‘g‘ri depressiv ta’sir ko‘rsatmaydi, membranani barqarorlashtiruvchi faollikka ega emas. Qator tadqiqotlar shuni ko‘rsatdiki, timolol mahalliy qo‘llanganda ko‘z ichi suyuqligi hosil bo‘lishini kamaytiradi va uning oqib chiqishini biroz kuchaytiradi.

Farmakokinetika

So‘rish

Brinzolamid va timolol mahalliy qo‘llanganda tizimli qon oqimiga o‘tadi. Brinzolamidning eritrotsitlardagi maksimal konsentratsiyasi (Smax) 18,4 mkM atrofida. Muvozanat holatida plazmadagi timololning o‘rtacha Smax va timololning AUC0-12s mos ravishda 0,824 ± 0,453 ng/ml va 4,71 ± 4,29 ng*s/ml ni tashkil etdi. Timololning o‘rtacha Smax ko‘rsatkichiga 0,79 ±0,45 soatdan so‘ng erishildi.

Taqsimlash

Brinzolamid plazma oqsillari bilan o‘rtacha darajada (60% ga yaqin) bog‘lanadi va karboangidraza II va kamroq darajada karboangidraza I bilan tanlab bog‘lanishi natijasida eritrotsitlarda to‘planadi. Uning faol metaboliti N-dezetilbrinzolamid ham eritrotsitlarda to‘planadi, u yerda asosan karboangidraza I bilan bog‘lanadi. Brinzolamid va uning metaboliti eritrotsitlar hamda to‘qima karboangidrazasiga yaqin bo‘lganligi sababli, ularning plazmadagi konsentratsiyasi past.

Metabolizm

Brinzolamidning metabolizmi N-dealkillash, O-dealkillash va N-propil yon zanjirining oksidlanishi orqali sodir bo‘ladi. Asosiy metabolit - N-dezetilbrinzolamid brinzolamid ishtirokida karboangidraza I bilan bog‘lanadi va eritrotsitlarda ham to‘planadi. In vitro tadqiqotlari shuni ko‘rsatdiki, brinzalamid metabolizmi uchun asosan CYP3A4 izofermenti, shuningdek CYP2A6, CYP2B6, CYP2C8 va CYP2C9 izofermentlari javobgardir.

Timololning metabolizmi ikki yo‘l bilan sodir bo‘ladi: tiadiazol halqasida etanolamin yon zanjirining hosil bo‘lishi va morfolin azotida etanol yon zanjirining hamda azot bilan bog‘langan karbonil guruhi bilan o‘xshash yon zanjirning hosil bo‘lishi. Timololning metabolizmi asosan CYP2D6 tomonidan amalga oshiriladi.

Chiqarish

Brinzolamid asosan buyraklar orqali va ichak orqali nisbiy miqdorda, mos ravishda 32% va 29% chiqariladi. 20% ga yaqini metabolitlar holida buyraklar orqali chiqariladi. Siydikda asosan brinzolamid va N-dezetilbrinzolamid, shuningdek, boshqa metabolitlarning (N-dezmetoksipropil va O-dezmetil) qoldiq miqdorlari (< 1%) aniqlanadi. Timolol va uning metabolitlari asosan buyraklar orqali chiqariladi. Timololning 20% ga yaqini buyraklar orqali o‘zgarmagan holda, qolgan qismi metabolitlar ko‘rinishida chiqariladi. Timololning T1/2 miqdori preparatni mahalliy qo‘llagandan so‘ng 4,8 soatni tashkil etadi.

Ko‘rsatmalar

Ochiq burchakli glaukoma va ko‘z ichi gipertenziyasi bo‘lgan katta yoshli bemorlarda monoterapiya KIBning yetarli darajada pasayishini ta’minlamaydigan yuqori KIBni kamaytirish.

Qo‘llash usuli va dozalari

Mahalliy, konyunktiva bo‘shlig‘iga instillyatsiyalar ko‘rinishida.

Qo‘llashdan oldin flakonni silkitish kerak.

Kuniga 2 mahal ko‘zning konyunktiva xaltasiga 1 tomchidan.

Burun-ko‘z yoshi okklyuziyasi o‘tkazilganda yoki qovoq 1-2 daqiqa yopilganda tizimli absorbsiya pasayadi. Shunday qilib, tizimli nojo‘ya ta’sirlar ehtimoli kamayadi va preparatning mahalliy faolligi ortadi.

Agar doza o‘tkazib yuborilgan bo‘lsa, u holda davolashni jadval bo‘yicha keyingi dozadan davom ettirish kerak. Doza sutkada 2 marta ko‘zning konyunktiva xaltasiga 1 tomchidan oshmasligi kerak. Glaukomaga qarshi biror preparat BRINZOPT PLYUS preparatiga almashtirilgan taqdirda, BRINZOPT PLYUS preparatini oldingi preparat bekor qilingan kunning ertasiga qo‘llash kerak.

Tomizgich-probka va flakon ichidagi moddalarning ifloslanishiga yo‘l qo‘ymaslik uchun tomizgich-probkaning uchini biror yuzaga tekkizmaslik kerak. Flakonni har safar ishlatgandan so‘ng yopish kerak.

Oftalmologiyada mahalliy qo‘llash uchun bir nechta dori vositalari qo‘llanilganda, instillyatsiyalar orasidagi vaqt 5 daqiqadan kam bo‘lmasligi kerak. Ko‘z malhamlarini oxirgi navbatda qo‘llash kerak.

Jigar va buyrak faoliyati buzilgan bemorlar

Jigar yoki buyrak faoliyati buzilgan bemorlarda brinzolamid + timolol bo‘yicha tadqiqotlar o‘tkazilmagan.

Keksa yoshdagi bemorlar

Umuman olganda, keksa yoshdagi bemorlar va boshqa katta yoshli populyatsiyalarda brinzolamid + timololning samaradorligi va xavfsizligida farqlar kuzatilmadi.

Nojo‘ya ta’sirlari

Xavfsizlik profili xulosasi:

Klinik tadqiqotlarda ko‘pincha quyidagi nojo‘ya ta’sirlar (NR) haqida xabar berilgan: ko‘rishning xiralashishi, ko‘zning ta’sirlanishi, ko‘z og‘rig‘i, ular taxminan 2-7% bemorlarda uchragan.

Quyida brinzolamid + timolol kombinatsiyalangan preparati va uning ta’sir etuvchi komponentlari - brinzolamid va timololning klinik tadqiqotlari davomida qayd etilgan NRlar keltirilgan. NR quyidagi chastota belgilaridan foydalangan holda sanab o‘tilgan: juda tez-tez (>1/10), tez-tez (>1/100 dan <1/10 gacha), tez-tez emas (>1/1000 dan <1/100 gacha), kamdan-kam (>1/10000 dan <1/1000 gacha), juda kamdan-kam (<1/10000) va chastotasi noma’lum (mavjud ma’lumotlar asosida baholash imkonsiz). Har bir toifa doirasida NR chastotalari og‘irlik darajasining pasayishi tartibida keltirilgan.

Yuqumli va parazitar kasalliklar: chastotasi noma’lum: nazofaringit3, faringit3, sinusit3, rinit3.

Qon va limfa tizimi tomonidan buzilishlar: kamdan kam: leykotsitlar sonining kamayishi1; chastotasi noma’lum: eritrotsitlar sonining kamayishi3, qon plazmasida xloridlar miqdorining ko‘payishi3.

Immun tizimi tomonidan buzilishlar: chastotasi noma’lum: anafilaktik shok1, anafilaksiya2, tizimli qizil yuguruk2; tizimli allergik reaksiyalar, shu jumladan angionevrotik shish2, mahalliy va tarqalgan toshma2, yuqori sezuvchanlik1, eshakemi2, qichishish2.

Moddalar almashinuvi va ovqatlanishdagi buzilishlar: chastotasi noma’lum: gipoglikemiya2, ishtahaning pasayishi3.

Ruhiy buzilishlar: kamdan-kam: uyqusizlik1; chastotasi noma’lum: depressiya1, xotira yo‘qolishi2, apatiya3, depressiv kayfiyat3, libidoning pasayishi3, tungi qo‘rqinchli tushlar2,3, asabiylik3.

Asab tizimi tomonidan buzilishlar: tez-tez: disgevziya1; chastotasi noma’lum: bosh miya ishemiyasi2, serebrovaskulyar buzilish2, hushdan ketish2, miasteniya gravis belgi va simptomlarining kuchayishi2, uyquchanlik3, motor disfunksiyalar3, amneziya3, xotiraning pasayishi3, paresteziya2,3, tremor3, gipesteziya3, agevziya3, bosh aylanishi1,2, bosh og‘rig‘i1.

Ko‘ruv a’zosi tomonidan buzilishlar: tez-tez: nuqtali keratit, ko‘rishning xiralashishi1, ko‘zda og‘riq1, ko‘zning ta’sirlanishi1; kamdan-kam: keratit1, "quruq ko‘z" sindromi1, shox parda epiteliysi butunligining buzilishini tasdiqlash uchun diagnostik sinamalar o‘tkazilganda shox pardada pigment to‘planishi, ko‘zdan ajralmalar1, ko‘zda qichishish1, ko‘zda yot jism sezgisi1, ko‘z giperemiyasi1, konyunktiva giperemiyasi1; kamdan-kam: shox parda eroziyasi1, oldingi kamera namligida yallig‘lanish reaksiyasi1, fotofobiya1, ko‘z yoshlanishi1, sklera giperemiyasi1, ko‘z qovoqlari eritemasi1, ko‘z qovoqlari chetlarida qatqaloqlar hosil bo‘lishi1; chastotasi noma’lum: ko‘ruv nervi diski ekskavatsiyasining kattalashishi3, ko‘z ichi suyuqligi oqimini tiklash operatsiyasidan keyin qon tomir pardasining ko‘chishi2, keratitA3, keratopatiya3, shox parda epiteliysi nuqsoni3, shox parda epiteliysi buzilishi3, GKB oshishi3, ksantelazma3, shox pardaning bo‘yal

Eshitish a’zosi tomonidan buzilishlar va labirint buzilishlar: chastotasi noma’lum: vertigo3, quloqdagi shovqin3.

Yurak tomonidan buzilishlar: tez-tez: yurak qisqarishlari chastotasining pasayishi1, chastotasi noma’lum: yurak to‘xtashi2, yurak yetishmovchiligi2, surunkali yurak yetishmovchiligi2, AV-blokada2, kardiorespirator distress-sindrom3, stenokardiya3, bradikardiyaA3, yurak qisqarishlari chastotasining nomuntazamligi3, aritmiya2,3, yurak urishini his qilish2,3, taxikardiya3, yurak qisqarishlari chastotasining oshishi3, ko‘krak qafasidagi og‘riq3, shish2.

Tomirlar tomonidan buzilishlar: kamdan-kam: arterial bosimning pasayishi1; chastotasi noma’lum: arterial gipotenziya2, arterial gipertenziya3, arterial bosimning ko‘tarilishi1, Reyno fenomeni2, qo‘l va oyoq panjalarining sovuqligi2.

Nafas olish tizimi, ko‘krak qafasi a’zolari va ko‘ks oralig‘idagi buzilishlar: kamdan-kam hollarda: yo‘tal1; kamdan-kam hollarda: orofaringeal og‘riq1, rinoreya1; chastotasi noma’lum: bronxospazm2 (asosan anamnezida bronxospastik kasalligi bo‘lgan bemorlarda), hansirash1, astma3, burundan qon ketishi1, bronxlarning giperreaktivligi3, hiqildoqning ta’sirlanishi3, burun bitishi3, yuqori nafas yo‘llarining bitishi3, postnazal qon quyilish sindromi3, aksirish3, burundagi quruqlik3, faringolaringitli og‘riq3.

Oshqozon-ichak trakti tomonidan buzilishlar: chastotasi noma’lum: qusish2,3, qorinda og‘riq2, ich ketishi1,3, og‘iz qurishi1, ko‘ngil aynishi1,3, ezofagit3, dispepsiya2,3, qorinda noqulaylik hissi3, oshqozonda noqulaylik hissi3, peristaltika kuchayishi3, oshqozon-ichak buzilishi3, og‘iz bo‘shlig‘ida gipesteziya va paresteziya3, meteorizm3.

Jigar va o‘t yo‘llari tomonidan buzilishlar: chastotasi noma’lum: jigar funksiyasi ko‘rsatkichlarining buzilishi3.

Teri va teri osti to‘qimalaridagi buzilishlar: chastotasi noma’lum: eshakem3, makulopapulyoz toshma2,3, tarqoq qichishish3, terining zichlashishi3, dermatit3, alopetsiya1, psoriaz toshmasi yoki psoriazning kuchayishi2, toshma1, eritema1,3.

Skelet-mushak va biriktiruvchi to‘qima tomonidan buzilishlar: chastotasi noma’lum: mialgiya1, mushak spazmlari3, artralgiya3, beldagi og‘riq3, qo‘l-oyoqlardagi og‘riq3.

Buyrak va siydik yo‘llari tomonidan buzilishlar: kamdan-kam: siydikda qon mavjudligi1; chastotasi noma’lum: buyrak sohasidagi og‘riq3, pollakiuriya3.

Jinsiy a’zolar va ko‘krak bezlari tomonidan buzilishlar: chastotasi noma’lum: erektil disfunksiya3, jinsiy disfunksiya2, libidoning pasayishi2.

Yuborish joyidagi umumiy buzilishlar va buzilishlar: kamdan kam: holsizlik1; chastotasi noma’lum: ko‘krakdagi og‘riq1, og‘riq3, charchash1,2, asteniya2,3, holsizlik3, ko‘krakdagi noqulaylik hissi3, anomal sezgilar3, xavotir hissi3, ta’sirchanlik3, periferik shish3, dori qoldig‘i3.

Laborator va instrumental ma’lumotlar: chastotasi noma’lum: qonda kaliy miqdorining oshishi1, qonda laktatdegidrogenaza faolligining oshishi1.

1. Brinzolamid + timolol bilan davolashda kuzatiladigan NR (belgilangan kombinatsiya ko‘rinishida).

2. Timolol bilan monoterapiyada kuzatiladigan qo‘shimcha NR.

3. Brinzolamid bilan monoterapiyada kuzatiladigan qo‘shimcha NR.

Alohida NRlarning tavsifi

Disgevziya (instillyatsiyadan keyin og‘izda achchiq yoki noodatiy ta’m) - klinik sinovlar paytida brinzolamid + timololni qo‘llash bilan bog‘liq bo‘lgan tez-tez uchraydigan tizimli NR. Ehtimol, u brinzolamid bilan bog‘liq bo‘lib, ko‘z tomchilarining ko‘z yoshi kanali orqali burun-halqumga kirishi natijasida yuzaga kelgan. Ko‘z yoshi kanallarining okklyuziyasi yoki instillyatsiyadan keyin qovoqlarni ehtiyotkorlik bilan yopish bu ta’sirni kamaytirishga yordam berishi mumkin ("Qo‘llash usuli va dozalari" bo‘limiga qarang).

BRINZOPT PLYUS preparati tarkibida karboangidraza ingibitori bo‘lgan va tizimli qon oqimiga adsorbsiyalanishi mumkin bo‘lgan brinzolamid mavjud. Oshqozon-ichak trakti, asab tizimi, qon va limfa tizimi, buyrak va siydik yo‘llari, moddalar almashinuvi va ovqatlanish tomonidan yuzaga keladigan NR asosan karboangidraza ingibitorlarining tizimli ta’siri bilan bog‘liq. Karboangidraza ingibitorlarining peroral shakllariga xos bo‘lgan NR ularni mahalliy qo‘llashda ham kuzatilishi mumkin.

Mahalliy qo‘llanganda timolol tizimli qon aylanishiga o‘tadi, bu esa beta-adrenoblokatorlarni tizimli qo‘llashda yuzaga keladiganidek, NRni keltirib chiqarishi mumkin. Sanab o‘tilgan NRlar boshqa beta-adrenoblokatorlarni ko‘z tomchilari shaklida qo‘llashda uchraydigan reaksiyalarni o‘z ichiga oladi. BRINZOPT PLYUS preparatini qo‘llashda yuzaga kelishi mumkin bo‘lgan preparatning alohida ta’sir etuvchi moddalarini qo‘llash bilan bog‘liq qo‘shimcha NRlar yuqorida tavsiflangan. Mahalliy qo‘llashda tizimli NR chastotasi tizimli kiritishga qaraganda pastroq. Tizimli so‘rilishning pasayishi haqidagi ma’lumotni "Qo‘llash usuli va dozalari" bo‘limidan ko‘ring.

Qarshi ko‘rsatmalar

Ta’sir etuvchi moddalarga yoki preparatning har qanday yordamchi moddalariga yuqori sezuvchanlik.

Boshqa beta-adrenoblokatorlarga yuqori sezuvchanlik.

Sulfonamidlarga yuqori sezuvchanlik.

Nafas yo‘llarining reaktiv kasalliklari, shu jumladan bronxial astma (BA), shu jumladan anamnezda; og‘ir surunkali obstruktiv o‘pka kasalligi (SOO‘K).

Sinusli bradikardiya, sinus tuguni kuchsizligi sindromi, sinoatrial blokada, II-III darajali atrioventrikulyar blokada.

Klinik jihatdan ifodalangan yurak yetishmovchiligi, kardiogen shok.

Og‘ir allergik rinit.

Giperxloremik atsidoz.

Og‘ir buyrak yetishmovchiligi.

Homiladorlik, emizish davri.

18 yoshgacha bo‘lgan bolalar yoshi.

Dozani oshirib yuborish

Belgilari

Beta-adrenoblokatorlar dozasini oshirib yuborish alomatlari preparat tasodifan ichilganda kuzatilishi mumkin: bradikardiya, arterial gipotenziya, yurak yetishmovchiligi va bronxospazm.

Brinzolamid ta’siri natijasida elektrolitlar muvozanati buzilishi, atsidoz rivojlanishi va markaziy asab tizimi tomonidan buzilishlar sodir bo‘lishi mumkin.

Davolash

Davolash simptomatik. Qon zardobidagi elektrolitlar konsentratsiyasini (xususan, kaliy miqdorini) va qonning pH ko‘rsatkichini kuzatib borish zarur. Gemodializ samara bermaydi.

Maxsus ko‘rsatmalar

Tizim effektlari

Brinzolamid va timolol tizimli absorbsiyaga uchrashi mumkin.

Timolol mahalliy qo‘llanganda yurak-qon tomir va nafas olish tizimlari tomonidan xuddi shunday NRlarni, shuningdek, tizimli beta-adrenoblokatorlar kabi boshqa NRlarni keltirib chiqarishi mumkin.

Sulfonamidlarning barcha hosilalariga xos bo‘lgan yuqori sezuvchanlik reaksiyalari BRINZOPT PLYUS preparati qo‘llanilganda tizimli absorbsiya tufayli rivojlanishi mumkin. Jiddiy NR yoki yuqori sezuvchanlik reaksiyalari paydo bo‘lganda preparatni qabul qilishni to‘xtatish kerak.

Yurakdagi buzilishlar

Yurak-qon tomir kasalliklari (masalan, yurak ishemik kasalligi, Prinsmetal stenokardiyasi, yurak yetishmovchiligi) va arterial gipotenziya bilan og‘rigan bemorlarda beta-adrenoblokatorlar bilan davolash jiddiy baholanishi va boshqa guruh preparatlari bilan davolash imkoniyati ko‘rib chiqilishi kerak. Yurak-qon tomir kasalliklari bilan og‘rigan bemorlarda kasallikning zo‘rayishi va NR belgilari paydo bo‘lishini diqqat bilan kuzatib borish lozim.

Tomirlar tomonidan buzilishlar

Periferik qon aylanishining yaqqol buzilishi/buzilishlari (Reyno kasalligi yoki og‘ir shakldagi Reyno sindromi) bo‘lgan bemorlarda ehtiyotkorlik bilan qo‘llash lozim.

Gipertireoz

Beta-adrenoblokatorlar gipertireoz belgilarini yashirishi mumkin.

Mushak kuchsizligi

Beta-adrenoblokatorlar miasteniyaning ba’zi belgilarida (masalan, diplopiya, ptoz va umumiy holsizlik) kuzatiladigan mushaklar zaifligini kuchaytirishi haqida xabar berilgan.

Nafas olish tizimidagi buzilishlar

Beta-adrenoblokatorlarni mahalliy qo‘llashdan so‘ng bronxial astma bilan og‘rigan bemorlarda nafas olish tizimi reaksiyalari, jumladan bronxospazmdan o‘lim holatlari qayd etilgan.

Gipoglikemiya, diabet

Beta-adrenoblokatorlarni spontan gipoglikemiyaga moyilligi bo‘lgan bemorlarda yoki qandli diabetning labil kechishi bilan og‘rigan bemorlarda ehtiyotkorlik bilan qo‘llash lozim, chunki bu preparatlar o‘tkir gipoglikemiya belgilarini yashirishi mumkin.

Kislota-ishqor muvozanatining buzilishi

Karboangidraza ingibitorlarining peroral shakllarini qo‘llashda kislota-ishqor muvozanatining buzilishi rivojlanishi tasvirlangan. Buyrak yetishmovchiligi rivojlanish xavfi bo‘lgan bemorlarda metabolik atsidoz yuzaga kelishi xavfi mavjudligi sababli preparatni ehtiyotkorlik bilan qo‘llash lozim.

Diqqatni jamlash Og‘iz orqali qo‘llaniladigan karboangidraza ingibitorlari yuqori diqqat va (yoki) jismoniy

keksa bemorlarda koordinatsiya. Ushbu hodisalar mahalliy qo‘llanganda brinzolamidning tizimli qon oqimiga o‘tishi tufayli kuzatilishi mumkin.

Anafilaktik reaksiyalar

Atopik yoki anamnezida turli allergenlarga nisbatan og‘ir anafilaktik reaksiyalari bo‘lgan, beta-adrenoblokatorlar qabul qilayotgan bemorlar ushbu allergenlarning ta’siriga kuchliroq javob berishi, shuningdek, anafilaktik reaksiyalarni davolashda odatdagi adrenalin dozalariga chidamli bo‘lishi mumkin.

Ko‘z tomirli pardasining ko‘chishi

Ko‘z ichi suyuqligi hosil bo‘lishiga to‘sqinlik qiluvchi dori vositalari (masalan, timolol, atsetasolamid) qo‘llanganda, ko‘z ichi suyuqligi oqimini tiklash operatsiyalaridan so‘ng ko‘zning qon tomir pardasi ko‘chishi holatlari tasvirlangan.

Jarrohlik anesteziyasi

Oftalmologik preparatlar tarkibidagi beta-adrenoblokatorlarning ta’siri beta-agonistlarning, masalan, adrenalinning tizimli ta’sirini bloklashi mumkin. Anesteziolog bemor tomonidan timolol qo‘llanilishi haqida xabardor qilinishi kerak.

Hamroh davolash

BRINZOPT PLYUS preparatini tizimli beta-adrenoblokatorlarni qabul qilayotgan bemorlarda qo‘llashda, beta-adrenoblokatorlarning ma’lum tizimli ta’sirlariga nisbatan ham, KIBni pasaytirishga nisbatan ham preparatlarning farmakologik ta’sirini o‘zaro kuchaytirish mumkinligini hisobga olish zarur. Bunday bemorlarni sinchiklab kuzatish zarur.

Mahalliy ta’sir etuvchi ikkita beta-adrenoblokatorni birgalikda qo‘llash tavsiya etilmaydi. Karboangidraza ingibitorlari va BRINZOPT PLYUS preparatini og‘iz orqali qabul qilayotgan bemorlarda karboangidraza ingibirlanishi natijasida yuzaga keladigan tizimli ta’sirlarning kuchayishi ehtimoli mavjud. BRINZOPT PLYUS preparati va peroral karboangidraza ingibitorlarini bir vaqtda qo‘llash tavsiya etilmaydi.

Ko‘ruv a’zosi tomonidan ta’sirlar

Shox parda buzilishlari bo‘lgan bemorlarda (ayniqsa, endotelial hujayralar soni kam bo‘lgan bemorlarda) brinzolamidning shox parda endoteliy funksiyasiga ta’siri o‘rganilmagan. Karboangidraza ingibitorlari shox pardaning gidratatsiyasiga ta’sir qilishi mumkin, bu esa shox pardaning dekompensatsiyasi va shishiga olib kelishi mumkin.

Kontakt linza taqadigan bemorlarda brinzolamid qo‘llanilganda shox pardaning holatini diqqat bilan kuzatish zarur, chunki karboangidraza ingibitorlari shox pardaning gidratatsiyasiga ta’sir ko‘rsatishi mumkin.

Shox parda buzilishlari bo‘lgan bemorlarni, masalan, qandli diabet yoki shox parda distrofiyasi bo‘lgan bemorlarni sinchiklab kuzatish tavsiya etiladi.

Benzalkoniy xlorid

BRINZOPT PLYUS preparati tarkibidagi benzalkoniy xlorid ko‘zni ta’sirlantirishi, shuningdek, yumshoq kontakt linzalar rangini o‘zgartirishi mumkin. Preparatning yumshoq kontakt linzalari bilan aloqasidan saqlanish kerak.

Preparatni qo‘llashdan oldin kontakt linzalarni olib tashlash va preparatni ishlatgandan keyin kamida 15 daqiqa o‘tgach qayta o‘rnatish lozim.

Benzalkoniy xlorid nuqtali keratopatiya va/yoki toksik yarali keratopatiyani keltirib chiqarishi mumkin. Preparat uzoq muddat qo‘llanganda bemorlar holatini diqqat bilan kuzatib borish lozim.

Jigar faoliyatining buzilishi

BRINZOPT PLYUS preparatini og‘ir jigar yetishmovchiligi bo‘lgan bemorlarda ehtiyotkorlik bilan qo‘llash lozim.

Homiladorlik va emizish davrida qo‘llash

Homiladorlik

Brinzolamid va timololning homilador ayollarda oftalmologik qo‘llanilishi haqida ma’lumotlar yo‘q yoki cheklangan. Hayvonlarda o‘tkazilgan tadqiqotlar natijalariga ko‘ra, tizimli qo‘llashda reproduktiv toksiklik to‘g‘risida ma’lumotlar olingan. Epidemiologik tadqiqotlar natijalariga ko‘ra, malformativ ta’sirlar aniqlanmagan, ammo beta-blokatorlarni og‘iz orqali qo‘llashda homila ichi rivojlanishining kechikish xavfi haqida ma’lumotlar olingan.

Bundan tashqari, yangi tug‘ilgan chaqaloqlarda tug‘ruqdan oldin beta-adrenoblokatorlar qo‘llanilgan hollarda beta-adrenoblokator belgilari va simptomlari (masalan, bradikardiya, gipotoniya, respirator distress va gipoglikemiya) kuzatilgan.

BRINZOPT PLYUS preparatini homiladorlikda qo‘llash mumkin emas.

Emizish davri

Brinzolamid mahalliy qo‘llanganda instillyatsiya ko‘rinishida ona sutiga ajralib chiqishi noma’lum. Hayvonlarda o‘tkazilgan tadqiqot natijalariga ko‘ra, brinzolamidning ona sutiga ekskretsiyasi qayd etildi.

Beta-adrenoblokatorlar ona sutiga o‘tadi. Timololni terapevtik dozalarda mahalliy oftalmologik qo‘llashda ko‘krak sutida uning chaqaloqda beta-adrenoblokada klinik belgilarini keltirib chiqarish uchun yetarli miqdorda paydo bo‘lishi ehtimoli kam. Biroq, emizikli bola uchun xavfni istisno qilib bo‘lmaydi. Ko‘krak suti bilan emizishning bola uchun afzalligini yoki ayol uchun terapiyaning foydasini hisobga olgan holda, ko‘krak suti bilan emizishni to‘xtatish yoki BRINZOPT PLYUS preparatini qo‘llashni to‘xtatish to‘g‘risida qaror qabul qilish zarur.

Dorilarning o‘zaro ta’siri

BRINZOPT PLYUS preparati mahalliy qo‘llanganda tizimli ravishda so‘rilishi mumkin bo‘lgan karboangidraza ingibitori - brinzolamidni o‘z ichiga oladi. Peroral karboangidraza ingibitorlarini qo‘llash natijasida kislota-ishqor muvozanatining buzilishi holatlari tasvirlangan. BRINZOPT PLYUS preparatini qo‘llovchi bemorlarda ham bunday buzilishlar bo‘lishi mumkinligini hisobga olish lozim.

Karboangidrazaning peroral ingibitorlari bilan bir vaqtda qo‘llash tavsiya etilmaydi, chunki tizimli NRning kuchayishi ehtimoli mavjud.

Brinzolamid metabolizmi uchun sitoxrom P-450 izofermentlari javobgardir: CYP3A4 (asosan), CYP2A6, CYP2B6, CYP2C8 va CYP2C9. Ketokonazol, itrakonazol, klotrimazol, ritonavir va troleandomitsin kabi CYP3A4 izofermentini ingibirlovchi preparatlarni bir vaqtning o‘zida ehtiyotkorlik bilan qo‘llash lozim, chunki CYP3A4 izofermenti brinzalamid metabolizmini ingibirlashi mumkin.

CYP3A4 izofermenti ingibitorlarini birgalikda qo‘llashda ehtiyot bo‘lish kerak. Biroq, brinzolamidning to‘planishi ehtimoldan yiroq, chunki u buyraklar orqali chiqariladi.

Brinzolamid sitoxrom R-450 izofermentlarining ingibitori emas.

Beta-adrenoblokatorlarning tizimli ta’sirining kuchayishi (yurak urish tezligining pasayishi, depressiya) CYP2D6 ingibitorlari (xinidin, fluoksetin, paroksetin) va timolol bir vaqtda qo‘llanganda rivojlanishi mumkin.

Beta-adrenoblokatorlar anafilaktik reaksiyalarni davolash uchun qo‘llaniladigan epinefrin (adrenalin) ta’sirini kamaytirishi mumkin. Anamnezida atopiya yoki anafilaksiya bo‘lgan bemorlarda ayniqsa ehtiyot bo‘lish kerak.

Ba’zi hollarda mahalliy qo‘llash uchun beta-adrenoblokatorlar va epinefrin bir vaqtda qo‘llanilganda midriaz rivojlanishi haqida xabar berilgan.

Mahalliy qo‘llash uchun beta-adrenoblokatorlarni ichish uchun kalsiy kanallari blokatorlari, guanetidin, beta-adrenoblokatorlar, antiaritmik preparatlar (shu jumladan amiodaron), yurak glikozidlari, parasimpatomimetiklar bilan bir vaqtda qo‘llashda antigipertenziv ta’sirning kuchayishi va/yoki kuchli bradikardiya rivojlanishi ehtimoli mavjud.

Mahalliy ta’sir etuvchi ikkita beta-adrenoblokatorni birgalikda qo‘llash tavsiya etilmaydi. Tizimli beta-blokatorlarni qabul qilayotgan bemorga timolol buyurilganda, tizimli beta-blokatorlarning KIBga ko‘rsatadigan ta’siri yoki ma’lum bo‘lgan ta’sirlari kuchayishi mumkin. Bunday bemorlar sinchkovlik bilan kuzatib borilishi kerak.

Chiqarish shakli

Ko‘z tomchilari 10 mg/ml + 5 mg/ml.

Preparat 5 ml dan past zichlikdagi polietilendan tayyorlangan, sig‘imi 5 ml bo‘lgan, past zichlikdagi polietilendan tayyorlangan tiqin-tomizgich bilan jihozlangan va yuqori zichlikdagi polietilendan tayyorlangan himoya halqali qopqoq bilan yopilgan flakonga joylashtiriladi. Flakon ustiga yorliq qo‘yiladi.

1 flakon qo‘llanilishi bo‘yicha yo‘riqnoma bilan birga karton qutiga solinadi.

Saqlash shartlari

25 °C dan yuqori bo‘lmagan haroratda, asl qadoqda (flakon qadoqda). Bolalar qo‘li yetmaydigan joyda saqlang.

Yaroqlilik muddati

2 yil. Yaroqlilik muddati o‘tgandan keyin qo‘llanilmaydi.

Flakon ochilgandan so‘ng 4 hafta davomida ishlatiladi.

Ishlab chiqaruvchi

K.O.Romfarm Kompani S.R.L., Ruminiya