Dekstanol (Dextanol) tashqi foydalanish uchun gel 12,5 mg / 1 g har biri 60 g (naycha)

Dori preparatining tarkibi

Preparatning bir grammi quyidagilarni o‘z ichiga oladi: faol modda - deksketoprofen 18,50 mg trometamol 12,5 mg deksketoprofenga ekvivalent;

yordamchi moddalar: Karbopol 974 R, dietilenglikol monoetil, polietilenglikol 8000 R, lavanda aromatizatori, 96% li etil spirti, tozalangan suv

Tashqi ko‘rinish, hid, ta’m tavsifi

Lavanda hidli shaffof gel

Dori shakli, dozasi

Gel, 12,5 mg / 1 g

Farmakoterapevtik guruh

Suyak-mushak tizimi. Bo‘g‘im va mushak og‘rig‘ida mahalliy qo‘llash uchun preparatlar. Yallig‘lanishga qarshi preparatlar, nosteroid, mahalliy qo‘llash uchun. Deksketoprofen. ATX kodi: M02AA27.

Qo‘llanilishi

Revmatik yoki travmatik kelib chiqishga ega mushaklar, suyaklar yoki bo‘g‘imlardagi og‘riqlarni mahalliy davolash: lat yeyish, boylamlarning cho‘zilishi, mushaklarning cho‘zilishi, mushaklar va bo‘yin rigidligi

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- preparatning tarkibiy qismlariga yuqori sezuvchanlik

- ketoprofen, fenofibrat, tiaprofen kislotasi, atsetilsalitsil kislotasi yoki boshqa nosteroid yallig‘lanishga qarshi vositalar (NYAQV), parfyumeriya mahsulotlarini qo‘llash natijasida yuzaga kelgan gipersezuvchanlik reaksiyalari, masalan, astma belgilari, allergik rinit, eshakemi yoki terida allergiya belgilari

- gel bilan davolash paytida va uni to‘xtatgandan keyin 2 hafta davomida quyosh nurlari (hatto tarqoq yorug‘lik) yoki solyariyda ultrabinafsha nurlanish ta’siri

- ho‘llanuvchi dermatozlar, ekzema

- infeksiyalangan shilinishlar

- ochiq jarohatlar, ko‘zlar, shilliq qavatlar (og‘iz, burun, jinsiy a’zolar)

- anamnezda har qanday fotosensibilizatsiya reaksiyalari

- homiladorlik va laktatsiya davri

Qo‘llashda zarur ehtiyot choralari

Ochiq yaralarga va yallig‘langan teriga surtmang!

Ko‘zlarga (konyunktiva ta’sirlanish xavfi) va shilliq qavatlarga tushishidan saqlanish.

Bundan tashqari, quyidagi ehtiyot choralarini ko‘rish lozim:

- preparatni har safar qo‘llagandan so‘ng qo‘llarni yaxshilab yuvish lozim

- har qanday teri reaksiyalari rivojlanganda, shu jumladan tarkibida oktokrilen bo‘lgan mahsulotlarni birga qo‘llash bilan bog‘liq bo‘lsa, gel bilan davolashni darhol to‘xtatish lozim.

- terining fotosensibilizatsiyasi rivojlanishining oldini olish uchun davolash paytida va uni to‘xtatgandan keyin ikki hafta davomida preparat surtiladigan sohalarni kiyim bilan himoya qilish tavsiya etiladi.

- geldan foydalanishni okklyuzion (havo o‘tkazmaydigan) bog‘lam kiyish bilan birga qo‘shib olib bormaslik kerak

- gelni terining ekzema, akne, yuqumli jarayon yoki ochiq yaralar kabi shikastlanish belgilari mavjud bo‘lgan joylariga qo‘llash tavsiya etilmaydi.

- ba’zi quyoshdan himoyalovchi vositalar, fenofibrat va kimyoviy tarkibiga benzofenon kiritilgan boshqa mahsulotlar bilan o‘zaro reaksiyalar yuzaga kelishi mumkin.

Boshqa dori vositalari bilan o‘zaro ta’siri

Boshqa dorilar bilan o‘zaro ta’siri ehtimoli kam, chunki mahalliy qo‘llanganda zardobdagi konsentratsiyalar juda past bo‘ladi.

Maxsus ogohlantirishlar

Pediatriyada qo‘llanishi

Bolalarda deksketoprofen gelini qo‘llashning xavfsizligi va samaradorligi aniqlanmagan.

Homiladorlik yoki emizish davrida

Homiladorlik

Homilador ayollarda DEKSTANOL gelining xavfsizligi aniqlanmagan, shuning uchun uni homiladorlik paytida qo‘llashdan saqlanish lozim.

Emizish

Deksketoprofenning ko‘krak suti bilan ajralishi noma’lum. Shu sababli, ko‘krak suti bilan emizish paytida DEKSTANOL gel preparatini buyurish mumkin emas.

Etanol miqdori:

DEKSTANOL geli tarkibida etanol mavjud bo‘lib, terining shikastlangan qismida achishish chaqirishi mumkin.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

DEKSTANOL geli transport vositalarini yoki potensial xavfli mexanizmlarni boshqarish qobiliyatiga ta’sir ko‘rsatmaydi.

Qo‘llash bo‘yicha tavsiyalar

Dozalash tartibi

Doimo dori vositasini shifokor tavsiya qilganidek qabul qiling. Agar sizda preparatni qabul qilish bo‘yicha shubhalar bo‘lsa, shifokor yoki farmatsevt bilan maslahatlashing.

Gel kuniga 2-3 mahal surtiladi.

Yuborish usuli va yo‘li

Qo‘llaniladigan gel miqdori ishlov berilayotgan sohaga bog‘liq bo‘lib, yaxshi so‘rilishi uchun yengil massaj harakatlari bilan surtilishi lozim.

Qabul qilish vaqti ko‘rsatilgan holda qo‘llash chastotasi

Umumiy sutkalik doza 7,5 g dan oshmasligi kerak, bu taxminan 14 sm gelga to‘g‘ri keladi.

Davolash davomiyligi

Qo‘llash muddati 7 kundan oshmasligi kerak

Doza oshirib yuborilganda ko‘riladigan choralar

Belgilari: Preparat tashqi qo‘llash uchun mo‘ljallanganligi sababli, dozani oshirib yuborish ehtimoli juda kam.

Davolash: Tasodifan yutib yuborilganda oshqozonni yuvish va simptomatik davo tayinlash lozim.

Deksketoprofen dializga moyil

Dori vositasini qo‘llash usulini tushuntirish uchun tibbiyot xodimiga maslahat so‘rab murojaat qilish bo‘yicha tavsiyalar

Agar sizda ushbu preparatni qo‘llash bo‘yicha qo‘shimcha savollar paydo bo‘lsa, shifokor bilan maslahatlashing.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Kamdan-kam

- dermatit (eritema, qichishish, yallig‘lanish, achishish)

Kamdan-kam

- bullyoz yoki fliktenulyar ekzema kabi jiddiy reaksiyalar, ular tarqalishi yoki umumiy tus olishi mumkin.

Juda kam

- tizimli yuqori sezuvchanlik reaksiyalari (eshakemi va bronxospazm)

Noma’lum

- fotosezuvchanlik reaksiyalari (eritema, yallig‘lanish, ba’zi hollarda yengil vezikulyatsiyalar)

Chiqarilish shakli va qadoqlash

Plastmassa qalpoqli alyuminiy tubalarga 60 g dan preparat solinadi.

Qozoq va rus tillaridagi tibbiy qo‘llash bo‘yicha yo‘riqnoma bilan birga 1 ta tuba karton qutiga solinadi.

Saqlash muddati

3 yil

Yaroqlilik muddati tugaganidan keyin qo‘llanilmasin!

Saqlash shartlari

25 oS dan yuqori bo‘lmagan haroratda, quruq va yorug‘likdan himoyalangan joyda saqlansin.

Muzlatmang!

Bolalar qo‘li yetmaydigan joyda saqlang!

Dorixonalardan berish shartlari

Retseptsiz.

Ishlab chiqaruvchi tafsilotlari

"Nobel Almati farmatsevtika fabrikasi" AJ

Qozog‘iston Respublikasi, Olmaota shahri, Shevchenko ko‘chasi, 162-uy.

Telefon raqami: (+7 727) 399-50-50

Faks raqami: (+7.727) 399-60-60

Elektron pochta manzili: [email protected]

Ro‘yxatdan o‘tkazish guvohnomasi egasi

"Nobel Almati farmatsevtika fabrikasi" AJ

Qozog‘iston Respublikasi, Olmaota shahri, Shevchenko ko‘chasi, 162-uy.

Telefon raqami: (+7 727) 399-50-50

Faks raqami: (+7.727) 399-60-60

Elektron pochta manzili: [email protected]