Diazolin Farmak tabletkalari 0,1 g №20 (2 blister х 10 tabletka)

Tarkib

1 drajedagi:

Faol moddasi: 100% quruq moddaga hisoblaganda 50 mg (0,05 g) yoki 100 mg (0,1 g) mebgidrolin.

Yordamchi moddalar: saxaroza, kraxmal patokasi, talk, sariq mum, kungaboqar moyi.

Tavsif

Draje oq rangda. Ko‘ndalang kesimda ikkita qatlam ko‘rinadi. Drajelar to‘g‘ri sharsimon shaklda bo‘lishi kerak. Draje yuzasi tekis, silliq va bir xil rangda bo‘lishi kerak.

Dori shakli

Draje.

Farmakoterapevtik guruh

Tizimli qo‘llash uchun antigistamin vositalar. ATX kodi: R06AX15.

Farmakologik xususiyatlari

Megidrolin antigistamin preparatlarga kiradi, gistamin hl-retseptorlarining blokatoridir. Mebgidrolin gistaminning bronx, ichak silliq mushaklariga nisbatan spazmogen ta’sirini hamda tomirlar o‘tkazuvchanligiga ta’sirini susaytiradi. Birinchi avlod antigistamin preparatlaridan (dimedrol, suprastin) farqli o‘laroq, u kamroq sedativ va uxlatuvchi ta’sirga ega. Kuchsiz ifodalangan m-xolinobloklovchi va anesteziyalovchi xususiyatlarga ega.

Ovqat hazm qilish yo‘llaridan tez so‘riladi. Biologik o‘zlashtirilishi 40-60% oralig‘ida o‘zgarib turadi. Davolash samarasi 15-30 daqiqadan so‘ng rivojlanadi, maksimal ta’siri 1-2 soatdan keyin kuzatiladi. Samaraning davomiyligi 2 sutkagacha yetishi mumkin. Preparat gematoensefalik to‘siqdan deyarli o‘tmaydi, jigarda metillanish yo‘li bilan metabolizmga uchraydi, jigar fermentlarini induksiyalaydi, organizmdan buyraklar orqali chiqariladi.

Qo‘llanilishi

Mavsumiy va allergik rinit, pollinoz, eshakemi, oziq-ovqat va dori allergiyasi, teri qichishishi (ekzema, neyrodermit) bilan kechadigan dermatozlarning oldini olish va davolash.

Qo‘llash usuli va dozalari

Diazolin® ichishga, ovqatdan keyin, kattalar va 12 yoshdan boshlab bolalarga kuniga 1-2 marta 100-200 mg dan buyuriladi. Kattalar uchun maksimal dozalar: bir martalik - 300 mg, kunlik - 600 mg.

5-12 yoshli bolalarga 50 mg dan kuniga 1-3 marta, 3-5 yoshli bolalarga 50 mg dan kuniga 1-2 marta buyuriladi. Davolash davomiyligini shifokor kasallikning xususiyatiga, klinik ta’siriga va preparatni ko‘tara olish darajasiga qarab belgilaydi.

Nojo‘ya ta’sirlari

Ovqat hazm qilish tizimi tomonidan: Diazolin® oshqozon-ichak trakti shilliq qavatlarini ta’sirlashi mumkin, bu ba’zan dispeptik holatlar (zarda qaynashi, ko‘ngil aynishi, epigastral sohada og‘riq) bilan namoyon bo‘ladi.

Markaziy asab tizimi tomonidan: bosh aylanishi, paresteziyalar, tez charchash, uyquchanlik, ko‘rish sezgisining noaniqligi, reaksiyalar tezligining sekinlashishi, tremor, bezovtalik (kechasi).

Boshqalar: og‘iz qurishi, siydik ajralishining buzilishi, allergik reaksiyalar. Juda kamdan-kam hollarda granulotsitopeniya va agranulotsitoz boshlanishi mumkin.

Bolalarda ba’zan paradoksal reaksiyalar kuzatiladi: yuqori qo‘zg‘aluvchanlik, tremor, uyqu buzilishi, asabiylashish.

Ro‘yxatdan o‘tgandan keyingi davrda ayrim hollarda quyidagi nojo‘ya ta’sirlar qayd etildi: bosh og‘rig‘i, qichishish, toshmalar, eshakemi, Kvinke shishi.

Qarshi ko‘rsatmalar

Preparat komponentlariga yuqori sezuvchanlik. Oshqozon va o‘n ikki barmoqli ichak yara kasalligi xuruj davrida, oshqozon-ichak yo‘llarining yallig‘lanish kasalliklari, pilorostenoz, prostata bezining giperplaziyasi, yopiq burchakli glaukoma, epilepsiya, yurak ritmining buzilishi.

Dorilarning o‘zaro ta’siri

Diazolin® markaziy asab tizimini susaytiruvchi uxlatuvchi, tinchlantiruvchi va boshqa dorilar, shuningdek, alkogol ta’sirini kuchaytiradi.

Maxsus ko‘rsatmalar

Diazolin® og‘ir jigar va/yoki buyrak yetishmovchiligida ehtiyotkorlik bilan buyuriladi (dozani tuzatish va qabul qilish oralig‘ini uzaytirish mumkin). Diazolin® bilan davolash vaqtida spirtli ichimliklar iste’mol qilish tavsiya etilmaydi.

Homiladorlik yoki emizish davrida qo‘llash

Homiladorlik yoki emizish davrida preparatni qo‘llash mumkin emas.

Avtotransportni boshqarish yoki boshqa mexanizmlar bilan ishlashda reaksiya tezligiga ta’sir qilish qobiliyati

Preparatni qo‘llashda avtotransportni boshqarish va diqqatni jamlashni talab qiladigan boshqa potensial xavfli faoliyat turlari bilan shug‘ullanish tavsiya etilmaydi.

Bolalar

Preparat 3 yoshdan katta bolalarga qo‘llaniladi.

Preparat yaroqlilik muddati tugagandan so‘ng qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Preparatning dozasi oshirib yuborilganda, tegishli bo‘limda tavsiflangan nojo‘ya ta’sirlarning yuzaga kelish xavfi ortadi. Bu holda preparat bekor qilinadi, zarur hollarda umumiy detoksikatsiya tadbirlari (oshqozonni yuvish, kuchaytirilgan diurez), simptomatik terapiya o‘tkaziladi.

Chiqarish shakli

Paketga solinmagan blisterda 10 tadan draje.

Blisterda 10 tadan draje. Qutida 2 tadan blister.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Yaroqlilik muddati

3 yil 6 oy.

Dorixonalardan berish shartlari

Retseptsiz.

Ishlab chiqaruvchi

"Farmak" OAJ.

Ukraina, 04080, Kiyev sh., Frunze ko‘chasi, 63.